Jeremiah 10:10 - Zanniat Bible

¹⁰ Ikhalselai Bawipa, nang tu a dikmi Pathian isi; Pathian nung isi ai kumzangza kumpibawi khai i si. Thin na raw fangin laivum pumpuhluk heh hlin sio i; Na thinrawhnak tu miphunte in tuar ben tlang lo i.

Khualsim Bible

¹⁰ Bawipa zong cu Pathian hmaan a ii; ani cu Pathian nung leh kumkhua siangphahrang a ii. A thinsiat ah vulei a hnit, miphunpawl ni a thinkannak cu an in zolo.

Falam Common Language Bible

¹⁰ Sikhalsehla Bawipa, nang cu a dikmi Pathian na si; Pathian nung na si ih kumkhua siangpahrang khal na si. Na thin a heng tikah leilung pumpi hi a hnin ṭheh; Na thinhengnak cu miphun pawl in an tuar thei lo.

Jeremiah 10:10 ပူးပေါင်းရင်းမြစ်များ

Seemthawhnak 21:33

Cia hnuaah Beersheba ah Abraham in thingkung pakhat bir ai kumzangza a nungmi Pathian Bawipa bia i.

1 Siangphahrang 18:39

Ciami tu mizapui in hmu tlang fangin laipua ah bok tlang ai, “Bawipa tu Pathian i; Bawipa ian Pathian i,” tiin au tlang dekdo i.

1 Siangphahrang 8:60

Ciatihin laivum miphun hmuahhmuah in Bawipa lek heh Pathian i ai Pathian dang um lo i, ti ling tlang tuh i.

1 Sansiarnak 29:11

Aw Bawipa, nang tu cungnungber le thahat ber, huhamnaiber, a lianber le a songlawi ber le a sang ber kumpibawi isi. Lai le van ai thil um hmuahhmuah nangmah ai i ai zaizongza vumah kumpibawi le uktu bawi ber isi.

2 Sansiarnak 15:3

Israel mite tu can raipui Pathian dik nai lo, zirhtu suangbawi nai lo le dan nai loin um tlang i.

Job 9:6

Pathian in hlinhlinruai ai, Laivum le a hamtohhnak khai hlin sek i.

SAAM LABU 10:16

Bawipa tu kumzangza le kumzangza in kumpibawi i. Ciamanin Pathian ling lotute tu A ram songin pairal tuh i.

SAAM LABU 100:3

Bawipa tu Pathian i ti khiah hai mah ih; Amah in kin bawn ai amah ai ising. Kinte tu a minung ising; A khalmi tuu ising.

SAAM LABU 100:5

Zaimantifangin Bawipa tu pha i. A ithnak tu kumkhua in kho i, Rintlak a ihnak heh san khat hnua san khat kho i.

SAAM LABU 104:32

Bawipa in a sik fangin laivum tu hlawng i; Tlangte a dai fangin maikhu suak i.

SAAM LABU 114:7

Aw laivumpui, Bawipa a kawi fangin hlawng tu; Jacob ai Pathian hmaiah cenin.

SAAM LABU 145:13

Na ukhnak tu kumzangza in kho i; Nang tu kumzangza in kumpibawi isi. Pathian tu a thutiamhnak hmuahhmuah ah rinsantlak i; A thil bawnhnak hmuahhmuah ah ninghiohnak nai i.

SAAM LABU 146:6

Lai le van, tifingriat le a songai ummi zongzong a bawntu, Bawipa Pathian a rinsantu heh mi lungawi i. Bawipa tu a thukhamhnakte khimruai ṭio i.

SAAM LABU 18:7

Pathian a thinraw manin laipua tu hlin ai tlir i. Tlangte ai hamtohhnak khai hlawng ai thing tlang biakbo i.

SAAM LABU 29:10

Bawipa in tipui thuk pawl uk i; Kumpibawi i ai kumzangza in uk i.

SAAM LABU 31:5

I nunhnak tu na kut songah na ap ing. Aw Bawipa, i hup tu hram law. Nang tu rintlak Pathian isi.

SAAM LABU 42:2

Aw Pathian, a nungmi Pathian, I nunhnak in nangmah heh tidap niu bangin na hal ing. Zaikom fangin na hnenah hleng ai, Na mithmai na hmu tuh ing?

SAAM LABU 68:11

Bawipa in thupe ai Nupang tampui in thuthang fehpui tlang ai:

SAAM LABU 68:8

Laivum hlin durdo ai van in ruah burh i. Sinai Pathian, Israel ai Pathian a hleng fangin.

SAAM LABU 74:12

Ikhalselai Bawipa, a hampan in nang tu, Kin kumpibawi isi; laivum ah ohnak a hlengruaitu khiah nangmah isi.

SAAM LABU 76:7

Aw Bawipa, na kihkul zia heh! Thin na raw fangin, Aisu na hmaiah ding ngam tuh i!

SAAM LABU 76:8

Na thukhanhnak tu vancung in zaruai isi. Laivum tu a lau ze in mer loin um i.

SAAM LABU 77:18

Na khuari tu com loin khuahacang ah tlir ai, Na vantlingtleleuh in laivumpui det liang i. Laivum pumpuhluk tu hlawng ai hlin dumdo i.

SAAM LABU 84:2

A song hleng tuh heh zaitlukin i hiam i! Bawipa ai Biakinn song hleng heh i ngai ze ihang. I thinlung veksen in a nungmi Pathian hnenah ang ngai in la sa ing.

SAAM LABU 9:8

Laivum pumpuhluk tu dikcanghnak thawn uk ai, ṭan bulhnak nai loin mi zongzong vumah thukhan i.

SAAM LABU 90:11

Na thinrawhnak a hatdan heh aisu in ling thil i? Na thintokhnak ai a hlengruaihnak thinlauhnak tu aisu in hmu cawk tuh i?

SAAM LABU 90:2

Tlangte na bawn hlanah le, Laivum pumpuhluk na semsuah hlanin nang tu a panhnak le a tawphnak nai loin, A kumzangza in Pathian isi.

SAAM LABU 93:2

Aw Bawipa, na kumpibawi tohkham cenin, A hampan in kho ciazo i. Can a um hlanah nang tu um zo isi.

SAAM LABU 97:4

A vantlingtleleuh in laivum pumpui tleuruai i; Ciami khiah laivum in hmu ai hlawng i.

Isaiah 37:17

Aw Bawipa, tunah i ngai tulai i sik tu hram law! Sennacherib in a nungmi Pathian na vumah zohsuam ponghnak hmuahhmuah ngai tu sio law.

Isaiah 37:4

Assyria ram kumpimangbawi in a nungmi Pathian zohsuam tuhin a kuthnia ai tlangsuak upa ber pakhat hlat i. Bawipa na Pathian in hetihin amahte zohsuamhnak tu za tu hram selai a pongtu heh cawh tuseh. Ciamanin kin minung a tangsunte caah saw kin nget tu hram law,” ti i.

Isaiah 40:15

Bawipa caah miphunte heh zaikhai ilo i; Ti farkhat tluk fang i. Lamhlapui ai tikulhte khai, laivut tluk in zangniu i.

Isaiah 40:28

Hmu lo i sim? Ling awng lo i sim? Bawipa tu kumzangza in a khomi Pathian i. Lailung hmuahhmuah a bawntu i. Ani tu thacawl le thabo in um awng lo i; A ruathnak tu ling ban tuh pawl ilo i.

Isaiah 57:15

Kai tu kumzangza ai a nung Pathian, a sang ngai le a Thianghlimmi Pathian ing. A sang le a thianghlim hmunah um ing; ikhalselai rinsanhnak le umlamhnak ning nai lehsal tuhin thinlung khoimi le thinlung nemmi hnen ahkhai um ing.

Isaiah 65:16

Hemi ram songai a ummi hmuifu i ngentu hmuahhmuah in rinsantlak Pathian ai hmuifu ngen tlang tuh i. Cukcam in thukhamhnak a bawntu hmuahhmuah in rinsantlak Pathian hming in bawn tuh i. A liam sa can ai harsahnak tepawl tu bo tuhai hai tuh sio ihang,” tiin ti i.

Jeremiah 23:36

Ciatihin zaikom inkhai, ‘Bawipa ai thilrit,’ tihnak ponkam hmang nawn maseh. Hmang lekhaw amahte caah i thu tu thilrit taktak ah bawn tuh ing. Hemi minungte in a nungmi Pathian, Cungnungber Bawipa, amahte Pathian ai ponkam tu phundang ah mer ai a pingpeng in pialruai sio i.

Jeremiah 4:2

kaimah hming sal in cukcamhnak ning bawn fangin thudik le dikcanglairelhnak le dikfelhnak thawn bawn le i sikhaw ning caah pha tuh hlen i. Ciatihin miphun hmuahhmuah in amahte vumah hmuifu pe tuhin i ngen tuhai thang i phat tlang tuh i,” ti i.

Jeremiah 4:24

Tlangsangpui i hlir fangin hlin dumdo i; Mual cikniute khai hlin dekdo i.

Jeremiah 50:46

Babylon a tlu fangin a thawm cawm tuh ze ai laivum pumpuhluk hlin tuh sio i. Amahte thinlauhnak aw tu a dang miphunte in za tuh sio i,” tiin ti i.

Jeremiah 51:29

Laivum pumpuhluk tu hlawng ai hlin dekdo i. Zaimantifangin Babylon ram tu nelrawn ah cangruai ai aisu khai um lohnak ramkhing ah cang tuhin Bawipa in a tumtekhnak bawn zo i.

Daniel 4:3

“Pathian ai hmuhhnak ngaihsunurkul heh zaitlukin thawmlian i! Khuaruahhar a bawnhnak heh zaitlukin huham nai i! Pathian tu kumzangza in kumpibawi i tuh i, santong tianin uk tuh i.

Daniel 4:34

Kum sarih khim ai van i sik fangin lungmu i khim leh i. Cungnungber Pathian thangphat ing ai kumzangza in a nungmi hnenah upathnak le songlawihnak pe ing,” tiin kumpibawi in ti i. “Kumzangza in uk tuh i, A ukhnak tu catloin kho tuh i.

Daniel 6:26

I ram song mi zongzong in Daniel ai Pathian khiah upat tuh le kihzah tuhin thupe zo ing. “Amah khiah a nungmi Pathian, Kumzangza in a khomi Pathian i. A ukhnak tu siatsuah tuh awng lo ai a huham tu bo tuh awng lo i.

Daniel 6:27

“Mi otu le mi humtu i. Lai le van khuahacang ah, Mangbangkul le khuaruahharkul bawn i. Chintit ka songin Daniel hup i,” ti i.

Daniel 7:14

Cen phunkhim, hinkhim le pongkhim a pongtute in a na ruaihthilhnak tuhin a hnenah thunaihnak, hmingthanghnak, upathnak le kumpibawi huham hmuahhmuah pe i. A thunaihnak tu kumzangza in kho tuhai a ukhnak bo tuh awng lo i.

Joel 2:11

Bawipa ai thupehnak aw tu a ralkap hmaiah khuari bangin ri dumdo i; A ralkapte tu thawmlian ngai i; A ruaihtute siar cawk lo i Bawipa ai ni tu a thawmlian ai tihikkul i; aisu in tuar ben tuh i?

Mikah 1:4

A ke hniaah mualtlangta tu mai songai khoirep bangin zulruai tuh i; Phairawnte khai puak tuhai tlang vuman ti luang bangin phairawn songah luang tuh i.

Nahum 1:5

Tlang sang puipui a hmaiah hlin ai, Mual niuniu min sek i, A hmaiah tu laipua le a vumai umhnakte hlawng ai hlin i.

Nahum 1:6

A thinrawhnak hmaiah aisu ding ngam tuh i? A thinrawhnak tu aisu in tuar ben tuh i? A thinrawhnak tu tisa bangin burh i, A hmaiah tu lungto rin laivut ah cang sek i.

Habakkuk 3:10

Tlangsangte in nangmah a hmu fangin hlawng thlurhthlo i. Van in ti lai i. Lai hnia ti tu pau dekdo i, Tilep tu sang ngai in tho i.

Habakkuk 3:6

Amah a com fangin laipua hlin durdo i; A mit sik menma ah miphun cang hlawng hlulhhlo i. Kumzangza khohnak tlangsangpuite tu khoi sek i, Santong tianin a umhnak mualtlangta tu phum sio i. Hlanlai ai a hlum dehnak mualtlangta khiah!

Malakhi 3:2

Ikhalselai a hleng nia tu aisu in tuar ben tuh i? A lar ngaingai nia ahcen aisu luat thil tuh i? Thil sawphnak satpia bang le thir a ciangruaitu mai bang i tuh i.

Matthai 16:16

Simon Peter in, “Nang tu a nungmi Pathian ai Fapa Messiah isi,” tiin ti i.

Matthai 26:63

Ikhalselai Jesuh tu dap niu in um i. Cen Suangbawi Sang tu pong lehthio ai, “A nungmi Pathian hming sal in cukcam in na ti ing: Pathian ai fapa Messiah i maw ilo isi, rel tucuk,” tiin ti i.

Johan 17:3

Ciami kumkhua nunhnak tihnak tu nangmah ian Pathian taktak isi ti ling le na hlat mi Jesuh Khrih ling khiah i.

Tirhthalahle 14:15

“Hetihin zaimanin bawn tum tlang i si? Kinmah heh ningmah bang minung ve i ing! A hnempui lo thil ning bawnhnak in lai le van le tipuithuanthum le a songai ummi hmuahhmuah a bawntu a nungmi Pathian hnenah ning lethnak tuhin Thuthangpha rel tuhin kawi kawm i ing.

Daannolhnak 32:4

“Bawipa tu ningmah ṭantu bawi hat ber i, A bawnhnak hinkhim tu dik ai a khim liang i. Ning Pathian tu a dikmi le rinsantlak i, A dik le a semkhim lek bawn i.

Daannolhnak 5:26

A nungmi Pathian mai songai pong a zatu aisu a nung um awng aw im?

1 Thesalon 1:9

Ning sanghnak thula a zatute hmuahhmuah in ning tlawng laiah kin cosang zia, milimte ning hlum ai Pathian ning ben zia a dikmi le a nungmi Pathian na ruaih tuhin ning kawi tlang zia khai kin rel ai,

1 Timote 1:17

Kumzangza in kumpibawi, thih nia nai lo, le mit ai hmu thil lo, amah ian Pathian taktak a imi, hnenah upathnak le songlawihnak kumzangza in kho tu ngio seh! Amen.

1 Timote 6:17

Miliante heh, “Laivum thilri sumsaw ning nai manin hngal mah ih,” tiin rel tu. Rinsan tlak lo lailung vum lianhnak ah umlam mah ih; kin hiamhnak hrangah zaizongza kin petu Pathian ah hamsa tu sawn seh.

Hebru 10:31

A nungmi Pathian kut songah tlok heh zaitlukin tihikkul i.

Joshua 3:10

Ningmah lakah a nungmi Pathian um rori ti khiah tunnia ah ling tuh i si. Hmai lam ning nor deuhdeuh fangin Canaan mi, Hit mi, Hiv mi, Perizz mi, Girgash mi, Amor mi le Jebus mite tu amah in hnawt tuh sio i.

1 Johan 5:20

Pathian ai fapa tu hleng zo ai lingthiamhnak kin pe manin Pathian taktak ling ising, ti kin fiang i. A Fapa Jesuh Khrih thawn pehzomhnak kin nai manin a dikmi Pathian thawn pehzomhnak nai thil ising. Amah tu a dikmi i ai kumkhua nunhnak khai i.

Thupphuan 20:11

Cen a thawmlian mi bawi tohkham ngo le a vumai a totu hmu ing. Bawi tohkham vumai a totu mithmuh in van le lai tu tlan kawm ai hmu thil nawn lo i.

Thuṭhentule 5:4

Aw Bawipa, Sair tlang in suak ai, Edom ram zawllai na fon fangin, Lailung hlin durdo ai van in ruah si i; I, khuanim ai ruah si i.

1 Samuel 17:26

Ciafangin David in a hiangai umtute hnenah, “Hemi Filistin pa a rektu le hebang zakthi phurhnak in Israel mite a luatruaitu in ziang ngah tuh i. Thungai in ti fangin, a nungmi Pathian ai ralkapte a zuamtu tuhin he Pathian sang lo Filistin pa tu ziang ce i,” tiin ti i.

1 Samuel 17:36

Chintit le vom tampui rek ngah zo ai ciamite i rek bangin he Pathian sang lo Filistin pa, a nungmi Pathian ai ralkapte a ngiartu heh rek tuh ve ing.