1 Samuel 24:12 - Zanniat Bible

¹² Aisu sawn kin mawh i, ti Bawipa Pathian in rel tuseh. Nangmah heh tlawmniu khai na tuahmawh lo ai nang cenin i ral manin Pathian in na cawh tu hram seh.

Khualsim Bible

¹² Bawipa ni nang leh kei kan lakkarah thu man ṭhen hram seh. Bawipa ni na parah phulei ma sam piak hram seh; ka kut ni zong cu a tan ralsan thok lo.

Falam Common Language Bible

¹² Zo sawn kan mawh ti cu Bawipa Pathian in run rel hram seh. Nangmah cu malte hman ka lo tuahmawh lo ih nang cun i ral ruangah Pathian in lo cawh hram seh.

1 Samuel 24:12 ပူးပေါင်းရင်းမြစ်များ

Seemthawhnak 16:5

Ciafangin Sarai in Abram hnenah, “Hagar in hetihin zoh i suam heh nangmah mawhhnak i. I sal nu heh kaimah in na pe ing. Ikhalselai naupai zo ing ti a ling sawngpah in zoh i suam dekdo i. Bawipa in nang maw kaimah, aisu dik sawn deuh ti thu kin khan tu hram seh,” tiin ti i.

Seemthawhnak 31:53

Abraham ai Pathian le Nahor ai Pathian tu kin karlak ah thukhantu tuh i,” tiin ti i. Ciafangin Jacob in a pa Isaac ai biahnak Pathian hming in cukcam ai thukham i.

2 Samuel 22:48

Kaimah caah phu a zultu heh amah i, Miphun tampui i hniaah dah i.

1 Sansiarnak 12:18

Ciafangin, “Sawmthumte,” songah hotu a canglehtu Amasai vumah rauhla hleng ai ani in: “Aw David, na minung i ing; Aw Jesse ai fapa, nangmah lam ṭang i ing. Na vumah daphnak um tuseh, Na bawmtute hnenah hlamuanghnak um tuseh, Pathian na hnenah um i,” ti i. Cen David in anite khiah amah ai minung tuhin bawn ai a ralkap songah hotu tuhin dah i.

Job 5:8

Kai tu nang i inglai, Pathian lamah let tuh ing, I thu heh a hnenah hlenpui tuh ing.

SAAM LABU 35:1

Aw Bawipa, i ralte tu ral tu ve lai, I tawngtute tawng tu ve.

SAAM LABU 43:1

Aw Pathian, i thu i rel sah tulai, Pathian ling lotute ai hmaiah, Sual nai lo i ihnak heh i tlan sah tu.

SAAM LABU 94:1

Aw Bawipa, nang tu phuzultu Pathian isi; Na thinrawhnak larruai tu.

Rom Pawlpi Hemih Paul Laikuat 12:19

I rualte, zaikom inkhai phuzul tum mah ih; Pathian thinrawhnak sawn in ciami heh bawn tuseh. Zaimantifangin Lai Thianghlim songah, “Kaimah in phuzul tuh ing; Kaimah in rulthun tuh ing, tiin Bawipa in ti i,” tiin um i.

1 Piter 2:23

Mi in zohsuam fangin zohsuam thun ve lo i; harsa a tuar fangin lim thun ve lo i. Ikhalselai dikcanglairelhnak thawn thu a khantu Pathian sawn rinsan i.

Thupphuan 6:10

Cawm roh in au tlang ai, “A thianghlimmi le a dikmi Hmualnaiber Bawipa, laivum minung kin thisan a luangruaitute heh zaikom tian phuzul loin le cawh loin zuah tuh isi?” ti tlang i.

Thuṭhentule 11:27

Na vumah thil tisualhnak zaikhai nai lo i ing. Nangmah sawn in kin tawng manin na mawh i. Bawipa tu thukhantu i ai tunnia ah Israel mite le Ammon mite lakah thu kin khan tuh ihang,” tiin ti i.

1 Samuel 20:1

David tu Ramah khua hiang Naioth khua an tlan le Jonathan hnenah hleng ai a hnenah, “Ziang thil sual bawn ing? Ziang mawhhnak nai ing? Na pa vumah ziang thilsual bawn manin hetihin i rek tum i?” tiin ti i.

1 Samuel 24:15

Aisu sawn kin mawh i, ti khiah Bawipa Pathian in kin sik kawm tuhai kin rel sah tuh i. Hemi thula tu Bawipa in tawlrel tuseh; i ṭan tu selai i o tuseh,” tiin ti i.

1 Samuel 26:23

Midik le rinsantlak minung tu Bawipa in a phatman pe i. Nang tu tunnia ah Bawipa in i kut songah na dah i. Ikhalselai Bawipa ai rilhnak kumpibawi na imanin zaikhai na ti lo ing.