Daniel 12:1 - Zanniat Bible

¹ Pon fem ai bawnhnak hnikpon a siltu vancungmi in, “Ciami can ah na minung a kilkhawltu vancungmi thawmlian Michael lar tuh i. Hemi miphunte hnenah amahte thawhkehhnak ai panin a tawk awng lo harsahnak roh ngai hleng tuh i. Ciami can a khim fangin Pathian laibu songai hming ngan mi na miphunte tu o tuh i.

Khualsim Bible

¹ “Acui caan ah vanmi uktu pipa, na mipawl hualhumtu Mikhael a hang suak thok. Miphunpawl an om thawhpek in a cang thah lomi thinharnak a om thok. Ihmansela acui caan a’cun laibu sungih an min ngan a ik hmuh a i mipoh, na mipawl cu runsuah an i thok.

Falam Common Language Bible

¹ Puan hmangfeem ih tuahmi hnipuan a hruktu vancungmi in, “Cuih caan ah na minung pawl a kilvengtu vancungmi maksak Mikhael a lang ding. Hi miphun pawl hnenah an thawhkeh ihsin an ton dah lomi harsatnak nasazet a thleng ding. Cuih tikcu a kim tikah Pathian cabu sungih hmin nganmi na miphun pawl cu runsuak an si ding.

Daniel 12:1 ပူးပေါင်းရင်းမြစ်များ

SAAM LABU 56:8

Zaitlukin thin i cawl i ti ling isi. I mithli heh na palang songah thun zo isi. Na laibu songah ngan zo ilo isim?

SAAM LABU 69:28

Amahte hming heh nunhnak laibu songin phiat tuseh. Na minungte laibu songah telh maseh.

Isaiah 4:3

Jerusalem ai a tangtu, nung tuhin Pathian ai ril mite tu mi thianghlim tiin ko tuh i.

Isaiah 9:7

A kumpibawi ukhnak le huham tu khangso tuh amam i; A ukhnak songah catloin daphnak um tuh i. Kumpibawi David sawngtu in uk tuh i; Dikcanghnak le thuhman thawn uk tuhai tun le a san tong tian in uk tuh i. Cungnungber Bawipa in hemi hmuahhmuah bawn tuh i.

Jeremiah 30:10

“I minungte, kih mah ih; Israel mite lau mah ih. Ram hlapui an ning o tuh ing, Sal ning tanghnak ram an. Ning ramah let tlang leh tuhai, hlamuang niu in um tlang leh tuh i si. Him ngai in um tuhai thin ning lau tuh lo i.

Jeremiah 30:7

Kihkul le tihik nia hleng tuh i. Ciabang nia tu um awng kel lo i; I minung caah thincawlhnak nia i. Ikhalselai tuar ben tuh i,” tiin ti i.

Ezekiel 13:9

Ningmah larhnak dik lo a hmutute le hmai lam thudik lo ai a reltu prophette tu ning cawh tuh ing. Thu relcat tuhin i minungte a taikhawm fangin ningte tu tel tuh ve lo i si. Israel ram songai minung laibu ah ning hming tel thil tuh lo i. Ning ramah let tuh awng lo i si. Ciatihin Cungnungber Bawipa ing ti ling tuh i si.

Ezekiel 34:24

Bawipa kaimah heh amahte Pathian cang tuhai amahte uktu kumpibawi tu i cengfa David bang i tuh i. Kaimah in rel zo ing.

Ezekiel 5:9

I huahnak thil tampui na bawnhnak manin Jerusalem, nang tu na cawh tuhai tun hlan le tun hnua cawhhnak hmuahhmuah tahin roh sawn in na cawh tuh ing.

Daniel 10:13

Persia ram kilkhawltu bawi vancungmi in ni kul hluankhat song i kham i. Cen vancungmi lakai a lianber pakhat Michael in i bawm i, zaimantifangin Persia ramah kaimah lek a hlummi ing.

Daniel 11:45

A kumpibawi ponhlamte rin tifingriat le Biakinn dinghnak karlak ah sa tuh i. Ikhalselai ciata ah aisu khai bawmtu nai loin thi tuh i,” tiin ti i.

Daniel 7:10

mailing tu ti luang bangin ciata in suak diamdo i. A naruaihtu tuhin minung a thawng a za in um tlang ai a hmaiah minung a thawng a thawng in ding tlang i. Thukhanhnak pan ai laibute kau tlang i.

Daniel 9:12

Kinmah le kin uktute vumah hlengruai tuh ing na tihnak tu hlengruai ngaingai isi. Laivum khua dangdang tahin Jerusalem tu a roh deuh in cawh isi;

Joel 2:2

Thimhnak le khuanimhnak nia, Mairo le cumca ai a dim nia i. Tlang vumah thimhnak bangin khokhuakte kawi tlang i; Mi hat ngai le mi thawmlian ngai ralkap bangin. Hemi bang tu khuahlan san ai panin um awng kel lo i; Hmai lam san, santong tian inkhai a um tuh awng lohnak i.

Malakhi 3:16

Cen Bawipa a kihzahtute tu pakhat le pakhat pon dun ai amahte ponghnak khiah Bawipa in ngai ai za i. A mithmuh ah Bawipa a kihzahtu le a hming a upattute ai thula tu laibu songah khum i.

Matthai 24:21

Zaimantifangin laivum a panin tunnia tian a hlenghnak a kihkul harsahnak tahin a kihkul sawn hleng tuhai ciabang a kihkul harsahnak tu tun hnuaah khai hleng tuh nawn lo i.

Marka 13:19

Zaimantifangin he thil a hleng tuhhnak heh Pathian in laivum a semsuah ai panin tun tian ah a um awng kel lo harsahnak i tuh i. Hmai lam zaikom fangin khai um tuh nawn lo i.

Luka 10:20

Ikhalselai rauhla pha lo pawl in ning thu ngai manin lungawi mah ih; ning hming vancung ah ngan cia in a um manin lungawi tu sawn ih,” tiin ti i.

Rom Pawlpi Hemih Paul Laikuat 11:15

Zaimantifangin Judah mite hnawlhnak tuar fangin laivum mite tu Pathian ai ral in rualpui ah cang tlang zo i. Ani Judah mite cosang ve fangin ziang cang nitur? Mithi caah nunhnak i tuh i!

Rom Pawlpi Hemih Paul Laikuat 11:26

Cen Israel mite hmuahhmuah nun o mi a cang tuhhnak tu hetihin i tuh i. Lai Thianghlim in, “Zion in otu hleng tuhai Jacob ai tesinfate ai phatlohnak hmuahhmuah lon tuh sek i.

Efesa 1:21

Ciata ah Khrih tu uktu i tuhai vancung uktu dangdang ituseh, thunaitu dangdang ituseh, bawi dangdang a um mite khai ituseh, amahte vumah Khrih tu uktu bawi i. Hemi laipua vumah ituseh a hleng tuhlai laipua vumah ituseh, thunaitute hmuahhmuah vumah Bawi ber i.

Filipi 4:3

Cen nang rinsantlak i naperpui, he nupangte pahnih heh bawm tu law, ti i daih ve i. Zaimantifangin kaimah thawn napertute i; Clement le Pathian nunhnak laibu songai hming khumhnak i naperpui hmuahhmuah thawn Thuthangpha zairuai tuhin kaimah thawn a rohpui in napertute i.

Judas 1:9

Vancungmi lakah upa ber Michael inrin ciatihin bawn lo i. Moses luang aisu in co tuh i tiin Satan thawn thu el dun kawm fangin nautathnak ponkam thawn Satan heh camriam ngam lo i; “Bawipa in na hau i!” tiin ti menma i.

Thupphuan 1:5

rintlak thulingtu, hin hmasaber ai Fapa, thihhnak in thoruai leh mi laivum kumpibawite uktu Jesuh Khrih in ninghiohnak le daphnak ning pe tu hram seh. Kinte kin it ai a thihhnak thisan thawmin kin sualhnak in kin luatruai zo i.

Thupphuan 12:7

Cen vancung ah raltawngdunhnak um i. Michael le a vancungmite in rulhreng tawng tlang i; rulhreng le a vancungmite inkhai thawng thun ve i.

Thupphuan 13:8

Ciatihin laivum mi zongzong in sahrang heh bia tlang tuh i; ikhalselai laivum sem hlan in nunhnak laibu songah hming khum ciamite in bia tuh lo i; ciami nunhnak laibu tu rek tuarhnak Tuufa ai i.

Thupphuan 17:14

Anite in Tuufa tawng tlang tuh i; ikhalselai Tuufa le amah ai a komi, a rilmi le amah a rinsantute in neh tlang tuh i, zaimantifangin Tuufa tu bawi hmuahhmuah lakai Bawi ber, kumpibawi hmuahhmuah lakai Kumpibawi ber i,” tiin i rel i.

Thupphuan 20:12

A thi cia mite a ham a sen ti loin bawi tohkham hmaiah a ding tlang hmu ing; cia hnuaah nunhnak laibu tihnak laibu dang pakhat parh tlang lala i. Mithite tu ciami laibu songai khumciahnak amahte naper bangin thukhan i.

Thupphuan 20:15

Aisu khai nunhnak laibu songai hming ngan lomi tu mailipui songah lon i.

Thupphuan 3:5

Nehtute tu ciatih bangin pon ngo sil tlang tuhai nunhnak laibu songin amahte hming phiat tuh lo ing. I Pa le a vancungmite hmaiah ‘Kaimah ai i,’ tiin langpang in rel tuh ing.

Thupphuan 7:14

“Bawipa, ling lo ing. Nang in ling tuh sawn isi,” tiin ti ing. Cen ani in, “Hemite tu cawhhnak a roh ngai songin cak le him in a suaktute i. Amah pon tu Tuufa thisan songah sawp ai ngoruai zo i.