Jeremiah 19:4 - Zanniat Bible

⁴ Hemi bang thil heh hlengruai tuh ing, zaimantifangin misenpui in i zangtak tlang ai khuavang hnenah hibawlhnak pe in ram heh ningrimtiar tlang zo i. Ciami khuavangte tu anite le amahte pupate in ituseh, Judah kumpibawi in ituseh, a ling tlang awng lohnak i. Hemi ram tu mawh nai lomi ai thisan in dimruai tlang ai,

Khualsim Bible

⁴ Icatile hi mipawl ni a ma mata hngai ih, anmah ni iseh, an pupale ni iseh, Judah siangphahrangle ni iseh, an tiah thah lomi khuazing pace hemih rai an hriknak thawngin hi hmun an hnomtamsak ruangah; cun hi hmun hi sualnak-ngeilomi ih thisan in an khahsak ruangah leh

Falam Common Language Bible

⁴ Hi bangtuk thil cu ka thlenter ding, ziangahtile misenpi in in dungtun ih khuavang hnenah thawinak pek tahratin hi ram hi an baalter zo a si. Cuih khuavang pawl cu anmah le an pupa pawl in siseh, Judah siangpahrang in siseh, an theih dah lomi a si. Hi ram cu mawh nei lomi ih thisen in an khahter ih,

Jeremiah 19:4 ပူးပေါင်းရင်းမြစ်များ

2 Siangphahrang 21:16

Manasseh in mawhhnak zaikhai a nai lo minungte tam ze rek ai Jerusalem khuapui lampui ah thisan luang diamdo i. Hemi tu Judah mite milim biahnak ah a hoi manin Bawipa vumah misual a cangruaihnak hlaiah a bawnsualhnak i.

2 Siangphahrang 23:10

Cen Josiah in Molech khuavang hnenai amahte fanu fapa maitai hibawlhnak in a pe thil lohnak tuhin Hinnom Horkuam ai a khuavang biahnak hmun Topheth tu ningrimtiar sek i.

SAAM LABU 106:38

Mawh nai lo thisan, Amahte fanu a pafate ai thisan suakruai i;’ Canaan ram khuavang limte bawlhnak hrangah. Ciami thisan manin cia ram heh ningrimtiar i.

Isaiah 59:7

A pha lo tumtekhnak nai ngio ai ciami bawnsuak tuh tu ning hiam roh i! Mawh nai lo minung rek tuhin ning zualfung awng lo i. Ning fehhnak hmuncang ah siatsuahhnak le harsahnak ian hlengruai i si.

Isaiah 65:11

Ikhalselai kaimah i zangtaktu, i mual cianghlim Zion hnawl ai bawngphahnak khuavang Gad le bawngsiahnak khuavang Meni a biatu ningmah ca ahcen ciabang i tuh lo i.

Jeremiah 1:16

I minungte vumah i mi cawhhnak khiah hlengruai tuh ing; sual ai i zangtak tlang manin, khuavang dangdang hnenah hibawlhnak sel ai milimte amahte kut rori in bawn ai bia manin cawh tuh ing.

Jeremiah 11:13

Judah mite tu amahte khuapui zah in khuavang nai i; Jerusalem mite in a ningdulkul Baal khuavang hnenah hibawlhnak tuhin amahte lampui zah in puleng tiang i.

Jeremiah 15:6

Ningmah sawn in i hnawl ai zang i tak tlang zo isi. Ciamanin i kut suah ai ning hnawmcan ing. Thinsup in ningmah daw hlelhlo heh i zuam nawn lo ihang.

Jeremiah 16:11

Ciafangin kaimah Bawipa in i relhnak heh rel salawn tu: ‘Ning pupate in i zangtak ai a dang khuavangte bia ai ruaih tlang i. I zam ai i thuzirhhnak hlun tlang lo i.

Jeremiah 17:13

Aw Bawipa, nang tu Israel ai umlamhnak isi. Nangmah na hnawltu heh mualpho tuh i. Runsiat vumai hming nganhnak bangin pairal tuh i; Nunhnak tithiang Bawipa nangmah na hnawl tlang manin.

Jeremiah 17:20

Kumpibawite le Judah mite hmuahhmuah le Jerusalem khuasong mi kotka ai a suak a luttute khiah hemi i thurelhnak ngai tlang tuhin rel tu.

Jeremiah 18:15

Ikhalselai i minungte in i hai i, Milim hnenah rimhmui tai i. Amahte vak tuhhnak lampui ah vak ai bah i, Lampui hlun ah vak nawn lo i; Sel lohnak lampui sawn hlun tlang i.

Jeremiah 2:13

Zaimantifangin i minungte in thilsual pahnih bawn i: Nunhnak cirhti kaimah i hnawl ai ti zaikhai tling thil lo i, tikhur khing co tlang i.

Jeremiah 2:17

Aw Israel, lampui in na hoi lai rori ah, Bawipa ning Pathian Kai i hlum manin, Hemi thil poimawh heh na vumah nangmah in hlengruai isi.

Jeremiah 2:19

Nangmah ai sual bawnhnak lala in na cawh tuhai, Lamkhelh na hlunhnak in mawh na hluk tuh i. Kaimah Bawipa na Pathian i zam ai, I vumah kihzahhnak zaikhai na nai nawn lo manin, Nangmah ca thil sual le thil poimawh khiah ling tuh bet bo isi. Cungnungber Bawipa, Pathian Kaimah in rel zo ing,” tiin ti i.

Jeremiah 2:30

Na cawh napui na caah zaikhai hnempui lo i. Nunthutiam pha khai ilo i si. A hrang bik chintit bangin nangmah ai ralvang lala in na prophette rek isi.

Jeremiah 2:34

Ning hnikpon tu thisan in mat i; ciami thisan tu ruko misualralte ai thisan ilo in mawh nai lo farahte ai thisan i. “Ciacingin ning tu,

Jeremiah 22:17

Ikhalselai nang tu nangmah ai hnempuihnak lek hmu isi. Mawh nai lo minung rek ai, na minungte a roh ngai in cawh isi. Bawipa in rel zo i.

Jeremiah 22:3

Kaimah Bawipa in thu ning pe ing: thil ning bawnhnak heh dikcanglairelhnak le dikcanghnak thawn bawn tu ih. Amahte zawlhnak hnelhno mite tu a zawltu kut in hup tu ih. Ramdangmi ituseh, farah ngakṭah le hmaitongte hnawmcan mah ih. Hemi hmun thianghlim ah mawh nai lomi rek mah ih.

Jeremiah 26:15

Ikhalselai thil pakhat tu ling cia tu ih. I rek ngaingai le i sikhaw ningmah le he khuasong mite tu mawh nai lo ning rek manin mimawh ning cang tuh i. Zaimantifangin he ralringhnak petu tuhin i hlattu heh Bawipa i,” tiin ti ing.

Jeremiah 26:23

Pom ai kumpibawi Jehoiakim hnenah fehpui i. Kumpibawi in rek ai a luang tu misenpui phumhnak hlanmual ah lon i.

Jeremiah 44:3

Zaimanin ciatihin cang i ti fangin thilsual bawn tlang ai thin i rawruai manin i. Ningmah in ituseh, ning pupate in ituseh, ning bia awng lohnak khuavang na ruaih ai khuavang dangdang hnenah hibawlhnak sel i si.

Jeremiah 5:6

Ciamanin tupui songah chintit in dawp tuh i; Nelrawn ai mehleng in hlikhlai tuh dekdo i. Tlavangte khai amahte khua songah vak tuh dekdo i. Sumpua ah a suak fangin sahrang in hlikhlai tuh dekdo i. Zaimantifangin amahte sualhnak tam ze ai, tun le tunin Pathian zam de i.

Jeremiah 7:6

Ramdang mi, farah ngakṭah le hmaitongte khiah zohsuam mah ih. Hemi ram songah mawh nai lote ai thisan khiah suakruai nawn mah ih! Khuavang dang bia khai com tuhang ih. Zaimantifangin ciamite tu ning siatsuahtu tuh i.

Jeremiah 7:9

Ruko i si, mi rek i si, nupa sualhnak bawn i si, cukcam in thudonrel i si, Baal khuavang hnenah hibawlhnak sel ai ning ling awng lohnak khuavangte bia zel i si.

Ṭahhlapawl 4:13

Ikhalselai lut thil i, A prophet le suangbawite sual manin. A prophet le suangbawite in thil poimawh bawn tlang i, Mawh nai lotute ai thisan luangruai manin.

Ezekiel 20:26

Amahte milim hibawlhnak thawn ningrim dun ai amahte fapa upa ber pawl hibawlhnak in a selhnak khai kham lo ing. Anite cawhhnak tuhin le kaimah heh Bawipa ing ti larruaihnak ah hetihin i bawnhnak i.

Ezekiel 7:22

A songloihhnak ber i Biakinn rin ningrimtiar fangin khat lam hersan tuh ing; rukote in bal tuhai ningrimtiar inkhai um tuh menma ing.

Ezekiel 8:11

Ciata ah Israel hotute upate sawmsarih um ai Shaphan ai fapa Jaazaniah khai tel ve i. Rimhmui taihnak hleng awh ṭenai rimhmui taihnak in maikhu kai ngualngo i.

Daniel 11:31

A ralkapte hrekkhat in biakinn ningrimtiar tuh i. Nisiar hibawlhnak tu boruai tuhai thil Ningdul Tihikkul dah tuh i.

Luka 11:50

Ciatih imanin tun san mite heh laivum a hampan in prophette rek manin cawh tuh i.

Daannolhnak 13:13

ning bia awng lohnak khuavang bia tuhin ning miphun songin mihrokhrawl hrekkhatte in khuasong mite hoisualhnak thu ning za fangin,

Daannolhnak 13:6

“Na unau, na fapa, na fanu, na ithnak na nupui, ihlahle na rualpui pha ber inkhai ningmah le na pipute ai bia awng lohnak khuavang bia tuhin a thupniu in ning zawltu i thai i.

Daannolhnak 28:20

“Thil siava ning bawn ai Bawipa zangtak le i sikhaw ning pairal sek hlanlo Bawipa in ning vumah bawngsiahnak, buaihnak a phunphun le thinpit vansanghnak hlengruai tuh i.

Daannolhnak 28:36

Bawipa in ningmah ituseh, ningmah ning uktu tuhai ning dahhnak ning kumpibawi ituseh, ning pupate rin um awng lohnak, a dang miphunte ramah ning hnawt tuh sio i. Ciata ah thing le lung ai bawnhnak milimte bia tlang tuh i si.

Daannolhnak 28:64

“Bawipa in vanhamtong khat lamin vanhamtong a khat lam tian ning piakruai tuh sek ai cia ramah ningmah in ituseh, ning pupate in ituseh, ning ling awng lohnak le ning bia awng lohnak, lung le thing ai bawnhnak khuavang dangdang bia tuh i si.

Thupphuan 16:6

Mithiangte le prophette thisan suah manin ding tuhin thisan na pehnak heh ding tlak hrimhrim i,” tiin ti i.

Thuṭhentule 5:8

Israel in a thar khuavangte a ril fangin ralte khua kotka ah hleng tlang i; Israel mite thawng sawmli lakah, lum le faipui awhtu pakhat tal um awm?