Jeremiah 9:11 - Zanniat Bible

¹¹ Bawipa in, “Jerusalem khiah khuarop ah bawn tuh ing, mehleng umhnak hmunah; Judah khuate tu nelrawn ah cang tlang tuh i, Aisu khai um nuam lohnak hmunah,” ti i.

Khualsim Bible

¹¹ “Jerusalem cu khuarop hnawm peng ah, ram-uipawl omnak ah ka cansak thok; cun Judah khuapipawl cu hluumtu omlo ih ṭiotaakmi ah ka vua hngai thok.

Falam Common Language Bible

¹¹ Bawipa in, “Jerusalem cu khawrop ah ka tuah ding, cinghnia umnak hmunah; Judah khua pawl cu nelrawn ah an cang ding, Zohman um duh lonak hmunah,” a ti.

Jeremiah 9:11 ပူးပေါင်းရင်းမြစ်များ

Nehemiah 4:2

A rualpuite le Samaria ralkapte hmaiah zoh kin suam ai, “Hemi Judah mi ṭawnṭai pawl heh ziang bawn i ing tiin ruat dun ini? Khuapui tungding leh tum i sim? Hibawlhnak sel in ni khat songah per ben tuh i ing, tiin ruat tlang ini im? A minhnak le a kangciahnak hmang in innsahnak lungto bawn ben tuh i ing, tiin ti dun im?” ti dekdo i.

SAAM LABU 107:43

Mifimte in he thilte heh phatak niu in ruat tlang tuseh; A kho ngai Bawipa ai ithnak cenin felniu in ling tlang tuseh.

SAAM LABU 44:19

Ikhalselai aisu khai bawmtu nai loin ramsa lakah kin zam ai, Thihhnak khuathim songah kin lon isi.

SAAM LABU 79:1

Aw Pathian, nangmah na ling lotute in na ram sim tlang i. Na Biakinnpui thianghlim ningrimtiar ai Jerusalem siatsuah tlang sio i.

Isaiah 13:22

Ralvilhnak inn le kumpibawi innte mehleng le ram uite beo tlang tuh murhmo i. Babylon ai tikcucan a bo dawn ihang; rai awk tuh nawn lo i,” tiin ti i.

Isaiah 25:2

Khuapuite tu siatbal sek ai, Amahte kulhhnak ralvingte hnawmcan sek isi. Kin ralte ai sahnak kumpibawi innte tu, Zaikom inkhai saleh tuh nawn loin hnawm sek i.

Isaiah 34:13

Hling le so khiah amahte kumpibawi inn cangcang ah le vingpui ai kulhhnak khua cangcang ah po tuh bial ai mehleng le simbu umhnak ah cang tuh i.

Isaiah 44:26

Ikhalselai i cengfa ai a cang tuhhnak thil rel cia ai, i tumtekhnak phuang tuhin palai hlat fangin cen, Ciami a relhnak le i tumhnak khiah khimruai rori ing. Jerusalem hnenah, ‘Minung um leh tuh i,’ tiin ti ing. Judah khuapui hnenah, “A thar in salehhnak i tuh isi,’ ti ing. Hemi khuapuite tu hnawmborh pumhnak songin ding leh tuh i.

Jeremiah 1:15

zaimantifangin sak lam ramte tu he ramah hleng tuhin ko zo ing. A kumpibawite tu Jerusalem khuapui kotka le a kulhhnak vingpui cingkim ah le Judah ram khua dangdang cingkim ah a bawi tohkham dah tuh i.

Jeremiah 10:22

Ngai tu ih, thuthang hleng i! Sak lam ramah buaihnak a roh ngai in um i; A ralkapte in Judah ramai khuapuite heh nelrawn cangruai tuh i, Mehlengte umhnak tuhin,” ti ing.

Jeremiah 16:10

“Ciatihin na rel ben fangin, ‘Zaimanin ciatluk lawmlam ai cawh tuhin Bawipa in thuruat ini? Zaibang mawhhnak nai tlang ai zaibangtluk thilsual Bawipa kin Pathian vumah bawn ini ing?’ tiin na zawt tuh i.

Jeremiah 25:11

Hemi ram pumpuhluk tu sik tlak loin hnawm tuh sio ai mite mangbang tlang tuh i. A hiangai ramte an Babylon kumpibawi tu kum sawmsarih song a na ruaih tlang tuh i.

Jeremiah 25:18

Jerusalem le Judah ram khuate, a kumpibawi le hotute thawn dingruai ing. Ciatihin nelrawn ramkhing, tihikkul le sik tlak lo ramah cang tuhai, mi in tun san tianin cukcamhnak ah hmang tuh i.

Jeremiah 26:18

“Moresheth khuami prophet Micah in Hezekiah, Judah kumpibawi a ṭuan laiah misenpui hnenah Cungnungber Bawipa ai ponghnak hetihin i rel i: ‘Zion tu lo bangin vai tuh i. Jerusalem tu khuarop ah cang tuhai Biakinn dinghnak mual tu tupui ah cang tuh i,’ ti i.

Jeremiah 26:9

Hemi Biakinnpui heh Shiloh bangin cang tuh i, he khuapui heh siatsuah tuh sek i, a songah aisu khai um tuh lo i, tiin zaiman ti isi?” tiin i ti i.

Jeremiah 34:22

Ciami ralkapte hnenah thupe tuhai he khuapui ah let tuh i. Tawng tuh i, neh tuhai mai in tai tuh i. Judah khuate tu aisu khai um lohnak nelrawn bangin bawn tuh ing. Kaimah Bawipa in rel zo ing,” tiin ti i.

Jeremiah 4:27

Bawipa in, “Laivum pumpuhluk tu ramkhing ah cang tuh i, Ikhalselai hnawmruai tuh sek lo ing,” ti i.

Jeremiah 44:2

Cungnungber Bawipa, Israel ai Pathian in, “Jerusalem khuapui vumah le Judah ram khua hmuahhmuah vumah siatsuahhnak i hlengruaihnak tu ning mit rori in hmu zo i si. Tun inkhai hnawmborh pumhnak bang ilai ai minung aisu khai um lo i.

Jeremiah 49:33

Hazor tu kumzangza in hmunkhing ah bawn tuhai mehleng lek umhnak ah cang tuh i. Cia hmunah aisu khai um tuh nawn lo i. Kaimah Bawipa in rel zo ing,” ti i.

Jeremiah 50:3

“Sak lam in miphun phunkhat Babylon tawng tuhin kawi zo ai Babylon tu ramkhing ah cangruai zo i. Minung le sumhnamte tlan tuh sio ai minung aisu khai um tuh lo i,” ti i.

Jeremiah 51:37

Khia ram khiah hnawmborh pumhnak bangin cangruai tuhai hampalak ramsa umhnak ian in cang tuh i. Sik ngam loin cang tuhai a hmutu hmuahhmuah in tihik tlang tuh i.

Jeremiah 8:22

Gilead ah cakhnak si um nawn lo im? Ciata ah sibawi um lo im? Zaimanin i minungte in cakhnak ngah lo i?

Ṭahhlapawl 1:4

Zion lampui lungsia in um i, Aisu inkhai hlun nawn lo i, Cawlum nia Pathian bia tuhin. Lasatu fenute harsahnak tuar tlang i, Suangbawite kap in rung i. Zion tu thin urhnak tuar i, Khuapui kotkate khing ruahro i.

Ṭahhlapawl 2:2

Judah ram khuatenau hmuahhmuah siatsuah sek i, Zawnruathnak zaikhai um loin. A ralvingte bal sah sek i, A ram hup in a ṭanhnak bawhkulhte khiah. Zakthi mualphohnak hlengruai i, Amahte ukhnak le uktute vumah cenin.

Ṭahhlapawl 3:47

Siatsuahhnak le pairalhnak tawk tlang zo i ing; Thinlauhnak kihkulhnak songah um i ing.

SUANGBAWI LAIBU 26:32

Ning ram i hnawmcan zia heh roh ruh ze ai ning ram a longtu ning ralte inrin ngaihsunur tlang tuh i.

Mikah 1:6

Ciamanin Bawipa in, “Samaria tu hampalak ai khuarop le cabit kuang birhnak ah cangruai tuh ing. Khua khantianghnak lungtote tu phairawn songah leu tuh sek ai khua hamtohhnak lungphum tepawl tu larruai tuh sek ing.

Mikah 3:12

Hemi bangtluk ning imanin Zion tu lo bangin vai tuh sio i. Jerusalem khua tu khuarop ah cang tuhai Biakinn umhnak mual tu tupui ah cang tuh i.

Mikah 6:16

Kumpibawi Omri le a fapa kumpibawi Ahab ai thil sual a bawn kawmhnak hlun tlang zo i si. A hlumhnak thu tu ningmah in hlun ngio manin hnawmhnak ah ning hlenpui tuhai mi zongzong in zoh ning suam tuh i. Khuahacang ah mi in nautathnak thawn ning siatsuah tuh i,” tiin ti i.

Daannolhnak 29:23

Ning ram tu kolh tuh sek ai kat le ci in dim tuh i; zaikhai cing thil tuh lo ai hnuh khai po thil tuh lo i. Ning ram tu Bawipa a thinraw manin siatsuahhnak Sodom le Gomorrah, Admah le Zeboiim khuate ang cang tuh i.

Thupphuan 18:2

Cawm roh in au ai, “Nupang nu tlu zo i! Babylon thawmlianhnak bo zo i! khuasia le rauhla sia in khur ai a songah ningdulkul le hmuhhehkul vaniu a phuncang in dim i.