1 Samuel 12:3 - Zanniat Bible

³ Tun ning hmai rori ah um ing. Thil sual i bawnhnak pakhatkhat um lekhaw Bawipa Pathian le amah ai rilhnak kumpibawi hmaiah tunin ning lungkhim lohnak phuang tu ih. Mi kawlpaw lang awng aw ing? Mi laak ru awng aw ing? Mi pakhatkhat zawl ai cawh awng aw ing? A dik lo ai i langhnak um lekhaw i langhnak zah in rul leh tuh ing,” tiin ti i.

Khualsim Bible

³ Hinangah ka om hi! Bawipa hmaika leh a thathau hnulh-mi hmaikaah sual ma puh hnik uh. ahu ih cawpetuum ka la ta? Iklole ahu ih laak ka la ta? Iklole ahu ka deu ta? Ahu ka namneh ta? Thil pakhatkhat ka mit ni hmu lo dingah ahu ih kut in nawhthuh ka la ta? Ma ralsanin thu diinpi u la a tan sawnṭhan hngai taw ing,” tiah a ti hngai.

Falam Common Language Bible

³ Atu-ah nan hmaika ah ka um. Thilsual ka tuah mi pakhatkhat a um asile Bawipa Pathian le amah ih hrilmi siangpahrang ih hmaiah atu-ah nan lungkim lonak phuang uh. Mi caw ka la dah maw? Mi laak ka ru dah maw? Mi pakhatkhat ka bum in ka neh-nen dah maw? Zo ih hnenin nawhthuh ka la dah maw? A dik loih ka lakmi a um a si ahcun ka lakmi zat in ka sam sal ding,” tiah a ti.

1 Samuel 12:3 ပူးပေါင်းရင်းမြစ်များ

2 Samuel 22:22

Bawipa ai i hmuhhnak lampui hlun ing; I Pathian hnenin pial lo ing.

Nehemiah 5:11

Tun rori in amahte lo, cabit vuan, olive vuan le innte heh pe tlang leh tusek ih. Tangka maw, fangcang maw, cabitti maw, olive thau maw, a bahnak hmuahhmuah tunai panin map tusek ih,” ti ing.

SAAM LABU 15:5

Tangka khang thawn midang a put lotu le Mawh nai lo mawhphurruai tuhin nawhthuh a lang lotute i tuh i. Hemi bang ai a bawntute tu tlu tuh awng lo i.

Suahhlannak 20:17

“Mi thil ot mah ih. Mi inn ituseh, mi nupui le mi salte ituseh, a kawlpawte, a siphuhte le midang ai naihnak hmuahhmuah ot tuh lo i si,” tiin ti i.

Suahhlannak 23:8

Nawhthuh lang tuh lo i si; zaimantifangin nawhthuh aitu in, a nawhthuh aihnak in a mit cawruai manin, thudik hmu thil nawn lo ai mawh nai lomi ai lampui khai pitruai sio i.

Aanroling 15:27

A dik lo ze in miathnak ngah tum lesikhaw, Na innsang hnokruai tuh isi. Nawhthuh lang malai nun na sau tuh i.

SUANGBAWI LAIBU 6:4

Hetih bangin sual lekhaw a dik lo ai a ngahhnak imanin kuan leh tu tengteng seh. Mawh i tiin a ling nia ah a naitu pa hnenah a khimniu in a rul leh hlaiah zatek ah kul bet tuseh.

Mipun Siarnak 16:15

Ciafangin Moses tu a thinraw ai Bawipa hnenah, “Hemite in hibawlhnak tu zaikhai sang sah mah. Anite kalauk lu khat bangkhai lang sah awng lo ing. I zohsuamhnak pakhat khai um lai lo i,” tiin ti i.

Matthai 22:21

Anite in, “Kumpibawi ai hmuihmel le hming!” tiin ti tlang i. Ciafangin Jesuh in, “Ciatih ilekhaw Kumpibawi ai tu kumpibawi pe tu ih; Pathian ai tu Pathian pe tu ih,” tiin sawn i.

Luka 19:8

Zakia tu ding ai Bawipa hnenah, “Bawipa, i ngai tu! I naihnak ai a hrek heh mifarahte pe tuh ing; cen i zawlhnak um lekhaw a let li in rul leh tuh ing,” tiin ti i.

Tirhthalahle 20:33

Aisu ai tangka, sui le hnikpon khai ot awng lo ing.

2 Korin 12:14

Tun heh ning tlawng tuhin i tum a vel thumhnak ihang, zaikhai ning ngen tuh lo ing. I daihhnak tu ning paisa ilo i, ningmah i si. Thungai in ti fangin fate in mah ai nu le pa heh cawm tuhhnak ihang cuanglo i; nu le pa sawn in fate tu cawm tuh sawnhnak i.

Daannolhnak 16:19

A dik lo le ṭanbul nai in thukhan mah ih; cen nawhthuh khai lang tuh lo i si; zaimantifangin nawhthuh in mifim le mifelte ai mit tianin cawruai ai thukhanhnak sualruai de i.

1 Thesalon 2:10

Ningmah a sangtute lakai kin umdan heh a thiang le a dikmi, sawi pha um lo i. Hemi thu ah ningmah rori heh kin lingpuitu ning i bangin Pathian khai kin lingpuitu ve i.

1 Thesalon 2:5

Ning linghnak bangin ning hnen i hleng awng laiah ningmah porhhnak ponkam hmang lo ing; kin pamhaphnak huptu tuh ponkam khai hmang lo i ing; Pathian tu kin lingpuitu i.

1 Piter 5:2

Pathian ai ning pehnak tuurual khaltu cang tu ih; ai-im kongin a khaltu ilo in Pathian ai daihhnak bangin thintha tho ngai in a khaltu cang tu ih. Naper fangin hlawhman ngah hiam manin ilo in daihhnak taktak thawn per tu sawn ih.

1 Samuel 10:1

Cen Samuel in Olive thau palang pakhat lang ai Saul lu vumah burh ai Saul heh a thut hnuaah, “Bawipa in a miphun Israel mite uktu tuhin Nangmah heh thau na pawh i. A minungte uk tuhai amahte ral kut songin luatruai tuh isi. A minungte uk tuhin na ril zo ihang, ti lingthilhnak tu hetihin i tuh i:

1 Samuel 12:4

Ciafangin Israel mite in, “Aisu khai kin zawl lo isi; kin cawh lo ai aisu hnen ahkhai zaikhai lang awng lo isi,” tiin ti tlang i.

1 Samuel 12:5

Cen Samuel in, “Tunnia ah mawhhnak nai loin ning hmuhnak ahhen kin lingpuitu heh Bawipa Pathian le amah ai rilhnak kumpibawi i,” tiin ti i. Ciafangin anite in, “Bawipa tu kin lingpuitu i,” ti tlang i.

1 Samuel 2:35

Cia hnuaah kaimah ca rinsantlak mi suangbawi pakhat ril tuhai bawn i nuamhnak hmuahhmuah bawn tuh sio i. Tesinfa tampui pe tuhai anite tu i rilhnak kumpibawi hmaiah na ruaih tuh de i.

1 Samuel 24:11

Sik tu, i bawipa, na korfual hmur niu i awhhnak heh! Kaimah rori in cem ing. Ikhalselai na rek lo ing. Hemi na hmu fangin na tawng tuhin le siatsuah tuhin tumhnak nai lo ing, ti na fiang tuh i. Nang cenin rek tuhin i si hnelhno napui khalsikhaw kai cenin zaikhai na ti awng lo ing.

1 Samuel 24:6

a minungte hnenah, “Pathian in kumpibawi in a rilhnak i bawipa heh tuahmawh tuh loin Bawipa Pathian in i kil tu hram seh. Pathian ai a rilhnak kumpibawi imanin ani tu siatsuah tuh hrimhrim lo ing,” tiin ti i.

1 Samuel 24:7

Cen David in a minungte tu Saul rek tuh loin rel i. Saul tu tho ai lungkhukua songin suak ai feh i.

1 Samuel 26:11

Pathian in kumpibawi a cangruaimi tuahmawh tuh heh Bawipa Pathian in i siang hram maseh. A faipui le a tithawl lang ngasing khaw feh ngasing,” tiin ti i.

1 Samuel 26:9

Ikhalselai David in, “Tuahmawh hrimhrim malaw. Bawipa ai rilhnak kumpibawi a tuahmawhtu hmuahhmuah heh cawhhnak tuar tuh rori i.