Jeremiah 7:13 - Zanniat Bible

¹³ Sualhnak siar cawk lo bawn zo ai tun le tunin thu ning rel thliahthlo napui ngai ning nuam hrimhrim lo i. Ning ko fangin a sawn rin i sawn nuam lo i si.

Khualsim Bible

¹³ Atu hi nangmi ni ahi thilpawl nan vua hngai, ka tan biak hngai reuri tikah nan ngai ta lo, cun ka tan kawh hngai tikah a ma oi ta hngai lo,

Falam Common Language Bible

¹³ Sualnak siar cawk lo nan tuah zo ih atu le atu thu ka lo sim rero naón nan ngai duh hrimhrim lo. Ka lo kawh tikah a sawn hman in sawn duh lo.

Jeremiah 7:13 ပူးပေါင်းရင်းမြစ်များ

Aanroling 1:24

I hnenah kawi tuhin ning ko napui kawi ning nuam tlang lo i; I kut in ning zap napui zaikhai siar lo i si.

Isaiah 50:2

“Zaimanin i minungte o tuhin i feh fangin aisu tal in ponhnak khai tawk lo ing? Zaimanin i ko fangin aisu inkhai i awi lo i? Anite hup tuhin i ṭawnṭai ze i awm? I thupehnak manin tifingriat tu kang sio i, Runpuite tu nelrawn ah cang sio i, Ti um lo manin rawnti songai ngate tu thi sek i.

Isaiah 65:12

Na ko fangin i sawn lo ai ning hnenah i pong fangin i ngai lo manin sarthih lekin ning thi tuh i. I thu el le a pha lo bawn heh ningmah ai rilhnak i.

Isaiah 66:4

Ciamanin amahte vumah harsahnak thil poimawh hlengruai tuh ing, amahte kihhnak hlelhlo thil poimawh hlengruai tuh ing. Zaimantifangin i ko fangin aisu inkhai i awi tlang lo i; i pong fangin aisu inkhai i ngai lo i. I thu el le thilpha lo bawn heh anite rilhnak i,” tiin ti i.

Jeremiah 11:7

Amahte pupate Egypt ram an i hoisuak laiah kaimah thu ngai tuhin felniu in ralringhnak pe ai tunnia tian pe lai ngio ing.

Jeremiah 11:8

Ikhalselai a ngai khai ngai lo i, a hlun khai hlun nuam tlang lo i. Tun hlan bangin lungruh thotho ai sualhnak bawn heh com cuang lo i. I thupeciahnak hlunsuak tuhin thupe ing, ikhalselai hlun nuam tlang lo i. Ciamanin he thutiamhnak songah telh cih bangin cawhhnak amahte vumah hlengruai ing.

Jeremiah 13:10

Hemi misualralte in i thu ngai nuam hrimhrim lo i. Tun hlan bang thotho in amahte thinlung ruh ai sualral thotho i; khuavang dangdang ruaih ai bia tlang i. Ciamanin he diar bangin hnawm tuhai hmang tlak lo ah cang tuh i.

Jeremiah 13:11

Mi el ah diar comniu khiah kho ngai in a pen bangin Israel mite le Judah mite tu kaimah hnenah kho ngai in a bethnak cang tuhin i daih i. Ciatihin anite tu i minung i tuhai i hmingthanghnak le songlawihnak a suakruaitu canghnak tuhin i daih i. Ikhalselai i thu hlun nuam lo i,” tiin ti i.

Jeremiah 25:3

“Amon ai fapa Josiah tu Judah kumpibawi a cang kum hlaithumhnak in tunnia tian, kum kul hluanthum song, Bawipa ai thu tu kaimah hnenah hleng ai a relhnak tepawl ning hnenah rel leh loin um awng lo ing. Ikhalselai zaisiar lo i si.

Jeremiah 26:5

ning hnenah i hlat dehnak prophette ai ponkam khiah ngai tu ih. Amahte thu heh ngai ning nuam lo i.

Jeremiah 29:19

Anite hnenah catloin kaimah na ruaihtu prophette hnenin i thu tu hlengruai ṭio napui ngai nuam tlang lo manin he bangin a tuarhnak i.

Jeremiah 32:33

Amahte in i zam ai zirh thliahthlo napui zaikhai ngai lo i, zir khai zir nuam tlang lo i.

Jeremiah 35:14

Rechab miphun tu amahte pu Jonadab ai thupehnak khiah a tesinfate in hlun tlang ai tunnia tianin aisu inkhai cabitti ding lo i. Ikhalselai ning tu kaimah in ning rel thliahthlo napui i thu hlun ning nuam lo i.

Jeremiah 35:15

I sal prophette pakhat hnua pakhat ning hnenah hlat napui a dikcang bawn ai thilsual bawnhnak nuncan hlum tuhin ning rel thliahthlo ing. Ning pupate le ningmah hnenai i pehnak he ramah catloin ning umthilhnak tuhin Pathian dangte na ruaihtu tuh loin le bia tuh loin ning rel i, ralringhnak ning pe i. Ikhalselai i thurelhnak tu ngai tlang lo ai zaikhai siar lo i si.

Jeremiah 35:17

Ciamanin ningmah Judah mi le Jerusalem mite ning vumah kaimah Cungnungber Bawipa, Israel ai Pathian in ning thukham siatsuahhnak hmuahhmuah hlengruai tuh ing. Hemi bangin ning vumah hlengruai tuh ing, zaimantifangin ning hnenah i pong fangin ngai ning nuam lo ai ning ko fangin i awi ning nuam lo i,” tiin ti i.

Jeremiah 44:23

Bawipa ai thupehnak hlun lo ai khuavang dangdang hnenah hibawlhnak ning pe manin hebang hnawmcanhnak ning vumah hleng i,” tiin ti ing.

Jeremiah 44:4

Ningmah hnenah catloin kaimah ruaihtu prophette hlat ai hebang thil i huadan heh bawn tuh loin ning rel i.

Jeremiah 5:21

Phantakniu in ngai tu ih, ningmah mivoi le mitawte, mit nai napui zaikhai hmu thil lomi, bil nai napui zaikhai za thil lomi,

Jeremiah 6:10

Ciafangin kaimah in, “Amahte hnenah pong in ralringhnak thu rel napui aisu in i ngai nuam tuh i? Mi lungruh pawl i ai amahte bil hu in nangmah ai thu rin na ngai nuam lo i; Amahte hnenah phuang tuhin na relhnak rin hnih i san tlang menma i.

Jeremiah 7:25

Egypt ram an ning pupate a suak awng nia ai panin tunnia tian catloin ning hnenah i cengfa prophette hlat ṭiode ing.

Hosea 11:2

Ikhalselai i fapa tiin i ko deuhdeuh fangin i hnenin hla amam ah pial i. I minung in Baal hnenah hibawlhnak pe i; Milim hnenah rimhmui tai i.

Hosea 11:7

I hnenin pial tum ṭiode manin, Amahte hawng ah hak orh ai, Cungnungber hnenah au tlang tuh hnelhno napui sawngtu aisu khai nai tuh lo i.

Hosea 9:17

A na i ruaihmi Pathian in a minungte tu hnawl tuh i. Zaimantifangin a thu ngai nuam lo i. Miphun dang lakah mi vakvai phun in cang tuh i.

Zekhariah 7:13

Thu i rel fangin i ngai nuam lo manin anite khai saw a ngen fangin ngai i nuam ve lo i.

Matthai 23:37

Jesuh in, “Aw Jerusalem, Jerusalem! Na hnenah Pathian ai prophette nangmah in rek ai a hlathnak tepawl khai lungto in sep isi. Arpui in ar fate a ko hniaah a op bangin na minungte tu i kut in hup thliahthlo napui na daih lo i!