Jeremiah 27:9 - Zanniat Bible

⁹ Ning prophette ituseh, aisu bang khai ituseh, hmai lam thil a cang tuhhnak rel thai ing a titu heh sang mah ih. Mang in ituseh, mithi rauhla ko in ituseh, kut rin sik in ituseh, ling ing a titu heh sang mah ih. Amahte veksen in Babylon kumpibawi kut songah pe dun tuh loin ning rel i.

Khualsim Bible

⁹ Curuangah nangmi cu, nan profetpawl, nan litingpawl, nan mang mantupawl, thitlawngpawl, iklole dawithiampawl, ‘Babilon siangphahrang cu nan rian thok lo,’ an tan ti tu mipawl, thu cu nan ngai thok lo.

Falam Common Language Bible

⁹ Nan profet pawl siseh, zovek khal siseh, hmailam thil a cang dingmi ka sim thei a titu cu zum hlah uh. Mang in siseh, mithi thlarau ko tahratin siseh, kut ṭial zohnak in siseh, ka thei a titu cu va zum hlah uh. An zatein Babilon siangpahrang kut sungih pe-aw lo ding in an lo sim a si.

Jeremiah 27:9 ပူးပေါင်းရင်းမြစ်များ

Suahhlannak 22:18

“Dawithiam nupang tu a nung in zuah tuh lo i si.

Suahhlannak 7:11

Cen Pharoah in mifimte le dawithiam mite ko ai amahte dawi in Aaron ai bawnhnak bangin bawn tlang ve i.

Aanroling 19:27

I fapa, zirhnak awl lesikhaw na lingciahnak khiah hai leh tuh isi.

Isaiah 8:19

Mi tampui in pol le kutrin sikthiamte, ainai pawl leng tuhin le thuzawt tuhin ning ruai tuh i. “A nung mite tumrul in a thi mite thuzawt tuh le mithi rauhlate thuzawt tuh heh pha hlen nakhaw,” ning ti tuh i.

Jeremiah 14:14

Ikhalselai Bawipa in, “Prophette kaimah hming in thudonrel i. I hlathnak ilo i; amahte hnenah pon kamkhat pong tuhin i ruaihnak khai um lo i. Amahte relhnak murhmo thular hmuhhnak tepawl tu kaimah hnenin hlenghnak ilo i; hmai lam thu amahte relciahnak tepawl tu thulovang, amahte ai thinlung ruathnak menma i.

Jeremiah 23:16

Cungnungber Bawipa in Jerusalem mite hnenah, “Prophette ai thurelhnak tu ngai mah ih; thudon lek rel ai a dik lomi umlamhnak ning pe i. I ka ai suakhnak ponkam ilo in amahte ruathnak menma ning rel i.

Jeremiah 23:25

I mang ah Pathian ai thurelhnak za ing tiin i hming in thudon a reltu prophette ponka za ing.

Jeremiah 23:32

Kaimah Bawipa ai i ponghnak heh ngai tu ih! Thudon lekin mang thu a reltu prophette khiah ralcai ing. Amahte mang rel ai a thudon le puarthauhnak in i minungte hoisual i. I hlathnak ilo i, feh tuhin thu i pehnak khai ilo i. Mipui caah hnempuihnak zaikhai nai lo i. Kaimah Bawipa in rel zo ing,” tiin ti i.

Jeremiah 29:8

Kaimah Bawipa Israel ai Pathian in ralringhnak ning pe ing. Ning lakai a umtu prophette in ituseh, hmai lam thu ling i ing a titu midang inkhai ituseh, ning zawl maseh. Amahte mang manhnak khai zaisiar mah ih.

Ezekiel 21:29

Larhnak ning hmuhnak tu thudon i ai hmai lam thu ning relciahnak tu thulovang i. Mihrokhrawl le misiava ngaingai i si ai ning tuarhnak nia, hnuataber cawhhnak ning tuarhnak nia tu hleng cuahco ihang. Ralvang in ning hawng ning sat tuh i.

Daniel 4:7

Kutrin sikthiamte, mipolte, mitkher thiamte le arsi sikthiamte kawi tlang ai i mang heh rel napui a sullam aisu inkhai rel thiam tlang lo i.

Mikah 3:7

Hmai lam thu a reltute tu amahte relhnak a khim lo manin mualpho in um tuh i. Pathian in a thu sawn lo manin amahte veksen in zakthi in um tuh i.

Zekhariah 10:2

Minung in milim le mipolte hnenah thuron i, ikhalselai amahte relhnak tu thulovang le thudon lek i. Mihrekkhat in mang let i, ikhalselai a pingpeng ah ning hoi i, thinhnemhnak ponkam a ponghnak tu hnempuihnak zaikhai nai lo i. Ciamanin misenpui tu tuu pai bangin vakvai i. Hotu a nai lo manin harsahnak tawk i.

Malakhi 3:5

Cungnungber Bawipa in, “Ning thukhan tuhin ning hnenah kawi tuhai dawithiam mite, kangkawm sualhnak a bawntute, a hman lo tetti, napertute ai nihlawh a ai sahtute, hmaitong le ngakṭah farah le ramdang mite vumai miathnak a situ le i upat lotute vumah mawhhnak pe in thukhan tuh ing,” ti i.

Tirhthalahle 8:11

Can raipui a mitkher thiamhnak in amahte thinlung molh sek in a bawn manin anite thu hlun nuamhnak i.

Efesa 5:6

Aisu inkhai thudik lo le sang tlak lo thu in ning zawl maseh. Ciabang rori man nakhaw Pathian thinrawhnak a thu ngai lotute vumah a hleng heh!

Daannolhnak 13:2

ning bia awng lohnak pathian khiah bia tuhai ruaih ngasing, tiin ning sawhhmuh ai thil mak ngaingai le ngaihsunurkul ning hmuh ai, cia a hmuhhnak thil mak ngaingai khai dik ngai in khimliang khalselai,

Daannolhnak 18:14

“Ning khur tuhhnak ramai minungte in dawithiam mite le mimolh thiamte thu ngai i; Ikhalselai Bawipa ning Pathian in ciabang a bawntu heh sik tuh menma lo i.

Joshua 13:22

Israel mite ai rekhnak lakah Beor ai fapa, mipol Balaam khai tel ve i.

Thupphuan 18:23

Zaikom inkhai na songah maikhuat var tuh nawn lo i. Mohoitu tlangval aw ituseh mothar aw ituseh na songah leng tuh nawn lo i. Na songai sumpaitute tu laivum ai huham nai ber pawl i, ikhalselai na dawithiamhnak in laipua vum mi zongzong heh zawl sek zo isi,” tiin ti i.

Thupphuan 21:8

Ikhalselai ralhutmi, sanghnak zamtu, ningdulkul bawntu, mi a rek hrimtu, nupa sualhnak bawntu, dawi thiamte, milim biatu le thudonreltute ai um tuhhnak hmun tu kat mailipui songah i tuhai ciami tu vel hnih thihnak i,” tiin ti i.

Thupphuan 22:15

Ikhalselai lamtlair mite le dawithiam mite, nupa sualhnak a bawntute, mirektute, milim a biatute le amahte pong le bawnhnak in ituseh, thudonreltute tu khuapui pualam ah um tlang tuh i.

Thupphuan 9:21

Cialek zolo in mi rekhnak, dawi hmanghnak, nupa sualhnak le rukohnak tepawl in sir tlang cuanglo i.