Jeremiah 27:5 - Zanniat Bible

⁵ “A thawmlian i huham le i hathnak in laivum pumpuhluk le minung le laivum ai a nungmi ramsa hmuahhmuah heh semsuah ing; ciamite tu i pe nuammi hnenah pe ing.

Khualsim Bible

⁵ Kei hi a pipami ka huham leh ka hei thlammi baan in vulei leh vulei parih omtu mipawl leh ramsapawl a vua hngai tu cu ka ii, cun ka dawt mi ahupoh ka pia hngai.

Falam Common Language Bible

⁵ “A makzetmi ka huham le ka cahnak in leilung pumpi le minung le leilung ih a nungmi ramsa hmuahhmuah hi ka seemsuah a si; cu pawl cu ka pek duhmi hnenah ka pek.

Jeremiah 27:5 ပူးပေါင်းရင်းမြစ်များ

Seemthawhnak 1:25

Ciatihin Pathian in innzuat sumhnam hinkhim le hampalak ramsa a lian ituseh, a sen ituseh, a bok in vak ai a mer thai nunghing hinkhim khiah semsuah i. Pathian in a bawnciahnak a sik fangin pha i, ti i.

Seemthawhnak 9:6

Mi a rektu heh mi kut in thi tuh ve i; Zaimantifangin minung tu Pathian in amah bangin bawn i.

Ezra 1:2

A thusuahhnak ah hetihin ngan i: “Hemi tu Persia Kumpimangbawi Cyrus ai thupehnak i. Bawipa, Van ai Pathian in kaimah heh laivum pumpuhluk uktu tuhin i bawn zo ai Judah ram Jerusalem khua ah amah ca Biakinn sa tuhin ṭuanvo i pe i.

Nehemiah 9:22

“Ram tampui le miphun tampui nehruai isi, A hiangai ramte khiah. Sihon ukhnak Heshbon ram neh i, Og Kumpibawi a ukhnak Bashan ram khai.

SAAM LABU 102:25

Hlanlaipui ah laivum heh semsuah isi; Na kutzung in vante heh bawn isi.

SAAM LABU 96:5

A dang miphunte ai khuavang tu milimte i; Ikhalselai Bawipa tu van ai umhnak hmuahhmuah a bawntu i.

Suahhlannak 20:11

Niruk songah Bawipa in van le laipua, tipui le a songai a ummi zongzong bawn ai a ni sarih nia ah cawlum i. Ciamanin Bawipa in sabbath nia tu hmuifu pe ai amah caah thianghlimruai i.

Suahhlannak 6:6

Ciamanin nangmah in Israel mite hnenah i thu hetihin rel tu, ‘Kai tu Bawipa ing; Egypt mite el thil loin ning perruaihnak naper har songin ning luatruai tuh ing. Amahte sal ning ihnak songin ning o tuh ing. A tihikkul cawhhnak thawn amahte thukhan tuhai i ban thahat thawn ning huphim tuh ing.

Isaiah 42:5

Pathian in van khai semsuah ai pharh i; Laivum le nunhnak nai thil hmuahhmuah bawn i. Minung hnenah nunhnak le haihawh pe i. Bawipa Pathian in a cengfa hnenah.

Isaiah 44:24

Bawipa in, “Kai tu Bawipa ing; na semtu le otu ing. Kai tu Bawipa ing; thil hmuahhmuah semsuahtu ing. Vante khai kaimah lekin pharh ing; Lailung i bawn fangin aisu inkhai i bawm lo i.

Isaiah 45:12

Laivum pumpuhluk a bawntu heh kaimah ing ai a vumai umtu tuh minung semruai ing. I hathnak in van khai pharh ai, Ni le hlapui le arsite khiah uk ing.

Isaiah 48:13

Lailung vumai hamtohhnak tu i kut in bawnhnak i; Vante khai i kut in a pharhhnak i. Lai le van i ko fangin, Cammalak in i hmaiah ding i.

Isaiah 51:13

Ningmah a bawntu Bawipa, Vanvum khai a pharhtu le lailung ai hamtohhnak a dahtu Pathian khiah hai tlang zo i sim? Zaimanin na naunehtute ai thinrawhnak le Ningmah siatsuah tuh a tumtute heh hlawng biakbo in kih i si? Amahte thinrawhnak in zaikom inkhai ning dap thil tuh awng lo i!

Jeremiah 27:4

Amahte kumpibawi ṭen rel tuhin Cungnungber Bawipa Israel ai Pathian in hetihin thu i pe i:

Jeremiah 32:17

“A lianber Bawipa, lai le van heh na hathnak le na huham in bawn isi. Nangmah caah a harhnak zaikhai um lo i.

Jeremiah 51:15

Bawipa in laivum heh a huham in bawn i; A fimhnak in laipua heh semsuah ai, van khai pharh i.

Daniel 2:38

Minung umhnak laivum hmuahhmuah uktu ah na bawn ai ramsa le vaniu vum ahkhai uktu tuhin na bawn i. Nangmah heh a lu ai sui khiah isi.

Daniel 4:14

Aw cawm ngai in thu phuang ai, ‘Thingkung heh vawng tu ilai a kakte tan tusek ih. A hnahte heuh tusek ilai a thaite piakruai tusek ih. A hnenin ramsate le a kakte ai vaniute hnawt tusek ih.

Daniel 4:17

Hemi tu fel ngai ai a ralring ngai vancungmi ai thurelcathnak i. Ciatih imanin laivum khuahacang mite in ling tuseh: Cungnungber Pathian in minung ai ram ukhnak vumah thu nai ai ciami ram ukhnak tu a daihhnak vumah pe i, laivum mi nauta ber hnen ahkhai pe thai i, ti i.

Daniel 4:22

“Aw kumpibawi, thingkung sang ngai le a kho ngai tu nangmah isi. Thawm na lian ai van ban isi; na hathnak huham tu laivum pumpuhluk hleng i.

Daniel 4:25

Minungte umhnak khua le ram an na hnawt tuhai ramsa lakah um tuh isi. Kum sarih song kawlpawcang bangin hampa ai tuh isi; hampalak ah it tuhai nai in na tlak tuh i. Cen minung ram ukhnak vumah Cungnungber Pathian in thu nai i tihnak le ciami ram uktu heh a daihhnak hnenah pe i tihnak khiah ling ngah tuh isi.

Daniel 5:18

“Cungnungber Pathian in na pa Nebuchadnezzar khiah kumpibawi lian ngai in bawn ai huham nairuai in mithupui cangruai i.

Tirhthalahle 14:15

“Hetihin zaimanin bawn tum tlang i si? Kinmah heh ningmah bang minung ve i ing! A hnempui lo thil ning bawnhnak in lai le van le tipuithuanthum le a songai ummi hmuahhmuah a bawntu a nungmi Pathian hnenah ning lethnak tuhin Thuthangpha rel tuhin kawi kawm i ing.

Tirhthalahle 17:24

Lailung le a songai a umhnak hmuahhmuah a bawntu Pathian tu lai le van ai Bawi i ai minung kut ai sahnak biakinn songah um lo i.

Tirhthalahle 17:26

Mihing pakhat songin laivum miphun hmuahhmuah semsuah ai laivum pumpuhluk ah umruai sio i. A hlanvom in zai teng can ah um tuhai a konteng hmun tian um thil tuh i, ti khiah rel cia sio i.

Daannolhnak 2:19

Cia hnuaah Lot ai tesinfate Ammon mite ram hiang tian hleng tuh i si. Anite tu hnaihnok mah ih, zaimantifangin amahte hnenah i pehnak ram heh tlawmniu khai ning hnenah ning pe tuh lo ing,’ ti i,” tiin ti i.

Daannolhnak 2:21

Anite tu Anakim mite bangin a dung sang i; mi tam roh ai hat khai hat roh i. Ikhalselai Bawipa in siatsuah sek ai amahte ram heh Ammon mite in sut ai lang sek i.

Daannolhnak 2:7

‘Bawipa ning Pathian in ning bawnhnak zaizongza ah hmuifu ning pe i, ti khiah hih tu ngio ih. Hetluk a kaumi nelrawn ramcar ah ning vakvai song hmuahhmuah amah in ning kilkhawl i. Kum sawmli liangluang ning hnenah um thliahthlo ai zaikhai ning hlawhsam awng lo i.

Daannolhnak 2:9

Ciafangin Bawipa in, ‘Lot ai tesinfa Moab mite tu hnaihnok mah ih. Tawng khai tawng mah ih. Ar khuapui heh amahte hnenah pe zo ing ai amahte ram ning co tuhhnak um lo i,’ iti i,” tiin rel i.

Daannolhnak 32:8

Cungnungber in miphunte ram pe i, Amahte um tuh hmun zem i. Miphun ca ramri bir sah i, Israel ai fapate, A tam a tlawm sik in zem i.

Daannolhnak 4:17

lai lakai ramsa ihlahle van vaniu hmel bangin maw, van ai a zuang thai vaniu hmel bangin maw,

Daannolhnak 4:25

“Ning khur tuhhnak ramah kum raipui um ai tu le fa ning nai hnua ahkhai zaibang milim khai bawn in sual mah ih. Milim na ruaih heh Bawipa hmaiah thil pha lo ze i ai a thinrawtiar tuh i si.

Daannolhnak 4:32

“A liam cia tikcu, ning sem hlan can le laivum ah Pathian in minung a bawn can tian, hnua lam can hlir in sik tu ih. Van ham tong tian, laipua pumpui hlir tucuk ih. Hetluk thil maksak heh akonah um awng i? Hetluk thil ngaihsunurkul heh aisu in ling awng i?

Daannolhnak 4:35

Amah lek Pathian i ai a dang Pathian um lo i, ti ning linghnak tuhin he thilte heh Bawipa in ning hmuh i.

Daannolhnak 5:16

“Bawipa ning Pathian kaimah thupehnak bangin ning nu le ning pa upat tu ih; ciatihin ning lampui ning tluang tuhai i pehnak ramah a raipui ning nung tlang tuh i.

Daannolhnak 9:29

Zaibang ita inkhai he minungte tu nangmah miphun cang tuhin na ril zo mite i ai na ban pharh in le na huham thawn Egypt ram an na suahpui zo mite i,’ tiin ti i.

Kolose 1:16

Zaimantifangin Pathian in Khrih songin zaizongza vancung le laivum ah ituseh, hmu thilhnak le hmu thil lomi ituseh, rauhla lam huham naitu, bawi, uktute le thunaitute ituseh bawn i. Pathian in van le laivum zaizongza Khrih songah bawn ai Khrih caah khawlkhawm tuh sio in bawn i.

Hebru 1:2

Ikhalselai he ni hnuataber lam ahcen kin hnenah a Fapa songin rel i. Ciami a Fapa hmangin Pathian in lai le van semsuah ai a tawphnak ah zaizongza naitu sio tuhin Amah heh ril i.

Thupphuan 4:11

“Kin Bawipa le kin Pathian, Nang tu songlawihnak le upathnak le huham co tlak isi. Zaimantifangin nang in zaizongza bawn ai na thu in samhnak le nungruaihnak tepawl i,” tiin ti tlang i.