Isaiah 2:2 - Zanniat Bible

² Hmai lam can ah Biakinn a dinghnak mual tu mual dang tahin sang ber tuh i. Miphun tampui ciami mual ah catloin kawi tlang tuhai;

Khualsim Bible

² A pha leimi nicaanpawl a’cun Bawipa ih inn omnak Tlang cu tlangpawl lakih a sangtleng diinhmun in diinṭho a i thok, cun mualpawl cungah a cuang thok; miphunpawl an zate acunangah an vong suak leihlo thok.

Falam Common Language Bible

² Hmailam caanah Biakinn a dinnak tlang cu tlangdang hnakin a saangbik a si ding. Miphun tampi cuih tlang ahcun cat loin an ra dingih

Isaiah 2:2 ပူးပေါင်းရင်းမြစ်များ

Seemthawhnak 49:1

Cen Jacob in a fapate ko ai, “Hmunkhat ah taikhawm tu ilai hmai lam ning vumah thil cang tuh thu ning rel cia tuh ing,” tiin ti i.

Job 19:25

Ikhalselai kaimah i ṭantu heh a nung i ti ling ing; A tawphnak fangin laipua vumah ding leh tuh i.

SAAM LABU 102:23

I sen laiah Bawipa in i tha ṭumruai i; I nunhnak comruai i.

SAAM LABU 2:8

I ngen tulai miphun hmuahhmuah na rothil ah na pe tuh ing; Laivum pumpuhluk heh nangmah ai cang tuh i.

SAAM LABU 22:27

Miphun hmuahhmuah in Bawipa tu ling tlang leh tuhai, Vanham tong inkhai a hnenah let tlang tuh i. Hin le nam hmuahhmuah in amah bia tlang tuh i.

SAAM LABU 22:28

Bawipa tu kumpibawi i; Miphun hmuahhmuah uk i.

SAAM LABU 48:2

Pathian ai mual, Zion Mual tu Sang ngai ai mawi ngai fawn i. Kumpibawi khuapui tu laivum pumpuhluk ai anghnak i.

SAAM LABU 68:17

Siphuhleng pha ngaingai, siar cawk lo thawng tampui thawn, Bawipa tu Sinai Mual in hmun thianghlim ah kawi i.

SAAM LABU 72:8

A ram ukhnak tu tifingriat in tifingriat tian; Euphrates Runpui in laivum a tawphnak tian kau tuh i.

SAAM LABU 86:9

Na semsuahmi miphunte hmuahhmuah in na hnenah kawi tlang tuhai amahte lu ut tlang tuh i. Na hming thangphat tlang tuh i.

SAAM LABU 87:1

Pathian in tlang cianghlim vumah a khuapui din i.

SAAM LABU 87:2

Israel ram hmundang hmuahhmuah tahin Jerusalem khuapui heh daih ber i.

Isaiah 11:10

Ciami nia ah David ai tesinfa songin kumpibawi a thar suak tuhai miphun tampui caah hnikhniahhnak i tuh i. A khuapui songah taikhawm tuhai upathnak pe tuh i.

Isaiah 25:6

Heta Zion Mual vumah Cungnungber Bawipa in lailung vum ramcang le miphuncang caah rong ai puai bawn tuh i. Ciami rong ai puai ahcen rong ur ber le cabit ur ber pe tuh i.

Isaiah 27:13

Cia nia a hleng fangin Assyria le Egypt ramai saltang Israel mite ko tuhin thirhlung tum tlang tuh i. Kawi tlang tuhai Jerusalem khua, a mual thiang vumah Bawipa bia tlang tuh i.

Isaiah 30:29

Ikhalselai ning Pathian ai a minungte tu nizarh nia puai bawn zan ah ang in la ning sa bangin ang le la sa in um tuh i si. Israel a ṭantu Bawipa ai Biakinn a feh laitak ah titilu tum kongin ang ngai ai a fehtute bangin ning ang tuh i.

Isaiah 49:6

Bawipa in, “Kaimah cengfa, na ṭuanvo thupui amam um i; A tangsun Israel mite hnenah A hlan bangin hmingthanghnak na nairuai leh tuh lek ilo in, Laivum pumpuhluk ohnak a ngah ngahthilhnak tuhin Nang tu miphun tampui hnenah tleuhnak tuhin na bawn tuh ing,” i ti i.

Isaiah 56:5

i biakinn songah le i minung lakah ning hming hihhlenhnak i tuhai, fanu le fapa nai ai hming ning thanghnak tuhin ning hming tu rai deuh hih tuh i. Zaikom inkhai haihnak i tuh lo i si,” ti i.

Isaiah 56:7

“I mual cianghlim Zion ahcen ning hlenpui tuh ing; i sawngenhnak inn ah anghnak ning pe tuhai i puleng vumah hibawl ning selhnak tu ning sang sah tuh ing. I Biakinn khiah miphuncang caah sawngenhnak inn ti tuh i,” tiin ti i.

Isaiah 60:3

Miphun hmuahhmuah in na tleuhnak ben tuhai Kumpibawite in na nisuah thar aai tlang tuh i.

Isaiah 65:11

Ikhalselai kaimah i zangtaktu, i mual cianghlim Zion hnawl ai bawngphahnak khuavang Gad le bawngsiahnak khuavang Meni a biatu ningmah ca ahcen ciabang i tuh lo i.

Isaiah 66:20

Hemi ramte an ning phunpui ning unaute tu letpui tuhai kaimah caah lehsawng bang i tuh i. Israel mite in sangvut hibawlhnak tu bawm cianghlim thawn Biakinn ah a koih tlang bangin ning hinpui unaute tu Jerusalem ai i tlang cianghlim vumah siphuh, laak, kalauk, siphuhleng le kawlpawleng thawn koih tuh i.

Isaiah 66:23

Hla thar Puai cangin le nizarh nia cangin miphun hinkhim khiah Jerusalem ah kaimah bia tuhin kawi tlang tuh i,” tiin Bawipa in ti i.

Jeremiah 16:19

Aw Bawipa, nangmah in kin hup ai hathnak i pe isi. Harsahnak can ah i bawm isi. Vanham tong in miphun tampui kawi tlang tuhai na hnenah, “Kin pupate in thudon khuavang siar lo zaikhai nai tlang lo i; amahte naihnak tu zaikhai hnempui lo milim lek i.

Jeremiah 23:20

Cen bawn a tumhnak hmuahhmuah a bawn ben hlanlo com tuh awng lo i. Hmai lam can ah he thu tu a minungte in ling fiang leh tuh i,” tiin rel ing.

Jeremiah 26:18

“Moresheth khuami prophet Micah in Hezekiah, Judah kumpibawi a ṭuan laiah misenpui hnenah Cungnungber Bawipa ai ponghnak hetihin i rel i: ‘Zion tu lo bangin vai tuh i. Jerusalem tu khuarop ah cang tuhai Biakinn dinghnak mual tu tupui ah cang tuh i,’ ti i.

Jeremiah 3:17

Ciami can a hleng fangin Jerusalem khua tu ‘Bawipa ai Bawi tohkham,’ ti tuhai miphun hmuahhmuah ciata ah kaimah bia tuhin khawm tuh i. Amahte thinlung ruh le thinlung siava ai a ruaihnak ruathnakte thawn thil bawn tuh nawn lo i.

Jeremiah 31:12

Kawi tlang tuhai Zion Mual ah, lungawi in la sa tlang tuh i. I phathnak manin aipuang tuh i; Rong le cabit le olive thau manin, Tuu le mete i lehsawng manin! Ti kham ngai ai burhhnak vuan bang tuh i. A kulhnak hmuahhmuah nai tuh sek i.

Jeremiah 48:47

Ikhalselai hmai lam tikcucan ahcen Bawipa in Moab khiah nainung ngai ah bawn leh tuh i. Hemi tu Bawipa ai ponghnak i ai Moab vumah khim tuh i.

Jeremiah 49:39

Ikhalselai hnuata lamah Elam mite tu mi nainung cangruai leh tuh ing. Kaimah Bawipa in rel zo ing,” tiin ti i.

Jeremiah 51:44

Babylon ai khuavang Bel tu cawh tuhai a ru awnghnak thilrite khirhruai tuh ing. Miphunte in bia tuh nawn lo i. Babylon kulhhnak vingpui tlu zo i.

Ezekiel 38:16

Khat lamin a khat lam tong tian i minung Israel mite tu khuahu bangin tawng tuh isi. Can a khim fangin, a dang miphunte hnenah aisu ing ti larruaihnak tuhin le ningmah lakai i naperhnak thawmin i thianghlim zia a larthilhnak tuhin i ram tawng tuhin i hlatsanhnak i.

Ezekiel 40:2

Larhnak i hmuhnak ahcen Pathian in Israel ramah i fehpui ai tlangsangpui pakhat vumah i dah i. I hmaiah khuapui bang inn a burpui ai umhnak hmu ing.

Daniel 10:14

Hmai lamah na minungte vumah ziang hleng tuh i ti na lingruai tuhin hleng zo ing. Hemi larhnak tu hmai lam thu i,” i ti i.

Daniel 2:28

Ikhalselai vancung ah, mangbangkul thil a relfiang bentu Pathian um i. Amah in kumpibawi, na hnenah hmai lamah a cang tuhhnak thu na rel cia i. Na mitmu lai ai na manhnak na mang tu na rel tuh ing.

Daniel 2:35

Cia sawngpah in thir le laisawr, dar le ngun le suite tu khoi sek ai khuakhal cu fangrialhnak hmunai laivut bang ah cang sio i. Ciami laivut tu hlivua in a niah tlawmniu tal tang lo tianin hmut sek i. Ikhalselai ciami lungto tu khang zianzo ai tlang lian ngai ah cang i; cen laivum pumpuhluk khuk sio i.

Daniel 2:45

Na mang ah aisu inkhai dai loin tlang vumai lungpui tu amah hlanlam in leu ai thir, dar, laisawr, ngun le sui ai bawnhnak milim a seu khiah hmu isi. A thawmlian mi Pathian in hmai lamai a hleng tuhhnak thil khiah kumpibawi nangmah na rel i. Na mang manhnak cekci na rel zo ing; cen a sullam khai dik ngai in na relfiang zo ing,” tiin ti i.

Hosea 3:5

Ikhalselai Israel mite in Bawipa a Pathian lamah let ai a kumpibawi David ai tesinfa hnenah a let can um leh tuh i. Cen Bawipa tu kihzah tlang tuhai lehsawng pha ngah tlang tuh i.

Zekhariah 14:10

Hemi lairam tu a veksen in sak lamah Geba in hlang lamah Romemon tian zawllai in bawn tuh sio i. Jerusalem tu a hiangai ram tahin sang tuh cuang i. Hemi khuapui tu Benjamin kotka in hlanlai ai kotkate a um awnghnak Akil Kotka tihnak tian kau tuh i; cen Hananel ralvil inn in kumpibawi cabit rialhnak hmun tian i tuh i.

Zekhariah 14:9

Cen Bawipa tu laivum pumpuhluk ai kumpibawi i tuh i. Mi zongzong in Pathian tiin bia tlang tuhai amah ai hming kel in ling tlang tuh i.

Zekhariah 8:22

Minung tampui le miphun hat ngaingai pawl Jerusalem ah kawi tlang tuhai Cungnungber Bawipa bia tuh i, a hmuifu ngen in sawngen tuh i.

Zekhariah 8:3

Kaimah let tuhai i khuapui thianghlim Jerusalem ah um tuh ing. Rinsantlak khuapui tiin ling tlang tuhai Cungnungber Bawipa ai mual tu mual cianghlim tiin ko tuh i.

Malakhi 3:12

Ciatihin miphun hmuahhmuah in hmuifu dong, mi lungawi tiin ning ko tuh i, zaimantifangin ning ram tu ram pha le ram nuam i tuh i,” tiin ti i.

Mipun Siarnak 24:14

Balaam in Balak hnenah, “Tun tu i minungte hnenah let tuh ihang ing. Ikhalselai i feh hlanah hmai lam can ah Israel mite in na minungte vumah a bawn tuhhnak he ralringhnak na rel i nuam i,” ti i.

Tirhthalahle 2:17

‘Pathian in, ni hnuata lamah tu hetihin bawn tuh ing; Mi zongzong vumah i Rauhla burh tuh ing; Ning fapate le ning fanute in i thu phuang tlang tuh i; Ning tlangvalte in larhnak hmu tlang tuh i; Ning patarte in mang man tlang tuh i;

2 Timote 3:1

Ni hnuataber lamah harsa can tampui hleng tuh i ti khiah hih tu ngio.

Hebru 1:2

Ikhalselai he ni hnuataber lam ahcen kin hnenah a Fapa songin rel i. Ciami a Fapa hmangin Pathian in lai le van semsuah ai a tawphnak ah zaizongza naitu sio tuhin Amah heh ril i.

2 Piter 3:3

A hmasaber ah ning ling tuhhnak tu: ni hnuataber can ah mi hrekkhat in amahte taksa hiamhnak in uk mite suak tlang tuh i, tihnak i. Ciamite in hnihsarelhnak in ning hmang tuhai,

Thupphuan 11:15

Cen a pasarihhnak vancungmi in a thirhlung tum ai vancung ah a cawm ngai aw in, “Laivum uk benhnak huham heh kin Bawipa le a Messiah kut songah um zo ai kumzangza in kumzangza tian amah in uk tuh i,” tiin ti tlang i.

Thupphuan 20:4

Cen bawi tohkham le a vumai a totu, thukhanthilhnak a hnenah pehnak mite hmu ing. Jesuh ai a phuanghnak thutak le Pathian thu phuang tlang manin rek a tuartute ai rauhlate hmu ing. Anite tu sahrang bia tlang lo i, a lim khai bia tlang lo i; sahrang ai hnikhnaihhnak tu amahte cal ah ituseh amahte ban ah ituseh nai tlang lo i. Anite tu nunglehsal ai Pathian tohkham vumah to in Khrih thawn kum thawng khat song uk tlang i.