Jeremiah 30:10 - Zanniat Bible

¹⁰ “I minungte, kih mah ih; Israel mite lau mah ih. Ram hlapui an ning o tuh ing, Sal ning tanghnak ram an. Ning ramah let tlang leh tuhai, hlamuang niu in um tlang leh tuh i si. Him ngai in um tuhai thin ning lau tuh lo i.

Khualsim Bible

¹⁰ “Ka tungsau Jakob, nang zong cu ṭih hlah law, cun maw Israel, thinnau hlah law, tiah Bawipa ni a ti, icatile lam hlapi in ka tan rung thok, cun na ciitlang khaw an saltaannak khurram in. Jakob cu a kir lei ih dai leh himin khua a sa thok, culeh ahuhman ni ṭih-aw in an vua thok lo.

Falam Common Language Bible

¹⁰ “Ka minung pawl, ṭih hlah uh; Israel mi pawl phang hlah uh. Ram hlapi ihsin ka lo run ding, sal nan taannak ram ihsin. Nan ram ah nan kirsal ding ih, thlangamte in nan um sal ding. Himzetin nan um ding ih nan thla a ṭeem lo ding.

Jeremiah 30:10 ပူးပေါင်းရင်းမြစ်များ

Seemthawhnak 15:1

Cia hnuaah Abram hnenah Bawipa lar ai, “Abram, na thinlau mah; kaimah heh na huptu lum ing. Na hnenah lehsawng heh uak ngai in na pe tuh ing,” tiin rel i.

Isaiah 14:3

Bawipa in Israel mite tu amahte rimsuhnak, amahte tuarhnak le naper har perhnak in cawlumruai ai com can bawn sah tuh i.

Isaiah 35:9

Ciata ah tu chintit um tuh lo i; Sahrang dang inkhai fon tuh lo i. Bawipa ai osuak mite tu, Hemi lampui hlun in inn ah tlung tlang tuh i.

Isaiah 43:5

Zaikhai lau mah na hnenah um ing. “Lamhlapui nisuahhnak le nitlahnak in, Na minungte hoi tuh ing.

Isaiah 44:1

Bawipa in, “Aw Israel, i cengfa, I relhnak, Jacob ai tefate, ngai tu ih.

Isaiah 44:2

Kai tu na semsuahtu Bawipa ing. Na nunhnak a sem sawng in na bawm awng zo ing. Zaikhai lau mah; i cengfa isi. I rilhnak, i ithnak isi.

Isaiah 46:11

Nisuah lamin mi pakhat ko lai ing; Mupui bangin zuang tuhai i khuakhan cia pawl bawn tuh sio ing. I rel cia bangin bawn i tuh i.

Isaiah 46:13

Nehhnak nia tu koih ai hleng dawn ihang; Hla nawn lo ihang. I mi nehhnak tu aisu inkhai hnuaruai thil tuh lo i; Jerusalem tu o tuhai, Ciata ah Israel mite hnenah upathnak pe tuh ing,” tiin ti i.

Isaiah 49:12

I minungte tu ram hlapui an kawi tlang tuh i; Sak lam le nitlak lam, Hlang lam Asuan khua inkhai kawi tuh i,” tiin ti i.

Isaiah 49:25

Bawipa in, “I, cang thil lo ning tihnak tu cang tuh i; Ralkap hat ngai kut songai ral pom mite tu o tuhai, ninghiohnak nai lomi ai langciahnak thilri khai sut leh tuh i. Na tawngtu hmuahhmuah kaimah in tawng tuhai, ning fate tu o tuh ing.

Isaiah 54:4

Zaikhai lau mah, zak na thi tuh nawn lo i; Mualpho in um leh tuh nawn lo isi. Nupui dawnniu na i laiah na zuangzamhnak le hmaitong isi ai thinhnawm lungsia ai na umhnak khiah hih tuh nawn lo isi.

Jeremiah 23:3

A tangsun i minungte tu i piakruaihnak ram an ko khawm tuhai amahte khua le amahte ramah letruai tuh ing. Fate tampui nai tlang tuhai pungzai tuh i.

Jeremiah 23:4

Ciahlaiah amah kilkhawltu tuhin tuukhalte dah tuh ing. I minungte tu anite in khal tuhai thinlau le thincawl in um tuh nawn lo ai cawh tuh nawn lo ing. Kaimah Bawipa in rel zo ing,” ti i.

Jeremiah 23:6

Kumpibawi a cang fangin Judah mite tu himniu in um tuhai Israel mite tu lungmuang in daphnak thawn um tuh i. Ani tu ‘Bawipa kin nunohnak’ tiin ko tuh i.

Jeremiah 23:8

Cia caah sak lam ram le a minung a piak siohnak ramte an Israel mite a hoi lehtu a nungmi Pathian hming in,’ tiin cukcam tuh sawn i. Ciatihin amahte ram songah um tlang tuh i,” ti i.

Jeremiah 29:11

Ningmah ca i tumtekhnak tu kaimah ian in ling ing. Tumtekhnak i naihnak tu ning hnawmcan tuhhnak ilo in nainungmi ning canghnak tuh hrangah i. Cia tumtekhnak tu ning umlamhnak le ning hmai lam hrang i.

Jeremiah 29:14

I, i hmu tuhai ning khua le ning ramah ning letruai tuh ing, tiin ning rel ing. Khuacang le ramcang ah ning piakhnak in ning khawm tuhai sal ning tanghnak hlanai ning umhnak ramah ning hoi leh tuh ing. Kaimah Bawipa in rel zo ing,” tiin ti i.

Jeremiah 3:18

Israel in Judah kom tuhai sal ai a tang awnghnak hmun sak lam ram an hmun khat ah, ning pu le ning pate hnenah a zomzet hrang tuhin i pehnak ramah, let tuh i,” tiin ti i.

Jeremiah 30:3

Zaimantifangin i minung Israel le Judah mite i letruaihnak can hleng tuh i. Amahte pupate hnenah i pe awnghnak ramah letruai tuhai amahte ai cang leh tuh i. Kaimah Bawipa in rel zo ing,” ti i.

Jeremiah 30:7

Kihkul le tihik nia hleng tuh i. Ciabang nia tu um awng kel lo i; I minung caah thincawlhnak nia i. Ikhalselai tuar ben tuh i,” tiin ti i.

Jeremiah 33:16

Judah mi le Jerusalem mite tu o tuhai lungmuang in um tuh i. Hemi khuapui tu, “Bawipa kin nunohnak,” ti i tuh i.

Ezekiel 16:52

Mualpho le zakthihnak tuar cuahco na kul i. Na hnawmhnak heh a tam ze ai na hiangai a ummi na unau nute tu mi mawh lo bang i. Na suahpui nupangte cianghlim bangin na cianghlimruai manin tun tu na mithmai san in na zakthihnak heh phur tu,” tiin ti i.

Ezekiel 38:11

Vingpui le ralkulh zaikhai nai lo khua songah dap niu le lungmuang niu in a ummi aisu khai bawmtu nai lo mite khiah tawng tum tuh isi.

Daniel 12:1

Pon fem ai bawnhnak hnikpon a siltu vancungmi in, “Ciami can ah na minung a kilkhawltu vancungmi thawmlian Michael lar tuh i. Hemi miphunte hnenah amahte thawhkehhnak ai panin a tawk awng lo harsahnak roh ngai hleng tuh i. Ciami can a khim fangin Pathian laibu songai hming ngan mi na miphunte tu o tuh i.

Hosea 2:18

Ciafangin tu i minungte tuahmawh lohnak tuhin laivum ramsa le van ai zuang vaniu le laipua ai bok vak pawl thawn thukhamhnak bawn tuh ing. Ral tawnghnak ralthuamte: ralvang le li le thal hmuahhmuah pairuai tuh sio ai i minungte tu lungmuang niu le himniu in khuasa tuh i.

Hosea 2:20

I thukham khoruai tuhai, kaimah ai i tuh isi; Kai tu Bawipa ing ti khiah ling tuh isi.

Hosea 6:11

“Ningmah Judah mite, ning thil bawnhnak manin cawh ning tuar tuh can thiah zo ing.

Joel 2:21

“Aw laivum, zaikhai lau mah, Lungawi sopar ngai in um tu. Bawipa in ngaihsunurkul thil bawn zo i.

Mikah 4:9

Zaimanin a cawm ngai in kap dekdo isi? Zaimanin nau nai dawn nupang bangin tuar dekdo isi? Kumpibawi nai nawn lo manin maw, thuron tuh nai lo man isi maw?

Zekhariah 3:10

Cia nia a hleng fangin tu ning cabit vuan le ning thaikung vuan songah um tuh phetpho in ning innhnente sawm ṭen tuh i si,” tiin ti i.

Johan 12:15

“Aw Zion khuapui, Na thinlau mah; Na kumpibawi tu laak niu vumah to in a kawi laitak i,” tiin a tihnak bangin khim i.