Daniel 9:26 - Zanniat Bible

²⁶ Ciami can a bo fangin Pathian ai a rilhnak hotu heh dik lo ngai in rek tuh i. A hat ngai ram uktu ai ralkapte in khuapui le Biakinn tu siatsuah tuh sek i. Tilawi bangin a tawphnak hleng tuh i; Pathian ai a paicialephnak ral le siatsuahhnak tepawl hleng tuh i.

Khualsim Bible

²⁶ Zarh sawmruk leh zarh hnih hnukahcun thathau hnulh mi cu siatsuah a i thok ih ituhman a ngei thok lo, cun a pha lei mi ih ralkappawl ni khua thianghlim leh hmunthiang cu an siatsuah thok. A dengnak cu tinik rum a pha thok ih raldohtiak a om thok. Ṭhionak thu suah a i rom.

Falam Common Language Bible

²⁶ Cuih caan a cem tikah Pathian ih hrilmi hotu cu dik lozetin an that ding. A cakzetmi ram uktu ih ralkap pawl in khawpi le Biakinn cu an siatsuah ṭheh ding. Tilik bangin a netnak a ra thleng ding; Pathian ih a timtuah ciami ral le siatsuahnak an ra thleng ding a si.

Daniel 9:26 ပူးပေါင်းရင်းမြစ်များ

2 Samuel 21:5

Ciafangin anite in, “Saul in Israel ram songah hin pakhat khai tang loin ci kin hmit tum sio i.

SAAM LABU 22:15

I lai tu belpai bangin ro ai, I dang tu i karapcung ah bet lio i. Nang in a thi zo ah i ruat ai laivut lakah i zam isi.

Isaiah 28:2

Bawipa in anite tawng tuhin a hat ngai le huham a nai roh mi pakhat ril zo i. Ciami pa tu rial tla bangin tla tuh i, hli le ruah bangin kawi tuh i, thil siatsuahtu tilawi bangin kawi tuhai neh tuh i.

Isaiah 28:22

Na hnenah ralringhnak thu a relhnak heh hnihsahnak ah ruat in hnihsan menma mah. Hnihsan menma lesikhaw na luathnak tuhin har tuh amam i. Cungnungber Bawipa in hemi ram siatsuah tuhin a ruatciahnak heh ling zo ing.

Isaiah 53:8

Amah tu pom ai rek tuhin thukhan tlang i, A thi tuh aisu inkhai poi sah lo i. Kin minungte sual manin rek tuar i.

Isaiah 8:7

Bawipa kaimah rori in Assyria Kumpimangbawi le a ralkapte heh Judah tawng tuhin fehpui tuh ing. Euphrates runpui ti lian ai run kam hmuahhmuah a liam sio bangin kawi tuh i.

Jeremiah 46:7

Nile Runpui bangin a khang diamdo heh aisu i? Runpui kam tianin a liammi runpui bangin!

Jeremiah 51:42

Tipui in Babylon khuk zo ai tilep tu a vumah huk dekdo i.

Daniel 11:10

“Syria kumpibawi ai fapate in raltawng tuhin ralring tuhai ralkap tam roh khawm tuh i. Kumpibawi fapa lakai pakhat in ralte ai ṭanghmun khuarhnak tu tilian bangin tawng tuh i.

Daniel 11:17

“Cen Syria kumpibawi in raltho tuhin ngaisung tuh i; a ralkap hmuahhmuah hmang tum tuh i. A ral ram siatsuah tuh sek in a ral thawn lungrualhnak bawn tuhai amahte fanu khai a ralpa nupui tuhin pe tuh i, ikhalselai a tumtekhnak tu hlehsuah tuh lo i.

Daniel 11:22

Amah a engsantu heh, Pathian ai Suangbawi Sang ita inkhai, lon le hnawlhnak tuar tuh i.

Daniel 11:36

“Syria kumpibawi in a nuamnuam bawn tuh i. Zaibang khuavang tahin khai i lian sawn i, tiin tluangkhawng tuhai Cungnungber Pathian tahin rin thawm i lian sawn i, tiin porh dun tuh i. Pathian cawhhnak a tawk hlan ahcen ciatihin ti thil tuh betbo i. Ikhalselai Pathian incen a tumtekhnak bang cekci in bawn tuh i.

Daniel 9:27

Ciami ram uktu bawi in kum sarih hrangah mi tampui thawn lungkhimhnak laikhen bawn tuhai ciami can ai a hrek a khim fangin pehnak le hibawlhnakte khiah boruai tuh i. Thil ningdulkul tu Biakinn song hmunsang ber ah dah tuhai ciata ah a dahtu pa in Pathian ai paiciahnak a tawphnak a tawk hlanlo ciata hmunsang ber ah um tuh ngio i.

Hosea 1:9

Ciafangin Bawipa in Hosea hnenah, “A hming ah ‘Lo-ammi,’ bawn tu; zaimantifangin ningmah Israel mite tu i minung ilo i si ai kai khai ning Pathian ilo ing,” tiin ti i.

Amos 8:8

Ciamanin laivumpui heh hlin tuhai he ramsong minung hmuahhmuah rimsu tuar tuh i. Hemi ram pumpuhluk heh hlin tuh sio ai Nile Runpui bangin a niam thul a kai thul in um tuh i,

Amos 9:5

Cungnungber Bawipa Pathian in lailung dai ai hlin dekdo i. Laivum mi zongzong lungsia i. Laivum pumpuhluk tu Nile Runpui bangin A niam tuak, a kai tuak in um i.

Nahum 1:8

Tilian in thil a siatsuah bangin A ralte tu siatsuah ai, A ralcaitute khiah thihhnak khuathim songah hla i.

Matthai 22:2

“Vancung Ukhnak thu tu hebang i. Vaikhat laiah kumpibawi pakhat in a fapa ai nupui hoihnak puai bawn i.

Matthai 22:7

Kumpibawi tu a thinraw bik i. Ciamanin a ralkapte hlat ai ciami mi rektute khiah rek ai a khua khai mai in tai sek i.

Matthai 23:38

Ciamanin na Biakinn tu lawng tuhai khing tuh i.

Matthai 24:2

Jesuh in, “I, hemite heh sik tu ih. Fiang ngai in ning rel ing: he lungto pakhat rin he a umhnak kelah um leh tuh nawn lo i; a veksen in bal tuh sio i,” tiin ti i.

Marka 13:2

Jesuh in, “Hemi a ngaihsunurkul innte heh hmu ilo sim? Hemi lungto puipui heh pakhat khai amahte umhnak kelah a um nawn lo tikcucan hleng tuh i,” tiin ti i.

Marka 13:7

Ning hiangah raltawnghnak thawm le lam hlapui ah raltawnghnak thawm ning za fangin thinlau in um mah ih. Ciabang thil heh hleng tuh i, ikhalselai can tawphnak tu ilai lo i.

Marka 9:12

Jesuh in, “Zaizongza ralring tuhin Elijah tu kawi tuh rori i. Ikhalselai zaimanin Lai Thianghlim in ‘Mi Fapa tu a roh ngai in tuar tuhai hnawl khai hnawl tlang tuh i,’ tiin ti ini?

Luka 21:24

Mi hrekkhat tu ralvang in thi tuhai mi hrekkhat tu laivum ram cangcang ah sal cang tuhin fehpui tuh i. Jerusalem tu Pathian ling lotu Gentile mite in a can a hleng hlanlo a ke hniaah fon tlang tuh i,” tiin ti i.

Luka 21:6

Hemi heh hmu sio i si; ikhalselai he lungtote heh pakhat khai amahte umhnak kel ah um nawn loin a lon sek can hleng tuh i,” tiin ti i.

Luka 24:26

Messiah ca he thilte hmuahhmuah heh a tuar ta sio hnuaah a songlawihnak songah lut kul tuh lo im?” tiin ti i.

Luka 24:46

Anite hnenah, “A nganciahnak tu hetihin i: Messiah tu tuar tuhai a thi hnua nithumhnak ah tho leh tuh i.

Johan 14:30

Ning hnenah a raipui thu rel thil tuh nawn lo ing; zaimantifangin he lailung uktu pa hleng zo i. I vumah thunaihnak zaikhai nai lo i,

2 Korin 5:21

Ikhalselai kinmah manin Pathian in sualhnak zaikhai a nai lotu Khrih khiah sual ah cangruai ai ciatihin Amah manin Pathian ai dikcanghnak hlawm tlang ve ising.

Galati 3:13

Ikhalselai Khrih tu kin caah cukcam mi imanin dan ai a hlenpuihnak cukcamhnak in luang kin tlan zo i. Zaimantifangin Lai Thianghlim in, “Aisu khai thing vumai a tarmi tu, Pathian cukcamhnak a cotu i,” tiin ti i.

1 Piter 2:21

Ciabang harsahnak tuar tuhin Pathian ai kohnak mi i si; zaimantifangin Khrih amah rori in harsahnak ning caah tuar ai a keniah hlun thil tuhin santeh tuh ning hlup i.

1 Piter 2:24

Khrih amah ai taksa rori in kin sualhnak heh thinglamteh vumah hlenpui zo manin kinte tu sualhnak ah mithi ising ai dikcanghnak songah a nung tuh mi ising.

1 Piter 3:18

Zaimantifangin Khrih tu minung sualhnak manin kumzangza hrangah thi i; ningmah Pathian hnenah fehpui tuhin mipha pa heh misualte caah thi i. A taksa in thihhnak tuar i, ikhalselai rauhla in nungruai leh i.