2 Samuel 16:21 - Zanniat Bible

²¹ Ciafangin Ahithophel in, “Feh tulai na pa ai inn, kumpibawi ai innkiltu tuhin a hlumhnak a nusunte sualpui tu. Ciatihin bawn lesikhaw a pa ai thin rawtiar roh zo i tiin Israel mite hmuahhmuah in na ling tuhai na hnenai a ṭangtute tu ṭang tuh amam i,” tiin ti i.

Khualsim Bible

²¹ Ahithofel ni Absalom cu, “Na pa ni inn zokhen dingih a mattaak hngaimi a nusunle metpi hngai; culeh Israel mi zate ni na pa ih huatpok dingah na vuatia rom ti an za thok ih a tan ṭantupawl cu an ṭhawngṭha hlehhlo thok,” tiah a ti.

Falam Common Language Bible

²¹ Cutikah Ahithofel in, “Feh awla na pa ih inn, siangpahrang inn kilkhawitu dingih a taantami a nupisun pawl va ihpi aw. Cutiih na tuah asile a pa ih thin a hengter nasa zo tiah Israel mi hmuahhmuah in an lo thei ding ih na hnenih a ṭangtu pawl cu an ṭang sinsin ding,” tiah a ti.

2 Samuel 16:21 ပူးပေါင်းရင်းမြစ်များ

Seemthawhnak 34:30

Ciafangin Jacob in a fapate Simeon le Levi hnenah, “Harsahnak songah i hlengruai zo i si; he ram songai umtu Canaan mi le Perizz mite in kin cim tuh ihang. Kai in minung tampui nai lo ing. Anite phiar tlang in kin sim selai kin veksen ci kin hmit tuh rori i,” tiin ti i.

Seemthawhnak 35:22

Jacob ciata ai a um laiah, a pa ai nuzawl Bilhah heh Reuben in sualpui i. Ciami heh a pa Jacob in za fangin a thinraw roh i. Jacob tu fapate hlaihnih nai i.

Seemthawhnak 38:16

A hnen lampui hiangah kawi ai, “Kawi tulai it kawm tuh ising,” tiin ti i. A fapa ai nupui i, ti ling lo i. Ciafangin Tamar in, “Ziang i pe tuh isi?” tiin zawt i.

Seemthawhnak 6:4

Cia san le ciahnua san ahkhai Pathian ai fapate le minung ai fenute pawl dun ai naihnak fate tu tlami bangin a ham bikbik i. Anite tu hlanlai san ai hmingthang le ralpha bikbik pawl i.

2 Samuel 10:6

Ciatihin David amahte ral ai a cangruai khiah Ammon mite in ling fiang fangin, Bethrehob le Zobah in Syria ralkapte thawng kul zawng i; Tob ralkapte thawng hlaihnih, le Maacah ram kumpibawi khai a ralkapte thawng khat thawn, zawng i.

2 Samuel 12:11

Na innsang song rori in vansang ai na bawntu suakruai tuh hrimhrim ing, tiin na rel cia ing. Na nupuite lang tuhai na mithmuh rori ah pasal dang hnenah i pe fangin ling leh tuh isi. Ciatihin sunlaivar rori ah na nupuite tu sualpui tlang tuh i.

2 Samuel 13:5

Jonadab in, “I ur i ti tulai na khuahluan ah it tu. Na pa in na fan fangin ‘I farnu Tamar kawi tu selai rong i pe tuseh. I hmu thil hmunah rong bawn tu selai amah rori in rong i pe tuseh,’ tiin ti tu,” tiin Amnon hnenah ti i.

2 Samuel 15:16

Ciatihin kumpibawi tu suak ai a innsangte le a kuthnia tlangsuakte hmuahhmuah in hlun tlang i. Ikhalselai kumpibawi inn kilkhawltu tuhin a nuzawlte pahra khiah hlum i.

2 Samuel 16:20

Ciafangin Absalom khai her ai Ahithophel hnenah, “Na ruathnak i rel tucuk! Akontih in thil bawn tuh ing? tiin zawt i.

2 Samuel 17:7

Cen Hushai in, “Tun ṭum Ahithophel ai thuruah pehnak tu pha lo i,” ti i.

2 Samuel 2:7

Hat tu ilai ralpha tu ih. Ning kumpibawi Saul tu thi ai tun tu kaimah heh Judah mite in amahte kumpibawi tuhin thau i pawh zo ihang,” tiin thucah i.

2 Samuel 20:3

David tu Jerusalem a kumpibawi inn ah tlung ai a inn kilkhawltu tuhin a dahhnak a nuzawlte pahra lang ai palikte kilruai i. A kulhnak hmuahhmuah pe sio i. Ikhalselai anite hnenah it lo i. A thi nia tianin a dangniu in dah ai hmaitong bangin um tlang i.

1 Siangphahrang 11:25

Solomon nun song hmuahhmuah ah Rezon tu Israel mite ai ral pakhat ah cang i.

1 Siangphahrang 2:17

Bathsheba in, “Ziang i? I rel tucuk!” ti i. Adonijah in, “Shunem mi fenu Abishag khiah i nupui tuhin Kumpibawi Solomon i pon sah tu, nang tu na el tuh lo i tiin um ing,” ti i.

1 Siangphahrang 2:22

Ciafangin kumpibawi in, “Zaimanin Adonijah caah Abishag i ngen isi? Amah caah kumpibawi tohkham i ngen lawlaw hlah sim! Adonijah tu i u i ai suangbawi Abiathar le Joab khai amah hnenah ṭang kawm hehin!” tiin ti i.

SUANGBAWI LAIBU 18:8

Na pa ai a dang nupuite thawn sual in na pa mualphohnak bawn mah.

SUANGBAWI LAIBU 20:11

A pa ai nupui pakhatkhat a sualpuitu heh a pa mualphotiar imanin amahte pahnih in rekhnak tuar kawm tuh i. Amahte sualhnak man a thihnak i.

Zekhariah 8:13

Judah mi le Israel mite! Tun hlan ahcen ramdang mite pakhat le pakhat cukcam dun fangin ‘Judah mi le Israel mite vumah a hleng awnghnak hnophnak ning vumah hleng tu ve seh,’ ti dun i. Ikhalselai kaimah in ning o tuhai ciafangin ramdang mite in “Judah mi le Israel mite ai cohnak hmuifu co tu ve hram law,’ tiin pakhat le pakhat ti dun tuh i. Ciamanin ning ralpha tu ilai zaikhai lau mah ih,” tiin ti i.

1 Korin 5:1

Sakhua mite inrin zakthikul tihnak nupa sualhnak ning lakah um i ti ling ing. Mi pakhat tu a pa nunawn thawn pawl dun i, tiin i rel tlang i.

1 Samuel 13:4

Filistin ralbawipa Saul in rek i tiin le Israel mite tu Filistin mite in nautat ngai i, tiin Israel mite hmuahhmuah hnenah rel tlang sio i. Ciamanin raltho tuhin a ko fangin Saul hnen Gilgal ah feh tlang i.

1 Samuel 27:12

Ikhalselai Achish in David tu a um ze manin a thinlung niu in, “Amah ai minung Israel mite in hua tlang ze manin a nun song hmuahhmuah na i ruaih in um tuh i,” tiin ruat i.