Daniel 5:23 - Zanniat Bible

²³ Vancung Bawipa ralcai in bawn ai Biakinn in langhnak khuat le hlengte heta ah koih isi. Nangmah le na tlangsuakte, na nupuite le na nuzawlte in ciami khuat thawn zu ding tlang ai sui le ngun, dar le thir, zanthing le lungto thawn bawnhnak khuavangte thangphat tlang dekdo i si. Khua a hmu thil lo khuavang, thu zaikhai a ling lomi le zaikhai linghnak nai lo khuavangte thangphat tlang dekdo i si. Ning nunhnak le ning thihhnak vumah laireltu, na bawnhnak hmuahhmuah vumah thunaitu Pathian sawn upathnak zaikhai pe tlang lo i si.

Khualsim Bible

²³ Vancung Bawipa ralsanin na hlortia. A biakinn ih thilripawl cu na hmaiah phatpi an ii ih nang leh na kut tang bawile, na nupipawl leh na nusunpawl cu acu cun zu nan din nak. Khua khaw a hmu lo, khua khaw a za lo, thu khaw a tiah lomi sui leh ngun dar, thir, thing leh lung in vuakmi khuazingpawl nan thangṭhat, ihmansela nunnak thaw leh nan thilti zate a uktu Pathian cu nan hmaizah lo.

Falam Common Language Bible

²³ Vancung Bawipa dodal in hna na ṭuan ih Biakinn ihsin lakmi khuathai le kheng pawl hinah na keng ṭheh. Nangmah le na tlangsuak pawl, na nupi pawl le na nusun pawl in cuih khuathai thawn zu nan in ih sui le ngun, dar le thir, zanthing le lungto thawn tuahmi khawzing pawl nan thangṭhat ciamco. Khua a hmu thei lomi khuavang, zianghman thu a thei thei lo le zianghman theihnak a nei lomi khawzing cu nan cawimawi ciamco. Nan nunnak le nan thihnak tlunih laireltu, na tuahmi hmuahhmuah tlunih thuneitu Pathian sawn cu upatnak zianghman nan pe lo.

Daniel 5:23 ပူးပေါင်းရင်းမြစ်များ

Seemthawhnak 14:19

“Thawmlianber Pathian, Lai le van bawntu in, Abram heh hmuifu pe tuseh.

Seemthawhnak 2:7

Cen Bawipa Pathian in laivut lang ai minung semsuah i. A hnar songah nunhnak haihawh hmut ai minung ah cang i.

2 Siangphahrang 14:10

Tun in Edom mite na neh manin na puarthau ai na hngal ze i. Na mi nehhnak vumah lungkhim tulai dapthen in um tu menma. Nangmah le na minungte ca ai siatsuah tuhhnak thil heh zaimanin sualsi hnelhno isi?” tiin thu khirh i.

Job 12:10

Pathian in a ramsa hmuahhmuah uk sio i, Minung ai nunhnak tu a kut ah um i.

Job 31:4

Pathian in i bawnhnak hmuahhmuah ling sio i, I ke kalsuanhnak khai hmu sio i.

SAAM LABU 104:29

Khatlam na hoi san fangin thincawl tlang i; A haihawh na lang sah fangin thi ai a semhnak laipua ah let tlang leh i.

SAAM LABU 115:16

Van khai Bawipa ai i; Amah ai lek i. Ikhalselai laivum tu minung kut ah pe i.

SAAM LABU 139:3

Na i per hnelhno le i cawlum khai i hmu isi; I bawnhnak hmuahhmuah ling sio isi.

SAAM LABU 146:4

Thi ai laivut ah cang tlang i; Cia nia ah a tumtekhnak hmuahhmuah bo tuh sek i.

Aanroling 20:24

Kin lampui ah kal kin suanruaitu heh Bawipa i; Minung in akontih in a feh tuhhnak lampui ling thil tuh i?

Isaiah 13:11

Bawipa in laivum pumpuhluk ah thihhnak hlengruai tuhai hrokhrawl mite tu amahte sualhnak manin cawh tuh ing. Mihngalte tu vut sek in vit tuhai mipuarthau le ninghiohnak nai lotute tu cawh tuh ing.

Isaiah 14:13

Van ah kai tum ai a sang ber arsi vumah na tohkham dah tum isi. Khuavangte tohnak sak lam tlang vumah kumpibawi bangin to tuhin ruat awng isi.

Isaiah 2:12

Ciami nia ah Cungnungber Bawipa in mi cungnung hmuahhmuah niamruai tuh i; mihngal le mipuarthau hmuahhmuah a niam ah hla tuh sek i.

Isaiah 33:10

Bawipa in miphunte hnenah. “Tun tu pan tuh ihang ing. I hatdan le i huham naidan larruai ai hmu tuh i si.

Isaiah 37:19

Pathian lo amahte ai khuavangte, thing le lungto ai bawn fawmhnak milimte khai mai in tai sio i ti ling zo i ing.

Isaiah 37:23

Na zohsuamhnak le na cukcamhnak heh aisu i tiin ruat isi? Israel ai Pathian Thianghlim kaimah nangkhaw!

Isaiah 42:5

Pathian in van khai semsuah ai pharh i; Laivum le nunhnak nai thil hmuahhmuah bawn i. Minung hnenah nunhnak le haihawh pe i. Bawipa Pathian in a cengfa hnenah.

Jeremiah 10:23

Aw Bawipa, minung in amah ai nunhnak a ukthaitu um lo i; Mah ai nunhnak lampui vumah thunaitu aisu khai um lo i, ti ling ing.

Jeremiah 48:26

Bawipa in, “Moab khiah riruai tu ih, zaimantifangin kaimah tawngcaitu i. Moab tu amah ai awk lakah tal in leu tuhai mi in hnihsan tuh i.

Jeremiah 50:28

Babylon an raltlan a luattute Jerusalem ah hleng tlang ai, Bawipa ai Biakinn vumah thil a bawn sual awnghnak manin Babylon mite vumah Bawipa kin Pathian in zaibang phuzul i, ti khiah rel i.

Jeremiah 50:29

“Babylon tawng tuhin conkiang saithiam pawl rel tu ih. Li le thal a hmang thiamtu hmuahhmuah feh tu sio ih. Babylon khuapui khiah kulh tu ilai aisu khai luat maseh. Thil a bawnhnak bangin rulthun tu ih. Midang vumah a bawn awng bangin a vumah bawn thun tu ve ih; zaimantifangin Israel mite ai a Thianghlim Kaimah vumah hngal ngai in naper i.

Ezekiel 28:17

Nangmah heh na piang ngai manin na hngal ai na hmingthanghnak in mivoi ah na cangruai i. Ciamanin laipua lakah na lon ai kumpibawi dangdang ai ralringhnak tuhin na hlum ing.

Ezekiel 28:2

“Minungpa, Tyre uktu bawi hnenah Cungnungber Bawipa kaimah ai ponghnak heh rel tu: Nangmah lala sang dun ze in khuavang ing ti isi. Khuavang ing ai kumpibawi tohkham vumah to ai tifingriat in i kulh sio i, khuavang ing, ti isi. Nangmah le nangmah khuavang tluk in ruat dun tuh ngaingai napui khuavang tu ilo isi, minung ian isi.

Ezekiel 28:5

Sumpai thiam ngai ai a miat tampui ngah isi. Na lian manin na puarthau ze i.

Ezekiel 31:10

Tun in Cungnungber Bawipa kaimah in mairo ban tianin a khangmi thingkung vumah zaibang thil hleng tuh i, ti ning rel tuh ing. Ciami thingkung tu sang amam ai hngal amam i.

Daniel 11:12

Ciatihin ral a neh manin le Syria ralkap tampui a rek manin hngal tuh ngai i; ikhalselai ral tu neh tuh ṭiode lo i.

Daniel 4:37

“Tun tu kaimah Nebuchadnezzar in Vancung Kumpibawi thangphat ing, upat ai aan fawn ing. A bawnhnak hmuahhmuah a dikcang le a dikmi i ai puarthau ngai in thil a bawntu heh a hniaah hla i,” tiin kumpibawi in ti i.

Daniel 8:11

Van ralkapte hotu bawi rin ralcai i; nisiar in a hnenah a selhnak hibawlhnak heh kham ai Biakinn ningrimtiar i.

Habakkuk 2:4

Ciami thu tu: ‘Mihrokhrawl pawl tu luat tuh lo i; ikhalselai midikcangte tu Pathian rinsantlak a imanin nung tuh i,’ ti khiah i,” tiin ti i.

Tirhthalahle 17:25

Ciahlaiah Pathian tu mi zongzong hnenah nunhnak haihawh le thildang hmuahhmuah a petu Pathian a imanin minung in a hrangah kin bawnhnak khiah a kulhnak zaikhai um lo i.

1 Korin 8:4

Milim hnenai selhnak rong ai le ai lo thu ah hetihin ruat ing: milim tihnak tu a um taktak lomi thil pakhat aiawh in dahhnak i; cen Pathian tu pakhat lek um i, ti ling ing.

1 Timote 3:6

Sanghnak lamah thinthleng sawngniu i tuh lo i; ciahlah lekhaw hngal pang tuhai Satan khiah hnawlhnak a tuar bangin hnawlhnak tawk pang tuh ve i.

Hebru 4:13

Pathian hmaiah zaikhai kin thupthilhnak um lo i. Pathian ai semsuahhnak thil hmuahhmuah heh a hmaiah pharh sio le hong sio bangin lar i. Ni khatkhat ah amah hnenah thula kin naihnak hmuahhmuah phuang tuh sio ising.

Thupphuan 9:20

Hemi minungte siatsuahtu phunthum pawl ai rek ngah lohnak minungte in amahte ai bawnfawmhnak thil khiah zam cuanglo i. Khuasia biahnak, sui le ngun le dar le lungto le thing ai bawnhnak, a hmu thil lo, a pong thil lo, a vak thil lo, amahte kut ai bawn fawmhnak milimte biahnak com tlang cuanglo i.

Thuṭhentule 16:23

Lungawi aipuang in aih tuhin le amahte khuavang Dagon hnenah hibawlhnak lianpui bawn tuhin Filistin kumpibawite tu hmunkhat ah khawm tlang ai, “Kin khuavang in kin ral Samson, Kin kut songah hlengruai zo i,” tiin la sa tlang i.

1 Samuel 17:26

Ciafangin David in a hiangai umtute hnenah, “Hemi Filistin pa a rektu le hebang zakthi phurhnak in Israel mite a luatruaitu in ziang ngah tuh i. Thungai in ti fangin, a nungmi Pathian ai ralkapte a zuamtu tuhin he Pathian sang lo Filistin pa tu ziang ce i,” tiin ti i.

1 Samuel 17:36

Chintit le vom tampui rek ngah zo ai ciamite i rek bangin he Pathian sang lo Filistin pa, a nungmi Pathian ai ralkapte a ngiartu heh rek tuh ve ing.