Jeremiah 13:27 - Zanniat Bible

²⁷ A huahnak thil ning bawnhnak hmu zo i. Lenpal lakah ituseh, tlang vumah ituseh, a dang khuavangte si i si; pasal hlotlau in midang nupui daih i, a hiam in siphuhcang hur in siphuh pui a hnawh bangin a dang khuavangte ning hnawh betbo hmu zo i. Aw Jerusalem mite, ning lampui a pitdan aw! Zaikom fangin a cianghlim in um leh tuh i si?

Khualsim Bible

²⁷ Nan hnomtamnakpawl, nan nuriim- pariimnakpawl leh saipami hur awn ih nan onpawl, hramlak tlang parih ningzah-ngeiloin numizuartia nan ṭuannakpawl ka hmu hngai rom. Maw Jerusalem, na hmaka a pit! Thiansak na ik hlansung ii hlet theih raau rih lei maw?

Falam Common Language Bible

²⁷ A huatmi thil nan tuahmi a hmu zo. Phuul lakah siseh, tlangpar ah siseh, khawzing dang nan hawl; mipa sualral in midang nupi a ngai, a hiar ih rangcang hur in rangpi a thlun vivo vekin khawzing dang nan dawi vivo a hmu zo. Maw Jerusalem mi pawl, nan lamzin a va pit so! Ziangtikah so thianghlim in nan um leh ding?

Jeremiah 13:27 ပူးပေါင်းရင်းမြစ်များ

SAAM LABU 94:4

Thilsual bawntu heh zaikom tian hngal ngai le puarthau in amahte sualhnak heh aupui tuhlai i?

SAAM LABU 94:8

Aw i minungte, zaimanin hetih lawmlam in lungmu tlawm le ning voi hlaihlawr ini? Zaikom fangin ning lung ning fim tuh ini?

Aanroling 1:22

Mivoite, zaikom tian ning voihnak ning daih tuhlai ini? Zaikom tian lingthiamhnak zohsuam heh a hiam ngai i ti tuhlai ai, lingthiamhnak hua tlang tuhlai i si?

Isaiah 57:7

Tlang sang vumah hibawlhnak pe tuhin feh ai nupa pawldunhnak sawn in hmang i si.

Isaiah 65:7

anite sualman le a pipute ai sualman co tuh i. Lawkite in tlang vumai dawlhnak puleng vumah rimhmui tai tlang ai thang i siat i. Ciamanin anite tu hlanai a bawnhnak bangin cawh tuh ing,” tiin ti i.

Jeremiah 11:15

Bawipa in, “I ithnak i minungte in thilsual bawn tlang i. I Biakinn songah lutthilhnak ziang nai nawn i? Thukham tampui a bawnhnak in le hibawlhnak sumhnam tampui a pehnak in hnawmcanhnak kham thil tuh i tiin ruat ini im? Ciami in lungawiruai tuh heh im?

Jeremiah 3:6

Josiah kumpibawi awng lai ah, Bawipa in kaimah hnenah, “Hlotlau nupang bang a imi Israel ai thil bawnhnak heh hmu aw sim? Kaimah hnenin tlan ai tlangsang cang le thing nim hnia cangah hlotlau in um i.

Ezekiel 16:23

Cungnungber Bawipa in, “Na bo lawlaw i! Thil pha lo hmuahhmuah na bawn ben hnuaah,

Ezekiel 2:10

Kut in laihnahzual khiah pharh ai a songlam le a pualam thawn lainganhnak khiah hmu ing: lungsia kaphnak le aihramhnak thu i.

Ezekiel 20:28

Amahte hnenah pe tuhin i thukhamhnak ramah hoi ing. Ikhalselai tlangsang le thinghing anite in hmu cang fangin hibawlhnak sel betbo de i. Hibawlhnak amahte taihnak le cabitti amahte selhnakte in thin i rawtiar i.

Ezekiel 24:12

kharte a kang sek hnuaah tu bel cianghlim ah cang leh tuh i.

Ezekiel 24:13

Aw Jerusalem, na nuncan phalohnak in ning na rimruai i. Cianghlimruai na tum napui ning na rim thotho i. I thinrawhnak a roh ngai in na tuar hlanlo na cianghlim tuh nawn lo i.

Ezekiel 24:6

Cungnungber Bawipa in hetihin ti i: “Mirektute umhnak khuapui tu bo zo i! Cianghlimruai awng lohnak bel kharkai bang i. Sa semkhat hnua semkhat thur betbo ai semkhat khai tang nawn lo i.

Ezekiel 36:25

Ti cianghlim ning phiah tuhai milim biahnak hmuahhmuah le ning ningrimtiartu hmuahhmuah khai cianghlimruai tuh ing.

Ezekiel 36:37

Cungnungber Bawipa in, “Israel mite tu bawmhnak i ngentu miphun ah bawn leh tuhai tuurual bangin pungzairuai tuh ing.

Ezekiel 6:13

Mithi luangte tu milimte lakah le pulengte hiang cingkim ah, mual le tlang vum cangcang ah, hnahhing thingkung hnia le hlokhli kungpui hnia cangcang ah le amahte milimte hnenai maitai hibawlhnak hmun cangcang ah piak tuh bial i. Cen mi zongzong in Bawipa ing ti khiah i ling tuh i.

Hosea 1:2

Bawipa in Israel miphun hnenai a pong fangin hmasaber ah Hosea hnenah, “Feh tulai nupui hoi tu; na nupui tu hlotlau i tuhai na fate khai a nu bang i tuh i. I miphun in i hlum zo ai hlotlau phun ah cang zo i,” tiin ti i.

Hosea 4:2

Mi cukcam, thudonrel tlang, mirek, ruko, nupui le pasalte in midang daih san i. Thisan luanghnak karhzai betbo ai mirekhnak pakhat hnua pakhat um i.

Hosea 8:5

Samaria khuapui song mite in sui kawlpawcang a biahnak heh i hua i! Amahte vumah thin i raw ze i. Milim heh zaikom tian bia tuh ini? Zaikom fangin com tuh ini?

Zefaniah 3:1

Jerusalem tu a bo ihang! Khia khuapui ningrim le raltho nuam khuapui, mah ai minung a cawh hnelhnotu minung khiah!

Matthai 11:21

“Aw, Khorazin khua, bawng na sia ze i! Aw Bethsaida khua, hmai lam na pit i! Ning songai ngaihsunurkul i bawnhnak tepawl tu Tyre le Sidon khua ah bawn awng ita selai cia khuasong mite in amahte sualsirhnak larruai tuhin vaidip hnikpon sil in vutkuang phulhdunhnak raipui tuh zo i.

2 Korin 12:21

Ning hnenin hleng leh fangin i Pathian in ning mithmuh ah zakthi in i bawn tuh i ti i lau i; ciatihin kin hnua lam can ai sualhnak a bawntute, thil ningrim a phunphun, taksa hiamhnak le nupa sual amahte bawnhnak sirhnak nai tlang lo manin kap hnelhno pang tuh ing ti i lau i.

2 Korin 7:1

I ithnak u le nau, he thukhamhnak hmuahhmuah heh kinmah hnenah khamhnakte i. Ciamanin kin taksa pum ituseh, kin rauhla ituseh a ningrimruaitu hmuahhmuah heh lon in thianghlim niu in um ngasing; Pathian upat kihzahhnak thawn nung ngasing.

Jeim 4:4

Rintlak lo minungte! Laivum thawn rualpui pha cang heh Pathian thawn raldunhnak i ti ling lo i sim? Aisu khai laivum pha ngai ai a komtu heh Pathian ai ral ah bawn dun i.

Thupphuan 8:13

Cen i honsik fangin vansangpui ah mupui pakhat zuang ai, “A laukul, a laukul! Vancungmite pathum in amahte thirhlung tum tlang fangin laipua vumai a ummi hmuahhmuah caah a laukul ze lawmlam i!” tiin cawm ngai in a ti za ing.