Jeremiah 32:19 - Zanniat Bible

¹⁹ Nang tu thil ruatthiamtu, ngaihsunurkul thil bawntu isi. Minung bawnhnak hmuahhmuah hmu sio ai amahte perhnak bangin lehsawng pe isi.

Khualsim Bible

¹⁹ Ruahnakpiaknak ah a pipa ih thiltinak ah a dikcakmi, a mit ni minungle ih lam zate a hmu tu, an nuncanpawl mang leh an thiltidanpawl mangin ṭuanman a pia hngai tu.

Falam Common Language Bible

¹⁹ Nang cu thil ruat thiamtu, mangbang za thil tuahtu na si. Minung tuah mi hmuahhmuah na hmu ṭheh ih an hnaṭuan vekin laksawng na pek.

Jeremiah 32:19 ပူးပေါင်းရင်းမြစ်များ

1 Siangphahrang 8:32

Aw Bawipa, amahte thu tu van in ngai tulai na salte thukhan tu hram law. Misual heh a sualhnak bangin cawh tulai a mawh lomi heh a mawh lo bangin hlat tu hram law.

2 Sansiarnak 16:9

Bawipa in amah rinsanhnak thinlung a naitu hnenah thazang hathnak pe tuhin laivum pumpuhluk heh sik ngio i. Voithu in thil na bawn zo manin tunai panin raltawng tuh thliahthlo ihang si,” tiin ti i.

Job 34:11

Minung tu a naper thawn tuak in hlawhman Pathian in pe i, Amahte bawnhnak ziaza thawn tuak in amahte vumah hlengruai i.

Job 34:21

Pathian in minung lampui sik i, minung ai kalsuanhnak heh sikhliah i!

SAAM LABU 111:2

Bawipa ai thil bawnhnak tepawl, Zailtukin ngaihsunurkul i, Ciami thil bawnhnak vumah a lungawitu in a sullam ling nuam tuh i.

SAAM LABU 34:15

Bawipa in a midikcangte tu sik ṭiode ai amahte auhnak khai ngai i.

SAAM LABU 62:12

A mi ithnak tu thleng awng kel lo i. Aw Bawipa, mi zongzong heh amahte perhnak bangin, A per man heh nangmah in pe isi.

SAAM LABU 92:6

Mivoite ai ling ben tuhhnak ilo i; Mitawte ai ruat ban tuh khai ilo i.

Suahhlannak 15:11

Aw Bawipa, laivum ai khuavangte lakah. Na bangtu aisu um nitur? Thianghlimhnak ah na kihkul, Songlawihnak ah na laukul, thil tibenhnak ah ngaihsunurkul;

Aanroling 5:21

Bawipa in na bawnhnak hmuahhmuah hmu sio i, Na fehhnak cangcang ah na sik ngio i.

Aanroling 8:14

Khuakhan tumtekhnak nai ai bawn sio ing, Ling thilhnak nai ai i hat fawn i.

Thusimtu 12:14

Pathian in zaizongza kin bawnhnak vumah thukhan tuh i; a pha ituseh, a hnawm ituseh, a thupniu in kin bawnhnak vum tianin thukhan leh tuh i.

Isaiah 28:29

Hebang fimhnak le thiamhnak heh Cungnungber Bawipa ai pehnak i. Pathian khuakhanhnak tu fimhnak in khuakhanhnak i ai hlawhtlinghnak um ṭiode i.

Isaiah 40:13

Hetihin bawn tu tiin Bawipa a rel thaitu aisu um nitur? A cukthaitu le ruathnak a pe thaitu tang um awm?

Isaiah 59:18

A ralte tu a hlapui ah um ta inkhai amahte bawn sualhnak bangin cawh tuh i.

Isaiah 9:6

Kin hnenah nauniu te zo i; Kin caah fapa kin pe zo i; Ani tu kin uktu tuh i. Ani tu “Ngaihsunurkul, Remruattu,” “A hat ngai Pathian,” “Kumzangza ai Pa,” “Daphnak Kumpibawi,” tiin ko tuh i.

Jeremiah 16:17

Amahte bawnhnak hmuahhmuah hmu sio ing. Kaimah hmaiah a thup thilhnak zaikhai um lo i; amahte sualhnak i hmu lohnak zaikhai um lo i.

Jeremiah 17:10

Kaimah Bawipa in mihing ai thinlung tu hmu ai amahte songlam thil cu ing. Mi zongzong amahte nundan in sik ai, Amahte bawnhnak bangin rulthun ve ing,” ti i.

Jeremiah 21:14

Ikhalselai na thil bawnhnak manin na cawh tuh ing. Na inn phapha tu mai in tai tuhai a hiangai zaizongza kang tuh sio i. Kaimah Bawipa in rel zo ing,” ti i.

Jeremiah 23:24

I hmu thil lohnak tian ai a relhbentu aisu khai um lo i. Lai le van khuahacang ah um heh i ling lo i sim?

Jeremiah 25:14

A thilsual bawnhnak man ah Babylon mite vumah phuzul tuhai miphun tampui le kumpibawi thawmlian ngaingai pawl in sal ah zua tuh i,” ti i, tiin rel i.

Daniel 2:45

Na mang ah aisu inkhai dai loin tlang vumai lungpui tu amah hlanlam in leu ai thir, dar, laisawr, ngun le sui ai bawnhnak milim a seu khiah hmu isi. A thawmlian mi Pathian in hmai lamai a hleng tuhhnak thil khiah kumpibawi nangmah na rel i. Na mang manhnak cekci na rel zo ing; cen a sullam khai dik ngai in na relfiang zo ing,” tiin ti i.

Daniel 4:35

Laivum minungte tu Zaikhai ilo in sik i. Van ai vancungmi le laivum ai minungte tu, Amah in uk sio i. Aisu inkhai a daihhnak el thil lo i; A thil bawnhnak khai thu zawt thil lo i.

Zekhariah 9:1

Hemi tu Bawipa ai thuhlup i: Hadrak ram le Damascus khuapui cawh tuhin amah in ruatcat zo i. Israel miphunte lek ilo in Syria ram khuapui khai Bawipa ai i.

Matthai 16:27

Mi Fapa tu a Pa ai songlawihnak le vancungmite thawn hleng cing tuhai mi zongzong khiah amahte bawnhnak bangin a man pe tuh i.

Johan 5:29

amahte hlan songin suakhnak can hleng tuh i: thil pha a bawntute tu nung tuhin tho leh tuh i; cen thil sual a bawntute tu lon tuhin tho leh tuh ve i,” tiin ti i.

2 Korin 5:10

Zaimantifangin thukhan tuhin kin veksen Khrih hmaiah ding leh tuh ising. Aisusu khai a pha ituseh, a hnawm ituseh a nun songah a bawnhnak bang cekci in ngah tuh i.

Efesa 1:11

Zaizongza heh Pathian Amah ai tumtekhnak le ruatciahnak bangin khim sio i. Khrih thawn kin pehzomdunhnak thawmin a nungmi i tuhin Pathian in kin ril zo i; ciami tu amah ai tumtekhnak i ai a hampan in a khuakhan cia i.

Hebru 4:13

Pathian hmaiah zaikhai kin thupthilhnak um lo i. Pathian ai semsuahhnak thil hmuahhmuah heh a hmaiah pharh sio le hong sio bangin lar i. Ni khatkhat ah amah hnenah thula kin naihnak hmuahhmuah phuang tuh sio ising.

Thupphuan 2:23

Amah a hluntute khai rek tuhai ciatihin pawlpui hmuahhmuah in minung ruathnak le tumtekhnak a ling sektu ing ti khiah i ling tlang tuh i. Cen aisusu inkhai a bawnhnak bangin a man ngah tuh i si.

Thupphuan 22:12

Jesuh in, “Ngai tu ih! Kawi cing tuh ing! Amahte naper bangin pe tuh ṭen in perman koih tuh ing.