Jeremiah 5:7 - Zanniat Bible

⁷ Bawipa in, “Zaimanin na minungte ai sualhnak tu ngaithiam tuh ing? Kaimah hnenin tlan ai Pathian ngaingai a ilomi khuavangte bia zel i. Rong kham ngai in cawm ing; Ikhalselai kangkawm sualhnak bawn ai, Amahte can heh hlotlaute hnenah hmang i.

Khualsim Bible

⁷ “Khawti’n ka tan ngaidam hngai kho thok hmen? Nan mipawl ni a ma zamta hngai rom, cun a i taktak lomi pathianpawl thawngin siat an sir tia rom. Khimkau ka cawm hngai tikah nuriim pariimnak ah an hmang ih numizuartiale ih innpawl ah an tat viangvo.

Falam Common Language Bible

⁷ Bawipa in, “Ziangah so ka minung pawl ih sualnak cu ka ngaithiam ding? Ka hnen ihsin an tlan ih Pathian ngaingai a si lomi khawzing pawl an biak. An pum puar zetin ka cawm hai; Asinain nupa sualnak an tuah ih, An caan cu hlawhhlang pawl hnenah an hmang.

Jeremiah 5:7 ပူးပေါင်းရင်းမြစ်များ

2 Sansiarnak 13:9

Bawipa ai suangbawi, Aaron ai tesinfate le Levi mite khai hnawt sek i si. Anite tumrul in a dang miphunte ai bawnhnak bangin ning suangbawite dah tlang i si. Kawlpawcang lu khat ihlahle tuute lu sarih a koih bentu hmuahhmuah heh ning khuavangte ai suangbawi tuhin cangruai hluahhlo i si.

Job 31:12

Ciabangtluk sualhnak tu i naiciahnak hmuahhmuah a kang sektu Hell mai bang i.

SAAM LABU 50:18

Ruko ning hmu fangin a rualpui ah cang tlang i si; kangkawm sualhnak a bawntute thawn kom dun i si.

Jeremiah 12:16

Baal khuavang hming in i minungte cukcamhnak zirh napui tun tu I hming in cukcamhnak zirh ai, ‘Bawipa a nung bangin,’ ti ai a thinlung taktak in i minungte biahnak pom lekhaw i miphun ah cang tuh ve ai khangso tuh ve i.

Jeremiah 13:27

A huahnak thil ning bawnhnak hmu zo i. Lenpal lakah ituseh, tlang vumah ituseh, a dang khuavangte si i si; pasal hlotlau in midang nupui daih i, a hiam in siphuhcang hur in siphuh pui a hnawh bangin a dang khuavangte ning hnawh betbo hmu zo i. Aw Jerusalem mite, ning lampui a pitdan aw! Zaikom fangin a cianghlim in um leh tuh i si?

Jeremiah 16:11

Ciafangin kaimah Bawipa in i relhnak heh rel salawn tu: ‘Ning pupate in i zangtak ai a dang khuavangte bia ai ruaih tlang i. I zam ai i thuzirhhnak hlun tlang lo i.

Jeremiah 16:20

Mihing in amah niu in Pathian bawn thil tuh im? Bawn thil hlah; a bawn thil ita inkhai pathian ngaingai i tuh lo i,” ti tlang tuh i.

Jeremiah 2:11

Miphun dang aisu inkhai, a Pathian thleng awng kel lo i, pathian ngaingai ilo ita inkhai! Ikhalselai i minungte incen a Pathian thleng i; Amahte vumah songlawihnak a hlengruaitu Pathian tu, amahte caah zaikhai hnempui lo, khuavang in i thleng i.

Jeremiah 2:31

Aw Israel mite, i relhnak heh ngai tu ih! Ning caah nelrawn ro bangin maw, ramthim le ram kihkul bang ing im? Zaimanin, ‘Kin luat ai kin daihhnak bangin nung tuh i ing, na hnen ahcen let tuh lo i ing,’ i ti i si.

Jeremiah 23:10

Hemi ram tu rintlak lo minung in dim i; Bawipa hmaiah hlotlau ciang i. Amahte nuncan pha lo ai thunaihnak hmang sual i. Bawipa in cuk a cam manin he ram tu mithi ngai in um i; Hampa hing hmuahhmuah khai ro sio i.

Jeremiah 3:19

Bawipa in, “Aw Israel, I fapa cang tuhin na daih ing; Rampha le laipua vumai ram mawi ber na hnenah pe tuhin i nuam i. ‘I pa,’ tiin i ko tuhin le, Kaimah hnenin tlan tuh nawn loin na daih ing.

Jeremiah 3:8

Kaimah hnenah let lo manin le hlotlau in a um manin Israel khiah ma ai i hnawt teuhnak khai Judah in hmu sio hlen i. Ikhalselai sang tlak ve lomi Israel ai unau nu Judah in kihhnak zaikhai nai cuang lo in ani khai hlotlau cang ve ai,

Jeremiah 7:9

Ruko i si, mi rek i si, nupa sualhnak bawn i si, cukcam in thudonrel i si, Baal khuavang hnenah hibawlhnak sel ai ning ling awng lohnak khuavangte bia zel i si.

Jeremiah 9:1

“I lu heh namkum iselai, I mit heh mithli cirhti iselai i daih ngai i! Ciatihin sun le zan in kap tuh ing, A rek cia i minungte caah kap tuh ing.

Jeremiah 9:2

Nelrawn ah riahbuk nai inglai i daih ngai i! I minungte hlum in um tuh napui ing! Amahte veksen in kangkawm sualhnak bawntu ciang i; Mi engsan thai ciang i.

Ṭahhlapawl 3:42

“Na hmaiah kin sual ai ral na cai tlang zo i ing; Cen, Aw Bawipa, nang in kin ngaithiam lo isi.

Ezekiel 22:11

Mihrek in kangkawm sual tlang i; Midang in amahte mo ituseh amahte pa ai fanu ituseh sualpui i.

Hosea 11:8

Aw Epharaim, akontih in na hlat thil tuh ing? Aw Israel, akontih in na zangtak thil tuh ing? Admah bangin akontih in na siatsuah thil tuh ing? Zaboiim bangin akontih in na hnawmcan thil tuh ing? Ciatih bangin na bawn tuh tu ruat ben lo ing; Na ittu i thinlung heh lum ngai ai nem hliang i.

Hosea 13:6

Ikhalselai ram pha songah ning lut fangin rong ning kham ai lung ning muang i; cen ning puarthau manin kai tu i hai tlang i si.

Hosea 4:2

Mi cukcam, thudonrel tlang, mirek, ruko, nupui le pasalte in midang daih san i. Thisan luanghnak karhzai betbo ai mirekhnak pakhat hnua pakhat um i.

Hosea 7:4

Amahte veksen in kangkawm sualhnak bawntute i ai rintlak lo ciang i. Sangbawntu in sang hmet ai mailing ngai vumah sang em ai a ling ngai bangin a mi huahnak tu ling ṭiode i.

SUANGBAWI LAIBU 20:10

Mi pakhat in midang nupui sualpui lekhaw kangkawm sualhnak a bawntu cianu le ciami pa, amahte pahnih in rekhnak tuar tuseh.

Amos 8:14

Samaria ai milim Ashimah hming in cuk a camtute, ‘Dan ai khuavang hming in,’ a titu le ‘Beersheba ai khuavang hming in,’ a titute tu bah tuhai tho leh tuh nawn lo ihang,” tiin ti i.

Zefaniah 1:5

Inn vumah kai in ni le hlapui le arsi biatute khiah siatsuah tuh sek ing. Kaimah i biatu le i hming rinsan in cukcamtu ikhalselai Milkom khuavang hming in a cukcamtu lala khiah siatsuah tuh ing.

Malakhi 3:5

Cungnungber Bawipa in, “Ning thukhan tuhin ning hnenah kawi tuhai dawithiam mite, kangkawm sualhnak a bawntute, a hman lo tetti, napertute ai nihlawh a ai sahtute, hmaitong le ngakṭah farah le ramdang mite vumai miathnak a situ le i upat lotute vumah mawhhnak pe in thukhan tuh ing,” ti i.

1 Korin 6:9

Mihrokhrawl pawl in Pathian Ukhnak co thil tuh lo i, ti khiah fiang ngai in ling i si. Ningmah veve zawl dun hnelhno mah ih: nupa sualhnak a bawntu, milim biatu, kangkawm sualhnak a bawntu, pasal hlotlau pertu, nupang veve, pasal veve sualhnak a bawntu,

1 Korin 8:4

Milim hnenai selhnak rong ai le ai lo thu ah hetihin ruat ing: milim tihnak tu a um taktak lomi thil pakhat aiawh in dahhnak i; cen Pathian tu pakhat lek um i, ti ling ing.

Galati 4:8

Hlanlai ah Pathian ling awng lo i si; ciamanin Pathian ngaingai lomi ai sal i si.

Daannolhnak 32:15

“Bawipa ai minung Jeshurun mite tu lian ai puarthau i, Rong kham ze manin thau i, Amahte semsuahtu Pathian heh zangtak ai, Amahte osuaktu lungpui maksak hnawl i.

Daannolhnak 32:21

Pathian a ilo manin umhlah ing, Amahte milimte manin thin i raw i. Ciamanin siartlak lo miphun hmangin, Anite thinrawtiar tuhai, Mi hlotlau phun manin, Anite umhlahruai tuh ing.

Hebru 13:4

Hoidunhnak heh aisu inkhai upat hmaizah tuhhnak i. Nupui le pasal tu sangtlak in um tu veve seh. Nupa sualhnak a bawntu le kangkawm sualhnak a bawntute tu thukhanhnak tuar tlang tuh i.

Jeim 4:4

Rintlak lo minungte! Laivum thawn rualpui pha cang heh Pathian thawn raldunhnak i ti ling lo i sim? Aisu khai laivum pha ngai ai a komtu heh Pathian ai ral ah bawn dun i.

Joshua 23:7

Ningmah lakai a tanglaimi he ram minungte thawn cokrawi in hoi dun mah ih; amahte khuavang hming khai sal mah ih, amahte hming in cukcamhnak khai bawn mah ih, amahte naper khai per mah ilai amahte hmaiah ning lu khai ut mah ih.