Jeremiah 22:3 - Zanniat Bible

³ Kaimah Bawipa in thu ning pe ing: thil ning bawnhnak heh dikcanglairelhnak le dikcanghnak thawn bawn tu ih. Amahte zawlhnak hnelhno mite tu a zawltu kut in hup tu ih. Ramdangmi ituseh, farah ngakṭah le hmaitongte hnawmcan mah ih. Hemi hmun thianghlim ah mawh nai lomi rek mah ih.

Khualsim Bible

³ Bawipa ni hitihin a ti: Thudingrelnak leh dingnak rum tekcak uh, cun rok a tuarmi ahumaw cu namnehtu ih kut sungin rungsuak uh. Cun misiing, ngakṭah leh nuhmei parah thilsual ti hlah uh, iklole kutthlakrau hlah uh, iklole hi hmun ahhin sualnak-ngeilomi ih thisan suahsak hlah uh.

Falam Common Language Bible

³ Keimah Bawipa in thu ka lo pek a si: thil nan tuahmi hi dingthluk lairelnak le diknak thawn tuah uh. An bum reromi cu a bumtu kut ihsin hum uh. Ramdang mi siseh, farah ngakṭah le nuhmei pawl tisiat hlah uh. Hi hmun thianghlim ahhin mawh nei lo milai that hlah uh.

Jeremiah 22:3 ပူးပေါင်းရင်းမြစ်များ

2 Samuel 23:3

Israel ai Pathian in rel zo i; Israel huphimtu in i hnenah; “Dikcanghnak le Pathian kihzah in, Mi a uktu kumpibawi tu,

Job 22:9

Hmaitongte bawm na nuam lo lek zolo in nu le pa nai lo farahte thil sut ai siatsuah isi.

Job 24:9

Mihrokhrawl pawl in pa nai lo nauta pawl sal tuhin zua tlang i; Mifarahte ai fate tu laiba hrangah lang i.

SAAM LABU 68:5

Pathian, a Biakinn thianghlim songai a umtu in, Nu le pa nai lo farah zawnruat ai hmaitongte hup i.

SAAM LABU 82:4

Mifarahte le mitlasamte hup tu ilai, Mihrokhrawl pawl kut songin o tu ih.

SAAM LABU 94:21

Mipha a engsantute le sual nai lomi rek tuhin thu a khantute thawn ṭang tlang lo isi.

SAAM LABU 94:6

Hmaitong le ngakṭah farahte rek tlang ai, Kin ram songai a ummi mikhualte rek tlang i.

Suahhlannak 22:21

“Ramdangmi mikhual heh hnawmcan tuh lo ai rimsuruai tuh lo i si. Zaimantifangin ningmah khai Egypt ramah mikhual awng ve i si.

Suahhlannak 22:22

Hmaitong ituseh, nupa nai lo farah ituseh, zohsuam tuh lo i si.

Aanroling 23:10

Hlanlai ai bawn sa ramri khiah thawn mah; Nu le pa nai lo ngakṭahte ai lo khai sut mah.

Isaiah 1:23

Na hotute tu raltho mi le ruko mite ai rualpui lek i. Thu a rel fangin nu le pa nai lo ngakṭahte ṭan awng lo ai hmaitongte ai thu tu ngai sah awng lo i.

Isaiah 58:6

“Kaimah in i daihhnak rong ulhnak tu hetihin i. Thir cikcin bang ai ning mi naunehhnak le hak bangin mi a orhtu a hman loin mi ning bawnhnak heh lon tusek ilai ning nauneh mite heh luat tuhang seh.

Isaiah 58:7

Ning ti le rong khiah rikam mite thawn kawm tlang tu ilai ning inn khai inn nai lo mifarah caah hong tu ih. Hnikpon sil tuh a nai lotu hnenah hnikpon pe tu ilai ning songkhat bawm tuh khai el mah ih!

Jeremiah 19:4

Hemi bang thil heh hlengruai tuh ing, zaimantifangin misenpui in i zangtak tlang ai khuavang hnenah hibawlhnak pe in ram heh ningrimtiar tlang zo i. Ciami khuavangte tu anite le amahte pupate in ituseh, Judah kumpibawi in ituseh, a ling tlang awng lohnak i. Hemi ram tu mawh nai lomi ai thisan in dimruai tlang ai,

Jeremiah 22:17

Ikhalselai nang tu nangmah ai hnempuihnak lek hmu isi. Mawh nai lo minung rek ai, na minungte a roh ngai in cawh isi. Bawipa in rel zo i.

Jeremiah 26:16

Ciafangin hotute le misenpui in suangbawi le prophette hnenah, “Hemi pa tu rek tuhhnak ilo i; Pathian kin Bawipa hming in kin hnenah pong i,” ti i.

Jeremiah 5:28

Ciamanin nainung le rong kham in um ai a thauhnak khiah! Amahte thilsual bawnhnak tu bo nia nai lo i. Nu le pa nai lo ngakṭah farah hnenah amahte covo pe awng lo i; nauneh mite vumah dikcanglairelhnak thawn nung awng lo i.

Jeremiah 7:23

Ikhalselai thukham pakhat pe ing: I thu ngai tu ih tiin thupe ing. I thu ngai le i sikhaw kaimah heh ning Pathian i tuhai ning tu i minung i tuh i si. Ciahlaiah i thupeciahnak bangin nung tu ilai ningmah caah zaizongza tluang tuh i tiin fel ngai in rel awng ing.

Jeremiah 9:24

Aisu inkhai uar dun nuam lekhaw Kaimah i linghnak le i lingthiamhnak ah uar dun tu sawn seh. Zaimantifangin i ithnak tu bo nia rel lo ai, A dikcang le a hman bawn ngiode ing. Hemi heh lung i awiruaitu i. Kaimah Bawipa in rel zo ing,” ti i.

Ṭahhlapawl 3:36

Amah in ling sio i, Thukhanhnak hmunah thudik dingpui lo fangin.

Ezekiel 18:12

mifarah zawl i, mi thil ru sah i, tangka putu ai thukhamhnak thilri khai khirh nawn lo i. Lawkimi hibawlhnak hmunah feh i, ningdulkul milim bia ai,

Ezekiel 18:7

Aisu khai zawl lo ai thil khai ru lo i. Tangka putu ai thukhamhnak thilri khai phatak niu in khirh leh i. Rikam mite cawm ai hnikpon nai lo mite hnikpon pe i.

Ezekiel 22:7

Khuapui song mi aisu inkhai nu le pa upattu um lo i. Ramdang mikhualte zawl ai hmaitong le ngakṭahte hnenah hnempuihnak si i si.

Ezekiel 45:9

Cungnungber Bawipa in, “Aw Israel miuk lalte, ning sualhnak heh a rai ze zo i! Mi ning zohsuamhnak le mi ning rokhnakte heh com tuhang ih! A dikcang le a felmi ian bawn tuhang ih. I minungte tu amahte ram an hnawt tuh nawn lo i si. Cungnungber Bawipa kaimah in rel zo ing.

Joel 3:19

“Ikhalselai Egypt tu nelrawn ro ah cang tuhai, Edom ram tu ramkhing ah cang tuh i. Zaimantifangin Judah ramah thil poimawh bawn ai, Mawh nai lo thisan suakruai manin i.

SUANGBAWI LAIBU 19:15

“Midang ai thu ning khan fangin pakhat bul ṭan loin dikcang ngai in rel tu; mifarah ṭan cuang mah; milian khai kih cuang mah.

Amos 5:15

Thil siava hua tu ih, thil pha daih tu ih; thukhanhnak zung ah dikcanglairelhnak khiah bawi tuseh. Ciatih ilekhaw Joseph hin a tangsun vumah Bawipa in ninghiohnak nai tuhlai i.

Amos 5:24

Dikcanglairelhnak heh runti bangin luang tu selai felhnak tu a kang awng lomi tidap bangin luang tu sawn seh.

Mikah 3:11

Khuapui uktu bawite in nawhthuh daih in thukhan i; suangbawite in sumhnam ngah nuam in Dan laibu zirhfiang ai prophette in tangka daih in hmai lam thu phuang i; cen amahte veksen in, “Kin hnenah Bawipa um i,” ti sio i. “Kin vumah thil poimawh zaikhai hleng tuh lo i. Bawipa tu kin hnenah um i,” ti i.

Mikah 6:8

I lo i, Bawipa amah in a pha le bawnruai a nuamhnak tu i rel zo i. Amah in i cangruai nuamhnak tu: A dikcang bawn le ninghiohnak nai le hniatacuhniu in Pathian thawn vak tlang khiah i.

Malakhi 3:5

Cungnungber Bawipa in, “Ning thukhan tuhin ning hnenah kawi tuhai dawithiam mite, kangkawm sualhnak a bawntute, a hman lo tetti, napertute ai nihlawh a ai sahtute, hmaitong le ngakṭah farah le ramdang mite vumai miathnak a situ le i upat lotute vumah mawhhnak pe in thukhan tuh ing,” ti i.

Matthai 23:23

Danthiam mite le Farasite, ning hmai lam a pit ze i! Ning mileple pawl! Meh ah roihhnak patina, remhmui le khakhuante tu Pathian hnenah seu hra seu khat pe tlang i si; ikhalselai dan songai a thupui ngai dikcanghnak, ninghiohnak le rintlakhnak tepawl tu hlun lo ai zaikhai siar tlang lo i si. Seu hra seu khat tu ning pe tuhhnak rengreng i. Ikhalselai dan songah a umhnak a dangte khai ngulsul tuh lo i si.

Daannolhnak 10:18

Nu le pa nai lo farah le hmaitongte ai thu khai fel ngai in rel sah i; ningmah lakai a ummi ramdang mite khai a it manin rong le hnikpon pe i.

Daannolhnak 24:17

“Ramdangmi le nu le pa nai lo farahte ai co tuhhnak vo heh dik ngai in ruat sah tu ih; thukhamdunhnak ah hmaitong nu ai silhpon lang sah tuh lo i si.

Daannolhnak 24:7

“Aisu inkhai a unau Israel mite heh ru ai sal cangruai i, ihlahle sal ah zuar lekhaw amah khiah rek tu ih. Ciatihin thil sual boruai tuh i si.

Daannolhnak 25:1

Santehhnak ah Israel mite pahnih tu thu nai manin thurelhnak hmunah hleng kawm ai thureltute in thukhanhnak a bawn fangin pakhat tu mawh ai pakhat tu mawh lo i ti tuh i.

Daannolhnak 27:19

“Ramdang mite le nu le pa nai lo farahte le hmaitongte a naunehtu heh Pathian ai cukcamhnak tuar tuseh!’ a ti fangin, “Mizapui in, “Amen,” ti tlang tuseh.

Jeim 1:27

Pathian kin Pa in a taktak le a thiangmi biahnak ai a ruathnak tu: farah rimsu le hmaitongte harsahnak le amahte tuarhnak ah phatak niu in kilkhawl le laivum sualhnak songah niatdunruai tuh loin mah veve kilkhawlhnak khiah i.