Jeremiah 4:7 - Zanniat Bible

⁷ A relh hmun an chintit a kawi bangin, Ram tampui hnawmcantu tho zo i; Judah hnawmcan tuhin a kawi laitak i. Judah khuate tu khuarop ah cang tuh sio ai, aisu khai a songah um tuh lo i.

Khualsim Bible

⁷ Kiosa cu a rolnak in a hang suak rom, miphunpawl siatsuahtu cu a pok rom; nan ram cu ramtluang ah vua dingin a omnak in a tat rom; nan khuapipawl cu hluumtu ngeilomi khuaroppawl ah an cang thok.

Falam Common Language Bible

⁷ A relhnak ihsin kiosa a rat vekin, Ram tampi siatsuahtu a tho zo; Judah siatsuah dingin a ra lai rero. Judah khua pawl cu khawrop ah an cang ṭheh ding ih, zohman a sungah an um lo ding.

Jeremiah 4:7 ပူးပေါင်းရင်းမြစ်များ

2 Siangphahrang 24:1

Jehoiakim Judah kumpibawi awng laitak ah Babylon kumpibawi Nebuchadnezzar in Judah ram tawng ai kum thum song Nebuchadnezzar kuthnia ah um tlang i. Cia hnuaah ral tho tlang i.

2 Siangphahrang 25:1

Babylon kumpibawi Nebuchadnezzar tu a kuthnia ai ummi Judah kumpibawi Zedekiah in tawng i. Ciamanin Nebuchadnezzar tu a ralkapte thawn kawi tlang ai Zedekiah ai Judah ram a uk kum kuahnak, hla hrahnak ai ni hra nia ah Jerusalem tawng i. Jerusalem khua kulh ai a pua cingkim in vingpui kan thilhnak tuhin laipua silh ai ciatihin ṭan hmun bawn tlang i.

Isaiah 1:7

Ning ram tu siatsuah sek i ai khing sukso i; ning khuate tu mai in kang zo sio i. Ning mithmuh rori ah a dang miphunte in ning ram khiah lang ai hnawmcan zo sio i.

Isaiah 5:9

Cungnungber Bawipa in, “Hemi inn lian puipui le inn mawi ngaingai heh lawng tuh sio ai hnawm tuh sek i.

Isaiah 6:11

Ciafangin kaimah in, “Bawipa, ciatihin tu zaikom tian i tuh i?” ti ing. Ani in, “Khuapuite siatsuah sek ai a khing sukso tian; Aisusu inkhai amahte inn a zam sek tian; he ram heh zam tlang ai a khing sukso tian i tuh i.

Jeremiah 2:15

A ralte in chintit bangin auh tlang dekdo i; A ram tu nelrawn ah cangruai i. A khuapuite tu khuarop ah can ai hlum sio i.

Jeremiah 22:6

Kaimah caah Judah kumpibawi inn tu Gilead ram le Lebanon Tlang bangin mawi i. Ikhalselai aisu khai um nuam lohnak hmunkhing ah bawn tuh ing.

Jeremiah 22:7

A siatsuahtu tuhin mi hlat ing. Amahte haihpui awh in cedar khuam mawi ngai pawl heh vawng tuhai mai songah tai tuh ing.

Jeremiah 25:38

Chintit in a kua a hlum bangin Bawipa in a minungte hlum zo i. Tihikkul raltawnghnak le Bawipa ai thinrawhnak in he ram tu nelrawn ramkhing ah bawn zo i.

Jeremiah 25:9

‘Sak lam ramai mi zongzong le i cengfa Babylon kumpibawi Nebuchadnezzar ko tuh ing. Cen Judah le a ram song umtu hmuahhmuah le a hiangai ramte tawngruai tuh ing. Hemi ram le a hiangai ramte hnawmcan tuhai kumzangza in hnawmborh pumhnak ah cangruai tuh ing. Sik hiam lo le a kihkul in cang tuh i. Kaimah Bawipa in rel zo ing.

Jeremiah 26:9

Hemi Biakinnpui heh Shiloh bangin cang tuh i, he khuapui heh siatsuah tuh sek i, a songah aisu khai um tuh lo i, tiin zaiman ti isi?” tiin i ti i.

Jeremiah 27:8

“Ikhalselai ram ram khatkhat ituseh, ukhnak pakhatkhat ituseh, a ukhnak hniaah um nuam hlah lekhaw ciami miphun tu raltawnghnak le rian tlung le urhnak in cawh tuhai a tawphnak ah a hnawmruai siotu tuhin Nebuchadnezzar heh thupe tuh ing.

Jeremiah 33:10

Bawipa in, “Mi in he hmun heh nelrawn ram bang i, mihing ituseh, ramsa ituseh um lo i tiin ti i. I, dik i. Judah khuate le Jerusalem khuasong lampuite tu khing riprep ngaingai i. Minung le ramsa zaikhai um lo i. Ikhalselai he hmunah,

Jeremiah 34:22

Ciami ralkapte hnenah thupe tuhai he khuapui ah let tuh i. Tawng tuh i, neh tuhai mai in tai tuh i. Judah khuate tu aisu khai um lohnak nelrawn bangin bawn tuh ing. Kaimah Bawipa in rel zo ing,” tiin ti i.

Jeremiah 4:29

Siphuh vum to ralkap le conkiang ralkapte ai thawmvang a za fangin aisusu khai tlan tuh sio i. Mihrek tu tupui songah relh tlang tuh i, Midang tu lung liang lakah ben tlang tuh i. Khua hmuahhmuah in khing tuh sio ai minung aisu khai um tuh nawn lo i.

Jeremiah 44:2

Cungnungber Bawipa, Israel ai Pathian in, “Jerusalem khuapui vumah le Judah ram khua hmuahhmuah vumah siatsuahhnak i hlengruaihnak tu ning mit rori in hmu zo i si. Tun inkhai hnawmborh pumhnak bang ilai ai minung aisu khai um lo i.

Jeremiah 46:18

Cungnungber kaimah Bawipa heh kumpibawi ing. Kai tu a nungmi Pathian ing. Tlang dang tahin Tabor tlang a sang bangin, Tifingriat vumai Karmel Mual a ding bangin, Nangmah na tawngtu ai hathnak tu i tuh i.

Jeremiah 49:19

Jordan Run varkam ah tupui songin suak in sumhnam lailenghnak lenpal ah a suaktu chintit bangin kaimah hleng tuhai mangrinlo in Edom mite tu amahte ram an tlanruai tuh ing. Cen hotu i rilmi in ram tu uk tuh i. Kaimah thawn ṭhim tuh aisu um i? Kaimah i zuam ngamtu aisu um i? I tawngcai ngamtu uktu aisu um i?

Jeremiah 5:6

Ciamanin tupui songah chintit in dawp tuh i; Nelrawn ai mehleng in hlikhlai tuh dekdo i. Tlavangte khai amahte khua songah vak tuh dekdo i. Sumpua ah a suak fangin sahrang in hlikhlai tuh dekdo i. Zaimantifangin amahte sualhnak tam ze ai, tun le tunin Pathian zam de i.

Jeremiah 50:17

Bawipa in, “Israel mite tu chintit ai hnawhhnak le piakruaihnak tuu bang i. Hmasa ah Assyria Kumpimangbawi in nem ai hnuata ah Babylon kumpibawi Nebuchadnezzar in amahte ruh hmuah khiah tumtawng in kial sah sek i.

Jeremiah 50:44

“Jordan Run varkam tupui songin suak in sumhnam lailenghnak lenpal ai a suaktu chintit bangin Bawipa kaimah kawi tuhai mangrinlo in Babylon mite tu amahte khuapui an tlanruai tuh sio ing. Cen hotu tuhin i rilmi in amahte ram tu uk tuh i. Kaimah thawn santeh tuh aisu um i? Kaimah i zuam ngamtu aisu um i? I tawngcai ngamtu uktu aisu um i?

Jeremiah 8:16

Kin ralte Dan khua ah lut zo i. Amahte siphuh hnarphit aw za i ing. Amahte siphuhcangte a ai fangin kin ram pumpuhluk in hlin sio i. Kin ralte tu kin ram, kin minung, kin khua le a songai umhnak thil veksen siatsuah tuhin kawi zo i,” tiin ti i.

Jeremiah 9:11

Bawipa in, “Jerusalem khiah khuarop ah bawn tuh ing, mehleng umhnak hmunah; Judah khuate tu nelrawn ah cang tlang tuh i, Aisu khai um nuam lohnak hmunah,” ti i.

Ezekiel 12:20

Minung tampui umhnak khuapuite tu siatsuah tuh sek ai rampui tu ramkhing ah cang tuh i. Ciatihin kaimah heh Bawipa ing ti khiah ling tuh i,” tiin ti i.

Ezekiel 21:31

Mailing bangin i thinrawhnak ning vumah i burh fangin i thinrawhnak tuar tuh i si. Cen mi siatsuah lamah a thiam ber pawl, ninghiohnak nai lo tepawl ai kut ah ning pe tuh ing.

Ezekiel 32:2

“Minungpa, Egypt kumpibawi hnenah ralringhnak fiang ngai in pe tu. I thu khiah a hnenah hetihin rel tu: Miphunte lakah chintit bangin naper isi, ikhalselai runti songai a vaktu hnelhno tisartam bang na sikhaw. Na ke in ti huruai ai runpuite rimruai sio isi.

Daniel 5:19

A thawmlian ze ai phunkhim, hinkhim le pongkhim a pong mi in kih tlang ai hlawng tlang diamdo i. Mi pakhatkhat rek nuam lekhaw rek i. Nungruai nuam lekhaw nungruai i. A nuamnuam in mite khiah hmingthanghnak pe ai mualpho inkhai bawn i.

Daniel 7:4

Sahrang pakhathnak tu chintit bang i, ikhalselai muvanlai bangin a ko nai i. Ciatihin i sik lakah a ko zik sek i. Cen sahrang tu a vumah cawisang tlang ai minung bangin dingruai i. Cia hnuaah minung thinlung nairuai i.

SUANGBAWI LAIBU 26:31

Ning khuapuite heh hnawmcan tuh sio ing; ning biakinnte bal tuh sek ai ning hibawlhnak khai ning sang sah tuh lo ing.

SUANGBAWI LAIBU 26:33

Raltawnghnak hlengruai tuhai ram dangdang ah ning piakruai tuh sek ing. Ning khuapuite tu khuarop cang tuh sio ai ning ram heh khing tuh sukso i.