Jeremiah 4:1 - Zanniat Bible

¹ Bawipa in, “Aw Israel mite, let ning nuam lekhaw i hnenah let tu ih. I ningdulhnak milim bia heh lon ai i hmaiah rintlak le kho ngai in um le i sikhaw,

Khualsim Bible

¹ Bawipa ni, “Maw Israel, na kirṭhan a’cun, ka hemah a ii na kirṭhan awk cu. Ka hmaika in ningtirhṭha na thilpawl na thawn hngai ih, na hnin dualdo lo a’cun,

Falam Common Language Bible

¹ Bawipa in, “Maw Israel mi pawl, kir sal nan duh ahcun ka hnenah ra kir sal uh. Ka ningsin zetmi milem biaknak cu nan hlon ih ka hmaiah rintlak le hngetkhoh ih nan um ahcun,

Jeremiah 4:1 ပူးပေါင်းရင်းမြစ်များ

Seemthawhnak 35:2

Ciafangin Jacob in a songkhat le amah thawn umtu minungte hnenah, “Ramdang mite khuavang milim hmuahhmuah lon tusek hang ih; ning ruangpum cianghlimruai in hnikpon cianghlim sil tu ih.

2 Siangphahrang 23:13

Olive tlang an hlang lam, Jerusalem an nisuah lamai kumpibawi Solomon in ningdulkul khuavangte, Sidon khuazingnu Astartes, Moab khuavang Khemosh le Ammon khuavang Milkom ca ai a dawlhnak pulengte heh ningrimtiar sio i.

2 Siangphahrang 23:24

Suangbawi Sang Hilkiah in Bawipa Biakinn songah a hmuhnak laibu songin a umhnak dante tu hlunsuak tuh rori in Jerusalem khua le Judah ram songai a ummi mipolte le kutrin sikthiamte heh kumpibawi Josiah in hnawt sek i; innsang milimte, khuavang limte le khuavang biahnak thilri hmuahhmuah khai bal sek i.

2 Sansiarnak 15:8

Asa in Obed ai fapa prophet Azariah thuphuanghnak a za fangin a tha tho ngai i. Judah le Benjamin ram le Epharaim tlang vum ram a langhnak khuapui hmuahhmuah songai a um milimte heh lon sah sio i. Cen Biakinn tualvan ai a umhnak Bawipa ai puleng khai remm i.

2 Sansiarnak 33:8

Israel mite in i thukham le i thupehnak hmuahhmuah hlun tlang ai i cengfa Moses in amahte hnenah a pehnak Dante a khim in bawn tlang lekhaw amahte pupate hnenah i pe awnghnak hemi ram an aisu inkhai hnawt tuh lo i,” tiin a relhnak leklo ciami Biakinn song rori ah milim dah i.

2 Sansiarnak 34:33

Cen kumpibawi Josiah in Israel ram songai a umhnak ningdulkul milimte tu siatsuah sek i. A nun songah mizapui in a pupate ai Pathian Bawipa hlunhnak khiah pialsan nawn lo i.

Isaiah 31:6

Pathian in, “Aw Israel mite, i hmaiah ning sual zo ai ral i can zo i si! Ikhalselai i hnenah let tu ih!

Jeremiah 15:19

Cen Bawipa in, “Let leh lesikhaw na lang leh tuhai i cengfa na cang leh tuh i. Thulovang menma pong loin thungai le thudik phuang lesikhaw i prophet na cang leh tuh i. Mipui hnenah feh kul tuh lo isi, anite sawn na hnenah kawi tlang tuh i.

Jeremiah 15:4

Jerusalem ah Hezekiah ai fapa Manasseh in Judah kumpibawi a cang laiah thilsual a bawnhnak manin he tih bangin bawn tuh ve ing ti khiah laivum mi hmuahhmuah in a hmu fangin kih le mangbang in um tlang tuh i,” ti i.

Jeremiah 18:11

Tun in Judah mi le Jerusalem mite khiah rel tu: amahte caah a pha lomi bawn tuhin tumhnak nai ai anite cawh tuhin a ralring ihang ing. Amahte ziaza pha lo heh com tuhang seh; amahte nundan le thil bawnhnak heh ṭhin tuhang seh.

Jeremiah 24:9

Amahte vumah hnawmcanhnak a roh ngai in hlengruai tuhai laipua vum miphun hmuahhmuah thinlau tuh sio i. Mi in zinghnak ah le hnihsahnak ah ning hmang tuh i. Nautat tlang tuhai amahte hming tu a piakhnak hmuncang ah cukcamhnak ah hmang tuh i.

Jeremiah 25:5

Bawipa in ning pupate le ningmah hnenah he ram tu a zomzet in ningmah ai tuhin ning pe i. Hemi ramah ning um thil tuh ngiohnak in ning nuncan pha lo le thilsual ning bawnhnak tepawl heh hlum tuhin he prophette in ning rel i.

Jeremiah 3:1

Bawipa in, “Mi pakhat tu a nupui ma ai pasal dang a pa leh hnuaah tu ciami nu khiah a nupui tuhin lang leh tuh im? Lang leh lekhaw amahte ram ningrimtiar i. Ikhalselai Israel, nang in tu daihtu tampui na nai hnuaah i hnenah let na nuam i.

Jeremiah 3:12

Ciamanin Israel hnenah feh ta tulai, ‘Aw sangtlak lo Israel, i hnenah let tu. Ninghiohnak naitu ing ai thin i raw tuh lo i. Kumzangza incen na vumah thin i raw tuh lo i.

Jeremiah 3:14

“Aw sangtlak lo minungte, let tu ih; Kaimah ai i si. Khua pakhat in mi pakhat ṭen le hin khat in mi pahnih ṭen ning lang tuhai Zion Mual ah ning letpui tuh ing.

Jeremiah 3:22

Bawipa a zamtute khai, let tu ih; Ning cakruai tuhai rinsantlak ah ning bawn tuh i. Ningmah in, “I, Bawipa hnenah let i ing, zaimantifangin amah khiah Pathian i.

Jeremiah 35:15

I sal prophette pakhat hnua pakhat ning hnenah hlat napui a dikcang bawn ai thilsual bawnhnak nuncan hlum tuhin ning rel thliahthlo ing. Ning pupate le ningmah hnenai i pehnak he ramah catloin ning umthilhnak tuhin Pathian dangte na ruaihtu tuh loin le bia tuh loin ning rel i, ralringhnak ning pe i. Ikhalselai i thurelhnak tu ngai tlang lo ai zaikhai siar lo i si.

Jeremiah 36:3

Judah mite vumah siatsuahhnak hlengruai i tumhnak heh za ai amahte nuncan thleng thil pang selai! Ciatihin anite sualhnak le phat lohnak pawl ngaithiam tuh napui ing!” tiin ti i.

Jeremiah 4:4

Aw Judah mi le Jerusalem mite, Bawipa kaimah thawn thukham ning bawnhnak khiah khimruai in kaimah hmaiah vunhmur tanmi i tu ih; ciatihin kaimah caah thianghlim ngai in ap dun tu ih. Ciatihin bawn hlah le i sikhaw thil ning bawn sualhnak manin ning vumah i thinrawhnak mai bangin ko tuhai a hmitthaitu aisu khai um tuh lo i,” tiin ti i.

Jeremiah 7:5

“Ning nuncan thleng tu ilai ning thil tidan khai ṭhin tu ih. Pakhat le khat dikcanglairelhnak thawn pawlkom dun tu ih.

Jeremiah 7:7

Ning nuncan ṭhin le i sikhaw ning pu le ning pate hnenah i peciahnak he ram songah a zomzet in ning umruai tuh ing.

Ezekiel 11:18

Amahte let fangin thil ningdulkul le a ningrimmi milimte tu lon tuh sio i.

Ezekiel 18:13

a pung a khang daih in tangka mi put i. Ciami pa tu nung tuh im? Nung tuh lo i. Hemi bang thil a bawn manin thi tuh i. A thihnak heh amah ai mawh manin i.

Ezekiel 43:9

Tun tu khuavang bia heh com tuh hang ai amahte kumpibawi ai luang heh lon kul tuh i. Ciatihin bawn lekhaw amahte hnenah kumzangza in um tuh ing,” tiin ti i.

Hosea 14:1

Aw Israel mite, Bawipa ning Pathian hnenah let tu ih. Ning sualhnak manin ning bah zo ai ning tlu zo i.

Hosea 2:2

I fate, ning nu heh rel tu ih; ani tu i nupui ilo im? Kai tu a pasal ilo ing im? A uire le hlotlau com tuhin rel tu ih.

Hosea 7:16

Hathnak zaikhai a nai lomi khuavang hnenah i pial san leklo de i. Anite tu thal kawn bangin rintlak lo pawl i. A hotute tu puarthau ngai in pong tlang manin sarthih in thi tlang tuhai Egypt mite in hnihsan tuh i,” tiin ti i.

Joel 2:12

Bawipa in, “Tun rori ah Ning thinlung veksen in rong ul in, Mithli far le lungsia in, i hnenah let tu ih.

Zekhariah 1:4

Ning pupate bang imah ih. Hlanlai ai prophette in i thu rel ai sualhnak bawn tuh loin le thil sual bawn tuh loin rel i. Ikhalselai i thu ngai nuam lo i, a hlun khai hlun nuam lo i.

Daannolhnak 27:15

“Lungto in ituseh, thir in ituseh, milim bawn in a thupniu in a biatu heh Pathian cukcamhnak tuar tuseh. Bawipa in milim bia heh hua i,’ a ti fangin, “Mizapui in, ‘Amen,’ ti tlang tuseh.

Daannolhnak 4:30

Ikhalselai vansanghnak ning tawk fangin le he thil hmuahhmuah ning vumah a hleng fangin a hnuataber talah Bawipa hnenah let tuhai a thu ngai leh tuh i si.

Joshua 24:14

“Ciamanin Bawipa tu kihzahhnak thawn bia tu ilai ani tu rinsantlak le thinlung tak in ruaih tu ih. Ning pupate in Masopotamia ram le Egypt ramai amahte biahnak a dang khuavangte tu hnawl tuhang ilai Bawipa ruaihtu cang tuhang ih.

Thuṭhentule 10:16

Ciatihin hinnam dang khuavang amahte naihnakte khiah lon sio ai Bawipa khiah bia tlang i. Cen Israel mite ai harsa tuarhnak khiah a hmu fangin Bawipa tu a thin nuam thil nawn lo i.

1 Samuel 7:3

Ciafangin Samuel in, “Ning thinlung taktak in Bawipa ben ning nuam lekhaw ramdang khuavangte le Astartes khuavang nu ai zukte heh lon tusek ih. Ning nunhnak a veksen in Bawipa hnenah pe tusek ilai amah lek bia tu ih. Ciatihin Filistin mite in nehhnak songin Bawipa in ning luatruai tuh i,” tiin ti i.