1 Samuel 30:6 - Zanniat Bible

⁶ David tu vansang in um i. Zaimantifangin a minungte ai fate tu sal ah hoi sek manin thin ur tlang ngai ai David khiah lungto in sep tum i. Ikhalselai a Bawipa Pathian hnenin thahathnak ngah i.

Khualsim Bible

⁶ David cu a thin a har ngaite; icatile mi hmawhhmawh cu an tiapapawl leh an tianule caah an thin a tiah ruangah mipi ni cu lung in phon ding an ang. Ihmansela David cu Bawipa a Pathian hemin thazaang a ngah.

Falam Common Language Bible

⁶ David cu vansanglam in a um. Ziangahtile a milai pawl ih faate pawl cu salih hruai thluh an si ruangah an thin a na ngaingai ih David cu lungto ih den an tum. Asinain a Bawipa Pathian hnen ihsin thazaang cahnak a ngah.

1 Samuel 30:6 ပူးပေါင်းရင်းမြစ်များ

Seemthawhnak 32:7

Cia thu a za fangin Jacob tu a thinlau in hlawng i. Ciamanin a hnenah umtu minungte le tuu le me, kawlpaw le kalaukte heh bur hnih in khan i.

2 Samuel 17:8

Na pa David le a ralkapte tu raltawng cia bang i ai tupui songai a fate sutsahhnak vom bangin a laukul i ti khiah nangmah in ling sio isi. Na pa tu raltawng ciabang i ai zan ah a ralkapte hnenah cam lo i.

2 Siangphahrang 4:27

Ikhalselai Elisha hnen a hleng fangin a hmaiah ut ai a ke heh kuah i. Gehazi in tul tum teu napui Elisha in, “Tul malaw. A vansang i ti hmu lo isim? Bawipa in a vansanghnak thu le i rel fawn lo i,” tiin ti i.

Job 13:15

Umlamhnak nai nawn lo ing, Pathian in i rek tuh i; Ikhalselai i nunhnak tu a hnenah, a hmai rori ah hlenpui tuh ing.

SAAM LABU 116:10

“I bo lawlaw ihang,” ti napui ingkhaw i sanghnak tha i niar cuang lo i.

SAAM LABU 138:3

Na ko fangin i awi isi; Na thazang in i hatruai i.

SAAM LABU 18:2

Bawipa tu i khakber, I vingpui le i otu i. I Pathian tu i buan hmun khakber i lum le i nun otu hathnak i; amah in himhnak i pe i.

SAAM LABU 18:6

Harsahnak i tawk fangin Bawipa ko ing; I bawm tuhin i Pathian ko ing. A Biakinn in i aw za i; I auhnak aw a bil songah lut i.

SAAM LABU 25:17

I thinlung donharhnak a veksen in i sawng tulai, I harhnak songin i o tu hram law.

SAAM LABU 27:14

Bawipa tu iang tu ih; Hat ngai le ralpha ngai in um tu ih; Bawipa tu iang tu ih.

SAAM LABU 31:24

Bawipa ah umlamhnak a naitute tu hat le ralpha in um tu ih.

SAAM LABU 42:11

Zaimanin hetluk lawmlam in lung i sia ini? Zaimanin hetluk lawmlam in thin i cawl ini? Ikhalselai i umlamhnak tu Pathian ian i. Ani tu thangphat not leh tuh ing. I otu le i Pathian khiah!

SAAM LABU 42:5

Zaimanin hetluk lawmlam in lung i sia ini? Zaimanin hetluk lawmlam in thin i cawl ini? Ikhalselai i umlamhnak tu Pathian lek i. Ani tu thangphat not leh tuh ing; I otu le I Pathian khiah!

SAAM LABU 42:7

Tipuithuanthum thuk in ti thuk a dang ko i; Lungsiahnak tu i nunhnak songah tilep bangin le tilawi bangin hleng i. Lungsiahnak tilep bang i.

SAAM LABU 56:11

Amah rinsan ai zaikhai i lau tuh lo i. Mihing in i vumah zai bawn thil tuh i?

SAAM LABU 62:1

Pathian amah ian i nunhnak in dap niu in iang i; I nunohnak tu amah hnenin hleng i.

SAAM LABU 62:5

Pathian amah ian i nunhnak in dap niu in iang i; I umlamhnak tu a hnen lek ah um i.

SAAM LABU 71:4

Aw i Pathian, hrokhrawl mite kut songin i hup tu; Ninghiohnak nai lo le misiavate kut songin!

SAAM LABU 71:5

Aw Bawipa, i umlamhnak cenin nangmah ah um i; Aw Bawipa, i sen lai in nangmah na rinsan zo ing.

Suahhlannak 17:4

Cen Moses tu Bawipa hnenah a roh ngai in sawngen ai, “Hemite heh akontih in ti tuh ing? Kaimah sawn lungto in i sep tum ihang,” tiin ti i.

Aanroling 18:10

Bawipa tu a kho ngai buan hmun inn sardonsang i; Midikcangte tu ciata ah feh ai him tlang i.

Isaiah 25:4

Mifarah le bawmtu nai lote na hnenah kawi ai Harsahnak can ah khai him tlang i. Hlisia a zuang fangin buan hmun pe ai, Ni sa fangin cawlumhnak nihlim pe isi. Khuasikcu ai hlisia bang i. Ninghiohnak nai lote in tawng i.

Jeremiah 16:19

Aw Bawipa, nangmah in kin hup ai hathnak i pe isi. Harsahnak can ah i bawm isi. Vanham tong in miphun tampui kawi tlang tuhai na hnenah, “Kin pupate in thudon khuavang siar lo zaikhai nai tlang lo i; amahte naihnak tu zaikhai hnempui lo milim lek i.

Jonah 2:2

“I rimsu harsahnak lakin Bawipa ko ai amah in i ling i. Mithi khua an bawmhnak ngen ing, I auhnak i za zo i.

Mipun Siarnak 14:10

Ikhalselai Israel mizapui in amahte sawn lamlam lungto in sep tum tlang i. Ciafangin rinlopui in mizapui in Bawipa huham tleu ponhlam vumah lar khiah hmu tlang i.

Matthai 21:9

Jesuh hmaiah a fehtute ituseh, a hnua lamin a hluntute in ituseh, amahte veksen in: “Hosanna! David ai fapa thangphat tu ih! Bawipa hming ai a kawitu heh Pathian in hmuifu pe tuseh! Hosanna! Pathian tu van a sang ber ah thangphat tu ih!” tiin au tlang dekdo i.

Matthai 27:22

“Ciatih ilekhaw Messiah tihnak Jesuh tu akontih in bawn tuh ing?” tiin Pilat in zawt i. “Thinglamteh vumah rek tu,” tiin amahte veksen in ti tlang i.

Johan 8:59

Cen lungto khul ai sep tum tlang i, ikhalselai Jesuh tu relh ai Biakinn in tlan teu i.

Rom Pawlpi Hemih Paul Laikuat 4:18

Abraham in tu sang ai umlam tuh zaikhai a um nawn lo hnuaah rin umlam thotho lai manin, “Miphun tampui ai pa,” ah cang i. Lai Thianghlim in, “Na tesinfate tu van ai arsi zah tuh i,” a tihnak khim i.

Rom Pawlpi Hemih Paul Laikuat 4:20

Pathian thukhamhnak khai sang loin um cuanglo i; a sanghnak in hathnak pe sawn ai Pathian thangphat i.

Rom Pawlpi Hemih Paul Laikuat 8:31

Hemi hmuahhmuah kin ling hnuaah zai rel tuhlai ising? Pathian kin lamah ṭang lekhaw aisu in kin tawng thil tuh i?

2 Korin 1:6

Harsa kin tawkhnak heh ningmah ai hnem tuhhnak le nunohnak caah i. Kinmah bawmhnak ngah lesingkhaw harsahnak kin tuarhnak heh thinsauhnak thawn ning khai tuar ben tuh ve in bawmhnak le thazang a ngahtute i si.

2 Korin 4:8

Kin cingkim in a roh ngai in kin rial napui kin keh kin zan lo i; a cancan ah multing aican in um i ing, ikhalselai kin vansang lo i.

2 Korin 7:5

Macedonia kin hleng hnuaah khai dap niu in cawlum can nai lo ing. Khuahacang ah hnaihnokhnak um i: midang thawn tawngdunhnak a pualam ah um ai kin thinlung songah thinlauhnak um fawn i.

Hebru 13:6

Ciatih imanin ralpha in um ngasing khaw, “Bawipa tu i bawmtu i, thin kin lau tuh lo i. Mi in kin vumah ziang bawn thil tuh i?” tiin ti ngasing.

Thuṭhentule 18:25

Dan ralkapte in, “Au cop mah! Um tu menma! Hemi ralkapte a thinrawtiar lesikhaw nangmah le na innsang a veksen in ning thi tuh sek menma i,” tiin ti i.

Thuṭhentule 20:22

Israel mite tu Bethel khua ah feh ai Bawipa hmaiah zan lam tian lungsia thinpem in kap tlang i. Cen a nite in, “Kin unau Benjamin tawng tuhin feh leh nga ing maw?” tiin Bawipa zawt tlang lala i. Ciafangin Bawipa in, Feh tu ilai tawng leh tu ih,” tiin ti i. Ciamanin Israel ralkapte tu a tha tho leh ai amahte ralkapte tu a hmasa ai a ṭanghnak hmun thotho in ṭangruai leh i.

1 Samuel 23:16

Jonathan heh a hnenah feh ai Bawipa hming in thin nau tuh loin tha pe i.

1 Samuel 28:15

Ciafangin Samuel in Saul hnenah, “Zaimanin i hnaihnok isi? Zaimanin i letruai isi? tiin zawt i. Saul in, “Van i sang ze i. Filistin mite in kin tawng ai Pathian in i zam zo i. I thuzawthnakte i sawn lo i. Prophet ituseh, mang in ituseh, i sawn hrimhrim lo i. Ciamanin ziang bawn tuh ing, ti i reltu tuhin na ko ing,” tiin ti i.