Hebru 3:1 - Zanniat Bible

¹ Pathian ai ko ve mi Khristian u le naute, kin sanghnak hrang Suangbawi Sang tuhin Pathian ai hlatmi Jesuh thu heh ruat tu ih!

Dân Thar NT (BSI)

¹ Hamâsiknin, sokpui rythyng, ryvân kounâ â manmi ngyi, yi khymnâ kyn Koudep le Awchai Ulyn, Jisu Krista rang ha ryvak rou;

Khualsim Bible

¹ Curuangah ulenau hngai, vancungla ih kawhnak ah a telve tu mithiangpawl, kan phuansuahmi zumnak ca-ih tirhthlah leh Tlangbawi Saang hi ruat hman uh.

Falam Common Language Bible

¹ Pathian ih kawh vemi Khristian unau pawl, kan zumnak hrangih Puithiam Saang si dingah Pathian ih a run thlahmi Jesuh thu hi ruathnik uh!

Hebru 3:1 ပူးပေါင်းရင်းမြစ်များ

SAAM LABU 110:4

Bawipa in thukhamhnak tu cukcam in bawn zo ai thleng leh tuh nawn lo i. “Suangbawi Melkhizedek bangin, kumzangza in suangbawi tuh isi.” ti i.

Isaiah 1:3

Kawlpaw in a naitu ling i; laakte inkhai a bawipa ai rong pehnak kuang ling i. Ikhalselai i minung Israel mite in ciatluk in ling tlang lo i. Zaikhai ling lo lawlaw i,” ti i.

Isaiah 41:20

Ciami heh mi in a hmu fangin Bawipa kaimah ai bawnhnak i ti khiah ling tuh i. Israel ai Pathian Thianghlim in hemi hmuahhmuah heh cangruai i ti khiah lingthiam tuh i,” tiin ti i.

Isaiah 5:12

Ning puai can ah congcing le khuang le titilu tum ai cabit zu thawn ciah dun i si. Ikhalselai Bawipa in zai bawn i ti ling lo i si.

Ezekiel 12:3

“Ciamanin, minungpa, raltlan mi pakhat bangin na pon zual tulai khua a thim hlanah feh tu. Na suak ai hmundang ah na feh khiah mi zongzong in na hmu tuseh. Hemi raltho nuam minungte in na hmu ngah ai raltho hmang minungte i ing ti khiah lingthilhnak tuhin khai i thai pang i!

Ezekiel 18:28

A thil bawnhnak zaibang i ti khiah ling ai sual nawn loin a um manin thi tuh hrimhrim lo i, nung tuh betbo sawn i.

Haggai 1:5

Ning vumai thil a hlenghnak heh hmu thiam lo i sim?

Haggai 2:15

Bawipa in, “Ning vumai a hlenghnak heh lingthiam lo i sim? Biakinn ning saleh hlan ahcen,

Johan 17:3

Ciami kumkhua nunhnak tihnak tu nangmah ian Pathian taktak isi ti ling le na hlat mi Jesuh Khrih ling khiah i.

Johan 20:21

Jesuh in anite hnenah, “Ning hnenah daphnak um tuseh! I Pa in i hlat bangin ning khai kaimah in ning hlat ing,” tiin ti i.

Johan 20:27

Cen Thomas hnenah, “Heta ah na kutzung dah tulai i kut heh sik tu; na kut suah tulai i nak dai tu. Sang loin um nawn mah; sang tuhang!” tiin ti i.

Tirhthalahle 1:15

Ni tlawmniu a rai hnuaah sangtute pumkhawm tlang ai minung za le kul dung i. Peter tu ding ai,

Rom Pawlpi Hemih Paul Laikuat 11:17

Amahte cinghnak olive kung ai a kakte hrekkhat heh tan ai hampalak ai pohnak olive kung a kak thawn ciami olive kung ah peh i. Ning, Gentile mite heh cia hampalak ai pohnak olive kung bang i si, cen Judah mite ai rauhla lam nunhnak le thazang kawmpui tlang i si.

Rom Pawlpi Hemih Paul Laikuat 15:27

Ciatih ai pehnak heh amahte ai ruatthiamhnak i; hetih ai mi bawm heh amahte ṭuanvo i ve i. Judah mite in Rauhla lam hmuifu amahte cohnak heh Gentile mite hnenah a hlawmpui ve bangin Gentile mite inkhai thilri lam hmuifu amahte cohnak in Judah mite bawmhnak tuhin hlawmpui tuh vehnak i.

Rom Pawlpi Hemih Paul Laikuat 15:8

I rel nuamhnak tu hemi i: Pathian ai thutak aiawh ah Khrih tu Judah mite ai cengfa ah cang i; ciami tu Pathian in a pupate hnenah a thukham khimruaihnak tuhin le Pathian tu rinsantlak i ti larruaihnak ah i.

Rom Pawlpi Hemih Paul Laikuat 9:24

Zaimantifangin kin tu amah ai komi a minung ising; Judah mi songin lek komi ian ilo in Gentile mi song inkhai a ko mite ising.

1 Korin 1:2

Pathian mithiang cang tuhai kohnak le Khrih Jesuh thawn ning pehzomdunhnak thawmin amah ai minung, Corinth khua ai um Pathian pawlpui le amahte Bawipa le kin Bawipa Jesuh Khrih a biatu khuahacang ai umtute hnenah lai ning kuat ing.

1 Korin 10:17

Sang hlomkhat manin kin veksen in mi tampui inapui singkhaw pumkhat ising, zaimantifangin sang hlomkhat a kawm tlang mite ising.

1 Korin 9:23

Hemi hmuahhmuah heh Thuthangpha hrangah i bawnhnak i ai a hmuifu hlawm tuh ve in i daihhnak i.

2 Korin 1:7

Ciatih imanin ning vumah umlamhnak i naihhnak bo awng lo i. Zaimantifangin kin tuarhnak kin tuarpui bangin hnemhnak kin cohnak ahkhai kin hnempui ve i si, ti ling i ing.

2 Korin 9:13

Hemi ning naperhnak in larruai manin Khrih ai Thuthangpha pom tlang ai kho ngai in ning ding benhnak manin ituseh, ning bawmhnak le midangte thawn ning naihnak siang ngai in ning hlawm dun manin ituseh, mi tampui in Pathian hnenah anghnak thu rel tlang tuh i.

Efesa 3:6

Cia thuthup tu hetih bangin i: Thuthangpha um manin Gentile mi khai Judah mite thawn Pathian ai hmuifu cotu cang tlang zo ihang; pumkhat songah a teltute i ai Khrih Jesuh thawmin Pathian thukhamhnak songah covo nai tlang i.

Efesa 4:1

Bawipa ai na i ruaihhnak manin thawng a totu kaimah in Pathian kohnak ning i bangin ning nunhnak ah amah ai kohnak ning ihnak heh larruai tu ih, tiin ning forh ing.

Efesa 4:4

Pathian ai ning ko fangin ning ko sanhnak umlamhnak pakhat um ai Ruang pum pakhat um bang in Rauhla khai pakhat um i.

Filipi 3:14

Ciamanin hmuisunghnak lamah zuam man ngah tuhin cang ngai in dawp ing. Cia zuam man heh Pathian in Khrih Jesuh songin kumkhua nung tuhin kin kohnak i.

Kolose 1:12

Tleuhnak ram songah Pathian in a mi thianghlim pawl ca ai a dahhnak khiah a cotu tuh ve in ning semsuahtu Pathian heh lungawi in thangphat tu ih.

Kolose 1:22

Ikhalselai tuh ahcen a Fapa taksa ruangpum rori in thihhnak a tuarhnak manin Pathian in a rualpui ah ning bawn zo i. Cia remhnak a bawnhnak heh mi thianghlim, mawh nai lo le sawibang loin a hmaiah hlengruai ning nuam manin i.

Kolose 3:12

Ning tu Pathian ai minungte i si; ning it ai amah caah a rilhnak mite i si. Ciamanin zawnruathnak, ninghio thinpemhnak, thinniamhnak, thinnemhnak le thinsauhnak tepawl heh hnikpon bangin sil tu ih.

1 Thesalon 2:12

A Ukhnak le a songlawihnak ning kawm tuhai ning kotu Pathian lungawiruai in nung thil tuhin catloin ning forh ing, ning hnem ai tha ning pe i ing.

1 Thesalon 5:27

Kin Bawipa ai thunaihnak in he laikuat heh sangtu hmuahhmuah hnenah siar sah tu ih tiin ning forh ing.

2 Thesalon 1:11

Ciamanin ning caah catloin sawngen i ing. Kin Pathian in ning ko sanhnak thawn bang dun in ning nung thil tuhin ngen ṭiode i ing. A hathnak huham songin ning daihhnak hmuahhmuah heh phathnak ah khimruai in ning sanghnak ai naperhnak tu amah in thianghlimruai tu hram seh.

2 Thesalon 2:14

Kin Bawipa Jesuh Khrih songlawihnak a cotu tuhin Pathian in ning hnenah i phuanghnak Thuthangpha hmang in ning ko zo i.

1 Timote 6:12

Sanghnak hrang tawngdunhnak ah na tha naih tawp suah tu. Lingpuitu tampui mithmuh ah na sanghnak felfai ngai in na phuang fangin Pathian ai na ko sanhnak kumkhua nunhnak heh kho ngai in awh tu meng.

1 Timote 6:2

A bawite Khristian cang fangin salte in, “Khristian kin unau pam ngawn i,” tiin zohsuam maseh. Amahte naper heh pha amam in per tuh sawnhnak i; zaimantifangin a naperhnak ai phahnemhnak a cotute tu a ithnak a sangtute i. Hemi bangin thuzirh tulai rel tuh i si.

2 Timote 1:9

Pathian in amah ai minung cang tuhin kin ko ai nun kin o zo i. Ciatihin nun kin ohnak tu kinmah bawn benhnak kin nai manin ilo i, a ninghiohnak le tumtekhnak a nai man sawn in i. Hemi a ninghiohnak tu Khrih Jesuh hmangin can hampan hlan in pe awng zo i.

2 Timote 2:7

Hetih ai i relhnak tepawl heh pha ngai in ruat tu; zaimantifangin Bawipa in i relhnak tepawl lingthilhnak na pe tuh i.

Hebru 10:19

Ciamanin u le naute, Jesuh thihhnak thawmin Hmun Thianghlim Ber songai lut thil luathnak semkhim ngah zo ising.

Hebru 10:21

Vancung ai Pathian innpui kilkhawltu tuhin Suangbawi Sang ber nai ising.

Hebru 10:23

Umlamhnak nai i ing tiin kin larruaihnak kho ngai in pom ngasing; zaimantifangin a thukhamhnak a khimruaitu Pathian heh rintlak i.

Hebru 13:22

U le naute, lai i kuathnak heh a sau ze lo manin hetihin thapehnak thu i relhnak heh thinsau ngai in ngai tu ih, tiin ning ngen ing.

Hebru 2:11

Amah in minungte tu amahte sualhnak in thiangruai ai Amah le a thiangruai mi hmuahhmuah in Pa pakhat nai tlang i. Ciatih imanin Jesuh in anite tu ‘I unau,’ tiin ko tuhin zakthi lo i.

Hebru 2:17

Ciatih imanin zaihinkhim ah a unaute bang cang ve kul ai ciatihin a canghnak tu minungte ai sualngaithiamhnak co thil tuhin Pathian na ruaihhnak ah rinsantlak le ninghiohnak naitu Suangbawi Sang a cangthilhnak tuhin i.

Hebru 3:12

Sangtu u le naute, a nungmi Pathian hlum nuam khop tianin a pha lomi le sang lohnak thinlung ning nai tuh loin ralring tu ih.

Hebru 3:14

Zaimantifangin a hampan in kin co awnghnak hlamuanghnak heh a tawp tian kho ngai in pom lesingkhaw kin veksen in Khrih ai rualpui kin cang tuh i.

Hebru 6:20

Jesuh tu cia hmunah kinmah aiawh in hleng zo ai Melkhizedek suangbawi dan in kumzangza Suangbawi Sang cang zo i.

Hebru 7:26

Ciamanin Jesuh tu kin kulhnak a khimruaitu Suangbawi Sang i. Amah tu a thianghlimmi i; sualhnak le mawhhnak nai lo i; misualte hnenin a tumce in khan ai van vumah cawisang zo i.

Hebru 7:28

Moses dan in mi semkhim lo pawl heh Suangbawi Sang ah bawn i. Ikhalselai Moses dan hnua ai a hlenghnak tiamkamhnak thawn bawnhnak Pathian thukhamhnak in kumzangza in a semkhim ai bawnhnak a Fapa heh Suangbawi Sang tuhin ril i.

Hebru 9:11

Ikhalselai Khrih tu thil pha a umciahnak ai vumah Suangbawi Sang i tuhin hleng zo i. A naperhnak ponhlam tu lian sawn ai semkhim sawn i. Minung ai bawnhnak ponhlam ilo ai he laivum ai bawnhnak thil songah a telhnak khai ilo i.

Hebru 9:15

Ciatih imanin Pathian ai a kohnak mite Pathian ai a thukhamhnak kumzangza hmuifu co thil tuhin thutiam thar a remruattu heh Khrih i. Ciami a cangthilhnak heh Khrih a thihhnak manin i. A thihhnak in a hmasa thutiamhnak hniaah a um laiah amahte sualhnak songin luatruai i.

1 Piter 2:9

Ikhalselai ning tu ril cia miphun, Kumpibawi ai suangbawi, miphun thianghlim, Pathian ai miphun hlaice i si. Khuathim songin aicankul tleuhnak songah ning kotu Pathian in ngaihsunurkul a thil bawnhnak tepawl tlangaupui tuhin a rilhnak i si.

1 Piter 3:5

Pathian a kihzahtu khuahlan nupang, Pathian ah umlamhnak a naitute ai mawihnak tu amahte pasal thu ngaihnak ah um i.

1 Piter 5:1

Pawlpui upate, kaimah khai pawlpui upa ve ing ai, ninghio ning ngen ing. Khrih ai tuarhnak a hmutu ing ai a lar tuh songlawihnak khai a kawmtu tuh imanin ning ngen ing.

1 Piter 5:10

Cen can comniu song ning tuar hnuaah ninghiohnak in a dimmi Khrih thawn ning pawlkomhnak manin amah thawn songlawihnak kawm dun tuhin ning kotu Pathian amah rori in ning semkhimruai tuhai khohnak le thazang hathnak ning pe tuh i.

1 Johan 1:3

Pa le Fapa Jesuh Khrih thawn pawlkomhnak kin naihnak songah ning tel tuh ve in kin hmuhnak le kin linghnak heh ning hnenah phuang ve i ing.

Judas 1:1

Jesuh Khrih ai cengfa James ai nau kaimah Jude in Pathian ai kohnak, Pathian kin Pa ai ithnak le Jesuh Khrih ai huphimhnak songai a um mite ning hnenah he lai ning kuat ing.

Thupphuan 17:14

Anite in Tuufa tawng tlang tuh i; ikhalselai Tuufa le amah ai a komi, a rilmi le amah a rinsantute in neh tlang tuh i, zaimantifangin Tuufa tu bawi hmuahhmuah lakai Bawi ber, kumpibawi hmuahhmuah lakai Kumpibawi ber i,” tiin i rel i.

Thupphuan 18:20

Aw vancung, Babylon a hnawmral manin na lungawi tu! Aw Pathian ai minung a hlathnakte le prophette lungawi aipuang in um tu ih! Zaimantifangin na vumah a thil bawnhnak manin Pathian hnenin cawhkuan tawk zo i.