Jeremiah 21:4 - Zanniat Bible

⁴ Bawipa, Israel Pathian ai ponka khiah Zedekiah hnenah rel tuhin phuang ing. Bawipa in, “Zedekiah, Babylon kumpibawi le a ralkapte tu kaimah in tawng tuhai neh tuh ing. Na ralkapte ai ralthuamte tu khuapui laiteng ah pum tuh bial ing.

Khualsim Bible

⁴ “Zedekiah hemah hitihin ti uh: ‘Bawipa, Israel ih Pathian, ni hitihin a ti: Kuldawlpawl pawnla in a tan vong kul tu Babilon siangphahrang leh Khaldea mipawl na doh hngai nak na kut sungih ral hriamhreipawl cu namah parah ka kirsak thok; cun khualipi laisim ah ka phatpi hngai thok.

Falam Common Language Bible

⁴ Bawipa, Israel Pathian ih ṭong cu Zedekiah va sim dingin ka phuan. Bawipa in, “Zedekiah, Babilon siangpahrang le a ralkap pawl a dotu na ralkap pawl cu keimah in ka do ding ih ka neh ding. Na ralkap ih hriamnam pawl cu khawpi laifang ah ka peng ṭheh ding.

Jeremiah 21:4 ပူးပေါင်းရင်းမြစ်များ

Isaiah 10:4

Raltawnghnak ah ning thi tuh i; ihlahle ning pom tuhai ning fehpui tuh i. Cia hnua ahkhai Bawipa ai thinrawhnak tu dap tuhlai lo i; cawh tuhin a kut tu tung cia in um lai i.

Isaiah 13:4

Tlang vuman a thanghnak thawmvang tu ngai tu ih! Mizapui au awthawm, ram tampui le miphun tampui taikhawmhnak thawmvang khiah! Ralkap tampui ai Bawipa in a ralkapte tu raltawng tuhin ralringruai cialep i.

Isaiah 5:5

I cabit vuan vumah hetihin bawn tuh ing. A renhnak sen bal tuhai a kulhhnak bal tuh sek ing; ramsa in nuam lekhaw ai in fon tu dek seh.

Jeremiah 20:4

Bawipa amah rori in ‘Nang tu nangmah le na rualpui caah thinlauhnak ah na bawn tuhai a ralte in vang thawn na rualpui rek berh khiah hmu tuh isi. Judah mi zongzong Babylon kumpibawi kuthnia ah hlengruai tuh sio ing. Ani in a hrekkhat tu a ramah sal tuhin hoi tuhai a hrekkhat tu rek tuh i.

Jeremiah 21:3

Cen Bawipa ai ponkam khiah i hnenah hleng ai Zedekiah in a hlathnak mite hnenah,

Jeremiah 32:24

“Babylon mite in a khuapui lang tuhin a pualam in laipua silh tlang ai tawng dekdo i. Raltawng, rian tlung le urhnak in he khuapui khiah amahte kut songah hlengruai tuh i. Na ponghnak hmuahhmuah khim sio i ti hmu hlen isi.

Jeremiah 32:3

Kumpibawi Zedekiah in ciata ah thawng ah i toh ai i tohhnak thu tu, ‘Bawipa ai ponghnak na phuang manin,’ i ti i. Bawipa in hetihin i rel i, “Babylon kumpibawi in he khuapui heh langruai tuhai,

Jeremiah 32:5

Zedekiah tu Babylon ah fehpui tuhai a thu i rel hlanlo ciata ah um tuh i. Babylon mite tawng inkhai hlawhtling tuh lo i. Kaimah Bawipa in rel zo ing,” tiin ti i.

Jeremiah 33:5

Mihrek in Babylon mite tu tawng tuh ve i; ikhalselai ani in i thinrawhnak le i thintokhnak in i siatsuah tumhnak mite ai luang thawn innte khiah dimruai tuh ing. Hemite in thilsual bawn manin he khuapui tu zangtak zo ing.

Jeremiah 35:17

Ciamanin ningmah Judah mi le Jerusalem mite ning vumah kaimah Cungnungber Bawipa, Israel ai Pathian in ning thukham siatsuahhnak hmuahhmuah hlengruai tuh ing. Hemi bangin ning vumah hlengruai tuh ing, zaimantifangin ning hnenah i pong fangin ngai ning nuam lo ai ning ko fangin i awi ning nuam lo i,” tiin ti i.

Jeremiah 39:3

Jerusalem khuapui a lang fangin Babylon kumpibawi kuthnia ai tlangsuak upa hmuahhmuah kawi ai Kotka Lai tihnak ah to tlang i. Ciamite tu Nergal Sarezer, Samar Nebo, Sarsekhim le a dang Nergal Sarezer i.

Jeremiah 52:18

Cen hlengpuite, puleng thianfai fangin hmanghnak vutkuang khawlhnak hlengte, maivarhnak maikhuat ai khuamte, hibawlhnak sel fangin sathi donghnak maihumte, rimhmui tai fangin hmanghnak hlengkumte le Biakinn songai hmanghnak dar thilthuam hmuahhmuah khai lang sio i.

Ṭahhlapawl 2:3

Israel hathnak sattan sek i, A thinraw fangin khiah. A pharh sa a ban duk leh i, Ralte in a tawng fangin khiah. Maiko bangin i vumah lio hluahhlo i, Zaizongza siatsuah sek i.

Ṭahhlapawl 2:5

Bawipa in Israel hnawmcan zo sek i, A doral lian bangin. Hnawmborh pumhnak bang cang zo i, A ralkulh le kumpibawi innte tu. Bo nia rel lo lungsiahnak hlengruai zo i, Judah mizapui vumah khiah.

Ṭahhlapawl 2:7

Bawipa in a puleng hnawl zo i, A Biakinn thianghlim rin zam zo i. Ralte balruai sio i, Biakinn bangkhangte khiah. A ral nehhnak aupui tlang dekdo i, Lungawi in Pathian kin bia awnghnak hmunah khiah.

Ezekiel 39:3

Cen a kekeh lam kut ai li le a kiahhan lam kut ai thalte tu tlokruai tuh sio ing.

Hosea 9:12

Fate a nai inkhai kaimah in lang sah tuh lio ai nung tuh lo i. Hemi minungte i hlum lio fangin thil poimawh ngaingai amahte vumah hleng tuh i,” ti i.

Zekhariah 14:2

Bawipa in a miphun hmuahhmuah Jerusalem tawng tuhin kokhawm tuh i. Khuapui tu lang tuh i, inn thilrite sut tuhai nupangte khengkhebel in sualpui tuh i. Minung a hrek tu sal cang tuhin pom tuh i, ikhalselai a dangte tu khuapui an a konteng ahkhai fehpui tuh sek lo i.

Matthai 22:7

Kumpibawi tu a thinraw bik i. Ciamanin a ralkapte hlat ai ciami mi rektute khiah rek ai a khua khai mai in tai sek i.