1 Sansiarnak 28:9 - Zanniat Bible

⁹ “Cen nang, i fapa Solomon, na pa ai Pathian tu kihzah tulai thin runruh in a thu hlunnuamhnak thinlung thawn a na heh ruaih tu hram law. Amah in kin ruathnak le kin thinlung a veksen in ling sio i. A hnenah kawi lesikhaw na cosang tuh i; ikhalselai zangtak lesikhaw kumzangza in na zam thun tuh ve i.

Khualsim Bible

⁹ “Cun nang, ka tiapa Solomon, na pa ih Pathian hi tiah la lungṭeeklote leh zulh dawtnak thinlung rum amah rian; icatile Bawipa ni ruahnak cang a zoi, cun khuakhang cang leh ruahmi cang a tiahthiam. Na hrawl a’cun na hmuhngah kau thok; na mattaak zong a’cun kumkhua a tan mata thok.

Falam Common Language Bible

⁹ “Cule nang, ka fapa Solomon, na pa ih Pathian cu ṭihzah awla lung khat nei in a thu thlun duhnak thinlung thawn a hna cu ṭuan hram aw. Amah in kan ruahnak le kan thinlung cu a zatein a thei ṭheh. A hnenih na rat a si ahcun amah in a lo pom ding; asinain na dungtun a si ahcun kumkhua in a lo thlauthla ding.

1 Sansiarnak 28:9 ပူးပေါင်းရင်းမြစ်များ

Seemthawhnak 28:13

Cen Bawipa tu a hiangah ding i. Ciafangin Bawipa in, “Kai tu na pa Abraham le Isaac ai Pathian Bawipa ing. Na ithnak hmun le ram heh nangmah le na tesinfate ning pe tuh ing.

Seemthawhnak 6:5

Pathian in laipua vumai minungte hmuahhmuah heh a hrokhrawl in amahte thinlung ah ruathnak siava lekin dim i, ti a hmu fangin,

Seemthawhnak 8:21

Noah ai selhnak rimhmui heh Bawipa in a hnim fangin a thinlung in, “Minung ai thil bawnhnak manin laivum khiah cukcam tuh nawn lo ing. Minung tu a dawn lai in phat lohnak lek ruat i ti ling ing. Ikhalselai tunai bangin zaikom inkhai a nung mite cimpil tuh nawn lo ing.

1 Siangphahrang 3:6

Ciafangin Solomon in, “Bawipa, i pa David na sal pa, hnenah tu na ithnak catloin hmuh ai na hmaiah rinsantlak le pha bik le fel ngai in nung i. Amah na ithnak tu cat cuang loin tunnia ahkhai larruai ai amah tumrul ah a fapa heh ram uktu ah dah isi.

1 Siangphahrang 8:39

a sawngenhnak ngai sah tu hram law. Na umhnak vancung in ngai sah tulai, a sualhnak ngaithiam in bawm tu hram law. Nangmah lekin mi zongzong ai thinlung heh ling isi. Mi pakhat ṭen vumah amahte umdan bangin bawn tulai,

1 Siangphahrang 8:43

amahte sawngenhnak heh ngai sah tu hram law. Na umhnak vancung in ngai tu hram lai, amahte ngenhnak heh bawn sah tu hram law. Ciatihin na minungte bangin hemi laivum mi zongzong in nangmah heh na ling tuhai na kihzah tuh i. Cen hemi i sahnak Biakinn ah nangmah heh na bia tuhhnak i ti ling tlang tuh i.

1 Siangphahrang 8:61

Amah ai minungte ningmah inkhai tunnia ah a thu ning ngai bangin a dan le a thupehnak hmuahhmuah hlun tu ilai Bawipa kin Pathian ai rinsantlak in um tu ngio ih,” tiin ti i.

2 Siangphahrang 20:3

“Aw Bawipa, nangmah ai rinsantlak le thinlung i naihnak a veksen thawn na ruaih ai na hmaiah a pha lek bawn ing, ti ling sio isi,” ti ai a roh ngai in kap i.

2 Siangphahrang 21:22

A pupate ai Pathian Bawipa tu hnawl ai a thupehnak hlun nuam lo i.

2 Siangphahrang 22:2

Josiah tu Bawipa daihdan bawn i; a pu kumpibawi David ziaza hlun ai Pathian ai thupehnakte fel ngai in hlun i.

1 Sansiarnak 22:19

Tunai panin ning thinlung veksen le ning thazang veksen thawn Bawipa ruaih tu ih. Bawipa ai Thutiam Kuang le amah biahnak ai hmanghnak thilri cianghlim pawl dahhnak le a hmingthanghnak tuhin Bawipa ai Biakinn khiah sa tu ih,” tiin ti i.

1 Sansiarnak 28:8

“Ciamanin i ram song mite, hemi ning khurhnak rampha heh ning co thil tuh ngio in le ning tesinfa hnenah sankhat hnua sankhat ning co thil hlen tuhin Bawipa kin Pathian ai thupehnak heh fimkhur bik in hlun tu ih, tiin Bawipa ai mithmuh ah le Bawipa ai minung he Israel mite a khawmtute zak in thu ning cah ing.

1 Sansiarnak 29:9

Mizapui in thatho ngai in pe tlang ai cia zahzah a pe ben heh ang tlang ngai i. Kumpibawi David khai ang ngai i.

2 Sansiarnak 12:5

Shishak lau in Jerusalem khua songah a tlantu Judah hotute le kumpibawi Rehoboam hnenah prophet Shamaiah heh feh ai, “Bawipa in ‘Kaimah i zangtak manin Shishak kut songah ning hlengruai ing,’ ti i,” tiin rel i.

2 Sansiarnak 15:2

kumpibawi Asa hnenah kawi ai, “Kumpibawi Asa, Judah le Benjamin mite, i ngai tu ih! Bawipa lamah ning ṭang song ahcen Bawipa in ning ṭan ve i. Amah si le i sikhaw tawk thai in um tuh i; ikhalselai zangtak le i sikhaw ning zangtak tuh ve i.

2 Sansiarnak 6:30

ngai sah tu hram law. Vancung na umhnak an ngai sah tulai amahte sualhnak ngaithiam tu law. Minung ai thinlung le ruathnak tu nangmah lekin ling isi. Amahte bawnhnak ṭen sik in amahte thu rel tulai,

Ezra 8:22

Kin fehhnak lampui ah ralte kut in kin kiltu tuhin kumpibawi hnenin siphuh vumto ralkapte ngen tuhin zak i thi lawnsi i, zaimantifangin kin Pathian tu amah rinsantu heh hmuifu pe ai amah a zangtaktu vum ahcen a lungawi lo i, tiin kumpibawi hnenah rel awng zo ing.

SAAM LABU 101:2

Sawibang lo nun zir ing; Zaikom fangin na hnenah hleng thil tuh ing? I inn songah thinlung dap niu in nung tuh ing.

SAAM LABU 139:2

I thil bawnhnak hmuahhmuah ling sio isi. Lamhlapui in i ruathnak ling sio isi.

SAAM LABU 17:3

Nangmah in i thinlung i ling isi; Zan fangin i leng de ai, I lek dekdo sio zo inkhai, I songah phatlohnak zaikhai hmu lo isi. I hmurka in ponsia pong lo i.

SAAM LABU 18:2

Bawipa tu i khakber, I vingpui le i otu i. I Pathian tu i buan hmun khakber i lum le i nun otu hathnak i; amah in himhnak i pe i.

SAAM LABU 7:10

Pathian tu i lum i ai i huptu i. Amah ai daihhnak a hluntute huptu i.

SAAM LABU 7:9

Nang tu a dikcangmi Pathian isi, I ruathnak le i daihhnak khai thukhan isi. Mihrokhrawlte ai phatlohnak boruai tulai, Miphate lehsawng pe tu.

SAAM LABU 89:26

Ani in, “Nang tu i pa le i Pathian isi; I lungpui le i otu isi,’ iti tuh i.

SAAM LABU 89:38

Ikhalselai na rilmi kumpibawi vumah thin na raw i; Ani tu hlum zo isi ai hnawl zo isi.

SAAM LABU 9:10

Aw Bawipa, na hming na lingtu in na rinsan tuh i, Zaimantifangin na hnen a kawitu heh zangtak awng lo isi.

Suahhlannak 15:2

Bawipa tu i hathnak le i thazang i, I otu khai amah i, I Pathian i ai, thangphat tuh ing; I pa ai Pathian a thupui zia cawimawi tuh ing.

Suahhlannak 3:16

Feh in, Israel konghoitute kokhawm tulai anite hnenah, Bawipa, ning pupate ai Pathian, Abraham, Isaac le Jacob ai Pathian heh i hnenah lar ai hetihin ning rel tuhin i ruai i! ‘Ning hnenah kawi awng zo ai Egypt mite in ning vumai bawnhnak khiah hmu zo ing.

Aanroling 17:3

Sui le ngun tu mai in cu de i. Minung thinlung tu Bawipa in cu i.

Aanroling 3:6

Na bawnhnak cangcang ah Pathian ling tu ngio lai, Amah in lampui dik na hmuh tuh i.

Aanroling 4:4

I pa in hetihin nun thu i tiam i, “I relhnak thu heh hih tu ngio lai, Zaikom inkhai hai mah. I relhnak bangin bawn tulai na nung tuh i.

Isaiah 1:28

Ikhalselai a sualtu le amah tawngtu hmuahhmuah vut sek in rial tuhai amah a hnawltute tu rek tuh sek i.

Isaiah 38:3

Aw Bawipa, i cak song hmuahhmuah ah nangmah rinsan le rinsantlak in na ruaih zo ai bawn tuh na daihsahhnak ian bawnsuak tum ṭio khiah hih tu hram law,” tiin ti i. Cen a rohpui in kap dekdo i.

Isaiah 45:19

A thupruk in rel lo ing, I tumtekhnak khai hmu thai lo hmunah thup lo ing. ‘Ramkhing le nelrawn ah i si tu ih,’ tiin Israel mite ti awng lo ing. Kai tu Bawipa ing ai thutak rel ing. Thudik phuang ing,” tiin ti i.

Jeremiah 11:20

Cen hetihin sawngen ing, “Aw Cungnungber Bawipa, nang tu dikcanglairelhnak thawn thu a relcattu isi. Mi ai ruathnak le thinlung cu de isi. Na kut songah i thu khiah na pe ing; hemite vumah phuzul isi, ti i hmuruai tu hram law,” ti ing.

Jeremiah 17:10

Kaimah Bawipa in mihing ai thinlung tu hmu ai amahte songlam thil cu ing. Mi zongzong amahte nundan in sik ai, Amahte bawnhnak bangin rulthun ve ing,” ti i.

Jeremiah 20:12

Cungnungber Bawipa, nang in dik ngai in mi cu de isi. Mi ruathnak le thinlung songah, ziang um i ti ling isi. Ciamanin i ralte vumah phu na zulhnak tu i hmuruai tu hram law. Zaimantifangin i thula tu na kut songah na pe ing.

Jeremiah 22:16

Mifarahte ai thu khai dikcang ngai in rel sah i. A lampui tluang ngai i. Bawipa ling tihnak tu ciami ihang.

Jeremiah 24:7

Bawipa ing ti khiah amahte in ling nuamhnak thinlung pe tuh ing. Ciatihin kaimah minung cang tuhai kai tu amahte Pathian cang tuh ing. Zaimantifangin amahte thinlung veksen thawn kaimah hnenah let tuh i.

Jeremiah 29:13

Ningmah in i si tuhai i hmu tuh i si. Ning thinlung taktak in i si fangin!

Jeremiah 29:14

I, i hmu tuhai ning khua le ning ramah ning letruai tuh ing, tiin ning rel ing. Khuacang le ramcang ah ning piakhnak in ning khawm tuhai sal ning tanghnak hlanai ning umhnak ramah ning hoi leh tuh ing. Kaimah Bawipa in rel zo ing,” tiin ti i.

Jeremiah 31:34

Aisu khai pakhat le pakhat; a innhnen ituseh, a unau ituseh, Bawipa ling tuhin zirh dun le rel dun kul tuh nawn lo i. Zaimantifangin a lian a cik in amahte veksen in i ling tlang tuh i. Amahte sualhnak ngaithiam tuhai a mawhhnak hih tuh nawn lo ing. Kaimah Bawipa in rel zo ing,” tiin ti i.

Jeremiah 9:24

Aisu inkhai uar dun nuam lekhaw Kaimah i linghnak le i lingthiamhnak ah uar dun tu sawn seh. Zaimantifangin i ithnak tu bo nia rel lo ai, A dikcang le a hman bawn ngiode ing. Hemi heh lung i awiruaitu i. Kaimah Bawipa in rel zo ing,” ti i.

Ezekiel 11:5

Bawipa ai rauhla in i zel ai Bawipa ai thu tu hetihin rel tuhin i ruai i: “Aw Israel mite, ning ponghnak le ning khuakhanhnak hmuahhmuah ling sio ing.

Ezekiel 38:10

Cungnungber Bawipa in Gog hnenah, “Ciami can a hleng fangin nangmah in thu pha lo ruat tuhai ngaisung tuh dekdo isi.

Hosea 4:1

Bawipa in he ram songai a umtute vumah mawhhluk zo i. Aw Israel, a relhnak heh ngai tu: “He ram songah cenin ithnak um lo ai rintlakhnak khai um lo i. Minungte in a Pathian ah i ruat lo i.

Hosea 4:6

I mihingte in kaimah i ling nuam lo manin bo tuh sek i. Ningmah suangbawite khai i ling ning nuam lo ai i thuzirhhnakte lon i si. Ciamanin ning tu kaimah in ning hnawl ai ning fapate khai i suangbawi cang thil tuh nawn lo i.

Johan 1:47

Jesuh in Nathanael a kawi heh hmu fangin, “Israel mi taktak heh sik tucuk ih! A thinlung ah zaikhai hrokhrawlhnak um lo i,” tiin ti i.

Johan 17:3

Ciami kumkhua nunhnak tihnak tu nangmah ian Pathian taktak isi ti ling le na hlat mi Jesuh Khrih ling khiah i.

Johan 2:25

Amahte thula tu midang in rel salawn kul lo i, zaimantifangin amahte thinlung zaibang i, ti khiah amah in ling sio i.

Johan 21:17

Jesuh in, “John ai fapa Simon, i it aw sim?” tiin vel thumhnak zawt lehthio i. Ciatihin vel thum tian Jesuh in, “I it aw sim?” tiin a zawt manin Peter tu a lungsia ai Jesuh hnenah, “Bawipa, nang tu zaizongza ling hlen isi. Na it ing, ti khai ling sio hlen isi!” tiin ti i. Cen Jesuh in, “I tuute kilkhawl tu.

Johan 4:24

Pathian tu rauhla i ai, a biatute in rauhla le thutak in bia tuh i,” tiin ti i.

Johan 8:55

Ning incen ling awng lo i si; ikhalselai kai cenin ling ing. Ani tu ling awng lo ing ti lengkhaw ningmah bang thotho in thudonreltu i tuh ing. Ikhalselai ani tu ling taktak ai a thu khai hlun ing.

Tirhthalahle 1:24

Cen sawngen tlang ai, “Bawipa, nang in mi thinlung song ling sio isi; hemite pahnih lakah aisu deuh ril isi ti larruai tu law;

Tirhthalahle 17:23

Zaimantifangin ning khua songah i vak fangin Pathian ning biahnak hmunte khai sik ai puleng pakhat vumah ‘Kin Ling lomi Pathian Hnenah,’ tiin ning nganhnak hmu ing. Ciatihin ning ling lo cing in ning biahnak Pathian heh tunai ning hnenah i phuanghnak heh ihang.

Tirhthalahle 17:30

Minung in Pathian ling loin a um awng can heh amah Pathian in hmu lo bangin um san menma i; ikhalselai tuh ahcen ning nuncan pha lohnak in sualsir tuhin mi zongzong heh ruai i.

1 Korin 15:34

Ning thinlung fimruai leh tu ilai ning sualhnak tu awl tuhang ih. Mi hrekkhat tu Pathian khai ning ling lo manin zak ning thi tuseh i tihnak i.

2 Korin 4:6

“Khuathim songin tleuhnak suak tuseh,” tiin a titu Pathian tu Jesuh Khrih ai mithmai ai Pathian songlawihnak khiah kin lingthilhnak tuhin kin thinlung songah a tleuhnak kin petu Pathian Amah thotho i.

2 Korin 8:12

Sianghnak thinlung nai le i sikhaw ning pehnak Pathian in co tuh i; Pathian in ning nai lohnak ning ngen lo i.

2 Korin 9:7

Aisusu khai a thinlung khancat ngah hnuaah pe tuseh; sirhnak thawn pe maseh; i ṭuanvo i, ti inkhai pe maseh. Lungawi aipuang ai a petu ian Pathian in daih i.

Daannolhnak 10:12

“Ciamanin, aw Israel mite, Bawipa ning Pathian ai ning ruaihnak heh phatak niu in ngai tu ih. Bawipa kihzah tu ilai a thupehnak hmuahhmuah heh bawn tu ih. Ning thinlung a veksen in amah it tu ilai amah ruaih tu ih.

Daannolhnak 31:21

Cen ursia a phunphun amahte vumah hleng tuh i. Ciafangin he la tu anite i ṭanpui lohnak larruaitu ah cang tuh i; zaimantifangin amahte tefate inkhai sa tlang tuh ṭiohnak la i. Tun inkhai i thukhamhnak ram a hleng hlanah khai amahte thinlung akon lam hoi i, ti ling zo ing,” tiin ti i.

Daannolhnak 4:35

Amah lek Pathian i ai a dang Pathian um lo i, ti ning linghnak tuhin he thilte heh Bawipa in ning hmuh i.

Hebru 12:28

Ciatih imanin lungawi aipuang in um tlang ngasing. Zaimantifangin a hlin thilh lomi ukhnak co zo ising. Pathian hnenah kin anghnak larruai ngasing khaw a lungawi zawng in Ani tu upathnak le kihzahhnak thawn bia tlang ngasing.

Hebru 4:13

Pathian hmaiah zaikhai kin thupthilhnak um lo i. Pathian ai semsuahhnak thil hmuahhmuah heh a hmaiah pharh sio le hong sio bangin lar i. Ni khatkhat ah amah hnenah thula kin naihnak hmuahhmuah phuang tuh sio ising.

1 Piter 5:2

Pathian ai ning pehnak tuurual khaltu cang tu ih; ai-im kongin a khaltu ilo in Pathian ai daihhnak bangin thintha tho ngai in a khaltu cang tu ih. Naper fangin hlawhman ngah hiam manin ilo in daihhnak taktak thawn per tu sawn ih.

Thupphuan 2:23

Amah a hluntute khai rek tuhai ciatihin pawlpui hmuahhmuah in minung ruathnak le tumtekhnak a ling sektu ing ti khiah i ling tlang tuh i. Cen aisusu inkhai a bawnhnak bangin a man ngah tuh i si.

1 Samuel 12:20

Ciafangin Samuel in, “Ning thinlau mah ih. Thil siava bawn zo napui i sikhaw Bawipa hnenin pial nawn mah ih. Ning thinlung veksen in amah ruaih tu sawn ih.

1 Samuel 16:7

Ikhalselai Bawipa in a hnenah, “Hemi pa tu misang ngai le mipiang ngai ikhalselai sik nuam mah. Ani tu i hnawlhnak i, zaimantifangin minung sikdan in Kaimah Bawipa in sik lo ing. Minung cenin a pualam thil sik i si, kai tu a thinlung sik ing,” tiin ti i.