1 Siangphahrang 6:13 - Zanniat Bible

¹³ I minung Israel mite lakah na sahnak Biakinn ah um tuhai zaikom inkhai na zam tuh lo ing,” tiin ti i.

Khualsim Bible

¹³ Israel tianaupawl lakah ka om ringring thok ih ka mi Israel cu ka mata hngai thok lo,” tiah a ti.

Falam Common Language Bible

¹³ Ka minung Israel mi lakah hi na sakmi Biakinn ahhin ka um ding ih ziangtik hmanah ka dungtun hai lo ding,” tiah a ti.

1 Siangphahrang 6:13 ပူးပေါင်းရင်းမြစ်များ

1 Siangphahrang 8:27

“Ikhalselai Pathian tu laivum ah um thil tuh ngaingai im? Khuaha vanhangpui rin heh nangmah ca a fip ze lai i. Ciamanin he biakinn i sahnak heh akontih in na thual tuh i?

1 Sansiarnak 28:20

Cen kumpibawi David in a fapa Solomon hnenah, “Kho ngai le ralpha ngai in um tulai thakol ngai in per tu; zai inkhai na thin na nauruai maseh. Bawipa Pathian, i ruaihmi Pathian tu na hnenah um tuh i. Amah in na zangtak tuh lo ai na fehsan tuh lo i; a biakinn sa na ben hlanlo na hnenah um tuh ngio i.

1 Sansiarnak 28:9

“Cen nang, i fapa Solomon, na pa ai Pathian tu kihzah tulai thin runruh in a thu hlunnuamhnak thinlung thawn a na heh ruaih tu hram law. Amah in kin ruathnak le kin thinlung a veksen in ling sio i. A hnenah kawi lesikhaw na cosang tuh i; ikhalselai zangtak lesikhaw kumzangza in na zam thun tuh ve i.

SAAM LABU 68:18

Bawipa tu tlangpardir ah kai i; A ralpomhnak tampui fehpui i. Ralthotute hnenin lehsawng tampui ngah i. Bawipa Pathian tu ciata ah um tuh i.

Suahhlannak 25:8

Israel mite in i umhnak hrang inn sa tu selai amahte lakah um tuh ing.

Suahhlannak 29:45

Israel mite lakah um tuhai a Pathian cang tuh ing.

Isaiah 57:15

Kai tu kumzangza ai a nung Pathian, a sang ngai le a Thianghlimmi Pathian ing. A sang le a thianghlim hmunah um ing; ikhalselai rinsanhnak le umlamhnak ning nai lehsal tuhin thinlung khoimi le thinlung nemmi hnen ahkhai um ing.

SUANGBAWI LAIBU 26:11

Ningmah lakah i ponhlam cianghlim songah um tuhai zaikom inkhai ning zam tuh lo ing.

2 Korin 6:16

Akontih in Pathian ai biakinn le khuasiate ai milimte tu rem dun thil tuh i? Zaimantifangin kin tu a nungmi Pathian ai biakinn ising. Pathian amah rori in: “I minung lakah i umhnak inn sa tuhai amahte hnenah um tuh ing. A Pathian i tuhai anite tu i minung i tuh i,” ti i.

Daannolhnak 31:6

Hat ngai le ralpha ngai in um tu ih. Hemi miphunte heh kih mah ih. Ning Pathian Bawipa amah rori ningmah thawn feh tuh i. Ning zam tuh lo ai ning hnawl tuh lo i,” tiin ti i.

Daannolhnak 31:8

Bawipa ani tu na hnenah um tuhai kong na hoi tuh i. Na zam tuh lo ai na hnawl tuh lo i; ciamanin na thinnau maseh, na thin khai lau mah,” tiin ti i.

Hebru 13:5

Tangka daih ze mah ih; ning naihnak ah lungkhim tu ih. Zaimantifangin Pathian in, “Ning zam tuh lo ai ning hlum tuh lo ing,” kin ti i.

Joshua 1:5

Na nunsong hmuahhmuah ah aisu inkhai na neh tuh lo i. Moses hnenai i um awng bangin na hnen ahkhai um tuh ve ing. Zaikom inkhai na hlum tuh lo ai na hnuaphnal tuh lo ing.

Thupphuan 21:3

Bawi tohkham in aw cawm ngai za ai, “Pathian umhnak inn heh minung hnenah um i. Ani tu anite hnenah um tuhai ani khai amah ai minung tuh ihang. Pathian amah rori anite hnenah um tuhai amahte Pathian tuh ihang.

1 Samuel 12:22

Pathian in a hming sal in thu ning kham ai zaikom inkhai ning zam tuh lo i; zaimantifangin amah ai minung cang tuhin a tumtekciahnak i si.