2 Siangphahrang 4:1 - Zanniat Bible

¹ Prophet burpui songin prophet pakhat ai nupui heh Elisha hnenah feh ai, “Bawipa, na sal pa i pasal in i thih san i. Na linghnak bangin ani tu Pathian a daih ngaimi i. Ikhalselai tunin batba a naihnak pa kawi ai i fapate pahnih tu batba hrangah sal ah pom tum i,” tiin ti i.

Khualsim Bible

¹ Profet buur sungtel pakhat pa ih nupi ni Elisha hemah, “Na tungsau ka pumah a man thita; na tungsau ni Bawipa a ṭihzah ti cu na tiah, ihmansela lei kan batmi ni phain ka tiale pahnih sal ah a lattia hngai,” tiah a au.

Falam Common Language Bible

¹ Profet burpi sung ihsin profet pakhat ih nupi cu Elisha hnenah a feh ih, “Bawipa, na salpa ka pasal in i thih san. Na theih vekin amah cu Pathian duhzettu a si. Asinain atu-ah lei a baak mipa a ra ih ka fapa pahnihte leiba ai-ah sal ah kaih a tum a si,” tiah a ra ti.

2 Siangphahrang 4:1 ပူးပေါင်းရင်းမြစ်များ

Seemthawhnak 22:12

Ciafangin Vancungmi in, “Na fapa rek mah; zaikhai ti malaw. Na fapa naihsun kaimah ca na siang manin Pathian kihzah isi ti na ling zo ing,” tiin ti i.

1 Siangphahrang 18:3

Ciamanin Ahab in kumpibawi inn kiltute uktu Obadiah ko i. Obadiah tu Bawipa sangtu pha bik i ai,

1 Siangphahrang 20:35

Bawipa ai thupehnak bangin a bur in a ummi prophet lakah pakhat in a rualpui prophet pakhat heh, “I vit tu,” tiin ti i. Ikhalselai ciami pa in el i.

2 Siangphahrang 2:15

Jericho ai a umtu prophette sawmnga in amah khiah a hmu tlang fangin, “Elijah ai huham tu Elisha vumah um i,” tiin ti tlang i. Hmuak ai a hmaiah ut tlang ai,

2 Siangphahrang 2:3

Ciata ai a umtu prophette tu Elisha hnenah kawi tlang ai, “Bawipa in na bawipa heh tunnia ah na hnenin lang tuh ing, ti khiah ling aw sim?” tiin zawt tlang i. Elisha in, “I, ling ing. Ikhalselai ciami thu tu rel tlang hlah sing,” tiin ti i.

2 Siangphahrang 2:5

Ciata ai a umtu prophette tu Elisha hnenah kawi tlang ai, “Bawipa in na bawipa heh tunnia ah na hnenin lang tuh i ti khiah ling aw sim?” tiin zawt tlang i. Elisha in, ‘I, ling ing. Ikhalselai ciami thu tu rel tlang hlah sing,” tiin ti i.

2 Siangphahrang 2:7

prophette sawmnga in Jordan Runpui tian hlun tlang i. Elijah le Elisha tu Jordan Run kamah ding kawm ai prophette sawmnga tu a hla thahpui ah ding tlang i.

2 Siangphahrang 4:38

Vaikhat tu a ram pumpuhluk ah rian tlung ai ciafangin Elisha tu Gilgal ah tlung i. Elisha in prophette thu a zirh thliahthlo laitak ah a hnenum pa hnenah, “Tapkha ah bel lianpui toh tulai hemi prophette ca meh suang tu,” ti i.

2 Siangphahrang 6:9

Cen Elisha in Israel kumpibawi hnenah, “Ciata dung, khiata dung tu feh mah ih. Syria ralkapte in ning bawh tuh i,” tiin thucah i.

Nehemiah 10:31

Sabbath nia ah ituseh, ni dang ni thianghlim nia ah ituseh, rong le a dang thilrite kin zuarh ita inkhai lai tlang tuh lo ising. Kum sarih kum a khim cang fangin kin loram heh vai tuh lo ai ciami kum ahcen laibate map tuh ising.

Nehemiah 7:2

Jerusalem khua uktu tuhin i unau Hanani le vingpui kiltu ralbawi Hananiah dah ing. Hananiah tu Pathian kihzah le rinsantlak, aisu inkhai bang lomi i.

SAAM LABU 103:11

Zaimantifangin van tu, Laivum tahin a sang ngai bangin, Amah a kihzahtu caah, A ithnak tu a sang ngai i.

SAAM LABU 103:17

Ikhalselai amah a upattu caah cenin Bawipa ai ithnak tu kumzangza in kho ai,

SAAM LABU 115:13

Amah a kihzahtute tu a cik a lian in hmuifu pe tuh i.

SAAM LABU 147:11

Ikhalselai amah a kihzahtu le, A kho ngai a ithnak a rinsantute vumah um sawn i.

Aanroling 22:7

Mifarah heh milian ai sal i; Tangka putu heh a puttu ai sal i.

Thusimtu 12:13

Hemi thu hmuahhmuah vumah rel tuh pakhat lek um i. Pathian kihzah tulai a dan hlun tu. Pathian in minung a bawnsanhnak heh hemi hrangah i.

Thusimtu 8:12

Misual in thil sual heh vel zakhat a bawn hnua ahkhai nung thotho lai i. Ikhalselai Pathian kihzahtute caah amah kihzah manin a tawphnak ahcen thil pha tuh sio i, ti ling ing.

Isaiah 50:1

Bawipa in, “Mi pakhat in a nupui a ma bangin i minungte heh a ma i vuah i sim? Ciatih ilekhaw nupui mahnak laite akonah i? Mi pakhat in a fate sal tuhin a zuar bangin ralpomhnak ah ning zuar ah i ruat tlang i si? I lo i, ningmah ai sualhnak manin ralpom mi i si; Thilsual ning bawnhnak manin hnawtmi i si.

Jeremiah 34:14

Hebrew sal in kumruk song na ruaihtu a um fangin a kum sarihhnak ahcen luatruai tuh i si, tiin rel ing. Ikhalselai ning pupate in i thu ngai awng lo i, i relhnak khai ngai tlang awng lo i.

SUANGBAWI LAIBU 25:48

a lai hnua ahkhai tlan thil leh tuh i. Amah unau pakhatkhat,

Malakhi 3:16

Cen Bawipa a kihzahtute tu pakhat le pakhat pon dun ai amahte ponghnak khiah Bawipa in ngai ai za i. A mithmuh ah Bawipa a kihzahtu le a hming a upattute ai thula tu laibu songah khum i.

Malakhi 4:2

Ikhalselai i thu a ngaitu ningmah ca ahcen i mi ohnak huham ning vumah ni bangin tlang tuhai nitleu in nuncakhnak a pe bangin ning vumah nuncakhnak hlengruai tuh ing. Kawlpaw niu kawlpaw inn in a suahhnak bangin luat ngai le ang ngai in um tlang tuh i si.

Matthai 18:25

Ciami hnenum pa in laiba rulhnak tangka zaikhai nai lo i. Ciamanin kumpibawi pa in ciami pa tu a laiba kuanhnak tuhin a nupui le a fate le a naihnak hmuahhmuah thawn sal ah zuar tuh sio in thupe i.

Matthai 18:30

Ikhalselai ngaithiam nuam lo i. A laiba kuan hlanlo thawng ah toh i.

Matthai 18:35

Cen Jesuh in, “Aisu khai ning unau heh ning thinlung ngaingai in ngaithiam hlah le i sikhaw vancung ai umtu i Pa in ciami hnenum pa bangin ning bawn tuh ve i,” tiin ti i.

Tirhthalahle 13:26

I phunpui Israel mite, Abraham ai tesinfate le heta ai Pathian a biatu Gentile mite, he nunohnak Thuthangpha heh kin veksen caah pehnak i.

Jeim 2:13

Mi hnenah ninghiohnak a nai lomi heh Pathian in a thu a khan fangin a vumah ninghiohnak nai tuh ve lo i; ikhalselai thukhanhnak heh ninghiohnak in neh i.

Thupphuan 15:4

Bawipa, nangmah na kihzah lotu aisu um tuh i? Na thawmlian zia a phuang lotu aisu um tuh i? Nangmah ian na thianghlim i. Miphun hmuahhmuah na hnenah kawi tlang tuhai na bia tlang tuh i. Zaimantifangin a dikmi na thil bawnhnak tu mi zongzong in hmu tlang zo i.”

Thupphuan 19:5

Cen bawi tohkham in aw pakhat thang ai, “Kin Pathian thangphat tu ih; a napertute le minungte, a ham a sen ti loin amah a kihzahtu hmuahhmuah in thangphat tu ih,” tiin ti i.

Ruth 1:3

Elimelech tu thi ai Noami heh a fapate pahnih thawn hmaitong in um i.

1 Samuel 22:2

Nauneh a tuarhnak le laiba a naimi le lungkhim lohnak a naimi hmuahhmuah khai a hnenah feh tlang ai ciamite hotu ah cang i. A veksen in minung za li dung i.