2 Samuel 16:10 - Zanniat Bible

¹⁰ Kumpibawi in Abishai le a u Joab hnenah, “Hemi tu ning thawn seng dun lo i. Pathian in ruai manin i cukcam lekhaw, ‘Zaiman cukcam isi? tiin aisu in ti thil tuh i?” tiin ti i.

Khualsim Bible

¹⁰ Ihmansela siangphahrang ni, “Nang, nangmi Zeruiah ih tiapale rum itu kan pehpontia hmen? Bawipa ni a hemah, ‘David camkha’ a ti ruangih ma camkha a ik ahcun, ahu ni he lei, ‘Ica’h ahiti’n na ti?’ tiah a ti?” tiah Abishai cu a ti.

Falam Common Language Bible

¹⁰ Siangpahrang in Abishai le a u Joab hnenah, “Himi cu nannih thawn a seng lo. Pathian ih a fial ruangah i cam a si ahcun, ‘Ziangah so na cam?’ tiah zoso a ti thei ding?” tiah a ti.

2 Samuel 16:10 ပူးပေါင်းရင်းမြစ်များ

Seemthawhnak 50:20

Kaimah siatsuah tuhin khua ruat awng i si, ikhalselai Pathian cenin thilpha cangruai i. Ciatihin tunnia kin hmu bangin mi tampui himhnak hrang i.

2 Samuel 19:22

Ikhalselai David in Abishai le a u Joab hnenah, “Aisu in ning ruathnak ning zawt i? Kaimah caah hnaihnokhnak petu ah cang ning nuam im? Tun tu kaimah heh Israel kumpibawi ing ai tunnia ah Israel mite pakhat khai rekhnak tuar tuh lo i,” tiin ti i.

2 Samuel 19:23

Cen Shimei hnenah, “Aisu inkhai na rek tuh hrimhrim lo i,” tiin cukcam in thukham i.

2 Samuel 3:39

Kai tu Pathian ai rilmi kumpibawi inapui khal ingkhaw tunnia tu i thin i nau roh i. Hemi Zeruiah ai fapate tu kaimah caah tuar har ze i. A bawnhnak bangin he misualte vumah Pathian in cawhhnak hlengruai tu hram seh,” tiin ti i.

1 Siangphahrang 17:18

Ciafangin a nu in Elijah hnenah, “Pathian ai minung pa, zaimanin i vumah hebang thil hlengruai isi? I sualhnakte Pathian lingruai in i fapa thiruai tuhin heta ah kawi isim?” tiin ti i.

1 Siangphahrang 2:5

“Ciahlaiah thil dang na ling tuh i daihhnak tu Joab ai i tidan khiah i. Israel ralkapte hotu, Ner ai fapa Abner le Jether ai fapa Amasa heh Joab in rek i. Ral a tawng laitak ah mi a rek awnghnak phuzul in ral a um nawn lo hnuaah thisan luangruai i. Mawhhnak a nai lomi rek ai, a elpen le a kedawl ah thisan a mat manin, mimawh i.

2 Siangphahrang 18:25

Bawipa ai bawnhnak tel loin ning ram heh tawng ai siatsuah kin vuah tlang i sim? Thungai in ti fangin, Bawipa amah rori in ning ram heh tawng tuhai siatsuah tuhin thu i pe nakhaw,” tiin ti i.

Job 9:12

A daih hnakhnak mi lang i, aisu inkhai kham thil lo i. ‘Ziang bawn isi?’ ti ai thu zawt ngam tuh pawl khai ilo i.

SAAM LABU 39:9

Hetluk harsahnak tuar tuhin i bawn manin, Dapthen in um tuh ing; Kamkhat khai pong tuh lo ing.

Thusimtu 8:4

Kumpibawi thu tu a sang ber imanin amah khiah aisu in, “Ziang bawn isi?” tiin zawt ngam tuh i.

Ṭahhlapawl 3:37

Bawipa ai tumtekhnak tel loin, Zaikhai bawnsuak thil lo i.

Daniel 4:35

Laivum minungte tu Zaikhai ilo in sik i. Van ai vancungmi le laivum ai minungte tu, Amah in uk sio i. Aisu inkhai a daihhnak el thil lo i; A thil bawnhnak khai thu zawt thil lo i.

Matthai 16:23

Jesuh khai her ai Peter hnenah, “Nang Satan, i hnenin tlan tu! I fehhnak lampui khamtu i si, zaimantifangin he bangtluk na ruathnak heh Pathian hnenin a hlenghnak ilo i, minung hnenin a hlenghnak i,” tiin ti i.

Matthai 8:29

Cia sawngpah in au kawm ai, “Aw Pathian ai Fapa, nang le kin ziang seng dun ising? A can a khim hlanah kinmah cawh tuhin kawi isim? tiin ti kawm i.

Johan 18:11

Jesuh in Peter hnenah, “Na ralvang a kawng songah thun leh tu! I Pa ai i pehnak tuarhnak khuat heh ding tuh loin i ruat isim?” tiin ti i.

Rom Pawlpi Hemih Paul Laikuat 9:20

Ikhalselai, i rual, ciatihin Pathian a sawn ngamtu aisu isi? Bel in a bawntu hnenah, “Zaimanin hetihin i bawn isi? tiin zawt awng awm?

1 Piter 2:23

Mi in zohsuam fangin zohsuam thun ve lo i; harsa a tuar fangin lim thun ve lo i. Ikhalselai dikcanglairelhnak thawn thu a khantu Pathian sawn rinsan i.

1 Samuel 26:19

Aw bawipa, i thurelhnak ngai tu law. Hetihin na i ral heh Bawipa Pathian in na ruai manin ilekhaw hibawlhnak sel selai a thinnem deuh thai hmio i. Ikhalselai minung forhhnak manin lekhaw Bawipa ai cukcamhnak amahte vumah hleng tuseh. Zaimantifangin ramdang khuavangte bia tuhin hnawt sek ai Bawipa in a miphun hnenai a pehnak ram songin kai i covo hmuahhmuah i sung zo ihang.