Jeremiah 42:2 - Zanniat Bible

² Anite in, “Kin ngenhnak heh kin bawn sah tu hram law. Bawipa kin Pathian hnenah kin caah sawngen tu hram law. A nungmi kin veksen caah saw kin ngen sah tu law. Tun hlan ahcen minung kin tam ngai i, ikhalselai tun tu nangmah in kin hmu bangin mi tlawmniu ian kin tang ihang.

Khualsim Bible

² “Kan ngennak za khop in ṭha hram la Bawipa na Pathian hemah kan caah–ahi a taangsun zate caah- thlacam hram. Icatile na hmuh manghin mi tlungpi lakin a tlawmte ceu kan taang.

Falam Common Language Bible

² annih in, “Kan lo dilmi hi in tuahsak hram aw. Bawipa kan Pathian hnenah kan hrangah thlacam hram aw. A nungmi kan zate hrangah hin thla in cam sak aw. Tuih hlanah cun minung kan tamzet, a sinan atu-ah cun in hmuh vekin mi malte lawng kan taang a si.

Jeremiah 42:2 ပူးပေါင်းရင်းမြစ်များ

1 Siangphahrang 13:6

Ciafangin kumpibawi Jeroboam in, “Ning i hio tulai Bawipa na Pathian hnenah i kut cakruai leh tuhin saw i nget tu hram law,” tiin prophet heh ngen i. Prophet in Bawipa hnenah sawnget ai kumpibawi kut heh cak leh i.

SAAM LABU 119:170

I sawngenhnak na hmaiah hleng tu hram seh. Na thukhamhnak bangin i o tu hram law.

Suahhlannak 8:28

Pharoah in, “A hla ze tian feh tuh lo ile i sikhaw Bawipa ning Pathian hnenah hibawlhnak sel tuhin nelrawn ramkhing ah ning hlat tuh ing. Kaimah ca sawngen tu” tiin ti i.

Suahhlannak 9:28

Bawipa hnenah sawngen kawm tu ih. Hemi khuari le rial heh i rim i kham zo i. Suak tuh hrimhrim i si, thu ning kham ing. A rai ning um tuh khai kul lo ihang,” tiin ti i.

Isaiah 1:15

Ban pharh in saw ning ngen inkhai ning sik tuh lo ing. Zaitluk tam in ning ngen inkhai ning ngai sah tuh lo ing; zaimantifangin ning kut tu thisan in dim i.

Isaiah 1:9

Cungnungber Bawipa in mi hrekkhatte zuah hlah selai, Sodom le Gomorrah khua bangin a pairal awnghnak khuapui i tuh zo i.

Isaiah 37:4

Assyria ram kumpimangbawi in a nungmi Pathian zohsuam tuhin a kuthnia ai tlangsuak upa ber pakhat hlat i. Bawipa na Pathian in hetihin amahte zohsuamhnak tu za tu hram selai a pongtu heh cawh tuseh. Ciamanin kin minung a tangsunte caah saw kin nget tu hram law,” ti i.

Isaiah 42:20

Aw Israel, na hmuhnak le na tawkhnak heh tam ze zo i; Ikhalselai nangmah caah zaikhai santlai lo i. Zahnak tuhin bil nai isi; Ikhalselai na za cianghnak ngaingai zaikhai nai lo isi?” tiin ti i.

Jeremiah 15:11

Aw Bawipa, nangmah phatak niu in ruaih lo ai i ralte harsahnak le mangbanghnak a tawk tlang fangin anite caah na hnenah na ngen lo ilengkhaw na cukcamhnak heh khim tuseh.

Jeremiah 2:27

Thingkung heh kin pa i ai lungto heh kin nu a titu ningte tu zak ning thi tuh i. I hnenah let sawn loin i hnenin ning tlan manin hebang zakthi le mualpho in um tuh i si. Cen ngaihsunur le vansang in ning um fangin, ‘Kawi tulai kin o tu,’ i ti i si.

Jeremiah 21:2

“Kinmah tumrul in Bawipa hnenah kin pong sah tu. Zaimantifangin Babylon kumpibawi Nebuchadnezzar in a ralkapte thawn kin khuapui kulh sio i. Bawipa in a hlanai a bawn dehnak bangin ngaihsunurkul thil pakhatkhat bawn in Nebuchadnezzar tu khel ah a letruai khai i thaipang i,” tiin ti i.

Jeremiah 36:7

Bawipa hnenah sawngen tlang ai amahte nuncan pha lohnak hlumhnak ahkhai cang thai pang i. Zaimantifangin he minungte vumah Bawipa in a kihkul a thinrawhnak le a thintokhnak hlengruai tum i,” tiin ti ing.

Jeremiah 37:20

Tunah kumpibawi pa, na hnenah i ngenhnak bawn sah tuhin ninghio na ngen ing, i ngai sah tu hram law. Jonathan inn, thawnginn song ahcen i kuat leh hram malaw. I kuat leh lesikhaw ciata ah i thi tuh tengteng i,” tiin ti ing.

Jeremiah 37:3

Kin miphun tumrul in Bawipa kin Pathian hnenah sawngen tuhin kumpibawi Zedekiah in Shelemiah ai fapa Jehukal le Maasaiah ai fapa suangbawi Zephaniah khiah kaimah hnenah hlat kawm i.

Jeremiah 38:14

Vaikhat ah kumpibawi Zedekiah in Biakinn ai a lut hmun kotka pathumhnak in i ko ai i hnenah, “Thu pakhat na zawt tuhai thudik i rel tuhin i daih i,” tiin i ti i.

Jeremiah 40:15

Ciafangin Johanan in Gedaliah heh a thupniu in, “Ishmael khiah kaimah in rek tuhai a rektu aisu i ti ling thil tuh lo i. Nangmah rek tuhin zaimanin sik tuh menma i ing? Na rek ngaingai selai tang nangmah na bentu Judah mite heh khuahacang ah piak tlang tuh lala ai Judah ramai a tangtu misenpui ca ahcen thil poimawh ngaingai cang tuh i,” tiin ti i.

Jeremiah 42:20

Feh le i sikhaw ning khelh ngai tuh i. Bawipa ning Pathian hnenah ning caah sawngen sah tuhin i ngen ai a thupehnak hmuahhmuah bawn tuhin thukham i si.

Ṭahhlapawl 1:1

Jerusalem tu lungleng in um i, Mi phunkhim umhnak khuapui! Laivum pumpuhluk ai upat awnghnak khuapui tu hmaitong bangin cang zo i! Bawinu bang khua lian, Sal pomhnak ah cang zo i!

Ezekiel 12:16

Amahte lakah mi tlawmniu tu raltawnghnak, rian tlung le urhnak a phunphun songin luatruai tuhai, ramdang mite lakah amahte thil bawn awnghnakte zaitlukin ningdulkul i ti khiah a ling tlang hnuaah, kaimah heh Bawipa ing ti khiah i ling tlang tuh i,” tiin ti i.

Hosea 8:10

Miphun dang hnenah zuar dun napui tun tu khawm leh tuh ing. A rai hlanah Assyria Kumpimangbawi in nauneh tuhai harsahnak a roh ngai in tuar tuh i.

SUANGBAWI LAIBU 26:22

Ning lakah sahrang hlat tuhai ning fate le ning sumhnamte dawp tuh i; mi tlawmniu lek ning tang tuhai ning lampuite khing tuh sukso i.

Amos 7:2

Ciami larhnak i hmuhnak song ahcen khokhuakte tu ram pumpuhluk songai thil hing hmuahhmuah a ai sek khiah hmu ing. Ciafangin kai in, “Aw Cungnungber Bawipa, na minungte heh ngaithiam tu hram law. Akontih in nung thil tuh i? Mi tlawm ze ai ṭawnṭai ze fawn i,” tiin ti ing.

Matthai 24:22

Ciami tikcucan tu Pathian in comruai lo selai aisu khai luat tuh lo i. Ikhalselai Pathian in a ril mite caah a can tu comruai tuh i.

Tirhthalahle 8:24

Ciafangin Simon in Peter le John hnenah, “Ninghioniu in he ning ponghnak tepawl heh i vumah hleng tuh loin Pathian hnenah saw i nget kawm tu ih,” tiin ngen i.

Daannolhnak 28:62

Van ai arsite zah in tam khal i silai Bawipa ning Pathian thu ngai hlahle i sikhaw a tlawm cirikniu lek ning tang tuh i.

Daannolhnak 28:63

Ning lianruaihnak le ning pungzairuaihnak ah Bawipa tu a lungawi ngai i; ciatih bangin ningmah pairal tuh le siatsuah tuhin khai a lungawi tuh thotho i. Ning khur tuhhnak ram songin ning phorhsuak tuh sio i.

Daannolhnak 4:27

Bawipa amah rori in laivum miphunte lakah ning piakruai tuh sek i. Mi tlawmniu titlak loniu lek ning tang tuh i.

Jeim 5:16

Ciatih imanin ning sualhnak tu pakhat le pakhat hnenah phuang dun tu ilai sawnget dun tu ih; ciatihin nuncakhnak ngah tlang tuh i si. Mi dikcang ai sawngenhnak tu hat ngai ai huham nai roh i.

1 Samuel 12:19

Samuel hnenah, “Kin thi lohnak tuhin ninghio niu in Bawipa na Pathian hnenah saw kin nget tu hram. Kin sualhnak siar cawk lo ai hlaiah kumpibawi ngen manin kin sual bet i,” tiin ti tlang i.

1 Samuel 12:23

Kai tu zaikom inkhai ning caah sawngen com tuh lo ing; com lengkhaw Bawipa hmaiah misual i tuh ing. A pha le a dikmi bawn tuhin ning zirh tuh sawn ing.

1 Samuel 7:8

Samuel hnenah, “Filistin mite kut songin kin o tuhin Bawipa kin Pathian hnenah catloin sawngen tu,” tiin ti i.