Jeremiah 22:28 - Zanniat Bible

²⁸ Kaimah in, “Kumpibawi Jehoiachin tu bel khoi, aisu inkhai a daih nawn lohnak bel bangin cang zo i? Ciamanin maw amah le a fapate ling awng lohnak saltanghnak ramah hoi teu i?” ti ing.

Khualsim Bible

²⁸ Ahi pa Koniah (Jehoiakhin) hi, nautatmi amkuai, ahuhman ih dawt ti lomi am a i hmen maw? Ituruangah hmen amah leh a tianaule cu an tiah lomi ram ah hruaitaak an ik?

Falam Common Language Bible

²⁸ Kei in, “Siangpahrang Jehoiakhin cu a kuaimi beel, zohman ih an duh nawn lomi beel vekah maw a cang zo? Curuangah maw amah le a faate pawl an theih dah lomi saltannak ram ah hruaihlo an si?” ka ti.

Jeremiah 22:28 ပူးပေါင်းရင်းမြစ်များ

Hosea 8:8

Israel tu thonhnak miphun ihang; miphun dang pakhat bangin cang zo ai bel keh bangin hmang tlak lo ihang.

SAAM LABU 31:12

Aisu inkhai i ling nawn lo i; Mithi tluk in i ruat tlang i. Bel khoi lonhnak bang ing.

Jeremiah 48:38

Moab ram songai inn vum hmuahhmuah ah le khuacang ai khua hnarpua ah mithi ngaihnak in dim i, zaimantifangin Moab tu aisu inkhai daih lohnak bel keh hnawmtam bangin khoi zo sio i.

Hosea 13:15

Israel tu phaikung bangin dawn hluanghlo khalselai nelrawn in nisuah lam hlivua sa zuangruai tuhai a cirhti le tikhurte tu car tuh sek i. Amahte thil mankhung hmuahhmuah hnawm tuh sek i.

Jeremiah 22:30

“Hemi pa tu a fate pairal tuhin ruatciahnak mi i. Zaikom inkhai hlawhtling tuh lo pawl i. A tesinfate songin David roltu le, Judah ram uktu tuhin aisu khai um tuh lo i. Kaimah Bawipa in rel zo ing,” ti i.

Jeremiah 17:4

I pehnak ning ram tu hlum tuhai midang kut ah ap kul tuh i si. Ning ling awng lohnak ram songah ning ralte ruaih tuh i si; zaimantifangin i thinrawhnak tu mai bangtluk i ai kumzangza in ko tuh i,” ti i.

Jeremiah 15:1

Bawipa in kaimah hnenah, “Moses le Samuel rin heta ah ding in i ngen hnelhno khalselai, he minungte vumah cen ninghiohnak nai tuh lo ing. Tlan tlang tuseh; i mithmuh ah um tlang maseh.

Jeremiah 14:18

Hampalak ah i vak fangin, ral rekhnak mi luang hmu ing. Khuapui song i feh fangin rikam in a thitute hmu ing. Prophet le suangbawite in amahte naper per tlang i, Ikhalselai ziang bawn i ing ti ling tlang lo i,” ti i.

2 Samuel 5:21

Filistin mite in a milimte hlum sio manin David le a ralkapte in lang sio i.

2 Sansiarnak 21:20

Jehoram tu kum sawmthum le kum hnih a khim fangin kumpibawi cang ai Jerusalem an kum riat song uk i. A thi fangin aisu khai lungsia tlang lo i. David khuapui Jerusalem khuahlun ah phum tlang i; kumpibawi hlanmual ah phum lo i.

Jeremiah 22:27

Hemi ram heh na ngai tuh ze i, ikhalselai let tuh nawn lo i si,” ti i.

Jeremiah 37:1

Babylon kumpibawi Nebuchadnezzar in Jehoiakim ai fapa Jehoiachin tumrul in Josiah ai fapa Zedekiah heh Judah kumpibawi tuhin bawn i.

Jeremiah 16:12

Ciahlaiah ning tu ning pupate tahin ning luar sawn i. Ning veksen in milungruh le misualral i si ai i thu ngai tlang lo i si.

Jeremiah 24:1

Bawipa in Biakinn hmai ai dahhnak thaihmin bawm hnih i hmuh i. Ciami tu Babylon kumpibawi Nebuchadnezzar le Jehoiakim ai fapa Judah kumpibawi Jehoiachin khiah Jerusalem an Babylon ah Judah ram hotute, pumsu thiam le kutzungthiamte thawn hmunkhat ai salpomhnak ah a hoi hnuaah i.