Jeremiah 2:8 - Zanniat Bible

⁸ Suangbawite in, “Bawipa a konteng ah um i?” ti tlang lo i. Dan a awhtu le i suangbawite inrin i ling nawn lo i. A hotute in ral i cai ai, A prophette inkhai Baal khuavang hming in thurel tlang ai zaikhai ilomi milim bia tlang i.

Khualsim Bible

⁸ Tlangbawile ni, ‘Bawipa khawnangah na om?’ tiah an ti lo. Daan a tlaitu mipawl ni a ma tiah hngai lo; uktule ni ma ralsanin daan an buar; profetpawl ni Baal min in profet an ṭuan, a ṭhahnemlomi thilpawl dung an zul.

Falam Common Language Bible

⁸ Puithiam pawl in, “Bawipa khuiah a um?” an ti lo. Daan a tongthamtu ka puithiam pawl hman in in thei nawn lo. An hotu pawl in in dodal ih, An profet pawl khal in Baal khawzing hmin in thu an sim ih zianghman si lomi milem an biak.

Jeremiah 2:8 ပူးပေါင်းရင်းမြစ်များ

1 Siangphahrang 18:22

Ciafangin Elijah in, “Bawipa ai prophet tu kaimah lek i tang ihang. Ikhalselai Baal prophette tu za li le sawmnga um tlang lai i.

1 Siangphahrang 18:29

Sun hnua tian au ai rung tlang i; ikhalselai zaikhai sawn lo i. Ziang aw khai um lo i. Thawmvang zaikhai za tlang lo i.

1 Siangphahrang 18:40

Ciafangin Elijah in, “Baal prophette heh pom tusek ih. Pakhat khai luatruai mah ih!” tiin thupe i. Baal prophette tu mizapui in pom sek ai Kishon rawn ah Elijah in fehpui ai rek berh i.

Job 35:10

Ikhalselai harhnak can ngaingai hleng ai anite thazang petu, Anite semtu Pathian hnenah her nuam de lo i.

Isaiah 28:7

Prophet le suangbawite rin zuri tlang ai sawn tlang diamdo i. Cabit zu le zureu tam ze ding tlang ai nuamhmuncang ah lu am in sawn ai buai tlang ngai i. Prophette tu zu ri ze manin Pathian ai larhnak a hmuruaihnak rin a sullam ling tlang lo i; Suangbawite khai zu ri ze ve ai amahte hnenah a hlenghnak thurel tuh rin ling tlang lo i.

Isaiah 29:10

Thi dawn in mitmu tuhin Bawipa in mitmu ning sungruai tuseh. Prophette tu mizapui ai mit i tuh napui Pathian in amahte mit hup tuh i.

Isaiah 30:5

bawmhnak a kul laitak ah a bawm ben lotu ram, rinsantlak lo ram a rinsan pangtu Judah mite sir tlang tuh ngai i,” tiin ti zo i!

Jeremiah 10:21

Cen kaimah in, “Kin hotute mivoi ciang i, Bawipa hnenah thuron tuh hal tlang lo i. Ciamanin hlawhtlinghnak zaikhai nai tlang lo i; I minungte piak tlang sio i.

Jeremiah 12:10

Ramdang uktute in i cabit vuan hnawmcan sio i; I loram fon dek ai a daihkul i ram khiah nelrawn cangruai i.

Jeremiah 16:19

Aw Bawipa, nangmah in kin hup ai hathnak i pe isi. Harsahnak can ah i bawm isi. Vanham tong in miphun tampui kawi tlang tuhai na hnenah, “Kin pupate in thudon khuavang siar lo zaikhai nai tlang lo i; amahte naihnak tu zaikhai hnempui lo milim lek i.

Jeremiah 18:18

Cen misenpui in, “Jeremiah heh akontih tal in engsan tuh ising. Kin zirhtu tuhin suangbawite le thuzawt tuhin mifimte le Pathian thu phuangtu tuhin prophette um tuh ngiode i. Ikhalselai a vumah thu bawn ngasing khaw a thurelhnak ngai tuh nawn lo ising,” tiin ti i.

Jeremiah 2:11

Miphun dang aisu inkhai, a Pathian thleng awng kel lo i, pathian ngaingai ilo ita inkhai! Ikhalselai i minungte incen a Pathian thleng i; Amahte vumah songlawihnak a hlengruaitu Pathian tu, amahte caah zaikhai hnempui lo, khuavang in i thleng i.

Jeremiah 2:6

Ziang khai i siar tlang lo i, ‘Kin suahtu Pathian’ ti awng lo i; Egypt ram songin suakruai ing, Hampalak ramkhing in fehpui ing; Nelrawn ram le runsiat khur thuk ngai, Ram car le khuathim sah ngai ram le ram kihkul, Aisu khai um le feh awng lohnak ram songin fehpui napui zaikhai i siar sah lo i.

Jeremiah 4:22

Bawipa in, “I minungte tu mivoi ciang i; Kaimah i ling nawn lo i, Naupang voi niu bang i; Lingthiamhnak zaikhai nai tlang lo i. Thilsual bawn cenin thiam tlang ngai i, Ikhalselai thilpha cenin bawnsuak tlang lo i,” ti i.

Jeremiah 5:31

Prophette in thudonrel i; prophette ai thupehnak bangin suangbawite in mi uk ai i minung aisu inkhai el lo i. A tawphnak can a hleng fangin akontih in um leh tuh i?” tiin ti i.

Jeremiah 7:8

“Ruat tucuk ih! Zawlhnak ponkam ah ning sanghnak dah i si.

Jeremiah 9:14

Amahte thinlung ruh ze ai a pupate ai zirhhnak bangin Baal milim sawn bia tlang i.

Ezekiel 22:26

Suangbawite in i dan bal ai thil thianghlim khiah upat lo i. Thil thianghlim le thil ningrim thia thiam lo i. A thiangmi le a rimmi a dangdundan heh mi zirh lo i. Sabbath khai zaisiar lo i. Ciamanin Israel mite in kaimah i upat lo i.

Ezekiel 34:2

“Minungpa, Israel uktute a phalo zia heh rel tu. Prophet ponkam in rel tulai Cungnungber Bawipa kaimah in anite hnenai i ponghnak heh rel tu: Ningmah Israel tuukhalte, ning bo i! Ningmah veve tu kilkhawl dun napui ning tuute tu kilkhawl awng lo i si.

Hosea 4:6

I mihingte in kaimah i ling nuam lo manin bo tuh sek i. Ningmah suangbawite khai i ling ning nuam lo ai i thuzirhhnakte lon i si. Ciamanin ning tu kaimah in ning hnawl ai ning fapate khai i suangbawi cang thil tuh nawn lo i.

Habakkuk 2:18

Milim in ziang hnempuihnak nai i? Minung ai bawn fawmhnak thil pakhat menma i ai thudon ti siar lo a relthilhnak zaikhai um lo i. Milim bawntu in a bawnhnak khiah a rinsan fangin amah caah ziang hnempui i? Pong rin a pong thil lomi khuavang khiah!

Matthai 16:26

Mi pakhat in laivum pumpuhluk co ngah khalselai a nunhnak sung lekhaw zai hnempuihnak um i? Zaikhai hnempui lo i! A nunhnak tu zai inkhai lai leh thil tuh nawn lo i.

Luka 11:52

Ning Danthiam mite, ning hmai lam a pit ze i! Fimhnak inn luthnak dawngkham tawhfung tu awh tlang i si; cen ningmah tu lut nuam tlang lo ai a lut nuamtute kham fawn i si,” tiin Jesuh in ti i.

Johan 16:3

Mi in ciatih bangin ning vumah bawn tuh i, zaimantifangin Pa ling lo ai kaimah khai i ling lo i.

Johan 8:55

Ning incen ling awng lo i si; ikhalselai kai cenin ling ing. Ani tu ling awng lo ing ti lengkhaw ningmah bang thotho in thudonreltu i tuh ing. Ikhalselai ani tu ling taktak ai a thu khai hlun ing.

2 Korin 4:2

Kin bawn dehnak thil thup le zakthikul thilte khiah lon zo sek i ing; mi zawl in nung lo i ing, Pathian ai thula ahkhai kinmah daihdan in merh lo i ing. Thutak heh cang ngai le tluangtlam ngai in phuang ai ciatihin zaibang minung i ing ti khiah mi in amahte thinlung in thia thiam tuseh tiin Pathian hmaiah nung i ing.

Daannolhnak 33:10

Na thupehnak tu Jacob hnenah zirh tlang tuh i. Na dan heh Israel mite hnenah. Na hmaiah rimhmui mai ah tai tuhai Na puleng ah maitai hibawlhnak sel tuh i.

1 Samuel 12:21

Pathian limte hnenah feh mah ih. Anite in ning bawm lo ai ning o thil fawn lo i, zaimantifangin anite tu a lim i.

1 Samuel 2:12

Eli ai fapate tu misual ngaingai i. Bawipa Pathian khai zaisiar tlang lo i.