Daniel 3:28 - Zanniat Bible

²⁸ Ciafangin kumpibawi in, “Shadrak, Meshak le Abednego ai Pathian tu thangphat in um tuseh! Amah a naruaihtu le a rinsantute o tuhin a vancungmi hlat i. Amahte biahnak a Pathian siar lo a dang khuavangte bia le a hmaiah ut tahin i thupeciahnak el tlang ai a nunhnak khai pe ngam tlang sawn i.

Khualsim Bible

²⁸ Nebukhadnezzar ni, “Shadrak, Meshak, Abednego ih Pathian, amah a rinsan tu a tungsaule hemah vanmi thlah in a rungsuak hngai tu cu thangṭhat i kau seh. An Pathian simlo khuazing pakhatkhat ren leh biak vanin siangphahrang thupiak cangngailo leh an ruangpun hremtuarnak ah an piatia sawn.

Falam Common Language Bible

²⁸ Cutikah siangpahrang in, “Shadrak, Meshak le Abednego ih Pathian cu thangṭhat si ko seh! Amah a riantu le a rinsantu pawl runsuak dingah a vancungmi a run thlah a si. An biakmi an Pathian siar lo khawzing dang biak le a hmai ih kun hnak cun ka thupekmi an el ih an nunnak tiangin an pe ngam sawn a si.

Daniel 3:28 ပူးပေါင်းရင်းမြစ်များ

Seemthawhnak 9:26

Shem ai Pathian tu thangphat in um tuseh, Canaan tu Shem ai sal cang tuseh!

1 Sansiarnak 5:20

Pathian rinsan ai amahte hnenin bawmhnak ngen manin Pathian in amahte ngenhnak heh ngai sah ai Hagrit mi le a ṭantute vumah nehhnak pe i.

2 Sansiarnak 20:20

A thangha zingniu in tho ai Tekoa hiang hampalak ah feh tlang i. A suak tlang sawng fangin Jehoshaphat in anite hnenah, “Judah le Jerusalem mite, Bawipa ning Pathian heh rinsan tu ilai kho ngai in ding thil tuh i si. Amah ai prophette thurelhnak sang tu ilai hlawh ning tling tuh i,” tiin cah i.

2 Sansiarnak 32:21

Bawipa in vancungmi pakhat hlat ai ciami vancungmi in ralpha ngai Assyria ralkapte le ralbawite heh amahte riahbuk ah rek berh i. Ciamanin Assyria Kumpimangbawi tu zakthi le mithmai sia in a ramah tlung i. Cen a khuavang biahnak inn a lut fangin a fapate hrekkhat in vang in dawt ai thi i.

Ezra 1:3

Pathian khiah a minung ning veksen hnenah um tu hram seh. Judah ram Jerusalem khua ah let tu ilai Jerusalem ai a ummi Pathian, Israel ai Bawipa Pathian Biakinn saleh tu ih.

Ezra 6:11

Hemi i thupehnak a hlunlotu heh a inn in luangkiang pui phok sah tu ilai ning zum hnuaah ani tu dawt tlang tuh i si.

SAAM LABU 103:20

Aw ningmah vancungmite, A hat le thil a ti ben thai, A ponkam ngai ai a thupehnak a hluntute, Bawipa thangphat tu ih.

SAAM LABU 147:11

Ikhalselai amah a kihzahtu le, A kho ngai a ithnak a rinsantute vumah um sawn i.

SAAM LABU 33:18

Bawipa in amah kihzahtu le A kho ngai a ithnak a ringtu heh kilkhawl de i.

SAAM LABU 33:21

Amah manin kin ang i. A hming thianghlim rinsan ising.

SAAM LABU 34:22

Bawipa in a cengfate tu luangtlan tuh i; Buan hmun daih in a hnenah a kawitute tu him tlang tuh i.

SAAM LABU 62:8

Mizapuite, zaikom inkhai Pathian rinsan tuṭio ih. Ani tu kin buan hmun lungpui i, Ning harhnak hmuahhmuah a hnenah rel tu ih.

Suahhlannak 20:5

Milim bia tuh lo i si; a hmaiah ut khai ut mah ih; zaimantifangin kai tu Bawipa ning Pathian ing ai umhlah nai Pathian ing. Kaimah i huatu vumah a sualhnak manin dantat tuhai amahte ai tesinfate san, santhum sanli tianin cawhkuan hlengruai tuh ing.

Isaiah 12:2

Pathian tu i otu i; Amah rinsan tuhai i lau lo ihang. Bawipa in huham le thazang i pe i; Ani tu i otu i.

Isaiah 37:36

Bawipa ai vancungmi pakhat tu Assyria ralkapte zancam hmunah kawi ai a ralkapte ting khat thawng sawmriat le thawng nga rek i. A thangha khua a var fangin ralkap ciazah tu leu tlang bial i; thi sek i!

Isaiah 50:10

Bawipa kihzah ai, A cengfa ponkam a ngaitute, Ning vakhnak lampui tu thimhnak in dim khalselai, Bawipa rinsan tu ilai ning Pathian khiah hngaihgam tu ih.

Daniel 2:47

Kumpibawi in, “Hemi Pathian tu Pathian dang hmuahhmuah lakah a thawmlianber i; kumpibawi vumah Bawi i ai mangbangkul thil relfiangtu Pathian i. Hemi tu ling ing, zaimantifangin mangbangkul thil nangmah in relfiang zo isi,” ti i.

Daniel 3:25

Kumpibawi in, “Akontih in maipual songah mite pali vak tlang thliahthlo hmu heh ini ing!” tiin zawt i. “Amahte kutkete khai penhnak ilo ai a ur tuarhnak zaikhai lar fawn lo i; cen a palihnak khai Pathian fapa bang i!” tiin ti i.

Daniel 4:34

Kum sarih khim ai van i sik fangin lungmu i khim leh i. Cungnungber Pathian thangphat ing ai kumzangza in a nungmi hnenah upathnak le songlawihnak pe ing,” tiin kumpibawi in ti i. “Kumzangza in uk tuh i, A ukhnak tu catloin kho tuh i.

Daniel 6:16

Kumpibawi in Daniel pom tuhin thupe ai a pom tlang hnuaah chintit tampui khumhnak khawk songah hla i. Daniel hnenah kumpibawi in, “Rinsantlak ngai in na ruaihmi na Pathian in na o tu hram seh,” tiin ti i.

Daniel 6:26

I ram song mi zongzong in Daniel ai Pathian khiah upat tuh le kihzah tuhin thupe zo ing. “Amah khiah a nungmi Pathian, Kumzangza in a khomi Pathian i. A ukhnak tu siatsuah tuh awng lo ai a huham tu bo tuh awng lo i.

Matthai 4:10

Ciafangin Jesuh in, “Satan, tlan tu, zaimantifangin Lai Thianghlim in ‘Bawipa na Pathian bia tulai amah na ian per tuh isi,’ ti i,” tiin sawn i.

Tirhthalahle 4:19

Ikhalselai Peter le John in, “Ningmah ai thu hlun maw Pathian ai thu hlun heh Pathian hmaiah dik sawn ini, ningmah in thukhan tu ih.

Tirhthalahle 5:19

Ikhalselai cia zan fangin Bawipa ai vancungmi in thawnginn dawngkhamte hong ai nalangte a hlat sek hnuaah anite hnenah,

Rom Pawlpi Hemih Paul Laikuat 12:1

Ciatih ilekhaw u le naute Pathian ai ninghiohnak manin ning ruang pumpui tu a thiangmi le a cotlak hibawlhnak hnahpha bangin Pathian hnenah pe tu ih, tiin ning ngen ing. Ciami tu Pathian hnenah na pe tuhhnak biahnak taktak ihang.

1 Korin 13:3

I naih hmuahhmuah mi pe sek in i ruangpui heh mai ah tai tuhin pe khal ingkhaw ithnak nai hlah lengkhaw kaimah caah zaikhai hnempui lo a lovang i.

Filipi 1:20

I daihhnak ber le i umlam ngaihnak tu ṭuanvo i naihnak heh bawn ben hram inglai, cen zaikom inkhai a hlaice in tunteng hrimhrim ahhen, ralphahnak thawn dim in i nung inkhai ituseh, i thi inkhai ituseh, i thinlung i taksa veksen thawn Khrih heh upat hmaihngalhnak pe thil inglai, ti khiah i.

Hebru 1:14

Ciatih ilekhaw vancungmite tu aisute ini? Anite tu Pathian naruaihtu rauhlate i ai nunohnak a ngahtu tuh pawl bawm tuhin Pathian in a hlathnak mite i.

Hebru 11:37

Lungto in sep ai thihhnak tuar tlang i, hluah in tan hnih tanhnak tuar ai ralvang in rekhnak tuar tlang i; tuu phaw le mephaw sil in hmun cangcang ah vakvai tlang i; farah tlang ai reemhnak le hnawmcanhnak tuar tlang i.

1 Piter 1:21

Thihhnak in a thoruaitu le songlawihnak a petu Pathian heh Amah thawmin sang tlang i si. Ciatihin ning sanghnak le ning umlamhnak heh Pathian vumah ning munhnak i.

Thupphuan 12:11

Kin unaute in Tuufa thisan le thutak phuanghnak thawmin nehhnak ngah zo i. Amahte nunhnak pe siang ai thi khai ngam tlang i.