1 Samuel 7:3 - Zanniat Bible

³ Ciafangin Samuel in, “Ning thinlung taktak in Bawipa ben ning nuam lekhaw ramdang khuavangte le Astartes khuavang nu ai zukte heh lon tusek ih. Ning nunhnak a veksen in Bawipa hnenah pe tusek ilai amah lek bia tu ih. Ciatihin Filistin mite in nehhnak songin Bawipa in ning luatruai tuh i,” tiin ti i.

Khualsim Bible

³ Cuhnukah Samuel ni Israel mi an zate hemah, “Nan thinlung zate rum Bawipa la ih nan kirṭhan a’cun ramdang khuazingpawl leh Astartes ih muideupawl hi nan lakin zam hngai uh. Nan thinlung Bawipa laah hoi uh, cun amah ceu, culeh Filistin mipawl ih kut sungin a tan ruangsuak hngai thok,” tiah a ti hngai.

Falam Common Language Bible

³ Cutikah Samuel in, “Nan thinlung taktak ih Bawipa nan pan duh a si ahcun ramdang khawzing pawl le Astartes khawzingnu ih zuk pawl hi nan hlon ṭheh pei. Nan nunnak a zatein Bawipa hnenah pek ṭheh uhla amah lawng biak uh. Cuticun Filistin mi pawl ih nehnak sung ihsin Bawipa in a lo luatter ding a si,” tiah a ti.

1 Samuel 7:3 ပူးပေါင်းရင်းမြစ်များ

Seemthawhnak 35:2

Ciafangin Jacob in a songkhat le amah thawn umtu minungte hnenah, “Ramdang mite khuavang milim hmuahhmuah lon tusek hang ih; ning ruangpum cianghlimruai in hnikpon cianghlim sil tu ih.

1 Siangphahrang 11:33

Solomon in i hnawl ai Sidon khuazingnu Astartes le Moab khuavang Khemosh le Ammon khuavang Milkom a bia manin a vumah hebang thil i bawn tumhnak i. Solomon in i thu ngai lo i. Thilsual bawn ai i dan le i thupehnakte heh a pa David bangin hlun lo i.

1 Siangphahrang 8:48

Ciami ram an thutak in le thinlung tak in sir ai a pipute hnenah na pe zohnak he ram le, na ril zohnak hemi ram le, na ril zohnak hemi khuapui le, nangmah ca i sa zohnak Biakinn lam hoi in sawngen lekhaw,

2 Siangphahrang 17:39

Bawipa ning Pathian kaimah heh i kihzah tlang tuhai ning ralte kut songin ning suah tuh ing,” tiin thupe awng i.

2 Siangphahrang 23:15

Nebat ai fapa, Israel mite sualhnak songah a hoitu, kumpibawi Jeroboam in Bethel ah khuavang bia hmun a sahnak tu Josiah in bal sek i. Puleng khai a bal hnuaah lung birhnak pawl seu sek ai a vut tian rial dek i. Asherah biahnak ai a khuam cianghlim khai tai sek i.

1 Sansiarnak 22:19

Tunai panin ning thinlung veksen le ning thazang veksen thawn Bawipa ruaih tu ih. Bawipa ai Thutiam Kuang le amah biahnak ai hmanghnak thilri cianghlim pawl dahhnak le a hmingthanghnak tuhin Bawipa ai Biakinn khiah sa tu ih,” tiin ti i.

1 Sansiarnak 28:9

“Cen nang, i fapa Solomon, na pa ai Pathian tu kihzah tulai thin runruh in a thu hlunnuamhnak thinlung thawn a na heh ruaih tu hram law. Amah in kin ruathnak le kin thinlung a veksen in ling sio i. A hnenah kawi lesikhaw na cosang tuh i; ikhalselai zangtak lesikhaw kumzangza in na zam thun tuh ve i.

2 Sansiarnak 19:3

Ikhalselai na phathnak khai um ve i: midang ai a biahnak khuazingnu Asherah limte lon ai Bawipa ai daihhnak si ṭio isi,” tiin nunthutiam i.

2 Sansiarnak 20:33

ikhalselai khuavang a biahnak hmunte tu bal lo i. Mizapui in a pupate ai Pathian heh amahte thinlung hmuahhmuah in bia tlang lo i.

2 Sansiarnak 30:19

“Aw Bawipa, kin pupate ai Pathian, cianghlimmi ilo napui thinlung takniu in na biatute heh na ninghiohnak thawn ngaithiam tu hram law,” ti i.

Aanroling 16:1

Minung in khuakhan tuh ising; Ikhalselai a tawphnak ah thunaitu heh Pathian i.

Isaiah 55:7

Mihrokhrawl in a ziaza hlum in a ruatdan thleng tuseh. Bawipa kin Pathian hnenah let tu selai, ngaithiam tuh vut i. Amah tu mi ninghiotu i.

Jeremiah 24:7

Bawipa ing ti khiah amahte in ling nuamhnak thinlung pe tuh ing. Ciatihin kaimah minung cang tuhai kai tu amahte Pathian cang tuh ing. Zaimantifangin amahte thinlung veksen thawn kaimah hnenah let tuh i.

Jeremiah 36:3

Judah mite vumah siatsuahhnak hlengruai i tumhnak heh za ai amahte nuncan thleng thil pang selai! Ciatihin anite sualhnak le phat lohnak pawl ngaithiam tuh napui ing!” tiin ti i.

Jeremiah 4:1

Bawipa in, “Aw Israel mite, let ning nuam lekhaw i hnenah let tu ih. I ningdulhnak milim bia heh lon ai i hmaiah rintlak le kho ngai in um le i sikhaw,

Ezekiel 14:6

“Tun in Israel mite hnenah kaimah Cungnungber Bawipa in, “Sir tu ih! Let leh tu ilai ningdulkul ning milimte heh hlum tu ih,’ i tihnak tu rel tu law.

Ezekiel 18:31

Thil pha lo ning bawnhnak thliahthlo heh awl tuhang ilai thinlung thar le ruathnak thar nai tuhang ih. Israel mite, Zaimanin thi ning nuam i?

Hosea 14:1

Aw Israel mite, Bawipa ning Pathian hnenah let tu ih. Ning sualhnak manin ning bah zo ai ning tlu zo i.

Matthai 15:8

“Hemite in a ka lekin i upat tlang ai amahte thinlung ngaingai incen kaimah thawn hla ngai i.

Matthai 4:10

Ciafangin Jesuh in, “Satan, tlan tu, zaimantifangin Lai Thianghlim in ‘Bawipa na Pathian bia tulai amah na ian per tuh isi,’ ti i,” tiin sawn i.

Matthai 6:24

“Aisu inkhai bawite pahnih ai sal cang thil lo i. Pakhat daih tuhai pakhat hua tuh i. Pakhat hnenah rinsantlak in um tuhai pakhat tu zohsuam tuh i. Pathian le tangka ruaih kawm thil tuh lo i si.

Luka 4:8

Jesuh in, “Lai Thianghlim in ‘Bawipa na Pathian bia tulai amah lek ruaih tuh isi,’ ti i,” tiin ti i.

Johan 4:24

Pathian tu rauhla i ai, a biatute in rauhla le thutak in bia tuh i,” tiin ti i.

Daannolhnak 10:20

Ciamanin Bawipa ning Pathian kihzah tu ilai amah lek bia tu ih. Amah hmaiah rinsantlak in um tu ilai amah hming lekin thukham tu ih.

Daannolhnak 13:4

Bawipa ning Pathian heh hlun tu ilai kihzah tu ih. Amah thu ngai tu ilai a thupehnak bawn tu ih. Ani tu bia tu ilai rinsantlak mi cang tu ih.

Daannolhnak 4:29

Ciata ah Bawipa ning Pathian heh si tlang tuhai ning thinlung runruh in si le i sikhaw ani tu tawk tuh i si.

Daannolhnak 6:13

Bawipa ning Pathian ian kihzah tu ih. Amah lek ruaih tu ilai amah hming lekin thukham bawn tu ih.

Joshua 13:31

Gilead ram a hrek, Bashan ram song Og kumpibawi ukhnak ram khuapui; Ashtaroth le Edrai khai tel i. Hemi ram le khuapuite tu Manasseh ai fapa Machir ai tefa hrekkhat innsangte hnenah pehnak i.

Joshua 24:14

“Ciamanin Bawipa tu kihzahhnak thawn bia tu ilai ani tu rinsantlak le thinlung tak in ruaih tu ih. Ning pupate in Masopotamia ram le Egypt ramai amahte biahnak a dang khuavangte tu hnawl tuhang ilai Bawipa ruaihtu cang tuhang ih.

Joshua 24:23

Cen Joshua in, “Ciatih ilekhaw ning lakai um ramdang pathian milimte lon tusek ilai Israel mite Pathian Bawipa hnenah ning thinlung pe tu sio ih,” tiin ti i.

Thuṭhentule 10:16

Ciatihin hinnam dang khuavang amahte naihnakte khiah lon sio ai Bawipa khiah bia tlang i. Cen Israel mite ai harsa tuarhnak khiah a hmu fangin Bawipa tu a thin nuam thil nawn lo i.

Thuṭhentule 10:6

Israel mite tu Bawipa mithmuh ah sual tlang lala i. Baal tihnak khuavangte, Astartes tihnak khuavangte, le Syria ai khuavangte, Sidon ai khuavangte, Moab ai khuavangte, Ammon ai khuavangte, le Filistin ai khuavangte bia tlang i. Bawipa Pathian khiah zangtak ai bia nuam tlang nawn lo i.

Thuṭhentule 2:11

Bawipa hmaiah Israel mite tu sual ai Baal khuavangte bia sawn i.

Thuṭhentule 2:13

Bawipa khiah hnuaphnal in Baal khuavang le Ashtarte khuavang sawn bia tlang i.

1 Samuel 31:10

Cen Saul ai ralthuam tu Astartes khuazingnu bia hmun inn ah dah ai a luang tu Bethshan khuapui kulhhnak ving vumah tar i.