Isaiah 66:2 - Zanniat Bible

² Lai le van pumpuhluk heh kaimah ai semsuahhnak i. Thinlung a nemmi, sirhnak thinlung a naimi le i thu hlun ai i kihzahtute vum ahcen lung i awi i.

Khualsim Bible

² Ahi thil an zate ka kut ih vuak an ii hekhawh, curuangah hi thilpawl hmawhhmawh hi ka ta an ii,” tiah Bawipa ni a ti. Ka zoh thokmi zong cu niamcuhmi leh thinlung kuaizanmi, ka aanka ah a nawnawtmi, a ii.

Falam Common Language Bible

² Lei le van pumpi hi keimai seemsuah mi an si. Thinlung a neem mi, siir awknak thinlung a nei mi le ka thu thlun ih i ṭihzahtu pawl parah cun ka lung a awi a si.

Isaiah 66:2 ပူးပေါင်းရင်းမြစ်များ

1 Siangphahrang 21:29

“I hmaiah Ahab a thinlung niam in hniakhup ai a um heh hmu aw sim? Hetihin a um manin a nun song ahcen pairal bawngsiahnak hlengruai tuh lo ing. A fapa san ah Ahab ai songkhatte vumah hlengruai tuh ing,” tiin ti i.

2 Siangphahrang 22:10

Cen heta ah Hilkiah ai i pehnak laibu um i,” tiin ti i. Cen kumpibawi hmaiah a cawm ngai in siar i.

2 Siangphahrang 22:11

Ciami dan laibu songai thu heh kumpibawi in a za fangin a lungsia in a hnikpon zik i.

Ezra 10:3

Tun in hemi nupangte le a fate heh hnawt tuhin Pathian hnenah thukham tlang tuh ising. Nangmah le Pathian thupehnak a upattute ai relhnak bangin bawn tuh i ing. Pathian ai kin pehnak dan bangin hlun tuh i ing.

Ezra 9:4

Zan lam hibawlhnak sel can tian lungsia in to ai mi hrekkhat tu i hnenah kawi tlang i. Saltanghnak in a lettute sualhnak thu Israel ai Pathian in a phuang manin thinlautute kawi tlang i.

SAAM LABU 119:120

Nangmah manin thin i cawl i; Na thukhanhnak manin kihhnak in i dim i.

SAAM LABU 119:161

Ziang thu khai um loin, Mi upa huhamnai pawl in i ral tlang i; Ikhalselai i upathnak tu na dan lek i.

SAAM LABU 138:6

Bawipa tu a sang ber ah um napui minautate ai thu ruat sah i. A mithmuh in mipuarthaute relh thil lo i.

SAAM LABU 34:18

Bawipa in thinnau mite heh nong ai, Umlamhnak zaikhai a nai lo mite o i.

SAAM LABU 51:17

Aw Pathian, hibawl i selhnak tu a kehkhoi thinlung i. A kehkhoi le sualsir thinlung tu hnawl tuh lo isi.

SAAM LABU 51:19

Ciatihin hibawlhnakte le maitai hibawlhnakte vumah, Lung na awi tuhai na puleng vumah kawlpawcangte heh hibawlhnak ah sel in um tuh i.

Aanroling 28:14

Bawipa khiah a catloin kihzah tulai thin na nuam tuh i. Lung na ruh meng lekhaw na nunhnak hnawmral tuh i.

Aanroling 29:23

Puarthau le hngalhnak in hnawmralhnak ah na hlenpui tuh i. Ikhalselai hniatacuhniu in um lesikhaw mi ai upathnak co tuh isi.

Isaiah 40:26

Van khiah honsik tu ih! Ning hmuhnak arsi hmuahhmuah heh aisu in bawn i? Ralkapbur a ho bangin hemi arsite a hotu in Zaizah i, ti ling ai amahte hming ṭen in ko sio i. A huham tu a thawmlian ai Pakhatniu bang khai pai awng lo i.

Isaiah 41:20

Ciami heh mi in a hmu fangin Bawipa kaimah ai bawnhnak i ti khiah ling tuh i. Israel ai Pathian Thianghlim in hemi hmuahhmuah heh cangruai i ti khiah lingthiam tuh i,” tiin ti i.

Isaiah 57:15

Kai tu kumzangza ai a nung Pathian, a sang ngai le a Thianghlimmi Pathian ing. A sang le a thianghlim hmunah um ing; ikhalselai rinsanhnak le umlamhnak ning nai lehsal tuhin thinlung khoimi le thinlung nemmi hnen ahkhai um ing.

Isaiah 61:1

Bawipa ai rauhla tu i hnenah um ai hathnak in i dimruai i. Bawipa in i ril ai mifarah hnenah thuthangpha rel tuhin, Thinlung a khoimi cakruai tuhin Ral pom mite hnenah luathnak thu reltu tuhin le thawngto mite hnenah luathnak thuthan tuhin i hlat i.

Isaiah 66:5

Bawipa ai ponghnak heh ngai tu ih, ningmah amah kihzahtu le a thu a hluntute: “Kaimah i rinsan manin ning phunpui hrekkhatte in ning hua ai zaikhai ning siar tlang lo i. Zoh ning suam ai ‘Lungawi aipuang ai ning umhnak heh a hmu kin nuam i. Ciamanin Bawipa in a hathnak larruai tu selai ning hup tuseh,’ ti tlang i. Ikhalselai anite sawn heh zakthitu tuh sawn i.

Hosea 11:10

A ralte lamah chintit bangin huk tuh dumdo ai, I minungte in i hlun tlang tuh i. Nitlak lamai in thing derdo in hlawng kongin i been tuh i.

Mikah 6:8

I lo i, Bawipa amah in a pha le bawnruai a nuamhnak tu i rel zo i. Amah in i cangruai nuamhnak tu: A dikcang bawn le ninghiohnak nai le hniatacuhniu in Pathian thawn vak tlang khiah i.

Habakkuk 3:16

Ciamite i za fangin i hlawng i, I kahmur tu lauhnak in hlin derdo i. I ruangpui tu mer thil nawn lo i, I kete tlu i, i dingpui lo i. Kinmah kin tawngtute Pathian in a cawh can, Thinsau in iang tuh ing, a hleng tuhlai can khiah!

Matthai 12:6

Thutak ning rel ing; Heta ah biakinn tahin lian sawn um i.

Tirhthalahle 7:50

Hemi thil hmuahhmuah a bawntu heh Kaimah ilo ing maw?’ ti i.

Tirhthalahle 9:6

Tho tulai khuapui songah feh tu; na bawn kulhnak khiah na rel tlang tuh i,” tiin ti i.

Filipi 2:12

Ciamanin, i ithnak i rualpuite, ning hnen i um laiah i thu ning hlun ngiode bangin le, ciatah in rin a thupui sawn tu ning hnenah i um lo can ahkhai i thu hlun tuh khiah i. Nunohnak semkhim ning ngahhnak tuhin kihzah le hlawng kongin per tu hnelhno ih.

Kolose 1:17

Khrih tu zaizongza hlanah um zo ai amah thawn pawlkomhnak thawmin zaizongza heh umhnak nai tlang ṭen i.