1 Samuel 20:3 - Zanniat Bible

³ Cen David in, “Nangmah in kai tu zaitluk i it isi ti khiah na pa in a ling manin a tumhnak tu na thin ur tuh a lau manin na lingruai tum lo i. I thi tuhhnak ah kal khat lek sam i, ti khiah Bawipa hming in thukham ngam ing,” tiin ti i.

Khualsim Bible

³ David ni khaw, “Nang ni a ma daw ti hi na pa ni a tiah; culeh, ‘Jonathan ni ahi cu tiah hlah se law, a ngaihsia pang lei-a,’ tiah a ti. Ihmansela Bawipa a nun mangin leh namah rori na nun mangin, kamah leh thihnak lakkarah hin kal khat ceu a om,” tiah a ti.

Falam Common Language Bible

³ Cule David in, “Nangmah in kei hi ziangtluk i duh ti cu na pa in a theih ruangah a tumtahmi cu na thinlung natter ding a phan ruangah lo theihter a tum lo a si. Ka thihnak ah kar khat lawng a sam ti cu Bawipa ih hmin in ka kam ngam a si,” tiah a ti.

1 Samuel 20:3 ပူးပေါင်းရင်းမြစ်များ

2 Samuel 15:21

Ikhalselai Ittai in, “Aw kumpibawi pa, Pathian hming sal in thu na kham ing. Nangmah na feh hmuncang ah, thihhnak hmun ita inkhai feh tuh ve ing,” tiin ti i.

2 Siangphahrang 2:2

a vak kawm laitak ah Elijah in Elisha hnenah, “Nang tu heta ah um tu. Kai tu Bawipa in Bethel ah feh i ruai i,” ti i. Ikhalselai Elisha in, “Bawipa ai hming sal in le nangmah ai nunhnak thawn thu na kham ing: letsan tuh hrimhrim lo ing,” ti i. Ciamanin amahte pahnih in Bethel ah feh kawm i.

2 Siangphahrang 2:4

Cen Elijah in Elisha hnenah, “Nang heta ah um tu. Kai tu Bawipa in Jericho ah feh tuhin i ruai i,” ti i. Ikhalselai Elisha in, “Bawipa ai hming sal in le na nunhnak thawn thu na kham ing: Na hlum tuh hrimhrim lo ing,” ti i. Ciamanin Jericho ah feh kawm i.

2 Siangphahrang 2:6

Cen Elijah in Elisha hnenah, “Nang heta ah um rih tu. Kai tu Bawipa in Jordan Runpui ah feh tuhin i ruai i,” ti i. Ikhalselai Elisha in, Bawipa ai hming sal in le na nunhnak thawn thu na kham ing: Na hlum tuh hrimhrim lo ing,” ti i. Ciamanin amahte pahnih in feh kawm ai,

SAAM LABU 116:3

Thihhnak rihual in i pen ai, a kihkul hlanmual in i nong amam manin, Donharhnak le thinlauhnak in i dim i.

Jeremiah 38:16

Ciamanin kumpibawi Zedekiah in a thupniu in cukcam in thu i kham ai, “A nungmi Pathian hming sal in thu na kham ing; na rek tuh hrimhrim lo ing; na rek a nuamtute kut songah khai na pe tuh lo ing,” tiin i ti i.

Jeremiah 4:2

kaimah hming sal in cukcamhnak ning bawn fangin thudik le dikcanglairelhnak le dikfelhnak thawn bawn le i sikhaw ning caah pha tuh hlen i. Ciatihin miphun hmuahhmuah in amahte vumah hmuifu pe tuhin i ngen tuhai thang i phat tlang tuh i,” ti i.

Daannolhnak 28:66

Ning nunhnak tu thinpithnak lekin dim tuh i. A sun a zan in ning hlawng tuh derdo ai thi tuh lau in thincawl in um tuh i si.

Daannolhnak 6:13

Bawipa ning Pathian ian kihzah tu ih. Amah lek ruaih tu ilai amah hming lekin thukham bawn tu ih.

Hebru 6:16

Mi pakhatkhat in cukti ding fangin amah tahin a lianmi ai hming sal in bawn lekhaw thu eldunhnak um thil nawn lo i.

1 Samuel 1:26

Ciafangin Hannah in, “Bawipa, i hai zo isim? Heta ah ding in Bawipa hnenah saw a ngentu nupang nu khiah kaimah ing.

1 Samuel 17:55

Goliath tawng tuhin David a feh khiah Saul in a hmu fangin a ralkap hotu ralbawipa Abner ko ai, “Khia naupang pa tu aisu i? tiin zawt i. Abner in, “Aw kumpibawi pa, aisu i ti ling lo ing,” tiin sawn i.

1 Samuel 20:2

Ciafangin Jonathan in, “Pathian in na thi tuh heh na siang maseh. I pa ai a bawnhnak hmuahhmuah heh thupui ituseh, thu nepnawi ituseh i rel sio de i. Rek na tum selai pheh tuh lo i. I rel tuh i,” tiin ti i.

1 Samuel 20:4

Jonathan in, “Bawn tuh na i daihsahhnak hmuahhmuah bawn tuh ing,” tiin ti i.

1 Samuel 25:26

Na ralte vumah phuzulhnak bawn loin le na ralte rek loin na um dehnak tu Bawipa Pathian in na kilkhawl manin i. Cen na ralte le nangmah na siatsuah nuamtute tu Nabal bangin cawhhnak tuar tuh i, tiin a nungmi Bawipa hming in tunin thukham ngam ing.

1 Samuel 27:1

David in a thinlung niu in, “Nikhat khat ah Saul in i rek tuh i. Kaimah ca Filistin ramah tlan heh a pha ber tuh i. Ciatihin tlan lio lengkhaw Israel ram songah Saul in i si tuh nawn lo ai i him tuh i,” tiin ruat i.