Daniel 7:25 - Zanniat Bible

²⁵ Cungnungber Pathian relsia tlang tuhai Pathian ai minungte cawh tuh i. Amahte biahnak dante le puaite thleng tum tuh i; Pathian minungte tu kum thum le a hrek song a kuthnia ah dah tuh i.

Khualsim Bible

²⁵ Cungnung Tleng ralsanin a ang hngai thok, Cungnung Tleng ih mithiangle a namneh hngai thok, cun thianghlimmi tikcupawl leh daan thleng a zuamtia thok; culeh acupawl cu a thungeihnak tangah kum thum leh hrek sung siah an i thok.

Falam Common Language Bible

²⁵ Cungnungbik Pathian a relsia ding ih Pathian minung pawl a hrem ding. An biaknak daan pawl le puai pawl thleng a tum ding; Pathian minung pawl cu kum thum le a hrek sung a kuthnuai ah a ret ding.

Daniel 7:25 ပူးပေါင်းရင်းမြစ်များ

Isaiah 37:23

Na zohsuamhnak le na cukcamhnak heh aisu i tiin ruat isi? Israel ai Pathian Thianghlim kaimah nangkhaw!

Daniel 11:28

Syria kumpibawi tu a suthnak thilri hmuahhmuah thawn let tuh i; Pathian minungte ai biahnak siatsuah tuh sek tum in let tuh i. A nuamnuam bawn tuh betbo ai amah ramah let tuh i.

Daniel 12:7

Vancungmi in a kutte pahnih van lamah hlir in Kumzangza Pathian hming sal in thukhamhnak bawn ai, “Kum thum le a hrek um tuh i. Pathian minungte cawhhnak a bo fangin he thil hmuahhmuah khiah khim tuh sio i,” a tihnak za ing.

Daniel 2:21

Amah in can le tikcu bawn i; Kumpibawite din ai amah in tolhruai leh i. Fimhnak le lingthiamhnak a petu heh amah i.

Daniel 3:26

Nebuchadnezzar tu maipual sephnak lamai a umhnak kotka lamah feh ai, “Shadrak! Meshak! Abednego! Cungnungber Pathian ai cengfate, suak tu ih!” tiin ko dekdo i. Cen suak tlang vut i.

Daniel 4:17

Hemi tu fel ngai ai a ralring ngai vancungmi ai thurelcathnak i. Ciatih imanin laivum khuahacang mite in ling tuseh: Cungnungber Pathian in minung ai ram ukhnak vumah thu nai ai ciami ram ukhnak tu a daihhnak vumah pe i, laivum mi nauta ber hnen ahkhai pe thai i, ti i.

Daniel 4:2

Cungnungber Pathian i hnenah a larruaihnak mangbangkul le khuaruahhar thilte heh ruat tu ṭen ih.

Daniel 4:25

Minungte umhnak khua le ram an na hnawt tuhai ramsa lakah um tuh isi. Kum sarih song kawlpawcang bangin hampa ai tuh isi; hampalak ah it tuhai nai in na tlak tuh i. Cen minung ram ukhnak vumah Cungnungber Pathian in thu nai i tihnak le ciami ram uktu heh a daihhnak hnenah pe i tihnak khiah ling ngah tuh isi.

Daniel 4:32

Minung umhnak khua le ram in na hnawt tuh i; hampalak ramsa lakah um tuhai kum sarih song kawlpawcang bangin hampa ai tuh isi. Cen Cungnungber Pathian in minung ram ukhnak vumah thu nai ai ciami ram ukhnak heh amah a daihhnak hnenah pe thai i, ti khiah ling ngah tuh isi,” tiin ti i.

Daniel 7:18

Cen Cungnungber Pathian ai minungte in kumpibawi huham ngah tlang tuhai kumzangza in kumzangza tian co tuh hlen ihang.” ti i.

Daniel 7:20

A lu vumai kite pahra naihnak, hnuata ai ki pakhat a suak lehhnak le a suak manin kite pathum a hlokhnak khai ling i nuam i. Mit nai i, ka khai nai ai puarthau ngai in pong dekdo i. A dang tahin a kihkulber i.

Daniel 7:8

Ciatihin a kite i sik laitak ah a ki lakah ki cikniu suak hmu ing. Ciami ki cikniu in a hmasa kite pathum khiah hlok berh i. Ciami ki cikniu in minung mit nai ai ka khai nai ai puarthau ngai in pong dekdo i.

Daniel 8:11

Van ralkapte hotu bawi rin ralcai i; nisiar in a hnenah a selhnak hibawlhnak heh kham ai Biakinn ningrimtiar i.

Daniel 8:14

Ciafangin ciami vancungmi in, “Hemi thil heh zan lam le zing lam thawng hnih le za thum song rai tuhai cia songah zing lam le zan lam hibawlhnak zaikhai um tuh lo i. Cia hnuaah Biakinn tu a hlan bangin um leh tuh i,” tiin ti i.

Daniel 8:9

Kite pali lakai pakhat songin ki cikniu pakhat tawt ai a huham hathnak in hlang lam, nisuah lam le Thukhamhnak Ram lam feh i.

Daniel 9:27

Ciami ram uktu bawi in kum sarih hrangah mi tampui thawn lungkhimhnak laikhen bawn tuhai ciami can ai a hrek a khim fangin pehnak le hibawlhnakte khiah boruai tuh i. Thil ningdulkul tu Biakinn song hmunsang ber ah dah tuhai ciata ah a dahtu pa in Pathian ai paiciahnak a tawphnak a tawk hlanlo ciata hmunsang ber ah um tuh ngio i.

Hosea 7:16

Hathnak zaikhai a nai lomi khuavang hnenah i pial san leklo de i. Anite tu thal kawn bangin rintlak lo pawl i. A hotute tu puarthau ngai in pong tlang manin sarthih in thi tlang tuhai Egypt mite in hnihsan tuh i,” tiin ti i.

2 Thesalon 2:3

Aisu inkhai ning zawl maseh. Zaimantifangin hnuataber Ralthohnak a hleng hlan le hell ai tla tuh misual pa a hleng hlanah Bawipa ai Nia tu hleng tuh lo i.

2 Thesalon 2:4

Mihrokhrawl pa in midang in khuazing ai ruatmi le bia tuhin ruatmi hmuahhmuah tawngcai tuhai ciamite vumah dah dun tuh i. Pathian Biakinn songah khai lut tuhai to kongin kaimah heh Pathian ing, ti tuh i.

2 Thesalon 2:8

Can a khim fangin Mihrokhrawl pa tu lar tuh i. Ikhalselai Bawipa Jesuh a hleng fangin a ka songai suakhnak a haihawh in rek tuhai a songlawihnak tleu in siatsuah tuh i.

Thupphuan 12:14

Ikhalselai nupang nu tu amah caah remmciahnak hampalak ah a zuanghnak tuhin mupui lian ngai ai ko pahnih pe i. Ciata ah rulhreng in siatsuah thil tuh loin kumthum le a hrek song kilkhawl tlang i.

Thupphuan 12:6

Nupang tu Pathian in hmun a rem sah ciahnak hampalak ah tlan i. Ciata ah ni thawng khat zahnih le sawmruk song cawm tlang tuh i.

Thupphuan 14:12

Hebang can ah Pathian ai minungte, Pathian ai thupehnak a hluntu le Jesuh caah rinsantlak ngai in a nungtute in thinsau in amahte tuarbenhnak nai zia larruai kul i.

Thupphuan 16:6

Mithiangte le prophette thisan suah manin ding tuhin thisan na pehnak heh ding tlak hrimhrim i,” tiin ti i.

Thupphuan 17:6

Ciami nupang tu Pathian mithiangte ai thisan le Jesuh rinsan manin rek a tuartute ai thisan a ding manin ri i, ti hmu ing. Ciami nupang i hmu fangin ngaih i tam ngai i.

Thupphuan 18:24

Prophet le Pathian mithiangte ai thisan a songah luang manin Babylon tu cawhhnak tuar zo i. I, lailung vumai rek a tuartute ai thisan tu he khua songah luang i.