Daniel 6:10 - Zanniat Bible

¹⁰ Kumpibawi in a hming khen zo i, ti khiah Daniel in a ling fangin a inn ah tlung i. A inn vumta khan ah Jerusalem lam hoi in tukvirhte um i. Ciata ah a bawn ṭiode bangin tukvirhniu honghnak pakhat hiangah a khuk caicin in ni khat ah vel thum Pathian hnenah sawngen i.

Khualsim Bible

¹⁰ Laisuah cu siangphahrang ni a min a khen ti Daniel ni a tiahkau nain a cungta khaan tukvirh Jerusalem sanla a hoimi a inn ahcun a tah pehzulh, culeh a hlante ih a ti mangin a khuk a bil ih ni khat voi thum a Pathian hemah thlacam in a thangṭhat.

Falam Common Language Bible

¹⁰ Siangpahrang in a hmin a khen zo, tikha Daniel in a theih tikah a inn ah a tlung. A inn tlunta khaan ahcun Jerusalem lam hoi in sangkate an um. Cutawkah a tuah ringring ṭheu vekin a ong awmi sangkate pakhat kiangah cun a khuk a bil ih ni khat ah voithum Pathian hnenah thla a cam.

Daniel 6:10 ပူးပေါင်းရင်းမြစ်များ

1 Siangphahrang 8:30

Kaimah ituseh, i minungte ituseh, he hmunai saw kin ngen fangin kin ngai tu hram law. Vancung ai na umhnak an kin ngai tu hram law, kin za tulai kin sualhnak kin ngaithiam tu hram law.

1 Siangphahrang 8:38

na hnenah saw a ngenhnak heh ngai sah tu hram law. Na minung Israel mite pakhatkhat thinhar lungsia in he Biakinn lam hoi in ban pharh in sawngen lekhaw,

1 Siangphahrang 8:44

“Na minungte tu ralte tawng tuhin thu na pe fangin hemi na ril zohnak khuapui le nangmah caah i sa zohnak hemi Biakinn lam hoi in sawngen lekhaw,

1 Siangphahrang 8:54

Solomon tu Bawipa hnen van lamah a ban pharh ai, puleng hmaiah khuk caicin in a sawngenhnak hmun an ding i.

2 Sansiarnak 6:13

Solomon in sardonsang pakhat dar in bawn ai tualvan a laiteng ah dah i. Ciami tu pi riat sau, pi riat kau i ai pi nga sang i. Ciami sardonsang vumah kai ai mizapui hmuh ah khukhlep ai a kut van lam pharh ih sawngen i.

2 Sansiarnak 6:38

Ciami ram an thinlung takin le thungai in sualsir in kin pupate hnenah na pehnak he ram le na rilhnak he khuapui le nangmah ca ai i sahnak he Biakinn lam hoi in na hnenah sawngen tlang lekhaw,

Ezra 9:5

Zan lam hibawl can a khim fangin lungsia ai i to hmun an tho ai, i hnikpon zikpui thawn banpharh le khukhlep in Bawipa i Pathian hnenah sawngen ing.

Nehemiah 6:11

Cen kai in, “Kai tu a tlan le a relh tuh pawl ilo ing. I nunhnak hup tuhin Biakinn ah relh tuh i tiin i ruat isim? Relh tuh zel lo ing,” ti ing.

SAAM LABU 34:1

Bawipa vumah i ang tuh ṭiode i. Amah thangphat com tuh lo ing.

SAAM LABU 5:7

Ikhalselai a khomi na ithnak a thawmlian manin, Kai tu na inn songah lut tuh ing; Na Biakinn thianghlim songah na bia tuhai, kihzahhnak thawn na hmaiah ut tuh ing.

SAAM LABU 55:17

I phuncamhnak le i aihramhnak tu a hnenah, zing, sun le zan ah hleng ai I aw tu za tuh i.

SAAM LABU 86:3

Aw Bawipa, nang tu i Pathian na imanin i vumah ninghiohnak nai tu hram law. Sunnivui na hnenah sawngen ing.

SAAM LABU 95:6

Kawi tu ih, kin lu ut in amah bia tuh ising; Bawipa, kin bawntu hmaiah khuk caicin tlang tuh ising.

Daniel 6:13

Ciafangin anite in kumpibawi hnenah, “Judah ram an salpomhnak pakhat Daniel in kumpibawi nangmah na upat lo ai na thusuahhnak khai hlun lo i. Nisiar in ni khat ah vel thum sawngen de i,” tiin ti tlang i.

Daniel 9:4

Ciatihin Bawipa Pathian hnenah sawngen ai i minungte ai sualhnak phuang ing. A hnenah, “Bawipa i Pathian nang tu na thawmlian ze ai kaimah in na upat ngaingai ing. Na thutiamhnak vumah rinsantlak ze isi ai na ittu le na thukham a hluntu vumah a kho ngai ithnak nai isi.

Jonah 2:4

Na mithmuh in hnawthnak ing ai Na Biakinn thianghlim hmu tuh nawn lo ing, tiin ruat ing.

Marka 3:3

Jesuh in ciami pa tu, “Hmai lamah suak tucuk law,” tiin ti i.

Luka 14:26

“Aisu khai ituseh i hnenah kawi ai a nu le pa, a nupui le fate, a unau le a farnute le amah veve khai kaimah tahin daih sawn deuh lekhaw i hnuahluntu cang thil tuh lo i.

Luka 22:41

Cen lung sep ban dung a hlahnak hmunah feh ai a khuk caicin in sawngen i.

Tirhthalahle 10:9

A thangha ah feh tlang betbo ai Joppa khua hleng dawn fangin sun laiteng dungah Peter tu sawngen tuhin inn vumah kai i.

Tirhthalahle 2:15

Ning ruathnak bang ilo i; hemite tu zu ri lo i; zing lam nazi pakua lek lai i.

Tirhthalahle 20:24

Ikhalselai kaimah caah i nunhnak heh zaikhai siar lo ing; Bawipa Jesuh in bawn tuhin i ruaihnak Pathian ai ninghiohnak Thuthangpha phuang tuh ṭuanvo heh hlehsuah liang in bawn tuh sio heh i hiamhnak i.

Tirhthalahle 20:36

Paul in ciatihin a rel ben fangin a khuk caicin ai amahte veksen in sawngen tlang i.

Tirhthalahle 21:5

Ikhalselai amah thawn kin um tlang tikcu a bo fangin suak ai feh i ing. Anite inkhai amahte veksen in a nupui le fate thawn tipui kam tian kin hla tlang i. Ciata ah kin veksen in khuk caicin in sawngen i ing.

Tirhthalahle 3:1

Nikhat ah Peter le John tu sawngen can zan lam nazi pathum fangin Biakinn ah feh kawm i.

Tirhthalahle 4:29

Aw Bawipa, tunai amahte in kin hringhnak hnelhno khai nangmah in ling tu hram lai kinmah na salte khai na thu ralpha ngai in kin rel thil tuhin kin bawm tu hram law.

Tirhthalahle 5:20

“Feh tu ilai Biakinn songah ding in mizapui hnenah he nuntharhnak thula heh a khimniu in rel tu ih,” tiin ti i.

Tirhthalahle 5:29

Peter le a dang nalangte in, “Minung thu tahin Pathian thu ngai tuh sawn i ing.

Tirhthalahle 7:60

A khuk caicin in, “Bawipa, amahte sualhnak hih ngio malaw!” tiin cawm ngai in au i. Ciatihin a au ben sawng fangin a haihawh bo i.

Tirhthalahle 9:40

Peter in khan songai minungte suakruai sio ai, a khuk caicin in sawngen i; cen Dorcas luang lam hoi in, “Tabitha, tho tu!” tiin ti i. Dorcas tu a mitthak ai Peter a hmu fangin to i.

Efesa 3:14

Ciamanin kin Pa hmaiah khukcaicin in sawngen ing.

Filipi 1:14

Cen thawng i tohnak in kin unaute a tam sawn heh Bawipa amahte rinsanhnak khoruai ai ral pha amam ai pangam ngai in thu rel tlang i.

Filipi 1:20

I daihhnak ber le i umlam ngaihnak tu ṭuanvo i naihnak heh bawn ben hram inglai, cen zaikom inkhai a hlaice in tunteng hrimhrim ahhen, ralphahnak thawn dim in i nung inkhai ituseh, i thi inkhai ituseh, i thinlung i taksa veksen thawn Khrih heh upat hmaihngalhnak pe thil inglai, ti khiah i.

Filipi 4:6

Ziang thula ahkhai donhar in um mah ih; saw ning ngen cang fangin ning kulhnak Pathian hnenah ngen tu ilai lungawi aipuang in ngen tu ih.

Kolose 3:17

Kin Pa Pathian tu Khrih songin thang ning phat manin, zaizongza bawn fangin ituseh, ning rel fangin ituseh, Bawipa Jesuh hming in bawn tu ilai rel tu ih.

Hebru 13:15

Ciamanin kin hibawlhnak tumrul ah thangphathnak heh Pathian hnenah pe tlang ṭio ngasing; ciatih ai kin pehnak heh kin ka in Jesuh kin Bawipa i tiin kin phuanghnak i.

Hebru 4:16

Ciatih imanin Pathian bawi tohkham heh ralpha ngai in feh ngasing; ciata ah ninghiohnak um i. Ciata ah ninghio ngaithiamhnak co tuh ising, kin kul can poh ah ninghiohnak ngah tuh ising.

Thupphuan 2:10

Harsa ning tuar tuhhnak heh zaikhai lau mah. Ngai tu! Satan in ning cu tuhai hrekkhat tu thawng ah ning hla tuh i. Cen ning harsahnak tu ni hra rai tuh i. Thihhnak tuar tuh ita inkhai i caah rinsantlak in um tu ilai ning nehman ah nunhnak sui lukhuk ning pe tuh ing.

Thupphuan 2:13

Na umhnak hmun na ling ing: Satan in bawi tohkham a dahhnak hmunah i. Kaimah caah rintlak in nung ai Satan umhnak hmunah rintlak i thu lingtu Antipas a rek tlang laiah rin i vumah rinsanhnak na naihnak heh thawn cuanglo isi.