2 Siangphahrang 24:3 - Zanniat Bible

^3-4 Kumpibawi Manasseh ai sualhnak hmuahhmuah manin le, a hlaice in, sualhnak nai lo mite ai thisan tam ze a luangruai manin Bawipa in Judah mite tu a mithmuh lohnak ramah hnawt tum manin hemi thilte khiah amah ai thupehnak in canghnak i. Bawipa in Manasseh heh ngaithiam thil lo i.

Khualsim Bible

³ A ngaingai ah ahihi, Manasseh ih sualnakpawl caah, a vuak taakmi hmawhhmawh caah, mit hmuhnak in thawn hngai dingah Bawipa ih thupiaknak in Judah parah a tlung,

Falam Common Language Bible

^3-4 Siangpahrang Manasseh sualnak hmuahhmuah ruangah le, a bik in, sualnak nei lomi pawl ih thisen tamtuk a luanter ruangah Bawipa in Judah mi pawl cu a mithmuh lonak ramih dawihlo ṭheh a tum ruangah hi thil pawl cu Amah ih thupeknak in a cangmi an si. Bawipa in Manasseh cu a ngaithiam thei lo.

2 Siangphahrang 24:3 ပူးပေါင်းရင်းမြစ်များ

Seemthawhnak 50:20

Kaimah siatsuah tuhin khua ruat awng i si, ikhalselai Pathian cenin thilpha cangruai i. Ciatihin tunnia kin hmu bangin mi tampui himhnak hrang i.

2 Siangphahrang 17:18

Bawipa tu Israel mite vumah a thinraw ai, a hmuh lo hmun ramah hnawt i; ciamanin Judah ram lek zuah i.

2 Siangphahrang 17:20

Bawipa in Israel mite tu hnawl i; cawh ai mi ninghio nai lo amahte ral te kut ah pe i, hnuavai fangin a hmuh lohnak ramah hnawt ihang.

2 Siangphahrang 17:23

hnuavai fangin, prophet a salte hnenin, “Bawn tuh ing,” ti ai ralringhnak a pe bangin, a hmuh lohnak hmunah hnawt sio i. Ciatihin Israel mite tu Assyria ramah hoi sio ai tun inkhai ciata ah um tlang lai i.

2 Siangphahrang 18:25

Bawipa ai bawnhnak tel loin ning ram heh tawng ai siatsuah kin vuah tlang i sim? Thungai in ti fangin, Bawipa amah rori in ning ram heh tawng tuhai siatsuah tuhin thu i pe nakhaw,” tiin ti i.

2 Siangphahrang 21:16

Manasseh in mawhhnak zaikhai a nai lo minungte tam ze rek ai Jerusalem khuapui lampui ah thisan luang diamdo i. Hemi tu Judah mite milim biahnak ah a hoi manin Bawipa vumah misual a cangruaihnak hlaiah a bawnsualhnak i.

2 Siangphahrang 24:20

Jerusalem le Judah mite vumah Bawipa tu a thinraw manin a mithmuh lo hmun ramah hnawt sek i.

2 Sansiarnak 24:24

Syria ralkapte tu tlawmniu napui Judah mite in a pupate Pathian Bawipa zam tlang zo manin Bawipa in a tampui Judah ralkapte heh nehruai i. Kumpibawi Joash in Bawipa ai cawhhnak tawk ngaingai i.

2 Sansiarnak 25:16

Ciafangin Amaziah in, “Zaifangin kumpibawi ruathnakpetu tuhin na bawn ing? pong nawn mah; ciahlahle na rek tuh ing!” ti i. Prophet tu pong nawn lo i; ikhalselai a com hlanah, “Hetihin thil bawn ai i thurelhnak khai na ngai lo manin nangmah siatsuah tuhin Pathian in ruatcat zo i, ti ling ing,” tiin ti ta i.

Suahhlannak 20:5

Milim bia tuh lo i si; a hmaiah ut khai ut mah ih; zaimantifangin kai tu Bawipa ning Pathian ing ai umhlah nai Pathian ing. Kaimah i huatu vumah a sualhnak manin dantat tuhai amahte ai tesinfate san, santhum sanli tianin cawhkuan hlengruai tuh ing.

Isaiah 45:7

Tleuhnak le thimhnak bawntu ing. Hmuifuhnak le thihhnak suakruaitu khai ing. Hemi hmuahhmuah a bawntu heh Bawipa kaimah ing.

Jeremiah 32:31

Hemi khuapui song mite in he khuapui a tungding ai panin thin i rawruai zo i. Siatsuah tuhin ruatcat zo ing.

Jeremiah 52:28

Nebuchadnezzar in sal tuhin a fehpuihnak minung laibu tu a hnia lamai bangin i: Kumpibawi a canghnak kum sarih kum ah minung thawng thum le kul hluan thum;

Ezekiel 22:3

Cungnungber Bawipa kaimah ai i ponghnak heh rel tu: na minung tampui rek ai milim bia in ningrim dun manin na can hleng dawn ihang.

Ezekiel 24:6

Cungnungber Bawipa in hetihin ti i: “Mirektute umhnak khuapui tu bo zo i! Cianghlimruai awng lohnak bel kharkai bang i. Sa semkhat hnua semkhat thur betbo ai semkhat khai tang nawn lo i.

Amos 3:6

Raltawnghnak thirhlung khua songah a hmut fangin khuasong mite thinlau loin um thil tuh im? Bawipa ai hlengruai lohnak in khuasong ah harsahnak hleng awng awm?

Mikah 2:10

Ciamanin tho tu ilai feh tu ih; heta ah humhimhnak a tlawmniu khai um nawn lo i. Ning sualhnak in he hmun hnawmruai zo sek i.

Daannolhnak 28:63

Ning lianruaihnak le ning pungzairuaihnak ah Bawipa tu a lungawi ngai i; ciatih bangin ningmah pairal tuh le siatsuah tuhin khai a lungawi tuh thotho i. Ning khur tuhhnak ram songin ning phorhsuak tuh sio i.

Daannolhnak 29:28

Bawipa tu a thinraw ze ai a minungte tu amahte ram an duk in suah ai ramdang ah lon i; tunnia tian cia ramah um tata ihang,” ti i tuh i.

Joshua 23:15

Bawipa ning Pathian in bawn sah tuhin a thukhamhnak hmuahhmuah heh bawn zo sio i. Ikhalselai ning vumai thil pha a bawntu Pathian thu hlun hlahle i sikhaw ning vumah thil sual hlengruai tuh i.