Daniel 2:37 - Zanniat Bible

³⁷ Kumpibawi, nang heh kumpibawi hmuahhmuah lakah a lianber le a thawmlianber isi. Vancung Pathian in kumpibawi lakah bawi ber in na bawn ai huham le hathnak le hmingthanghnak khai na pe i.

Khualsim Bible

³⁷ Maw Siangphahrang bawipa, siangphahrangpawl ih siangphahrang—Vancung Pathian ni uknak, huham, dihcahnak, cun sunloihnak a piakmi,

Falam Common Language Bible

³⁷ Siangpahrang bawipa, nang hi siangpahrang hmuahhmuah lakah a tumbik le a maksakbik na si. Vancung Pathian in siangpahrang lakih lal bik ah a lo tuah ih huham le cahnak le hminthannak tla a lo pek.

Daniel 2:37 ပူးပေါင်းရင်းမြစ်များ

1 Siangphahrang 4:24

Solomon ai ukhnak ram tu Euphrates Runpui in nitlak lam hmuahhmuah, Euphrates Runpui kamai umhnak Tiphsah in nitlak lamah Gaza khuapui tianin i. Euphrates Runpui in nitlak lamai um kumpibawite tu Solomon ai a ukhnak sio i ai, a hiangai a dang ramte thawn rem ngai in um tlang i.

2 Siangphahrang 25:28

Evilmerodach in Jehoiachin heh phatak ngai in sik ai amah thawn Babylon ramai thawng a tohhnak kumpibawi dangdang tahin upathnak pe cuang i.

2 Sansiarnak 36:23

“Hemi tu Persia Kumpimangbawi Cyrus thusuahhnak i. Bawipa van ai Pathian in laivum pumpuhluk uktu tuhin i bawn ai Judah ram Jerusalem khua ah amah caah Biakinn sa tuhin thu i pe i. Ciamanin ningmah Pathian minung hmuahhmuah ciata ah feh tlang tu sio ih; Bawipa ning Pathian tu ning hnenah um tu hram seh,” tiin ngan i.

Ezra 1:2

A thusuahhnak ah hetihin ngan i: “Hemi tu Persia Kumpimangbawi Cyrus ai thupehnak i. Bawipa, Van ai Pathian in kaimah heh laivum pumpuhluk uktu tuhin i bawn zo ai Judah ram Jerusalem khua ah amah ca Biakinn sa tuhin ṭuanvo i pe i.

Ezra 7:12

“Kumpibawi Artaxerxes in Van ai Pathian ai Dan thu a thiammi suangbawi Ezra hnenah,

SAAM LABU 62:11

Vel khat tahin tam Pathian ai ponkam za zo ing. Huham hmuahhmuah amah ai i;

Aanroling 8:15

Ram ukhnak ah kumpibawite kaimah in bawm ai, Uktute ukdan pha bawn tuhin kaimah in bawm ing.

Isaiah 10:8

Tluangkhawng ai, “I ralkap hotute tu kumpibawi ciang i!

Isaiah 47:5

Bawipa in Babylon hnenah, “Dapthen in khuathim songah to tu menma! Mi in ‘Ram cangcang ai Bawinu,’ na ti tuh nawn lo i.

Jeremiah 28:14

Cungnungber Bawipa, Israel ai Pathian in he miphunte vumah thir hak bat tuhai Babylon kumpibawi Nebuchadnezzar ai na ruaih tuh i. Kaimah Bawipa in hampalak ramsa tianin Nebuchadnezzar na ruaihtu ah bawn tuh ing, ti i,” tiin rel ing.

Jeremiah 34:1

Babylon kumpibawi Nebuchadnezzar, a ralkapte le a kuthnia ai a umtu miphun hmuahhmuah ai ralkapte in Jerusalem le a hiangai khuate a tawng laitak ah Bawipa ai thu tu i hnenah hleng i.

Ezekiel 26:7

Cungnungber Bawipa in, “Kumpibawi hmuahhmuah lakai kumpibawi thawmlianber Babylon kumpibawi Nebuchadnezzar tu Tyre tawng tuhin hoi tuh ing. Ralkap tampui, siphuh, siphuhleng le siphuh to ralkapte thawn sak lamin kawi tuh i.

Daniel 1:2

Bawipa in kumpibawi Jehoiakim khiah pomruai ai Biakinn thilri le hlawnthilte hrekkhat langruai i. A pom mite tu Babylon ah fehpui ai Biakinn thilri a langhnakte khai khuavangte ai biakinn thilri dahhnak khan ah dah i.

Daniel 2:31

“Aw kumpibawi, na mang ah a lian le aicankul, a var ngai le a tleu ngai, ikhalselai sik fangin a kihkul milim pui na hmaiah a ding khiah hmu isi.

Daniel 2:44

Cia ram uktu bawite in ram a uk fangin vancung Pathian ai a bo awng lo ukhnak umruai tuh i. Aisu inkhai ciami ukhnak tu neh tuh lo i; ikhalselai ukhnak dang hmuahhmuah siatsuah tuh sek ai kumzangza in kho tuh i.

Daniel 4:19

Ciami a za fangin Belteshazzar ti inkhai kohnak Daniel tu a thinlau ai zaikhai pong ben lo i. Ciatihin kumpibawi in a hnenah, “Belteshazzar, i mang le a sullam in zaikhai na lauruai maseh,” tiin ti i. Belteshazzar in, “Kumpibawi, na mang le a sullam heh nangmah caah ilo in na ralte ca tuh iselai i daih ngai napui i!

Daniel 4:22

“Aw kumpibawi, thingkung sang ngai le a kho ngai tu nangmah isi. Thawm na lian ai van ban isi; na hathnak huham tu laivum pumpuhluk hleng i.

Daniel 4:25

Minungte umhnak khua le ram an na hnawt tuhai ramsa lakah um tuh isi. Kum sarih song kawlpawcang bangin hampa ai tuh isi; hampalak ah it tuhai nai in na tlak tuh i. Cen minung ram ukhnak vumah Cungnungber Pathian in thu nai i tihnak le ciami ram uktu heh a daihhnak hnenah pe i tihnak khiah ling ngah tuh isi.

Daniel 4:3

“Pathian ai hmuhhnak ngaihsunurkul heh zaitlukin thawmlian i! Khuaruahhar a bawnhnak heh zaitlukin huham nai i! Pathian tu kumzangza in kumpibawi i tuh i, santong tianin uk tuh i.

Daniel 4:32

Minung umhnak khua le ram in na hnawt tuh i; hampalak ramsa lakah um tuhai kum sarih song kawlpawcang bangin hampa ai tuh isi. Cen Cungnungber Pathian in minung ram ukhnak vumah thu nai ai ciami ram ukhnak heh amah a daihhnak hnenah pe thai i, ti khiah ling ngah tuh isi,” tiin ti i.

Daniel 4:34

Kum sarih khim ai van i sik fangin lungmu i khim leh i. Cungnungber Pathian thangphat ing ai kumzangza in a nungmi hnenah upathnak le songlawihnak pe ing,” tiin kumpibawi in ti i. “Kumzangza in uk tuh i, A ukhnak tu catloin kho tuh i.

Daniel 5:18

“Cungnungber Pathian in na pa Nebuchadnezzar khiah kumpibawi lian ngai in bawn ai huham nairuai in mithupui cangruai i.

Daniel 7:14

Cen phunkhim, hinkhim le pongkhim a pongtute in a na ruaihthilhnak tuhin a hnenah thunaihnak, hmingthanghnak, upathnak le kumpibawi huham hmuahhmuah pe i. A thunaihnak tu kumzangza in kho tuhai a ukhnak bo tuh awng lo i.

Hosea 8:10

Miphun dang hnenah zuar dun napui tun tu khawm leh tuh ing. A rai hlanah Assyria Kumpimangbawi in nauneh tuhai harsahnak a roh ngai in tuar tuh i.

Matthai 6:13

Sualsawmhnak kin tuarruai loin, hnawmhnak hmuah lakin kin hup tu law.’

Johan 19:11

Jesuh in, “I vumah thu na naithilhnak heh Pathian in na pe manin i. Ciamanin nang tahin na kut ah i hlengruaitute heh sual sawn i,” tiin ti i.

Thupphuan 1:5

rintlak thulingtu, hin hmasaber ai Fapa, thihhnak in thoruai leh mi laivum kumpibawite uktu Jesuh Khrih in ninghiohnak le daphnak ning pe tu hram seh. Kinte kin it ai a thihhnak thisan thawmin kin sualhnak in kin luatruai zo i.

Thupphuan 17:14

Anite in Tuufa tawng tlang tuh i; ikhalselai Tuufa le amah ai a komi, a rilmi le amah a rinsantute in neh tlang tuh i, zaimantifangin Tuufa tu bawi hmuahhmuah lakai Bawi ber, kumpibawi hmuahhmuah lakai Kumpibawi ber i,” tiin i rel i.

Thupphuan 19:16

A pon vumah le a kawngpui ah hming ngan tlang ai, “Kumpibawi hmuahhmuah lakai Kumpibawi ber, bawi hmuahhmuah lakai Bawi ber,” tiin ngan i.

Thupphuan 4:11

“Kin Bawipa le kin Pathian, Nang tu songlawihnak le upathnak le huham co tlak isi. Zaimantifangin nang in zaizongza bawn ai na thu in samhnak le nungruaihnak tepawl i,” tiin ti tlang i.

Thupphuan 5:12

cawm roh in la sa tlang ai: “Rek a tuartu Tuufa tu huham le lianhnak, fimhnak le hathnak, hmingthanghnak le songlawihnak le thangphathnak co tlak i,” tiin ti tlang i.