Jeremiah 30:3 - Zanniat Bible

³ Zaimantifangin i minung Israel le Judah mite i letruaihnak can hleng tuh i. Amahte pupate hnenah i pe awnghnak ramah letruai tuhai amahte ai cang leh tuh i. Kaimah Bawipa in rel zo ing,” ti i.

Khualsim Bible

³ Icatile ka mipawl – Israel leh Judah an vanni ka ṭhatsak nakding nicaanpawl an pha teuti thok, cun an pupale hemih ka ṭhen hngaimi ram ah ka kirpi hngai thok ih acu cu an ngeihtia thok,” tiah Bawipa ni a ti.

Falam Common Language Bible

³ Ziangahtile ka minung Israel le Judah mipawl ka kirter salnak tikcu a ra thleng ding. An pupa pawl hnenih ka rak pekmi ram ah ka kirter sal ding ih anmah ih ta a si sal ding. Keimah Bawipa in ka sim zo,” a ti.

Jeremiah 30:3 ပူးပေါင်းရင်းမြစ်များ

Ezra 3:1

Hla sarihhnak hla ah, Israel mite tu amahte khua ṭen ah a um tlang hnuaah, amahte veksen in Jerusalem ah taikhawm ai,

Ezra 3:12

Kum upa deuh suangbawite, Levi mite le a hin ṭenai hotute in a hmasa Biakinn khiah hmu awng zo i. Tun in a thar in Biakinn ham lungphum hmu fangin a roh ngai in kap tlang i. Ikhalselai ciata ai a umtu hrekkhatte tu lungawi in au tlang dekdo i.

Ezra 3:8

Ciatihin Jerusalem ah amahte lethnak kum khat hnua, hla hnihhnak hla ah Bawipa Biakinn hmunah naper pan i. Shealtiel ai fapa Zerubbabel, Jozedak ai fapa Jeshua, le Jerusalem ah a letlehtu hmuahhmuah: a unau Israel mite, suangbawite le Levi mite in Biakinn sahnak naper hampan tlang i. Cen kum kul le a vum lam a khimmi Levi mi zongzong naper siktu tuhin dah i.

SAAM LABU 126:4

Aw Bawipa, nangmah in ruah siruai ai Hegeb runpui ah, Ti a luang leh bangin, Mi nainung kin cangruai leh tu hram law.

SAAM LABU 53:6

Zion in Israel hnenah ohnak kawi selai i daih ngai napui i! Pathian in a minungte a khangsoruai leh fangin, Jacob ai tesinfate lungawi tlang tuhai, Israel mite aipuang tlang tuh i.

Jeremiah 16:15

Sak lam ram an le i piakruaihnak ramte an Israel mite a hoisuaktu Pathian nunhnak ko in thukhamhnak bawn tlang tuh sawn i. Amahte ram, a pupate hnenah i pehnak ramah letruai tuh ing. Kaimah Bawipa in rel zo i,” tiin ti i.

Jeremiah 23:5

Cen Bawipa in, “David ai tesinfate songin a felmi pakhat kumpibawi ai a rilhnak can hleng tuh i. Ciami kumpibawi in fimhnak thawn he ram heh uk tuhai a dikcang le a dikmi lek bawn tuh i.

Jeremiah 27:11

Ikhalselai miphun pakhatkhat in Babylon kumpibawi kut songah pe dun ai ruaih lekhaw amah ai ram songah umruai tuh ing; amah ai ramah um tuhai amah ai loram khiah vai tuh i. Kaimah Bawipa in rel zo ing,” ti i.

Jeremiah 27:22

Babylon ah thiar tuh sio ai kaimah in tawk zo hang ti hlanlo ciami Babylon khua ah um tuh i. Cia hnuaah kaimah in letpui tuhai he hmunah dah leh tuh ing. Kaimah Bawipa in rel zo ing,” tiin ti i.

Jeremiah 29:10

Bawipa in, “Babylon ramai ning umhnak kum sawmsarih a khim fangin ning vumah ngaihharhnak nai tuhai ning khua le ning ramah let tuhin i tiamhnak bangin khimruai tuh ing.

Jeremiah 29:14

I, i hmu tuhai ning khua le ning ramah ning letruai tuh ing, tiin ning rel ing. Khuacang le ramcang ah ning piakhnak in ning khawm tuhai sal ning tanghnak hlanai ning umhnak ramah ning hoi leh tuh ing. Kaimah Bawipa in rel zo ing,” tiin ti i.

Jeremiah 3:18

Israel in Judah kom tuhai sal ai a tang awnghnak hmun sak lam ram an hmun khat ah, ning pu le ning pate hnenah a zomzet hrang tuhin i pehnak ramah, let tuh i,” tiin ti i.

Jeremiah 30:10

“I minungte, kih mah ih; Israel mite lau mah ih. Ram hlapui an ning o tuh ing, Sal ning tanghnak ram an. Ning ramah let tlang leh tuhai, hlamuang niu in um tlang leh tuh i si. Him ngai in um tuhai thin ning lau tuh lo i.

Jeremiah 30:18

Bawipa in, “I minungte tu, Amahte ramah letruai tuhai, Amahte innsang ṭen ah ninghiohnak nai tuh ing. Jerusalem tu saleh tuhai, A kumpibawi inn tu tungding leh tuh i.

Jeremiah 30:4

Bawipa in Israel le Judah mite hnenah,

Jeremiah 31:16

Kap nawn loin sup tulai, na mithli nul tuhang. Na fate ca na bawnhnak tepawl heh perman lehsawng ngah loin um tuh lo isi. Ral ram an let tuh i.

Jeremiah 31:23

Cungnungber Bawipa, Israel ai Pathian in, “Amahte saltanghnak an a ramah i hoi leh fangin Judah ram le a khuate ahcen, ‘Bawipa in Jerusalem mual thiang tu hmuifu pe tu hram seh, Amah a umhnak hmun thianghlim khiah,’ tiin ti tlang leh tuh i.

Jeremiah 31:27

“Kaimah Bawipa in rel ing: can hleng tuhai Israel ram le Judah ram tu minung le sumhnam in dim leh tuh i.

Jeremiah 31:31

Bawipa in, “Israel mite le Judah mite thutiamhnak thar i bawnhnak can hleng tuh i.

Jeremiah 31:38

Bawipa in, “Jerusalem tu a pumpui in kaimah khuapui tuhin tungdinglehhnak can hleng tuh i. Hannanel inndonsang in kulhhnak nitlak lam Kotka ning tian remm leh tuh sio i.

Jeremiah 32:37

I thinrawhnak le i thintokhnak manin ram tampui ai i piakruaihnak in a nite tu khawm tuh ing; he ramah letruai leh tuhai muang ngai in um tuh i.

Jeremiah 32:44

Mite in lo lai tlang tuh i, amahte laidunhnak laikhen ah hming ngan tuh i, tacik khen tuhai thu lingpuitu khai um tuh i. Hemi bang tu Benjamin ram songah le Jerusalem hiang khuatenaute ah, Judah ram khua songah le tlang vum ram khuate ah le Judah ram hlang lam ram songah khai bawn tuh i. Zaimantifangin ral ai pom mite tu amahte ram songah umruai leh tuh ing. Kaimah Bawipa in rel zo ing,” tiin ti i.

Jeremiah 33:26

Hemi thilte a bawntu ing ai Jacob ai tesinfate le i na ruaihtu David thawn i bawnhnak thutiamhnak khiah khoruai tuh ing. Abraham, Isaac le Jacob ai tesinfate uktu ah David ai tesinfa pakhatkhat ril tuh ing. I minungte vumah ninghiohnak nai tuhai mi nainung cangruai leh tuh ing,” tiin ti i.

Jeremiah 51:60

Babylon vumah ituseh, Babylon caah thu dangdang ituseh, laibu songah ngan ing. Siatsuahhnak a hleng tuhhnak hmuahhmuah ngan sio ing.

Ezekiel 20:42

Ning pupate hnenah pe tuhin i thukhamhnak Israel ramah kaimah in ning letpui fangin Bawipa ing ti khiah i ling tuh i.

Ezekiel 34:13

Ramdang ramte an suakruai tuhai hmunkhat ah khawm in amahte ramah hoi tuh ing. Israel tlangsangte le runpui kamah hoi tuhai hamhing umhnak ah cawm tuh ing.

Ezekiel 36:24

Miphun cang le ram cangcang in ning lang tuhai ningmah ai ramah ning letpui tuh ing.

Ezekiel 47:14

Ning pu le ning pate hnenah he ram tu amahte ai tuhin pe tuh ing tiin cukcam in thukham awng zo ing, tunah a tiavek in zem dun tu ih.

Joel 3:1

Judah le Jerusalem mibawngpha in i bawn nia le can ah,

Zefaniah 2:7

Ning ram tu Judah mi a tangsun pawl in khur tuh i. Ciata ah amahte tuu khal tuhai Ashkelon ai innte ah mitmu tlang tuh i. Bawipa a Pathian a hnenah um tuhai nainungmi cangruai leh tuh i.

Zefaniah 3:20

Can hleng tuhai, a piakmi na minungte tu hoi leh tuh ing. Laivum pumpuhluk ai hmingthang ah na bawn tuhai, Mi nainung na bawn leh tuh ing; Ciami tu na mit in hmu tuh isi,’ tiin ti i. Bawipa in pong zo i.

Luka 17:22

Cen a hnuahlunte hnenah, “Mi Fapa ai nun lai can ni khat tal hmu thil ve selai tiin ning hiam can hleng tuh i, ikhalselai hmu thil tuh lo i si.

Luka 19:43

Ning ralte in ning kulh tuh sio ai ning kham sio le khuahacang in ning hnen kawihnak can hleng tuh i.

Luka 21:6

Hemi heh hmu sio i si; ikhalselai he lungtote heh pakhat khai amahte umhnak kel ah um nawn loin a lon sek can hleng tuh i,” tiin ti i.

Daannolhnak 30:3

Ciafang ian in Bawipa tu ning vumah ninghiohnak thinlung nai tuh i. Ning piakhnak ram an ning tlungruai leh tuhai mi nainung in um leh tuh i si.

Daannolhnak 30:5

Ning pupate um awng hmun ramah um leh tuh i si. Cen ning pupate tahin ning lian tuh deuh ai ning tam deuh tuh fawn i.

Hebru 8:8

Ikhalselai Pathian in a minungte mawhhluk ai, “Bawipa in hetihin rel i: Israel mi le Judah mite thawn thukhamhnak a thar in bawn tuh can hleng cing tuh i.