Jeremiah 21:7 - Zanniat Bible

⁷ Ikhalselai nangmah le na kuthnia ai tlangsuakte tu, raltawnghnak, rian tlung le urhnak in a luattu misenpui thawn nangmah na rek nuamtu kumpibawi Nebuchadnezzar le na ralte na pomruai tuhai Nebuchadnezzar in na rek tuh i. Aisu khai ning zuah tuh lo i. Ninghiohnak le zawnruathnak zaikhai ning vumah nai tuh lo i. Kaimah Bawipa in rel zo ing,” tiin ti i.

Khualsim Bible

⁷ Acuhnukah, Judah siangphahrang Zedekiah, cun a tungsaule, cun hi khualipi sungih omtule – tiahhrinsia, ralreen, mangṭaam ah nungtaang mipawl cu Babilon siangphahrang Nebukhadnezzar ih kut ah, an ralle kut ah, anmah thah a daw tu mipawl ih kut ah ka pia hngai thok. Ralreen in a that hngai thok; a naktiah hngai thok lo, a zuah hngai thok lo, cun thinpennak a ngei thok lo.

Falam Common Language Bible

⁷ Asinain nangmah le na kut thuai bawi pawl cu, raldonak, paamnak le natnak ihsin a luattu mipi pawl thawn nangmah thah a lo duhtu siangpahrang Nebuchadnezzar le na ral pawl ka lo kaiter ding ih Nebuchadnezzar in a lo that ding. Zohman a lo zuah lo ding. Zaangfahnak le zawnruahnak zianghman nan parah a nei lo ding. Keimah Bawipa in ka sim zo,” tiah a ti.

Jeremiah 21:7 ပူးပေါင်းရင်းမြစ်များ

Isaiah 27:11

Thingkakte khai ro ai tat sek i; nupangte in tih thing tuhin fom tlang i. Zaimantifangin minungte in zaikhai lingthiam tlang lo manin amahte semsuahtu Pathian in anite vumah ngaihharhnak le ninghiohnak zaikhai nai tuh nawn lo i.

Isaiah 47:6

I minung vumah thin i raw i; I minung lo bangin bawn ing. Na hathnak le na huham songah hla ai amahte vumah ninghiohnak zaikhai nai lo isi; Nutar le patarte khai hnawmcan isi.

Jeremiah 13:14

Cen upa naupang ti loin pakhat hnua pakhat cabitti bel bangin vit ai khoiruai tuh sek ing. Zawnruathnak, ngaihharhnak le ninghio thinpemhnak um loin rek tuh sek ing. Ziang inkhai i kham thil tuh lo i,” tiin ti i.

Jeremiah 14:12

Rongul in bawmhnak i ngen inkhai ngai sah tuh lo ing. Maitai hibawl i sel ai rong hibawlhnak khai i pe inrin anite vumah lung i awi tuh cuang lo i. Raltawng, rian tlung le urhnak in siatsuah tuh thotho ing,” tiin ti i.

Jeremiah 15:5

Bawipa in, “Aw Jerusalem mite, Aisu in ning ninghio tuh i? Aisu in lung ning siapui tuh i? Com rori in, “Akontih in um i si? ning titu aisu tal um nitur?

Jeremiah 15:9

A fapate pasarih ai thih sanhnak nupang nu tu a lungmit in sawn i, Haihawh tuh si i. Sun lakah amah caah khuathim i, Mualpho in um ai thin urhnak in dim i, A nungsun ningmah khai rek tuhin, ning ralte kut ah ning pe tuh ing. Kaimah Bawipa in rel zo ing,” tiin ti i.

Jeremiah 19:7

Hemi hmunah Judah mi le Jerusalem mite ai tumtekhnak tu pelhruai tuh sio ing. Amahte ralte tu nehtu cangruai tuhai amahte ral in rek tlang tuh i. Amahte luangte tu vaniu le laivum ai ramsate aih tuhin pe tuh ing.

Jeremiah 20:4

Bawipa amah rori in ‘Nang tu nangmah le na rualpui caah thinlauhnak ah na bawn tuhai a ralte in vang thawn na rualpui rek berh khiah hmu tuh isi. Judah mi zongzong Babylon kumpibawi kuthnia ah hlengruai tuh sio ing. Ani in a hrekkhat tu a ramah sal tuhin hoi tuhai a hrekkhat tu rek tuh i.

Jeremiah 22:25

nangmah a rek nuamtu, na kih ngaihnak mite hnenah na pe tuh ing. Babylon kumpibawi Nebuchadnezzar le a ralkapte hnenah na pe tuh ing.

Jeremiah 27:6

Kaimah cengfa Babylon kumpibawi Nebuchadnezzar kuthnia ah miphun hmuahhmuah a dahtu heh kaimah ing; hampalak ramsa rin amah na ruaihtu ah dah ing.

Jeremiah 32:4

Kumpibawi Zedekiah khai luat tuh lo i. Babylon kumpibawi kut songah pehnak tuar tuh i. Hmaiton in hmu dun tuhai pumpak in pon dun tuh i.

Jeremiah 34:3

Na luat tuh lo i; na pom tuhai Babylon kumpibawi kut ah pehnak tuar tuh isi. Hmaiton in amahte khiah hmu tuhai pon dun tuh isi; cen Babylon ah feh tuh isi.

Jeremiah 36:29

Bawipa in kumpibawi hnenah hetihin rel tuhin i ruai i: “Laihnahzual tai zo isi; cen Jeremiah tu he ramah Babylon kumpibawi kawi tuhai he ram le he ram song minungte le sumhnamte siatsuah tuh i, tiin zaimanin ngan isi? tiin zawt zo isi

Jeremiah 37:17

Cia hnuaah kumpibawi Zedekiah in i ko ai a inn songah a thupniu in, “Bawipa hnenin zai thu hleng pa? tiin i zawt i. “Hleng i. Babylon kumpibawi kut ah pehnak tuar tuh isi,” tiin ti ing.

Jeremiah 50:17

Bawipa in, “Israel mite tu chintit ai hnawhhnak le piakruaihnak tuu bang i. Hmasa ah Assyria Kumpimangbawi in nem ai hnuata ah Babylon kumpibawi Nebuchadnezzar in amahte ruh hmuah khiah tumtawng in kial sah sek i.

Ṭahhlapawl 2:20

Aw Bawipa, sik tu, Na cawhhnak thliahthlo mite heh sik tu. Nupangte in amahte fate sa ai tlang i, Amahte ithnak a fate khiah! Suangbawi le prophette rek i, Biakinnpui song rori ahcen.

Ṭahhlapawl 2:22

I ralte tu khuahacang in sawm isi, Puai sim tuh bangin. Aisu khai a luat bentu um lo i, Thin na raw nia ahcen. I fate rek berh i, I ithnak le i cawmhnak mite khiah.

Ezekiel 23:28

Cungnungber Bawipa in, “Ning huatu le hmuhhehtute ai kut songah ning pe tuh ing.

Ezekiel 7:9

Ning zuah tuh lo ing, ning ninghio tuh lo ing. Ningdulkul thil ning bawn manin ning cawh tuhai ciatihin Bawipa ing ti khiah ling tuhai ning cawhtu ing ti khai ling tuh i si,” ti i.

Ezekiel 8:18

I thinrawhnak hmual tu a roh ngai in tuar tuh i. Aisu khai zuah tuh lo ing. Kaimah hnenah amahte aw naihtawp in sawngen in au tuh i, ikhalselai ngai sah tuh lo ing,” tiin ti i.

Ezekiel 9:10

Anite vumah ninghiohnak nai tuh lo ing. Midang vumah amahte bawnhnak bangin anite vumah bawn tuh ve ing,” tiin i ti i.

Daannolhnak 28:50

Mithmai ti riamruam phun, nutar patar naupang vum ahkhai ngaihhar thai lo le mi ninghio thiam lo phun pawl tuh i.