Jeremiah 6:15 - Zanniat Bible

¹⁵ Hebang ningdulkul thil bawn manin zakthi tang thiam tlang awm? Thiam lo i! Zakthihnak zaikhai nai tlang lo i. A mithmai khai san lo i! Ciamanin midang bangin a roh ngai in tlu tuh i. Kaimah in i cawh fangin tu a tawphnak tuh ihang. Kaimah Bawipa in rel zo ing,” tiin ti i.

Khualsim Bible

¹⁵ Ningzakṭhangaiin an tekcak, a hnawmtaammi thil an ti; acuhmanah ah an ning a zak lo, khawti’h hmaisan thok ti an tiah lo. Curuangah a ngal tu mipawl lakah an ngal ve thok; daan ka tat hngai caan a’cun dengsak i leh lei uh,” tiah Bawipa ni a ti.

Falam Common Language Bible

¹⁵ Hi vek fihnungza thil an tuah ruangah ningzah teh an thiam maw? Thiam hlah! Ningzah zianghman an nei lo. An mithmai hman a sen lo! Curuangah midang vekin nasazetin an tlu ding. Ka hrem tikah cun an cemnetnak a si ding. Keimah Bawipa in ka sim zo a si,” tiah a ti.

Jeremiah 6:15 ပူးပေါင်းရင်းမြစ်များ

Seemthawhnak 19:34

A thangha fangin a naunu hnenah, “Mizan ah i pa thawn pawl dun i ing, tun zan khai cabitti pe tuh lala ai nangmah thawn pawl dun tu ih. Ciatihin kin pahnih in kin pa ai fa nai tuh ising,” tiin ti i.

Suahhlannak 32:34

Ciamanin tun tu i hmuh tuhhnak hmunah fehpui tu. Sik tu, i vancungmi in kong ning hoi tuhai ni khatkhat a can a khim fangin amahte sualhnak manin cawhkuan pe tuh ing, ti hih tu ngio,” tiin ti i.

Aanroling 29:1

Na nuncan na rem sah fangin na thin hak lesikhaw; Ni khatkhat ah tho leh ben nawn loin na hnawm lan ta tuh i.

Isaiah 10:4

Raltawnghnak ah ning thi tuh i; ihlahle ning pom tuhai ning fehpui tuh i. Cia hnua ahkhai Bawipa ai thinrawhnak tu dap tuhlai lo i; cawh tuhin a kut tu tung cia in um lai i.

Isaiah 3:9

Mi hlaihdan a naihnak tu amahte caah siatsuahtu i tuh i. Sodom khua mite bangin zakthi nai loin sual tlang i. A bo ihang, hlaici a cinghnak khawm tlang leh ihang.

Jeremiah 14:15

Kaimah Bawipa in ciami i hlat lohnak prophette, kaimah hming sal in he ramah raltawnghnak le rian tlung tuh lo i, a titute vumah ziang bawn tuh ing ti na rel tuh ing; raltawng le rian tlung in siatsuah tuh ing.

Jeremiah 18:23

Ikhalselai aw Bawipa, engsanhnak le i rek tumhnak ling sio hlen isi. Amahte phatlohnak tu ngaithiam malaw; amahte sualhnak khai hlat sah malaw. Na mithmuh ah sawnruai tulai na thinraw laiah siatsuah tu sio law,” ti ing.

Jeremiah 23:12

Amahte hlunhnak lampui tu nal tuhai thim tuh i; Bahruai tuhai tluruai tuh ing. Amahte vumah hnawmcanhnak hlengruai tuh ing. Amahte cawhhnak can hleng tuh i. Kaimah Bawipa in rel zo ing.

Jeremiah 3:3

Ciamanin ruahsi thil lo ai khuasik ruah tianin a si lohnak khiah! Na hmel tianin hlotlau na bang zo ai zakthi khai nai nawn lo isi.

Jeremiah 44:10

Cia bang inapui tunnia tianin thinlung nemhnak nai lai lo i si; Kaimah upathnak le kihzahhnak zaikhai nai lo ai ningmah le ning pupate hnenah i pehnak dante bangin nung ning nuam fawn lo i.

Jeremiah 5:29

“Ikhalselai hebang thil bawn tlang manin kaimah Bawipa in cawh tuh ing. Hemi miphun vumah phuzul tuh ing.

Jeremiah 5:9

Hebang thilsual a bawn manin, cawh tuh lo ing maw? Hemi bang miphun vumah heh aisu in phuzul loin um thil tuh i?

Jeremiah 8:12

Aw i minungte, he bangtluk ningdulkul thil ning bawn manin heh zak tang na thi awm? Zak ning thi lo i! Zakthi tuh khai thiam lo i si; ning mithmai rin san lo i! Ciamanin midang a tlu bangin ningmah khai ning tlu tuh i. Kaimah in ning cawh fangin tu ning bo tuh i. Kaimah Bawipa in pong zo ing.

Jeremiah 8:9

Ning mifimte zakthi in um i; mangbang ai thinpit zo i. I thu hnawl tlang ai tun tu ziang fimhnak nai nawn i?

Ezekiel 13:14

Amahte si ngo mathnak vingpui tu bal tuhin tum ing; bal tuh sio ai a hampan in lungtote tu larruai tuh sio ing. Vingpui tu min tuhai ning rek tuh sio i. Ciatihin mi zongzong in Bawipa ing ti ling tuh i.

Ezekiel 2:4

Milungruh i ai kaimah upathnak nai lo i; ciamanin Cungnungber Bawipa kaimah in amahte hnenah i pongnuamhnak rel tuhin na hlat tuh ing.

Ezekiel 24:7

Khua songah mi rek i, ikhalselai laivut in a khukthilhnak laipua vumah thisan khiah luangruai lo i. Lungto nal ngai vumah luangruai i.

Hosea 4:5

A sun a zan in sualhnak poimawh bawn tlang i si; ningmah tahin prophette pha deuh cuang fawn lo i. Ning nu Israel heh siatsuah tuh ing.

Hosea 9:7

Cawhhnak a tuar can hleng zo i, amahte vumah phuzul can hleng zo i. Ciatihin a cang fangin Israel mite in i ling tuh i. “Hemi prophet tu a voi i; he rauhla lam hmutu heh a molhpui i,” ti i si. Ning sualhnak a tam ze manin kai tu a roh ngai in i hua i si.

Mikah 3:6

“Aw prophette, ning can a bo dawn ihang. Ni in ning liam san cing tuh i. Zan in ning khuk tuh i. Larhnak hmu tuh nawn lo ai hmai lam thu phuangthilhnak zaikhai nai tuh nawn lo i si,” tiin ti i.

Mikah 7:4

Amahte lakai mi pha ber rin hling bang i ai mifel ber a tihnak tu saiso hling bang i. Prophet hmangin Pathian in ralringhnak a rel zo bangin a minungte a cawhhnak can hleng tuh i. Tun in hnok murhmo zo i.

Zefaniah 2:1

Aw zakthi nai lo pawl, papar bangin ning vawi ai ning thi hlanah cen,

Zefaniah 3:5

Ikhalselai khuapui songah Bawipa tu um i. A dikcang ian bawn i; A pha lo bawn awng lo i. Zing siar in pelh loin a minungte hnenah dikcanghnak hlengruai i. Ikhalselai miphalote incen thil sual bawn thotho ai zak khai thi tlang lo i.

Zekhariah 13:4

Ciabang can a hleng fangin aisu bang prophet khai larhnak pakhatkhat a hmu manin uar dun tuh lo i, prophet nun khai cung tuh lo ai misenpui zawlhnak tuhin prophette ai sil dehnak, a hlun ngai korfualpui khai sil tuh lo i.

Matthai 15:14

Amahte manin ning thin hnaihnok maseh! Anite tu hotu mitcawte i; mitcaw in mitcaw a hoi fangin tu anite pahnih in khur songah tlok kawm tuh i,” ti i.

Filipi 3:19

Ciamite tu hell ah hleng tuh i, zaimantifangin amahte pathian tu amahte daihhnak ian i. Amahte thil bawnhnak heh zakthipui tlak napui amahte hmaihngalhnak ah cang lehlam i; he laivum thilte lek ruat tlang i.