1 Samuel 2:10 - Zanniat Bible

¹⁰ Bawipa a raltute tu siatsuah tuh sek i; Vancung in khuari bangin tlir tuh dumdo i. Bawipa in laivum pumpuhluk thu rel tuh i; A kumpibawi hnenah hathnak pe tuh i; A rilciahnak kumpibawi tu nehtu cangruai tuh i,” ti i.

Khualsim Bible

¹⁰ Bawipa cu maw! A doralle cu an kekkuai thok; Cungnung Tleng ni vancung in khua a rithnawh hngai thok. Bawipa ni vulei ih dengnakpawl thu a ṭhen hngai thok; a siangphahrang cu thazaang a pia thok, cun a thathau hnulhmi ih huham a cawisang thok.

Falam Common Language Bible

¹⁰ Bawipa a dodaltu pawl cu siatsuah thluh an si ding; Vancung ihsin khawri bangin a run tlir hai ding. Bawipa in leilung pumpi thu a rel ding; A siangpahrang hnenah cahnak a pe ding; A hrilciami siangpahrang cu nehtu a siter ding,” a ti.

1 Samuel 2:10 ပူးပေါင်းရင်းမြစ်များ

2 Samuel 22:14

Cen Bawipa tu van in khuari bangin rung i, Cungnungber Bawipa aw za i.

2 Samuel 7:13

Kaimah caah biakinn sa tuhai a tesinfate ai ram ukhnak tu a kumzangza in kho tuh i.

2 Samuel 7:8

Ciamanin David heh rel tulai Kaimah Cungnungber Bawipa ai i ponghnak tu hetihin i: i minung Israel mite konghoitu tuhin nangmah heh hampalak ai tuu na khalh hmun in na ko ing.

Job 40:9

Nangmah heh kaimah tluk in na hat awm? Na aw tang kaimah ai aw khuari bangin cawm awm?

SAAM LABU 132:17

David ai tesinfa pakhat tu, Kumpibawi cangruai tuhai, I rilhnak kumpibawi ai ukhnak tu, heta ah khoruai tuh ing.

SAAM LABU 148:14

A minungte ai ram tu hatruai i, Ciatihin a ithnak Israel miphun, Amah ai minung hmuahhmuah in thangphat tlang tuh i. Hallelujah!

SAAM LABU 2:2

Bawipa le a thaupawh mi kumpibawi engsan ai, A kumpibawite ral tho tlang i; A hotute ṭang tlang in engsanhnak ngaisung ai,

SAAM LABU 2:6

“I mual thianghlim, Zion mual vumah, I kumpibawi to ruai zo ing, ti i.

SAAM LABU 2:9

Thirfung in a khoi tian nangmah in seu tuhai, Lai bel seuhnak a khoi bangin nang in seu tuh isi,” tiin ti i.

SAAM LABU 20:6

Thau a pawhhnak kumpibawi tu, Bawipa in bawm i, ti ling ing. A vancung thianghlim in a auhnak ngai sah ai, A kiahhan lam kut in minehtu cangruai i.

SAAM LABU 20:7

Mi hrekkhat in raltawnghnak siphuhleng ring i; A hrek in a siphuh ring i: Ikhalselai kin cenin Bawipa kin Pathian ai hathnak ring i ing.

SAAM LABU 21:1

Aw Bawipa, kumpibawi tu na hathnak ah a lungawi i. Nehtu na cangruai manin anghnak in dim i.

SAAM LABU 28:8

Bawipa in a minungte hup i. A rilhnak kumpibawi heh ṭan ai o i.

SAAM LABU 45:7

A pha na daih ai a pha lo heh na hua i; Ciamanin Bawipa na Pathian in na ril zo ai, Kumpibawi dang hmuahhmuah tahin na vumah anghnak thau na burh zo i.

SAAM LABU 89:17

Ral nehhnak lian ngaingai pe isi; Ning kin hio ai nehtu ah kin bawn isi.

SAAM LABU 89:24

Ani tu a kho ngai ithnak thawn it tuhai, Kaimah in ngaihhar tuh ṭio ing. Ral nehtu ṭio in bawn tuh ing.

SAAM LABU 89:25

A ukhnak ram tu Mediterranean Tifingriat in Euphrates Runpui tian kauruai tuh ing.

SAAM LABU 96:13

Zaimantifangin laivum uk tuhin Bawipa heh kawi i; laivum mi hmuahhmuah heh dikcanglairelhnak le felhnak thawn uk tuh i.

SAAM LABU 98:9

Zaimantifangin laivum uk tuhin Bawipa kawi ihang; Amah in laivum pumpuhluk ai minung hmuahhmuah heh, Dikcanglairelhnak le felhnak thawn uk tuh ihang.

Suahhlannak 15:6

Na kiahhan lam ban thahat tu, Maw Bawipa ngaihsunurkul ze i. Na kiahhan lam ban thahat tu, Ralte a seusektu i.

Thusimtu 11:9

Aw mino, na no laiah ang ngai in um tu; Na no lai can heh pha bik in hmang tu. Na thinlung daihhnak le, Na mit ai na hoihnak ah hlun tu. Ikhalselai hemi thil hmuahhmuah manin Pathian in na thu na khan tuh i, ti ling tu.

Thusimtu 12:14

Pathian in zaizongza kin bawnhnak vumah thukhan tuh i; a pha ituseh, a hnawm ituseh, a thupniu in kin bawnhnak vum tianin thukhan leh tuh i.

Isaiah 29:6

Cungnungber Bawipa in a roh ngai hli le ruah, khuari le tlek tla le hlinhlin songin na o tuh i, hlisia le a ko hluahhlo mai na hlak tuh i.

Isaiah 32:1

Ni khatkhat ahcen a fel ngai kumpibawi um tuhai dikcanghnak thawn napertu ram pumpuhluk hotute khai um tuh i.

Isaiah 45:24

“Kaimah hnen lek ah nehhnak le hathnak um i, ti khiah phuang tuh ṭen i. Ikhalselai i huatute in zakthihnak tuar tuh i.

Ezekiel 29:21

“Ciabang thil a hleng fangin Israel tu miphun hat ngai in bawn tuhai nang Ezekiel tu mi zongzong ai na zathilhnak hmun an na pongruai tuh ing; ciatihin Bawipa ing ti khiah i ling tuh i,” tiin ti i.

Matthai 25:34

Cen kumpibawi in kiahhan lamai a umtute hnenah ‘Kawi tu ih, i Pa ai hmuifu a pe mite! Kawi tu ilai laivum sem ngom in ning caah a remmciahnak vancung Ukhnak heh co tu ih.

Matthai 28:18

Jesuh tu amahte nong ah kawi ai anite hnenah, “Lai le van ai thunaihnak hmuahhmuah heh kaimah hnenah i pe zo i.

Luka 1:69

Kin caah a thawmlian otu suakruai zo i. Ani tu Bawipa ai cengfa David ai tesinfa i.

Luka 19:27

Cen a kumpibawi tuhin i daih lotu i ralte tu heta ah koih tu ilai i mithmuh ah rek tu ih,’ ti i,” tiin Jesuh in rel i.

Tirhthalahle 10:38

Nazareth mi Jesuh vumah zaibang in Pathian in Rauhla Thianghlim le huham burh i ti khai ling sio i si. A hnenah Pathian a um manin khuahacang ah feh ai thilpha bawn betbo ai Satan ai hnawmcan mite hmuahhmuah cakruai sio i.

Tirhthalahle 4:27

Zaimantifangin Herod le Pontius Pilat in Messiah ai na rilhnak na Cengfa Thianghlim Jesuh tawngcai tuhin he khuapui songah Gentile mite le Israel mite thawn taikhawm tlang ngaingai i.

2 Korin 5:10

Zaimantifangin thukhan tuhin kin veksen Khrih hmaiah ding leh tuh ising. Aisusu khai a pha ituseh, a hnawm ituseh a nun songah a bawnhnak bang cekci in ngah tuh i.

Thuṭhentule 5:31

Ciamanin, Aw Bawipa, Na ralte tu pairal tuseh, Ikhalselai nangmah na ittu cenin, Zing lamai a suakhnak ni bangin hat tuseh. Cen ram songah raldaphnak kum sawmli song um i.

1 Samuel 12:13

Tunin ning rilhnak kumpibawi um zo ihang. Ning ngenhnak i ai Bawipa in ning pe i.

1 Samuel 12:17

Tun tu khuakhal can ilo im? Sawngen tuhai Bawipa in khuariruai tuhai ruahsiruai tuh i. Ciami ning hmu fangin Bawipa hnenah kumpibawi ning ngen manin Pathian hnenah sualhnak lian ngai bawn i si, ti khai fiang ngai in ling tlang tu i si,” tiin ti i.

1 Samuel 12:18

Ciafangin Samuel in sawngen ai cia nia rori ah Bawipa in khuariruai ai ruah khai siruai i. Cen mi zongzong in Bawipa le Samuel heh kih ngai i.

1 Samuel 12:3

Tun ning hmai rori ah um ing. Thil sual i bawnhnak pakhatkhat um lekhaw Bawipa Pathian le amah ai rilhnak kumpibawi hmaiah tunin ning lungkhim lohnak phuang tu ih. Mi kawlpaw lang awng aw ing? Mi laak ru awng aw ing? Mi pakhatkhat zawl ai cawh awng aw ing? A dik lo ai i langhnak um lekhaw i langhnak zah in rul leh tuh ing,” tiin ti i.

1 Samuel 15:28

Ciafangin Samuel in, “Bawipa in tunnia ah Israel ram ukhnak heh na hnenin lang ai nangmah tahin a pha deuhmi hnenah pe zo ihang.

1 Samuel 16:1

Bawipa in Samuel hnenah, “Zaicam tian Saul caah lung na sia tuh i? Israel kumpibawi a ihnak in hnawl zo ing. Ciamanin olive thau tlawmniu in lang tulai keng tu. Bethlehem khua ai Jesse tihnak pa hnenah na hlat tuh ing. Zaimantifangin a fapate lakin pakhat heh kumpibawi tuhin ril zo ing,” tiin ti i.

1 Samuel 7:10

Samuel in hibawlhnak a sel betbo laitak ah mangrinlo in Filistin mite in tawng dekdo i. Ciafangin Bawipa in van in khuaripui tlir dumdo ai Filistin mite tu thinlau in buai ai tlan tlang sek i.