Jeremiah 2:25 - Zanniat Bible

²⁵ “Aw Israel, khuavang dangdang na hnawhhnak ah na ke cawlruai mah, Na dang khai carruai mah. Ikhalselai nang in, ‘Let thil nawn lo ing, Ramdang khuavang i ngai ze hang ai, hnawh tuh betbo ing ti isi,” tiin ti i.

Khualsim Bible

²⁵ Na ke cu baangkau vahsak duh hlah, na dang khaw tihaal in carsak duh hlah. Ihmansela nang ni cu, ‘Acuhmawh ruahsannak a om tal lo, icatile kei cu khualle ka daw hngai hekhawh, an dung ka zul hngai kau thok,’ na ti.

Falam Common Language Bible

²⁵ “Maw Israel, khawzing dangdang na dawinakah na ke bangter duh hlah, Na dang khal carter duh hlah. Sikhalsehla nang cun, ‘Ka kir thei nawn lo, Ram dang khawzing ka ngai tuk thlang ih, Ka dawi vivo ding na ti,’” tiah a ti.

Jeremiah 2:25 ပူးပေါင်းရင်းမြစ်များ

2 Sansiarnak 28:22

Ahaz sualhnak tu a roh ngai i! A ram songah harsahnak a hleng deuhdeuh fangin Bawipa hmaiah sual amam ve i.

2 Sansiarnak 28:23

Amah a nehtu Syria mite ai khuavang hnen tian ah hibawlhnak sel i. “Syria kumpibawi tu amahte khuavang in bawm manin kai khai hibawlhnak sel lengkhaw i bawm tuh ve i,” tiin ruat i. Ciami in amah le a ram minungte vumah siatsuahhnak hlengruai amam i.

Isaiah 2:6

Aw Pathian, na minung Jacob ai tesinfate tu zangtak isi. Ciamanin anite ram tu nisuah lam le Filistin ramai mitkher le dawithiam mite in dim i. Mi phundang tepawl ai hlunhnak dan hlun i.

Isaiah 57:10

Khuavang dang ning sihnak ah ning thitha khai bo sio i, ikhalselai van ning sang awng lo i. Zakthi nai loin milimte in hathnak kin pe i, tiin ruat i si; ciamanin tha ning cawl awng lo i.

Jeremiah 13:21

Na rualpui ai na ruathnakte in na neh ai na uk fangin ziang pong leh tuh isi? Nupang nau nai bangin a ur tuar tuh isi.

Jeremiah 13:22

Zaimanin hebang thil heh i vumah hleng ini? Zaimanin i hnikpon i zik sah sek ai i zohsuam ini? ti lesikhaw na sual ze manin i!

Jeremiah 14:10

Bawipa in hemite thu rel ai, “Hemite tu kin hnenin tlan nuam tlang ngai i. Amahte veve uk dun ben lo i. Ciamanin amahte vumah lung i awi lo i. Thil phalo bawnhnak tu hih tuhai amahte sualhnak manin cawh tuh ing,” ti i.

Jeremiah 18:12

Anite in, ‘Zaiman ṭhin tuh i ing? Kin daihhnak bangin milungruh le mihrokhrawl i tuh hlen i ing,’ ti tuh i,” tiin ti i.

Jeremiah 2:31

Aw Israel mite, i relhnak heh ngai tu ih! Ning caah nelrawn ro bangin maw, ramthim le ram kihkul bang ing im? Zaimanin, ‘Kin luat ai kin daihhnak bangin nung tuh i ing, na hnen ahcen let tuh lo i ing,’ i ti i si.

Jeremiah 22:20

Aw Jerusalem mite, Lebanon ramah feh tu ilai au tu ih; Bashan ramah feh tu ilai kap tu ih; Moab ram tlang vuman ko tu ih; Zaimanin ning ṭanpuitu le ning daihtu ram hmuahhmuah, ral sung zo i.

Jeremiah 22:21

Mi nainung ning i laiah, Bawipa in thu na rel i; Ikhalselai ngai awng lo i si. Ning nun song ciatih ngiode i si. Bawipa thu tu ngai nuam awng lo i si.

Jeremiah 3:13

Bawipa na Pathian vumah na sual zo ai amah na ralcaihnak fel ngai in phuang tu. I thukhamhnak hlun lo ai thing nim hnia cangah ramdang khuavangte ngai in um heh phuang tu sio. Bawipa Kaimah in rel zo ing,’ ti ta tu.

Jeremiah 44:17

Bawn tuh i ing kin tihnak hmuahhmuah bawn tuh i ing. Kin khuazingnu Vancung kumpinu hnenah hibawlhnak sel tuhai kinmah le kin pupate in ituseh, kin kumpibawite le kin hotute in ituseh, Judah ram khuate le Jerusalem khua vumah a bawn awng zo bangin hibawlhnak ai cabitti tu a vumah burh tuh i ing. Ciatihin kin bawn laiah rong khai nai roh ai mi nainung i ing ai zai harsahnak khai tawk lo i ing.

Ṭahhlapawl 1:2

Zan khuavar in kap awm; Mithli a biang ah luang awm! A rualpui aisu khai um lo i, A hnemtu ah pakhat tal khai um lo i. A ṭantute in zuar i, Mi zongzong in tun tu ralcai ihang.

Ṭahhlapawl 4:4

I minung in amahte faniu thiruai i, Rong lo le ti loin. Naupang in rong ngen napui, Aisu inkhai pe lo i.

Ezekiel 20:32

A dang miphunte bangin um ning nuam ai ram dang ai a ummi, thing le lung a biatute bangin um ning nuam i; ning thinlung songah hliah dun zo i. Ikhalselai ciatih bangin cang tuh awng lo i.

Hosea 2:3

Com hlah lekhaw a nu pum songin a suak laiah kawngkolh in a um bangin a hnikpon hawk sah tuh ing. Lai ro le lai car bangin bawn tuhai tihal in thi tuh i.

Malakhi 3:14

Ning relsuakhnak rori tu ‘Pathian kin ruaih hnelhno heh a lovang i. A relhnak bangin bawn heh ziang hnempuihnak um i? Kin ruat sualhnak sir tlang ai kin lungsiahnak Cungnungber Bawipa hnenah larruai tum hnelhno heh ziang hnempuihnak um i?

Luka 15:22

Ikhalselai a pa in a hnenumte ko ai, ‘Rang ngai in kawi tu ih! Hnikpon pha ber koih tu ilai silh tu ih. A kut ah kutruk ruk tu ilai a ke ah kedawl dawl sah tu ih.

Luka 16:24

Cen au ai, ‘I pa Abraham, ning i hio tu hram law. Lazarus heh ruai tulai a kutzung khiah ti songah nim selai i lai dapruai tuhin ti i far tuseh; zaimantifangin he mai songah a tuar i har ze i!’ tiin ti i.

Rom Pawlpi Hemih Paul Laikuat 8:24

Zaimantifangin umlamhnak in ohnak ising. Kin umlamhnak tu hmu thil lesingkhaw umlamhnak ngaingai ilo i. Aisu in a mit ai hmuthilhnak heh umlam awng ini?

Daannolhnak 28:48

Ciamanin Bawipa in ning hnenah a hlathnak ning ralte ruaihtu ning cang tuh i. Rikam tihal in ning um tuh i; silhfen hnikpon nai loin kawngkolh in le thil dang hmuahhmuah khai tlasam ngioṭio in ning um tuh i. Ning ralte in ning siatsuah tuhai ning bo hlanlo ning hawng ah thirkawn ning orh tuh i.

Daannolhnak 32:16

Amahte milim biahnak Bawipa in umhlah ai, Thil ningrim bawn manin a thinraw i.