1 Siangphahrang 2:32 - Zanniat Bible

³² I pa David ling thai loin mi a rek manin Bawipa in Joab vumah phuzul tuh i. Joab in a mah tahin a pha deuh minung pahnih, mawhhnak nai lomi, Israel ralkapte hotu Abner le Judah ralkapte hotu Amasa rek i.

Khualsim Bible

³² Ka pa David ih tiah loin, amah van dingfel leh ṭhasawnmi mi pahnih – Ner ih tiapa Abner, Israel ralkapbuur ralbawi, cun Jether ih tiapa Amasa, Judah ralkapbuur ralbawi – do hngai in ralreen in a thah hngai ruangah thisan suahsak ih a thiltimi cu Bawipa ni a lu parah kirsak leh lei.

Falam Common Language Bible

³² Ka pa David ih theih loin mi a thah ruangah Bawipa in Joab parah phuba a la ding. Joab in amah hnakih a ṭha deuh mi minung pahnih, mawhnak nei lomi, Israel ralkap hotu Abner le Judah ralkap hotu Amasa a that a si.

1 Siangphahrang 2:32 ပူးပေါင်းရင်းမြစ်များ

Seemthawhnak 4:11

Tunin nangmah heh cukcamhnak tuar ai na umhnak an hnawthnak tuar tuh isi; zaimantifangin na kut ai na suahhnak na naupa thisan khiah a ka ka ai donghnak bangin laipua in hawp zo i.

Seemthawhnak 42:22

Reuben in a unaute hnenah, “Kin naupa vumah zaikhai thilpha lo bawn mah i law, ning ti awng tho ing? I thu i ngai sah nuam lo i si. Ciamanin a thih man phuzulhnak tuar ihang sing,” tiin ti i.

Seemthawhnak 9:6

Mi a rektu heh mi kut in thi tuh ve i; Zaimantifangin minung tu Pathian in amah bangin bawn i.

2 Samuel 1:16

Ciafangin David in, “Na thisan tu na lu vumah tla tuseh. Bawipa Pathian in kumpibawi tuhin a rilmi rek ing, tiin na hmurka rori in na phuang manin nangmah le nangmah na nunhnak boruai i bang si,” tiin Amalech pa heh ti i.

2 Samuel 17:25

(Absalom in Joab tumrul in Amasa heh a ralkapte hotu tuhin dah zo i. Amasa tu Ishmael mi Jether ai fapa i; A nu tu Nahash ai fanu Abigail i ai Joab ai nu Zeruiah ai unau i).

2 Samuel 3:29

A thisan heh amah Joab le a innsang vumah hleng tuseh. Sankhat hnua sankhat, Joab ai songkhat hnenah thisan sor ur maw, phar ur maw, ihlahle mah hlanlam vak ben lo ai faikiang thawn vak kul maw, raltawnghnak ai a thimi maw, ihlahle rong aih kham nai loin maw, um tlang tu ngio seh,” tiin ti i.

2 Samuel 3:37

Abner thihnak thu ah kumpibawi tu tel lo i, ti khiah David ai minungte le Israel mite hmuahhmuah in ling sio i.

2 Samuel 3:39

Kai tu Pathian ai rilmi kumpibawi inapui khal ingkhaw tunnia tu i thin i nau roh i. Hemi Zeruiah ai fapate tu kaimah caah tuar har ze i. A bawnhnak bangin he misualte vumah Pathian in cawhhnak hlengruai tu hram seh,” tiin ti i.

2 Samuel 4:11

Mawhhnak nai lomi amah inn songah a mitmu lak rori mi a rektu misualte ca ahcen zaitlukin har tuh amam i. Ishbosheth ning rek kawm manin tun rori in ning vumah phu ning zul tuhai laivum ah ning ci ning mit tuh sio i,” ti i.

1 Siangphahrang 2:44

I pa David vumai thilsual na bawnhnak hmuahhmuah heh ling sio isi. Hemi manin Bawipa in na cawh tuh i.

1 Siangphahrang 2:5

“Ciahlaiah thil dang na ling tuh i daihhnak tu Joab ai i tidan khiah i. Israel ralkapte hotu, Ner ai fapa Abner le Jether ai fapa Amasa heh Joab in rek i. Ral a tawng laitak ah mi a rek awnghnak phuzul in ral a um nawn lo hnuaah thisan luangruai i. Mawhhnak a nai lomi rek ai, a elpen le a kedawl ah thisan a mat manin, mimawh i.

1 Siangphahrang 8:32

Aw Bawipa, amahte thu tu van in ngai tulai na salte thukhan tu hram law. Misual heh a sualhnak bangin cawh tulai a mawh lomi heh a mawh lo bangin hlat tu hram law.

2 Sansiarnak 21:13

Israel kumpibawite ai nuncan ziaza hlun ai, Ahab le amah ai roltute in Israel heh lampialruai bangin, Judah le Jerusalem mite lampialruai ve isi. Nangmah tahin mipha deuhmi na unaute rek berh isi.

2 Sansiarnak 21:14

Ciamanin Bawipa in na minungte le na fate le na nupuite a roh ngai in cawh tuhai na naihnak thilri hmuahhmuah pairal tuh sio i.

Esther 1:19

Ciamanin kumpibawi lung na khim lekhaw, ‘Kumpibawi tu zaikom inkhai Vashti in tawk thil tuh nawn lo i,’ tiin Persia ram le Media ram dan laibu songah nganruai tu. Cen a tumrul in a pha deuh kumpibawinu si tu.

SAAM LABU 7:16

Amahte bawnhnak phatlohnak tu amahte hnenah hleng leh ai, Mi thisan suahhnak tu amahte lu vumah hleng leh i.

SAAM LABU 7:17

Bawipa tu a dikcangmi a imanin anghnak thu rel tuh ing. Hmualnaiber Bawipa hnenah Thangphathnak la sa tuh ing.

Ezekiel 17:19

Cungnungber Bawipa in, “Kaimah Pathian nung ihnak hming sal in rel ing: Kaimah hming sal in hlun tuhin cukcam in lungkhimhnak laikhen a bal manin cawh tuh ing.

Mipun Siarnak 32:23

Ikhalselai ning thukhamhnak hlun hlah le i sikhaw, tunin ling cia tu ih, Bawipa vumah misual i tuh i si. Ling lo i ing, tiin ti leh mah ih. Ning sualhnak in ning phorhsuak tuh thotho i.

Thuṭhentule 9:24

Hetihin a canghnak heh Gideon ai fapate sawmsarih a rektu Abimelech vumah le mi rek tuhin Abimelech a forhtu Shechem khuasong mite vumah phuzul tuhin Pathian in a bawnhnak i.

Thuṭhentule 9:57

Ciabang thotho in amahte nun sualhnak manin Shechem mite khai Pathian in lehrul thun ve i. Gideon ai fapa Jotham ai a cukcamhnak bangin amahte vumah khim i.

1 Samuel 15:28

Ciafangin Samuel in, “Bawipa in tunnia ah Israel ram ukhnak heh na hnenin lang ai nangmah tahin a pha deuhmi hnenah pe zo ihang.