Jeremiah 4:30 - Zanniat Bible

³⁰ Aw Jerusalem, na bo lawlaw i! Zaimanin hnikpon san in thuam dun isi? Zaimanin na sui le na ngun hlawnthil suah ai thuam dun heh isi! Zaimanin ning mit khai mawihnak si mat isi? A lovang in par isi! Na daihtu na tlangvalte in na hnawl zo ai, na rek tuh sawn i.

Khualsim Bible

³⁰ Culeh nang, maw ṭiotaakmi, sandup in na thomtiak hi, sui tuahtiaknakpawl in namah leh mah na mentiak kau hi, na mit khaw hnulhtiakmi in na kauhsak hi, itu na tican a ii? Hoitlawi ah namah leh mah mawikau na vuatia. Na midawt-le ni cu an tan nautat; tan thah an daw hekhawh.

Falam Common Language Bible

³⁰ Maw Jerusalem, na cem riai a si! Ziangah so hnipuan sen in na thuam awk ciamco? Ziangah so nan sui le nan ngun hlawnthil nan suah ih nan thuam awk hi? Ziangah so nan mit tla mawinak sii nan hnih? A lakah nan mawi-awter men a si! A lo ngaitu na tlangval pawl in an lo hnong zo ih, thah an lo tum sawn a si.

Jeremiah 4:30 ပူးပေါင်းရင်းမြစ်များ

2 Siangphahrang 9:30

Cen Jehu tu Jezreel khua hleng i. Jezebel in thula tu ling sio ai a mit rong ah a hang mat i, a sam bawn ai kumpibawi inn ai tukvirh in a hnia ai lampui dunghlun cuan i.

Aanroling 6:25

Na thinlung in amahte mawihnak ir malai, amahte mitkhiaphnak in na pom maseh.

Aanroling 7:10

Cen nupang pha lo nu in hmuak i, Ciami nupang nu tu hlotlau bangin thuam dun i.

Isaiah 10:3

Pathian in ning cawh fangin ziang bawn tuh i si? Ning vumah lamhlapui in harsahnak a hleng fangin zaitin um tuh i si? Bawmhnak si in aisu hnenah tlan tuh i si? Ning thilri le ning lianhnakte akonah thup thil tuh i si?

Isaiah 20:6

Ciami can a hleng fangin Filistin ram tipui kamai a umtute in, ‘Assyria Kumpimangbawi kut in kin humtu tuh tiin kin rinsanhnak tepawl ziang cang tlang i, sik tu ih! Akontih in kin luat tlang tuh i?’ ti tlang tuh i,” tiin ti i.

Isaiah 33:14

Zion ai a ummi misualte tu thinlau in hlawng tlang dekdo i. “Pathian thukhanhnak tu kumzangza ai maiko bang i. Kin lakah cen ciami mai songin a luatthaitu kin um tuh im? tiin ti i.

Jeremiah 13:21

Na rualpui ai na ruathnakte in na neh ai na uk fangin ziang pong leh tuh isi? Nupang nau nai bangin a ur tuar tuh isi.

Jeremiah 22:23

Lebanon in a hlenghnak cedar thing lakah lungmuang ngai in cawlum i si. Ikhalselai nupang nau nai ur tuar bangin nangmah caah ur tuh ze i, ninghiokul tuh isi, Urhnak in na net fangin!

Jeremiah 30:14

Na ittute in na hai zo sio i. Anite in na van tlang nawn lo i. Ral bangin na bawn ing; Cawh ning tuarhnak heh a roh ze i. Zaimantifangin amahte sualhnak tam ai, Ning phatlohnak heh a roh ze i.

Jeremiah 5:31

Prophette in thudonrel i; prophette ai thupehnak bangin suangbawite in mi uk ai i minung aisu inkhai el lo i. A tawphnak can a hleng fangin akontih in um leh tuh i?” tiin ti i.

Ṭahhlapawl 1:19

“I ṭantute ko ing, Ikhalselai i bawm nuam tlang lo i. Suangbawi le hotute thi i, Khuapui song lamtluanah ah. Amahte pumpui nung nuam in, Rong a si hmunah.

Ṭahhlapawl 1:2

Zan khuavar in kap awm; Mithli a biang ah luang awm! A rualpui aisu khai um lo i, A hnemtu ah pakhat tal khai um lo i. A ṭantute in zuar i, Mi zongzong in tun tu ralcai ihang.

Ṭahhlapawl 4:17

Bawmhnak hleng nipang maw ti sikhnak in kin mit cawl sek i; Bawmhnak le hleng fawn lo i. Bawmhnak kin pe narawn tiin. Iang thliahthlo napui i ing, Kon ram inkhai bawmhnak kin pe thil lo i.

Ezekiel 28:13

Pathian vuandum, Eden ah um awng ai lungmankhung a phunphun hmang isi: ruby le diamond lungvar, a aihre lungmankhung, a san carnelian le Jasper lungmankhung, sapphires, emerald le garnets lungmankhung pawl thuam isi. Sui hlawnthil tampui nai isi. Ciamite tu nangmah na semsuah nia ai nangmah caah bawnhnak tepawl i.

Ezekiel 28:9

Nangmah na rek tuhin a kawi tlang fangin khuavang nangkhaw ti tuh thotho isim? Nangmah na rektute thawn ning tawk dun fangin khuavang ilo in minung ian i tuh isi.

Obadiah 1:7

A hlanai ning ṭantute in ning zawl tlang i, Na ram songin na hnawt i. Nangmah thawn rem niu in umtute in na neh zo i. Nangmah rongdai na kimpuitu na rualpuite in thang na toh i; ‘Fimhnak a naihnak tu akonah i?” na ti i.

Hebru 2:3

Ciatih ilekhaw kin in hetluk in nunohnak thawmlian heh zaikhai siar hlah lesingkhaw akontih in cawhhnak in kin luat thil tuh i? Bawipa amah rori in he nunohnak thu heh a hmasaber ah than ai amah a lingtu hmuahhmuah in a dik zia heh kin hnenah larruai zo i.

Thupphuan 17:13

Amahte pahra in a huham le thunaihnak sahrang hnenah pe tuh heh amahte tumtekhnak ṭen i.

Thupphuan 17:2

Laivum kumpibawite amah thawn nupa sualhnak bawn tlang ai laivum mite inkhai amah ai tisa riam sualhnak cabitti ding tlang manin ri tlang sek i,” tiin ti i.

Thupphuan 17:4

Ciami nupang in a mepian san le pon sannum in thuam ai hlawnthil sui le tikep lung le lungmankhung dangdang in a taksa dim sio i. A kut in sui khuat pakhat awh ai ciami khuat tu a taksa riam sualhnak thil mitsih mawi lo le ningdulkul in dim i.