2 Siangphahrang 17:13 - Zanniat Bible

¹³ Bawipa in Israel mite le Judah mite hnenah palaite le prophette hlat ai, “Thil siava ning bawnhnak hlum tu ilai ning pupate hnenai i phuangciahnak le i palai prophette hmang in ning hnenah i pehnak i thukham le i dante hlun tu ih,” tiin ralringhnak vel tampui pe i.

Khualsim Bible

¹³ Cun Bawipa ni Israel leh Judah cu profet poh leh catu poh hmangin, ‘A ṭhalomi nan nundanpawl cu mertia u la nan pupale hemih thu ka piak hngaimi leh ka tungsau profetpawl hmangin ka tan kuat hngaimi daan hmawhhmawh mangin ka thukhaampawl leh ka phunglampawl zul uh,’ tiah ralrin ka pia hngai.

Falam Common Language Bible

¹³ Bawipa in Israel mi le Judah mi pawl hnenah a palai pawl le profet pawl a thlah ih, “Thil ṭha lo nan tuahmi taanta uhla nan pipu hnenah ka phuanmi le ka palai profet pawl hmangin nan hnenih ka lo pekmi ka thukham le ka Daan pawl cu thlun uh,” tiah ralrinnak voi tampi a pek.

2 Siangphahrang 17:13 ပူးပေါင်းရင်းမြစ်များ

1 Siangphahrang 16:1

Bawipa in Hanani ai fapa prophet Jehu hnenah, Baasha rel tuhin hetihin thu rel i:

1 Siangphahrang 16:7

Baasha le a songkhatte vumai Bawipa ai cukcamhnak ponkam a hlenpuitu heh prophet Jehu i. Baasha tu Bawipa vumah a sual manin hebang cukcamhnak a hnenah hleng i. A hlanai kumpibawi Jeroboam bangin Baasha khai phatlohnak a bawn lek zolo in Jeroboam le a innsangte a veksen in rek berh manin Bawipa thinrawtiar i.

2 Siangphahrang 17:23

hnuavai fangin, prophet a salte hnenin, “Bawn tuh ing,” ti ai ralringhnak a pe bangin, a hmuh lohnak hmunah hnawt sio i. Ciatihin Israel mite tu Assyria ramah hoi sio ai tun inkhai ciata ah um tlang lai i.

2 Siangphahrang 18:6

Bawipa ai hmaiah rinsantlak i ai a thu el awng kel lo i; Moses hnenai Bawipa ai thupehnak hmuahhmuah fel ngai in hlun i.

2 Siangphahrang 21:10

Bawipa in a cengfa prophette hnenin phuang ai,

1 Sansiarnak 29:29

Kumpibawi David ai tluanthu heh a hampan in a tawp tian prophette pathum Samuel, Nathan le Gad ai tluanthu khumhnak songah a khimliang in ngan i.

Job 11:14

Na inn ai phatlohnak le na kut ai sualhnakte heh lon tusek.

Job 36:10

Phat lohnak in let tuhin anite bil hongruai ai ralringhnak thu rel i.

SAAM LABU 50:7

“Aw, i minungte, ngai tu ih, pong tuh ing. Aw Israel, fiang niu in na lingruai tuh ing; Kai tu Pathian, ning Pathian ing.

Jeremiah 11:7

Amahte pupate Egypt ram an i hoisuak laiah kaimah thu ngai tuhin felniu in ralringhnak pe ai tunnia tian pe lai ngio ing.

Jeremiah 18:11

Tun in Judah mi le Jerusalem mite khiah rel tu: amahte caah a pha lomi bawn tuhin tumhnak nai ai anite cawh tuhin a ralring ihang ing. Amahte ziaza pha lo heh com tuhang seh; amahte nundan le thil bawnhnak heh ṭhin tuhang seh.

Jeremiah 25:3

“Amon ai fapa Josiah tu Judah kumpibawi a cang kum hlaithumhnak in tunnia tian, kum kul hluanthum song, Bawipa ai thu tu kaimah hnenah hleng ai a relhnak tepawl ning hnenah rel leh loin um awng lo ing. Ikhalselai zaisiar lo i si.

Jeremiah 3:7

Hemi bangtluk thil a bawn hnuaah i hnenah let tuh tengteng i tiin ruat ing. Ikhalselai let cuang lo i. Cen sangtlak lo a unau nu Judah in hmu sio fawn i.

Jeremiah 34:14

Hebrew sal in kumruk song na ruaihtu a um fangin a kum sarihhnak ahcen luatruai tuh i si, tiin rel ing. Ikhalselai ning pupate in i thu ngai awng lo i, i relhnak khai ngai tlang awng lo i.

Jeremiah 35:15

I sal prophette pakhat hnua pakhat ning hnenah hlat napui a dikcang bawn ai thilsual bawnhnak nuncan hlum tuhin ning rel thliahthlo ing. Ning pupate le ningmah hnenai i pehnak he ramah catloin ning umthilhnak tuhin Pathian dangte na ruaihtu tuh loin le bia tuh loin ning rel i, ralringhnak ning pe i. Ikhalselai i thurelhnak tu ngai tlang lo ai zaikhai siar lo i si.

Jeremiah 42:19

Cia hnuaah hetihin rel bet ing, “Bawipa in Judah ramah a tangtu ningte tu Egypt ramah feh tuh loin ning rel zo i. Tunah ralringhnak ning pe ing.

Ezekiel 18:31

Thil pha lo ning bawnhnak thliahthlo heh awl tuhang ilai thinlung thar le ruathnak thar nai tuhang ih. Israel mite, Zaimanin thi ning nuam i?

Ezekiel 3:19

Mihrokhrawl pakhat hnenah ralringhnak rel napui a sualhnak com cuang hlah lekhaw, misual in thi tuh thotho napui na nunhnak tu zuah tuh ing.

Daniel 9:10

Aw Bawipa kin Pathian, na naruaihtu prophette hnenin na pehnak na dante bangin nung tuhin kin rel betbo napui ngai awng cuang lo i ing.

Hosea 11:2

Ikhalselai i fapa tiin i ko deuhdeuh fangin i hnenin hla amam ah pial i. I minung in Baal hnenah hibawlhnak pe i; Milim hnenah rimhmui tai i.

Hosea 12:10

“Prophette hnenah thurel ai larhnak tampui umruai ing. Prophette hmang in i minungte hnenah ralringhnak pe ing.

Hosea 12:11

Gilead ah milim bia tlang ai a biatu hmuahhmuah thi tuh i. Gilgal ah kawlpawcang in hibawl tlang i; ciamanin pulengte tu hampalak ai lungto pumhnak ah cang tuh i,” tiin ti i.

Hosea 14:1

Aw Israel mite, Bawipa ning Pathian hnenah let tu ih. Ning sualhnak manin ning bah zo ai ning tlu zo i.

Hosea 4:15

“Ningmah Israel mite tu kaimah caah hlotlau ah ning cang zo napui Judah mite tu ciatihin cang hram maseh. Gilgal ihlahle Bethaven ah i bia tlang maseh. Cia hmunah a nungmi Bawipa hmingin thukhamhnak khai bawn maseh.

Tirhthalahle 20:21

Judah mite hnenah ituseh, Gentile mite hnenah ituseh, amahte sualhnak zam in Pathian hnenah let tlang ai kin Bawi Jesuh sang kul hrimhrim tiin i rel lek zolo in ralringhnak khai pe ing.

Daannolhnak 31:21

Cen ursia a phunphun amahte vumah hleng tuh i. Ciafangin he la tu anite i ṭanpui lohnak larruaitu ah cang tuh i; zaimantifangin amahte tefate inkhai sa tlang tuh ṭiohnak la i. Tun inkhai i thukhamhnak ram a hleng hlanah khai amahte thinlung akon lam hoi i, ti ling zo ing,” tiin ti i.

Daannolhnak 4:26

Ciatihin bawn ngaingai le i sikhaw lai le van sal in tunnia ah ning rel ing: he ramah a rai leng tlang tuh lo i si. Ning khur tuhhnak Jordan runpui ral ah a rai um tuh lo i si; siatsuahhnak tuar tuh i si.

Daannolhnak 8:19

Khuavang dangdang bia nuam in le ruaih nuam in Bawipa ning Pathian hai mah ih. Hai le i sikhaw, tunnia ah fiang ngai in ning rel ing: siatsuahhnak tuar tuh tengteng i si.

Joshua 23:16

Bawipa ning Pathian in hlun tu ih ti ai thu a ning pehnak thutiam hlun loin khuavang dangdang hlun ai bia sawn le i sikhaw ning vumah a thinraw tuhai a pe cia he rampha ah minung pakhat khai tang loin ning bo tuh sio i,” tiin ti i.

2 Piter 3:9

Bawipa in a thukhamhnak khimruai tuhin a tirhting i tiin mihrek in ruat khalselai, a tirhting ilo i. Ning vumah thinsauhnak a nai sawn manin i; zaimantifangin pakhatniu bangkhai hnawmralhnak tawk loniu in mi zongzong amahte sualhnak in let lehsal thil tuh a daih manin i.

Thuṭhentule 6:10

Kai tu Bawipa ning Pathian ing ai amahte ram songai ning umhnak Amor mite ai khuavang bia tuh lo i si tiin fiang ngai in ning rel zo ing. Ikhalselai i thu ngai ning nuam tlang lo i,” tiin ti i.

Thuṭhentule 6:8

Bawipa in amahte hnenah prophet pakhat hlat i. Ciami prophet in Israel ai Bawipa Pathian ai thu tu amahte hnenah hetihin rel i, “Sal ning tanghnak Egypt ram an kaimah in ning suah ing.

1 Samuel 9:9

Cialai ah mi pakhat in Pathian hnenah zawt nuamhnak a nai fangin, “Hmutu hnenah feh ngasing,” tiin ti de i. Zaimantifangin cia san ah prophet heh hmutu tiin ko tlang i.