2 Sansiarnak 32:25 - Zanniat Bible

²⁵ Ikhalselai Hezekiah tu hngal ze ai Bawipa in a vumah thil pha a bawnhnak hrangah anghnak zaikhai larruai lo i; ciamanin Judah le Jerusalem mite vumah Bawipa a thinraw i.

Khualsim Bible

²⁵ Ihmansela Hezekiah ni a parih ṭhatnak vuakmi mangin a rul lo, icatile a thinlung cu a zumtia. Curuangah thinsiatnak cu amah par leh Judah leh Jerusalem parah a tlung.

Falam Common Language Bible

²⁵ Sikhalsehla Hezekiah cu a hngal tuk ih Bawipa in a parih thil ṭha a tuahmi hrangah lungawinak zianghman a langter lo; curuangah Judah le Jerusalem mi parah Bawipa a thin a heng.

2 Sansiarnak 32:25 ပူးပေါင်းရင်းမြစ်များ

2 Samuel 24:1

Israel vumah Bawipa tu a thinraw lala ai anite hnenah harsahnak hlengruai tuhin David heh, “Feh tulai Israel mite le Judah mite mipum siar tu,” tiin forh i.

2 Siangphahrang 14:10

Tun in Edom mite na neh manin na puarthau ai na hngal ze i. Na mi nehhnak vumah lungkhim tulai dapthen in um tu menma. Nangmah le na minungte ca ai siatsuah tuhhnak thil heh zaimanin sualsi hnelhno isi?” tiin thu khirh i.

2 Siangphahrang 20:12

Ciami can ah Baladan ai fapa, Babylon kumpibawi Merodach Baladan in kumpibawi Hezekiah ur i, ti ling ai lai le lehsawng kuat i.

2 Siangphahrang 20:13

Ciafangin Hezekiah in Babylon an a kawitu palaite heh phatak ngai in sik ai a lianhnak hmuahhmuah, a sui le a ngun, a rimhmuite le a ralkapte ai ralthuamte tianin hmuh sio i. A thilri le a thilthuamte dahhnak khan ah ituseh, a ram songai umhnak thilri dangdang ituseh, a hmuh lohnak zaikhai um lo i.

1 Sansiarnak 21:1

Satan in Israel vumah harsahnak hlengruai a nuam manin David heh thusia forh ai Israel mipum siar nuamhnak thinlung nairuai i.

2 Sansiarnak 19:2

Cen Hanani ai fapa prophet Jehu tu kumpibawi Jehoshaphat tawk tuhin kawi ai a hnenah, “Miphalote bawm le Bawipa a huatute hnenah ṭan heh a pha tiin ruat isim? Hetihin na bawn manin nangmah vumah Bawipa ai thinrawhnak hlengruai isi.

2 Sansiarnak 24:18

Ciamanin mizapui in Bawipa ai Biakinn ah a pupate ai Pathian bia tlang nawn loin milim le Asherah khuazingnu bia tlang i. Ciatihin a sual tlang manin Judah le Jerusalem vumah Bawipa ai thinrawhnak hleng i.

2 Sansiarnak 25:19

Tunin Edom mite neh ing tiin na hngal ai puarthau ze isi; ikhalselai pha bik in na rel ing; dapthen in na inn ah um tu sawn. Nangmah le na minungte caah siatsuah tuhhnak thil heh zaimanin ti hrim ngen na nuam bel i?” ti i.

2 Sansiarnak 26:16

Ikhalselai kumpibawi Uzziah tu a hat ngai fangin hngal ai ciami heh a duktloktu ah cang i. Bawipa a Pathian a engsan manin Biakinn songah feh in rimhmui taihnak puleng ah rimhmui tai i.

2 Sansiarnak 32:31

A thinlung le a ziaza ling nuam in Pathian in Hezekiah heh a nuamnuam in tlanglengruai i; cialak ahkhai a ram songah mangbangkul thil a canghnakte zong tuhin Babylon kumpibawi in a palaite hlat awng i.

Isaiah 39:1

Cia can ah, Babylon kumpibawi Baladan ai fapa Merodach Baladan in kumpibawi Hezekiah fawi i ti za i; ciamanin lai pakhat le lehsawng pakhat kuat i.

Isaiah 39:2

Hezekiah in Baladan ai palaite tu phatak ngai in sik ai a lianhnak hmuahhmuah hmuh sio i. A naihnak a sui le a ngunte, rimhmui le yihmuite, a ralkap le a ral thilthuamte hmuh i. A thilri dahhnak inn songah ituseh, a ukhnak song hmuahhmuah ah ituseh, a naihnak a hmuh lohnak pakhat khai um lo i.

Ezekiel 28:17

Nangmah heh na piang ngai manin na hngal ai na hmingthanghnak in mivoi ah na cangruai i. Ciamanin laipua lakah na lon ai kumpibawi dangdang ai ralringhnak tuhin na hlum ing.

Ezekiel 28:2

“Minungpa, Tyre uktu bawi hnenah Cungnungber Bawipa kaimah ai ponghnak heh rel tu: Nangmah lala sang dun ze in khuavang ing ti isi. Khuavang ing ai kumpibawi tohkham vumah to ai tifingriat in i kulh sio i, khuavang ing, ti isi. Nangmah le nangmah khuavang tluk in ruat dun tuh ngaingai napui khuavang tu ilo isi, minung ian isi.

Ezekiel 28:5

Sumpai thiam ngai ai a miat tampui ngah isi. Na lian manin na puarthau ze i.

Ezekiel 31:10

Tun in Cungnungber Bawipa kaimah in mairo ban tianin a khangmi thingkung vumah zaibang thil hleng tuh i, ti ning rel tuh ing. Ciami thingkung tu sang amam ai hngal amam i.

Daniel 11:12

Ciatihin ral a neh manin le Syria ralkap tampui a rek manin hngal tuh ngai i; ikhalselai ral tu neh tuh ṭiode lo i.

Daniel 5:20

Ikhalselai ciatihin puarthau in, thinlung ruh in le ninghio thinpemhnak zaikhai nai loin a um manin a kumpibawi tohkham sut ai upathnak dinhmun khai sung i.

Daniel 5:23

Vancung Bawipa ralcai in bawn ai Biakinn in langhnak khuat le hlengte heta ah koih isi. Nangmah le na tlangsuakte, na nupuite le na nuzawlte in ciami khuat thawn zu ding tlang ai sui le ngun, dar le thir, zanthing le lungto thawn bawnhnak khuavangte thangphat tlang dekdo i si. Khua a hmu thil lo khuavang, thu zaikhai a ling lomi le zaikhai linghnak nai lo khuavangte thangphat tlang dekdo i si. Ning nunhnak le ning thihhnak vumah laireltu, na bawnhnak hmuahhmuah vumah thunaitu Pathian sawn upathnak zaikhai pe tlang lo i si.

Hosea 14:2

Bawipa hnenah let tu ilai hetihin sawngen tu ih: “Kin sualhnak hmuahhmuah kin ngaithiam tu; kin sawngenhnak kin sang tulai kin thukhamhnak bangin thang na phat tuh i ing.

Habakkuk 2:4

Ciami thu tu: ‘Mihrokhrawl pawl tu luat tuh lo i; ikhalselai midikcangte tu Pathian rinsantlak a imanin nung tuh i,’ ti khiah i,” tiin ti i.

2 Korin 12:7

Ikhalselai khuaruahharkul thil tampui i hmuhnak manin i puarthau lohnak tuhin i taksa songah ah hling i pe i. Cia hling in Satan palai bangin naper ai tluangkhawng lohnak tuhin i vittu le i khamtu i.

Daannolhnak 32:6

Hetihin maw Bawipa vumah um tuh i si? Mivoi le lingthiamhnak nai lo minungte! Ani tu ning semtu ning Pa i, Miphun phunkhat in ning bawntu heh amah i.

Daannolhnak 8:17

Ciamanin kinmah hathnak le thazang in kin lian i, tiin zaikom inkhai ruat mah ih.

1 Timote 3:6

Sanghnak lamah thinthleng sawngniu i tuh lo i; ciahlah lekhaw hngal pang tuhai Satan khiah hnawlhnak a tuar bangin hnawlhnak tawk pang tuh ve i.