Jeremiah 32:24 - Zanniat Bible

²⁴ “Babylon mite in a khuapui lang tuhin a pualam in laipua silh tlang ai tawng dekdo i. Raltawng, rian tlung le urhnak in he khuapui khiah amahte kut songah hlengruai tuh i. Na ponghnak hmuahhmuah khim sio i ti hmu hlen isi.

Khualsim Bible

²⁴ Zoh hman uh, khualipi latngah dingah a velkim vulei an silh, ralreen, mangṭaam leh tiahhrinsia ih kulmi khualipi cu amah ralsanin a dotu Khaldea mipawl ih kut ah piak a i rom. Na aan taakmi cu namah rori ih hmuh manghin a cang rom.

Falam Common Language Bible

²⁴ “Babilon mipawl in an khawpi la dingah a lenglam ihsin leilung an khahsilh ih an do ciamco. Raldonak le paamnak le natnak in hi khawpi cu an kut sungah a thlenter ding. Na ṭong mi hmuahhmuah a kim thluh a si ti cu na hmu ṭheh ko.

Jeremiah 32:24 ပူးပေါင်းရင်းမြစ်များ

2 Samuel 20:15

Cen Joab ai ralkapte khai hleng tlang ai ciami khuapui heh kulh i. A khuapui kulhhnak vingpui heh tlu tuseh tiin Joab ai ralkapte in a hnia ai laipua co dekdo i. Cen vingpui kanthilhnak tuhin a pua in laipua silh tlang i.

Isaiah 37:33

Assyria Kumpimangbawi thu ahcen Bawipa in hetihin rel zo i: “Hemi khuapui songah lut tuh lo i; he khuapui songah conkiang pakhat khai sai tuh lo i. Hemi khuapui hiang cingkim ah lum awhtu ralkap pakhat khai kawi tuh lo i; cen hemi khuapui tawnghnak tuhin vingpui pualam ah laipua sang a cingkim in tiang tuh lo i.

Jeremiah 16:4

Urhnak a phunphun in thi tuhai kahtu khai nai tuh lo i; phumtu khai nai tuh lo i. Amahte luang laipua vumah ekdawm bangin piak tuh i. Cen raltawnghnak ah thi tuh i, rong loin thi tuh i; amahte luang tu vaniu le ramsate ai rong cang tuh i.

Jeremiah 20:5

Hemi khuapui lianhnak hmuahhmuah, a sumsaw le hlawnthilte, Judah kumpibawi ai thilri le hlawnthil tianin a ralte in sut tuhai Babylon ah fehpui tuh sio i.

Jeremiah 24:10

A pupate le amahte hnenah i pehnak ram songah cenin pakhat khai tang nawn lo tianin a borul sek hlanlo amahte vumah raltawnghnak, rian tlung le urhnak hlengruai tuh ing,” tiin ti i.

Jeremiah 29:17

Cungnungber Bawipa in ‘Raltawng le rian tlung le urhnak anite vumah hlengruai tuhai aih phalo in a hmonmi thaihmin bangin bawn tuh ing.

Jeremiah 29:18

Raltawng, rian tlung le urhnak thawn hlun tuhai ciami tu laipua vum miphun tampui in hmu fangin tihik tuh ngaingai i. I piakruaihnak ram cangcang ai mite in anite vumah a hlenghnak thil hmu fangin mangbang le thinlau in um tlang tuh i. Mi in hnihsarelhnak in hmang tuhai anite hming tu mi cukcamhnak ah hmang tuh i.

Jeremiah 32:25

Ikhalselai, Aw Cungnungber Bawipa, Babylon mite in he khuapui lang dawn napui hang ai thu lingpuitute mithmuh ah lo lai tuhin thu i pe fawn isi,” tiin ti ing.

Jeremiah 32:28

Hemi khuapui tu Babylon kumpibawi Nebuchadnezzar le a ralkapte kut ah pe tuh ing, lang tuhai,

Jeremiah 32:3

Kumpibawi Zedekiah in ciata ah thawng ah i toh ai i tohhnak thu tu, ‘Bawipa ai ponghnak na phuang manin,’ i ti i. Bawipa in hetihin i rel i, “Babylon kumpibawi in he khuapui heh langruai tuhai,

Jeremiah 32:36

Bawipa Israel ai Pathian in kaimah hnenah, “Jeremiah, raltawng, rian tlung le urhnak in he khuapui khiah Babylon kumpibawi kut ah hlengruai tuh ing, tiin hemite in ti i. Tunai i pong tuhhnak heh ngai rih tu!

Jeremiah 32:5

Zedekiah tu Babylon ah fehpui tuhai a thu i rel hlanlo ciata ah um tuh i. Babylon mite tawng inkhai hlawhtling tuh lo i. Kaimah Bawipa in rel zo ing,” tiin ti i.

Jeremiah 33:4

Bawipa kaimah, Israel ai Pathian in Jerusalem innte le Judah ram kumpibawi inn tu ral in kulh ai tawng dekdo manin min tuh sio i tiin rel ing.

Jeremiah 34:17

Ciamanin kaimah Bawipa in i thu hlun lo i si, tiin ning ti ing. Ning phunpui Israel mite tu luatruai lo i si. Pha i, ning khai luathnak ning pe tuh ing: Raltawng le rian tlung le urhnak a phunphun in thithaihnak ning pe tuh ing. Ning vumai i bawnhnak in laipua vumai minung hmuahhmuah tihik thai in bawn tuh ing.

Jeremiah 52:4

Nebuchadnezzar tu a ralkapte thawn feh ai Zedekiah kumpibawi a canghnak kum kua kum, hla hra hla, ni hra nia ah Jerusalem tawng i. Khuapui pualam ah riahbuk sa ai, ciami khuapui kulhhnak pualam in a cingkim in laipua tiang ai,

Jeremiah 52:6

Cia kum hlaikhat kum, hla li hla, ni kua nia ah rian tlung a roh ze manin khuasong mite zaikhai aih tuh nai nawn lo i.

Jeremiah 6:6

Cungnungber Bawipa in hemi kumpibawite hnenah Jerusalem khuasong thingkungte vawng tuhin le Jerusalem tawnghnak hrangah laipawng tiang tuhin thupe i. Bawipa in, “Hemi khuapui tu naunehhnak in a dim manin cawh tuh ing.

Ezekiel 14:21

Cungnungber Bawipa in hetihin i ti i: “Minung ituseh, sumhnam ituseh rek tuhin i mi cawhhnak a roh ber pali- raltawnghnak, rian tlung, sahrangte, le ursiate Jerusalem vumah hlengruai tuh ing.

Ezekiel 21:22

‘Jerusalem,’ ti ai a nganhnak tu a kiahhan lam kut in awh i. Ciami thal tu bawhkulhte seu tuh siohnak, raltawng fangin haw tuh dekdohnak, kotkate seu tuhhnak, vingpui tahin sang sawn laipua vurh tuh le sardonsangte tianghnak tuh tepawl rel sio i.

Ezekiel 21:27

“Hnawmhnak! hnawmhnak! I, khuapui tu siatsuah tuh sek ing. Ikhalselai he khuapui cawh tuhin i rilmi miuktu a hleng hlanah he thil cang tuhhnakte tu khim tuhlai lo i; a khim fangin a kut ah pe tuh ing.

Ezekiel 26:8

Ramsong khua ai a umtute tu raltawnghnak ah thi tuh i. Ralte in kahsam co tuh i, laivawr sang vurh tuh i, amahte lum tu bangkhang bangin pit tuhai sah tuh roh i.

Ezekiel 4:2

Cen ralte in Jerusalem kulhhnak ah a kahsam cohnak, laipua tianghnak, ralkapte umhnak le ralving siatsuahhnak tepawl a cingkim ah bawn tu sio law.

Habakkuk 1:10

Kumpibawite nautat ai bawi upate hnihsan i. Zaibang vingpui inkhai kham thil lo i. A pua in laipua vurh ai lang ben thotho i.

Zekhariah 1:6

I sal prophette hmang in i thu le i thukham khiah ning pupate pe ing, ikhalselai zaikhai siar lo i; ciamanin harsahnak tampui tawk i. Cen cawh tlak a imanin cawh tuhin a tumtu heh Cungnungber Bawipa kaimah ing ti khiah ling ai sir leh i,” ti i.

Matthai 24:35

Lai le van tu bo tuh napui i ponkam tu bo tuh awng lo i.

Daannolhnak 4:26

Ciatihin bawn ngaingai le i sikhaw lai le van sal in tunnia ah ning rel ing: he ramah a rai leng tlang tuh lo i si. Ning khur tuhhnak Jordan runpui ral ah a rai um tuh lo i si; siatsuahhnak tuar tuh i si.