Jeremiah 24:10 - Zanniat Bible

¹⁰ A pupate le amahte hnenah i pehnak ram songah cenin pakhat khai tang nawn lo tianin a borul sek hlanlo amahte vumah raltawnghnak, rian tlung le urhnak hlengruai tuh ing,” tiin ti i.

Khualsim Bible

¹⁰ Culeh anmah leh an pupale hemih ka piak hngaimi khurram in siatsuah pun an ik hlansung an parah ralreen, mangṭaam leh tiahhrinsia ka thlah hngai thok.”

Falam Common Language Bible

¹⁰ An pupa pawl le anmah hnenih ka pekmi ram sungah hin pakhat hman taang nawn lo tiangin an cemfai hlan lo an parah raldonak, paamnak le natnak ka thlenter ding a si,” tiah a ti.

Jeremiah 24:10 ပူးပေါင်းရင်းမြစ်များ

1 Siangphahrang 14:15

Bawipa in Israel tu cawh tuhai runpui songai phaikung a hlin bangin Israel heh hlin tuh ṭiode i. Bawipa in amahte pipu hnenah a pehnak he rampha le ram nuam in Israel mite tu phai tuh lio ai Euphrates runpui ralah piak tuh sio i. Zaimantifangin khuazingnu Asherah ai lim bawn tlang manin Bawipa ai thinrawtiar zo i.

Isaiah 51:19

Bawngsiahnak phun hnih tawk isi; Raltawnghnak manin na ram tu hnawm sio ai, Na minungte tu rong loin ro sio i. Na ninghiotu aisu khai um lo i.

Jeremiah 14:12

Rongul in bawmhnak i ngen inkhai ngai sah tuh lo ing. Maitai hibawl i sel ai rong hibawlhnak khai i pe inrin anite vumah lung i awi tuh cuang lo i. Raltawng, rian tlung le urhnak in siatsuah tuh thotho ing,” tiin ti i.

Jeremiah 15:2

Akonah feh tuh ising tiin ning zawt lekhaw kaimah ai ponghnak bangin rel tu: Mihrek tu urhnak in thi tuh i; Ciata ah feh tlang tuseh. Midang tu raltawnghnak ah thi tuh i; Ciata ah feh tlang tuseh. Mihrek tu rong loin thi tuh i; Ciata ah feh tlang tuseh. Mihrek tu salpomhnak tuar tuh i; Ciata ah feh tlang tuseh.

Jeremiah 16:4

Urhnak a phunphun in thi tuhai kahtu khai nai tuh lo i; phumtu khai nai tuh lo i. Amahte luang laipua vumah ekdawm bangin piak tuh i. Cen raltawnghnak ah thi tuh i, rong loin thi tuh i; amahte luang tu vaniu le ramsate ai rong cang tuh i.

Jeremiah 19:7

Hemi hmunah Judah mi le Jerusalem mite ai tumtekhnak tu pelhruai tuh sio ing. Amahte ralte tu nehtu cangruai tuhai amahte ral in rek tlang tuh i. Amahte luangte tu vaniu le laivum ai ramsate aih tuhin pe tuh ing.

Jeremiah 21:9

Hemi khuapui songai a umtute tu raltawnghnak ah thi tuh i. Ihlahle rong loin le urhnak in thi tuh i. Ikhalselai he khuapui a tawng hnelhnotu Babylon mi hnenah feh in kin sung i tiin a peduntu cenin ning rek tuh lo i; a nunhnak tal tu luat tuh i.

Jeremiah 27:8

“Ikhalselai ram ram khatkhat ituseh, ukhnak pakhatkhat ituseh, a ukhnak hniaah um nuam hlah lekhaw ciami miphun tu raltawnghnak le rian tlung le urhnak in cawh tuhai a tawphnak ah a hnawmruai siotu tuhin Nebuchadnezzar heh thupe tuh ing.

Jeremiah 29:17

Cungnungber Bawipa in ‘Raltawng le rian tlung le urhnak anite vumah hlengruai tuhai aih phalo in a hmonmi thaihmin bangin bawn tuh ing.

Jeremiah 29:18

Raltawng, rian tlung le urhnak thawn hlun tuhai ciami tu laipua vum miphun tampui in hmu fangin tihik tuh ngaingai i. I piakruaihnak ram cangcang ai mite in anite vumah a hlenghnak thil hmu fangin mangbang le thinlau in um tlang tuh i. Mi in hnihsarelhnak in hmang tuhai anite hming tu mi cukcamhnak ah hmang tuh i.

Jeremiah 32:24

“Babylon mite in a khuapui lang tuhin a pualam in laipua silh tlang ai tawng dekdo i. Raltawng, rian tlung le urhnak in he khuapui khiah amahte kut songah hlengruai tuh i. Na ponghnak hmuahhmuah khim sio i ti hmu hlen isi.

Jeremiah 32:25

Ikhalselai, Aw Cungnungber Bawipa, Babylon mite in he khuapui lang dawn napui hang ai thu lingpuitute mithmuh ah lo lai tuhin thu i pe fawn isi,” tiin ti ing.

Jeremiah 34:17

Ciamanin kaimah Bawipa in i thu hlun lo i si, tiin ning ti ing. Ning phunpui Israel mite tu luatruai lo i si. Pha i, ning khai luathnak ning pe tuh ing: Raltawng le rian tlung le urhnak a phunphun in thithaihnak ning pe tuh ing. Ning vumai i bawnhnak in laipua vumai minung hmuahhmuah tihik thai in bawn tuh ing.

Jeremiah 42:17

Egypt ramah feh in um a tum hrimhrimtute tu ral kut in maw, rian in maw, ihlahle urhnak in maw thi tuh sio tengteng i. Aisu khai nung tuh lo i. Amahte vumai a hleng tuhhnak hnawmralhnak in aisu khai luat tuh lo i,’ ti i.

Jeremiah 42:22

Ciamanin phatak niu in hih tu ih: Ning um hiam hmun ramah feh in ral in maw, rong loin maw, ihlahle urhnak in maw ning thi tuh i,” ti ing.

Jeremiah 5:12

Bawipa tu a minungte in zaikhai siar lo ai, “Zaikhai bawn tuh lo ngawn i; bawngsia khai tawk tuh lo ising; Raltawng le rian tlung khai tuar tuh lo ising,” ti tlang i.

Jeremiah 9:15

Ciamanin Cungnungber Bawipa, Israel ai Pathian kaimah in i bawn tuhhnak heh ngai tu ih: I minungte aih tuhin a kha ngai thinghnah thingthai pe tuhai amahte din tuhin thihsi pe tuh ing.

Jeremiah 9:16

Amahte in ituseh, a pupate in ituseh, a ling awng lohnak miphun lakah piakruai tuh sek ai a siatsuah sek hlanah anite tawngtu tuhin ralkap hlat tuh ing,” tiin ti i.

Ezekiel 33:27

“Cungnungber Bawipa kaimah heh a nungmi Pathian ing ai ralringhnak pe ing, rel tu: a hnawm sa khua songai a umtute tu rekhnak tuar tuh i. Hampalak ai a umtu minungte tu sahrang in ai tuh i. Tlang vum le khukua songah a relhtute tu urhnak in thi tuh i.

Ezekiel 6:11

Ciamanin Bawipa in, “Na kut zap tu, na ke thum tulai Israel mite in ningdulkul le thilsual bawn manin lungsia in kap tu! Ral in maw, rong loin maw, urhnak in maw thi tuh i;

Ezekiel 7:15

Lampui vumah tawngdunhnak um ai inn songah rikamhnak um i. Hampalak ah a vaktute tu tawngdunhnak ah thi tuhai khua songai a umtute tu urhnak le rikamhnak in thi tuh i.

Daannolhnak 28:21

Ning khur tuhhnak ram songah pakhat khai ning tang nawn lo tianin ning vumah zazul ursia pakhat hnua pakhat hlengruai tuh i.

Thupphuan 6:8

I sik fangin siphuh a taksa a daumi pakhat hmu ing. A vumai a totu a hming ah Thihhnak i ai Hell in a hnua lam nong niu in hlun i. Anite tu laivum mi ai seu li seu khat khiah raltawnghnak, riantlunghnak, urhnak le sahrang ai tuahmawhhnak in rek tuhin thupehnak mite i.