2 Samuel 19:1 - Zanniat Bible

¹ Kumpibawi David tu kap ṭiode ai a fapa Absalom ngai in um i tiin Joab heh rel i.

Khualsim Bible

¹ Joab hemah, “Siangphahrang cu a ṭap rero ih Absalom zuun ngai in a om,” tiah an sim.

Falam Common Language Bible

¹ Siangpahrang David cu a ṭap ringring ih a fapa Absalom ngai in a um tiah Joab an va sim.

2 Samuel 19:1 ပူးပေါင်းရင်းမြစ်များ

Seemthawhnak 37:35

A fapate le a fanute kawi ai hnem tlang i; ikhalselai hnem ben lo i. “Amah hnen mithi khua i hleng ve lai hlanlo, i fapa ngai in um tuh ing,” tiin ti i. Ciamanin a fapa ngai in nisiar kap hnelhno i.

2 Samuel 18:12

Ikhalselai ciami pa in, “Tangka thawng khat i pe silai khai kumpibawi ai fapa tu i kutzung inkhai tong tuh lo ing. Kumpibawi pa in ‘Kaimah i ruat in Absalom heh tuahmawh tuh lo i si,’ tiin nangmah le Abishai le Ittai hnenah thu a ning pehnak heh za sio ve ing.

2 Samuel 18:14

Ciafangin Joab in, “Nang thawn pon dun heh can bo menma i,” ti ai faipuite pathum lang ai hlokhli kung ai a nung in a khai liat Absalom ai a thinhnai ah dawt i.

2 Samuel 18:20

Joab in, “I lo i, tunnia ahcen zaibang thuthang khai rel tuh lo isi. Than na nuam lekhaw ni dang ah than leh tu; zaimantifangin kumpibawi ai fapa a thi manin tunnia ahcen rel tuh lo isi,” ti i.

2 Samuel 18:33

Ciafangin kumpibawi David tu a lungsia ai kotka vumai hlam songah kai ai a kai kongin, “Aw i fapa Absalom, Absalom i fapa! Nangmah tumrul in kaimah thi sawn inglai e, i fapa! Aw Absalom, i fapa,” tiin kap i.

2 Samuel 18:5

Ralkapte hotute Joab, Abishai le Ittai hnenah, “Kaimah i ruat in Absalom heh tuahmawh mah i law,” ti i. Ralkap hotute hnenah David ai thupehnak tu ralkapte hmuahhmuah in za tlang sio i.

2 Samuel 19:2

Cen kumpibawi tu a fapa a thi manin mithi ngai in um i, ti khiah David ai ralkapte hmuahhmuah in a za fangin amahte veksen ca ciami ral neh nia heh lungsia nia sawn ah cang i.

Aanroling 17:25

Fapa voi in a pa hnenah lungsiahnak hlengruai ai, A nu hnenah thinharhnak hlengruai i.

Zekhariah 12:10

“David ai tesinfate le Jerusalem khua ai midangte tu ninghio ngaihharhnak thinlung le sawngen nuamhnak thinlung thawn dimruai tuh ing. Mipakhat amahte vang ai dawthnak sik tlang tuhai amahte fa naihsun thi ai kah bangin kap tlang tuh i. A fapa upa ber thi ai thinhar lungleng in a um bangin um tlang tuh i.